خالتي اتحللت وعفنت وهي عايشة والسبب خطير

 
خالتي اتحللت وعفنت وهي عايشة والسبب خطير
وقبل ما بدأ حكايتي اعرفكم بنفسي انا اسمي سمر عندي 24 سنة وعايشة مع مع خالتي اللي مليش غيرها وحكايتي بدأت من وانا عندي 10 سنين وخالتي كانت لسه في العشرين وكانت جدتي لسه عايشة في الوقت ده وفي يوم لقيت جدتي بتقولي لما جالها خير امي بابا وماما راحوا في حادثة
الجده
يا حبيبتي ياسمر ياصغيرة ياقلب تيتة ياللي اتيتمتي بدري وفضلت تعيط
سمر
هما بابا وماما خلاص راحوا يا تيتة وانا مش هاشوفهم تاني خلاص انا عايزاهم يا تيتة انا مش هقدر اعيش من غيرهم
ردت خالتي وقالت
هيام
الله جرا ايه يا بت ما ستك بتقولك ان امك وابوكي راحوا خلاص هي هتجيبهم لك منين يعني
الام
براحة عليها يا هيام البنت قلبها واجعها على امها وابوها بصي ياسمر يا حبيبتي انتي هتيجي معانا
البيت عشان تعيشي معايا انا وخالتك يلا ياحبيبتي
سمر
حاضر يا تيتة انا هاجي معاكم وبعدها مشينا روحنا البيت اللي في منطقة شعبية وخالتي قالت
هيام
اسمعي يابت انتي انا مش عايزاكي كل شوية تفضلي تنوحي وتعيطي وقولت لك خلاص امك وابوكي مش راجعين انتي تقعدي زي الجزمة كده هنا ومسمعش صوتك انا مش عارفه ياما انتي جبتي لنا البت الندابه دي في البيت ليه
الام
يابنتي انتي بتتكلمي معاها كده اومال يعني كنتي عايزاني نوديها فين بعد ابوها وامها ما راحو يا هيام اتقي الله في بنت اختك شوية البت لسه عيلة صغيرة
هيام
ياما ماهي الملاجئ ماليه الدنيا ماحنا كنا وداناها اي ملجأ وخلصنا من همها وقرفها هو انتي يعني معاشك هيكفي ايه ولا ايه
الام
ينهارك اللي مش فايت يا هيام انتي عايزة تودي بنت اختك

ملجأ ينيلك بت انتي ازاى تفكري كده اسمعي يا هيام بنت اختك دي هتفضل عايشة معانا هنا هتاكل وتشوب وتعيش احسن عيشة وبعدين انتي بتتكلمي في مصاريف ده ربك هو اللي بيرزق مش انتي اللي هتجيبي لها واعملي حسابك انا لو رحت انتي متقصريش معاها وتخليكي كويسة معاها انتي سامعه
هيام
ايوه ما أنا عارفه اني مش هخلص منك طيب ياما اصرفي بقا ووديها مدرسة ودروس وهاتي لها لبس وامل واعملي اللي تعمليه
قالت كلامها ودخلت الاوضة وجدتي قالت
الام
هيعمل يا هيااام هعمل وانتي ملكيش دعوة بحاجة وملكيش دعوة ببنتك اختك انتي سامعة ولا لا
سمر
هي خالتو بتقولك توديني ملجأ يعني ايه يا تيتة ملجأ دي انا مش فاهمة
الجده
ولا تحطي في دماغك يا حبيبتي بصي يا سمر انا بقا عايزاكي تبقى شاطرة في دروسك ومدرستك يا حبيبتي عشان لما تكبري مفيش حاجة هتنفعك الا شهادتك
سمر
حاضر يا تيتة انا لما عايزة اطلع دكتورة لا لا بلاش دكتورة عشان ماما وبابا راحوا والدكتورة معملتش ليهم حاجة
الجده
طيب ما انتي ممكن تطلعي دكتورة وتعرفي تعملي اللي الدكاترة معرفوش يعملوه ولا ايه
سمر
لا تيتة انا هطلع مدرسة زي مس رشا اللي بطبطب عليا وبحس انها حنينة عليا ومش زي خالتو خالص هي خالتو ليه مش بتحبني
الجده
مين بس اللي قال كده يا سمر دي خالتك هيام بتحبك خالص هي بس اللي عصبيه شوية انتي بقا حاولي تسمعي كلامها وتقولي لها نعم وحاضر وةيا خالتو وهي مش هتعملك حاجة
سمر
حاضر يا تيتة هاروح افتح الباب
وفي الوقت ده الباب خبط وكانت ام جمال جارت تيتة وقالت لي
الجارة
ازيك يا سمر عامله ايه ياحبيبتي وحضنتني وقالت
الله يرحمها امك كانت ونعم الناس هي وجوزها المحترم
سمر
