خالتي اتحللت وعفنت وهي عايشة والسبب خطير

اد ايه كده وفين العربية هو مش المفروض واحد زيك كده بيشتغل في شركة حلوه يبقا عنده عربيه
احمد
بصي حضرتك هو انا عندي شقة في بيت والدتي شقه كويسة جدا وواسعه وان شاء الله تبقوا تيجو تتفرجوا عليها انما عربيه دي لا معنديش الصراحة وبعدين يعني يمكن ربنا يكرمني انا وسمر بعد كده ونجيبها
هيام
ااه ما انت بقا عينك من مرتب البت يا حبيبي انت تصرف عليها ومن مجاميعوا بس انا بقا مش موافقه انا اللي يجي ياخد بنت اختي يكون عنده عربيه وعنده شقه يمرح فيها الخيل غير كده مش هقبل
سمر
ايه الكلام ده يا خالتو بس انا مش عايزة عربيات ولا غيره انا كفايه عليا اني اعيش مع احمد وخلاص
هيام
اسكتي انتي عارفه مصلحتك فين انتي تخرسي وانا بتكلم
ردت ام احمد وقالت
الحما.
هو جرا ايه ياست انتي عماله تتشرطي علينا زي ما تكوني ساكنة في قصر واحنا مش واخدين بالنا وبعدين دول شباب ولسه بيكونوا نفسه
هيام
بقولك ايه يا وليه انتي انا قولت اللي عندي ومش عجبك خودي ابنك ده وامشوا من هنا يلا بالسلامة
الحما
يلا بينا يا احمد انت ايه الناس اللي جيبنا عندهم دول
سمر
انا اسفه يا طنط والله وانت يا احمد حقك عليا انا اسفه
الحما
اسمعي يا بنتي انا ابني ده ابعدي عنه خالص يلا بينا
ومشيوا وانا قولت لخالتي
سمر. حرام عليكي حسبي الله ونعم الوكيل فيكي انا كنت عارفه انك هطلعي عقدك عليا منك لله ياشيخة وسبتها ودخلت اوضتي وانا منهارة وهي قالت بصوت عالي
هيام
بقا كده ياسمر انتي بتحسبني عليا في وشي طيب ورحمة امك يابت طول ما انا عايشة مش هتشوفي جواز ولا هتتجوزي عمرك كله وهتفضلي عانس كده زي
وانا قعدت في اوضتي منهارة وجات لها واحده صاحبتها من اللي بيعملوا أعمال ودجل وقالت لها
فتحية
الله هو انتي مزعلك نفسك ليه بس يا هيام هو انتي خلاص مش طفشتي العريس وخلاص انتي عايزة ايه بقا
هيام.
انا متغاظة من البت يا فتحيه تصوري بقت تدعي عليا وتحسبن ماشي يا سمر اسمعي انا عايزاكي تعملي لها عمل البت دي انها تمرض ولا تغور في نصيبة ولا عمرها تتجوز البت حلوه ياختي والعرسان عليها بالطابور
فتحية
خلاص اقطعي عرق وسيحي دمه وبعدين هو انا مش بقولك انك بتعرفي حلو اوي في الفنجان انتي ليه مش بتعملي لك صفحة على الفيس بوك
هيام
وهو انا ياختي بقا هفهم في الفيس بوك بتاعك ده هو انا اعرف فيه حاجة وبعدين الشغلانة مش جايبه همها طيب مانا بقرا للناس ومش باخد لا ابيض ولا اسود
فتحية
ماهو انتي بقا لما تعملي الصفحة وتعملي عليها اعلانات كتير الناس هتيجي لك من كل حتة وتبعت لك الفلوس انتي بس اعملي كده
وبعدها عدت الايام وانا عارفه ان خالتي بقت ماشية في سكة الدجل والشعوذة مع فتحية وهي تقرأ الفنجان وفي يوم قالت لي
هيام
اسمعي يابت ياسمر خودي التليفون ده وادخلي على الفيس واعملي لي صفحة لقراءة الفنجان انا عايزة أوسع شغلي في المجال ده
سمر
ايه الكلام الغريب ده انتي ازاى تفكري تعملي حاجة زي كده هو انتي مش عارفه انه حرام وربنا مش هيبارك في القرش اللي جاي منه وبعدين ماكفايه صاحبتك بتاعت الدجل النصابه دي معلش انا مش هقدر اعمل كده
هيام.
يعني ايه يابت يعني انتي مش عايزة تساعديني طيب غوري في داهيه من قدامي والنبي انا حتة عيل صغير من الحارة اخلي يعملي الصفحة ولا الحوجة ليكي غوري يابت
وبعدها رحت الشغل وقابلت احمد اللي قالي
احمد
أعلى فكرة انا مش زعلان منك انا بحبك يا سمر وعايزك انتي بس لو تسمعي كلامي وتسبي لها البيت وتيجي نتجوز انا وانتي انتي خلاص مبقتش قاصر
سمر
بس انا للاسف يا احمد مش هقدر اعمل كده خوفا حتى من الناس اللي حوالينا الله يخليك يا احمد بلاش الكلام ده وانت تقدر تشوف حياتك مع واحده غيري
احمد
انا مش هسيبك يا سمر وهفضل جنبك وانا خالتك دي انا هعرف اتصرف معاها ولا اقولك احنا نسيبها لربنا وهو المنتقم وهجيب لي حقي انا وانتي منها
وبعدها عدت الايام وخالتي الفلوس جريت في ايديها ولبست دهب وقالت لي
هيام.
شوفتي يابت ياسمر شوفتي الدهب اللي انا جبتة ده كله من فلوس وشقايا ياختي
سمر
وانتي فاكرة ان فلوسك اللي جايه من الحرام دي هتدوم ده مفيش حاجة بتدوم ياخالتي عشان تبقى عارفه
هيام
شوف ياختي البت اللي مش بتحب لي الخير غوري يابت من وشي يا ام غل ولا انتي عشان بقيتي قاعده زي البيت الوقف خلاص بقا هتتمرعي عليا
سمر.
انا مش هتكلم معاكي في حاجة واعملي اللي انتي عايزاه كله بس ربنا مش بيسيب حق حد عن اذنك
وسبتها ومشيت وفتحية جات عندها وقالت
فتحية
تعالي معايا هنروح شغلانة انما ايه هناكل منها الشهد انا مرضتش اروح من غير
هيام
ودي فين دي ان شاء الله كده
فتحية
عند واحده غنية اوي اوي عايزاني اعملها عمل لمرات ابنها هو الطلب اللي هي عايزاه غريب اوي بس انا قولت انتي اللي تقومي بالمهمة دي
هيام
ماشي يلا بينا نروح لهم
وفعلا راحوا والعمل كان ايه الله اعلم وعدت الايام وفي يوم لقيت خالتي صاحيه من النوم الصبح وهي بتسرخ من الوجع اللي في جسمها دخلت وقولت
سمر.
في ايه يا خالتي مالك كده هو انتي تعبانة
هيام
الحقيني وديني المستشفى يا سمر انا عضمي كله بينشر عليا وديني بسرعه يلا
سندت خالتي ورحنا على المستشفى والدكتور عملها اشاعه وخرج وقالي
الدكتور
للأسف الست هيام عندها سرطان في العضم وده هيسبب لها تاكل وتعفن لان السرطان اللي عندها ده علاجة مش متوفر ابدا
سمر
يعني ايه كلامك ده يادكتور يعني خالتي هتفضل تتألم كده وبس
الدكتور
للأسف احنا ممكن نخليها ماشية على المسكنات بس مش هنفةقدر نعالج حاجة فيها ربنا يتولاها برحمتة
ودخلت لخالتي وقالت لي
هيام.
ها ياسمر الدكتور قالك ايه انا عةمي طالع منه نار هو انا مش هخرج من هنا ولا ايه هو انا هفضل كده كتير
سمر
اطمني يا خالتي الدكتور قال انك هتبقي كويسة انا هاروح البيت اجيب لك شوية حاجات وهدوم وارجع لك
ومشيت ورجعت تاني ولقيت حاجة غريبة بتحصل في خالتي لقيت ان عضمها بيتاكل وجسمها زي ما يكون بيتحلل مركبين لها خراطيم في كل حتة وطالع منها ريحة عفن لا تطاق وقولت لها
سمر.
خالتي انتي حاسة بايه هو ايه اللي بيحصل ده
هيام
بتعب انا حاسه ان عضمي بيتاكل ومنشار فيه بصي ياسمر انا هاقولك على كل حاجة يابنتي وعايزاكي تسامحيني انا في يوم كنت عند واحده عشان اعملها لها عمل وقالت لي
فلاش باك
كريمة
شوفي بقا ياست هيام انا سمعت عنك كتير انتي وفتحية وانا جبتك النهاردة عشان عايزة اعمل عمل لجوزي ومرات ابني عشان هو مش مريحني والبت مرات ابني شايفه نفسها عليا اوي وضاربة عالي
هيام
ياختي انا عنيا ليكي بس انتي عايزاهم يمرضوا ولا عايزة تخلصي خالص منهم
كريمة
لا انا عايزة جوزي يمرض مرض يفضل ياكل في جسمة لحد لما يروح واخلص منه اما البت مرات ابني فهي حامل انا عايزة تسقط
هيام
وانا عنيا الاتنين