الله يسلمك يا طنط ام جمال اتفضلي ادخلي تيتة جوه اهيه
ودخلت وقالت
الجارة
ازيك ياحجة فوزية عامله ايه يا حبيبتي انا قولت اجي اطمن عليكي واشوفك لو محتاجة حاجة
فوزية
فيكي الخير يا حبيبتي تسلمي يا ام جمال انتي منوره الدنيا كلها والله
الجارة
يا حبيبتي ربنا يصبر قلبك انا عارفه الا الضانا لا وكمان الله يرحمها شيماء كانت ونعم الناس هي الدنيا كده مش بتاخد غير الناس الحلوه وبس
فوزية
ربنا يرحمها انا عارفه ان بنتي في مكان احسن دلوقتي اكيد ربنا حايش لها الأحسن في الجنة ان شاء الله
الجارة
إن شاء الله يا حبيبتي اكيد طبعا دي سيرتها كات زي الفل بعكس خالص يعني اااا ولا بلاش عشان متزعليش مني
فوزية
قصدك هيام الله يهديها يا ام جمال انا عارفه انها لسانها طويل وعارفه الناس بتقول عليها والله انا خايفه من كتر ما العرسان بتيجي وتسمع سيرتها تتفطش تعنس وتفضل عايشة جنبي كده
الجارة
انا والله مش عارفه الناس المؤذية دي هتستفاد ايه بس ماهي بنت ومن حقها تفرح في حياتها
وفي اللحظة دي خرجت خالتي هيام من جوه وهي لبسه هدومها وقالت
هيام بتريقة
مين ام جمال وانا اقول ايه النور ده اتاريكي عندنا هنا بس تصدقي انتي طلعتي فيكي الخير اهو ده انتي حتى مجتيش تعزينا في اختك ايه اللي فكرك بينا كده فجأة
الجارة
معلش يا هيام انا والله يابنتي كنت مشغوله مع بنتي أصلها كانت والده عقبالك كده في بيت العدل ان شاء الله يارب
هيام
طيب ياختي بس برضو ده واجب ولا انتي مبتعرفيش في الواجب
فوزية
بت يا هيام ما تتلمي يا بت ايه الكلام بتاعك ده وبعدين الست كتر خيرها عندنا اهيه وبتعمل الواجب انتي عايزة ايه تاني
الجارة
سبيها تقول اللي تقوله يا حجة فوزية انا عارفه انها عندها حق والله بس هو اللي كان غصب عني بس على العموم انا خلاص اطمنت عليكي هاقوم انا امشي بالاذن
هيام
لا ياختي بالاذن ليه خليكي قاعده انا اللي هنزل انا رايحة مشوار ياما وراجعة مش عايزة حاجة من تحت اجيبها معايا وانا راجعة
سمر
هاتي لي حاجة حلوه معاكي
هيام
اقعدي يابت انتي ساكتة انا لا بجيب حاجة حلوه ولا حاجة وحشة قولي لستك ياختي تجيب لك
وخرجت ورزعت الباب وراها وتيتة قالت
فوزية
شوف البت وكلامها تكسر خاطر عيلة زي دي ليه بس انا مش عارفه البت دي طالعه لمين كده لابوها الله يرحمة كان كده ولا انا كمان واظن على يدك يا ام جمال
الجارة
معلش يا حجة فوزية هيام بنتك شابه وطايشة ربنا يهديها يارب
فوزية
يعني تكسر خاطر البت كده يا ام جمال ينفع كده شوفي البنت قاعده حزينة ازاى ده بدل ما تطبطب عليها وتاخدها هي من نفسها تجيب لها اللي عايزاه
الجارة
خلاص بقا يا ست فوزية واذا كان على طمر انا هاخدها عند البقال اجيب لها اللي هي عايزاه كله وارجعها تاني
فوزية
كتر خيرك يا ام جمال والله طيب خودي يا حبيبتي الفلوس دي هاتي لها اللي هي عايزاه
الجارة
اخس عليكي ياست فوزية هو انت بتشتميني ولا ايه ياختي طب ده انتي حتى خيرك عليا وعلى الحتة كلها ملكيش دعوة انتي تعالي يا سمر معايا
ونزلت مع طنط ام جمال وفي مكان تاني قاعده خالتي مع واحد اسمة سعيد وبتقوله
هيام
بقولك ايه يا سعيد انت شكلك كده عمال بتسرح بيا وانت بقا متعرفش انا مين انت ايه حكاية معايا بالظبط يا سيدي
سعيد
ليه بس الكلام ده يا هيام هو انا عملت ايه عشان ده كله وبعدين ما أنا قايلك اني بخلص شقتي وان شاء الله بس اخلص الدنيا دي