بدلت جثه اختي بجثه تانيه علشان الفلوس واللي حصلي كان مصيبه بقلم هويدا زغلول
بدلت جثه اختي بجثه تانيه علشان الفلوس
واللي حصلي كان مصيبه
مياده
ازاي الكلام ده حصل فين جثه اختي لاحسن
اعمل ليكم مصيبه هنا
المدير
انتي هتحطي لسانك جوا بوقك وهتخدي
الجثه دي تدفينها واللي عندك اعملي
وقبل ما نبدا الحكايه اعرفكم بنفسي
انا مياده عندي 28 سنه وعندي اختي عندها 21 وفي يوم كنت رايحه ليها المستشفي وقولت ليها
مياده
صباح الفل يا دينا انا لسه راجعه من عند الدكتور وقالي ان انت هتتنقلي من الاوضه دي هتطلعي اوضه ثانيه والحمد لله العلاج بدا يجيب نتيجه معاكي
دينا
والله مش عارفه اقولك ايه يا مياده عارفه ان انت شايله حمل كبير قوي كفايه انك بعتي شقه بابا وماما وعايشه في اوضه علشان خاطر علاجي
مياده
ايه الكلام اللي بتقوليه ده يا حبيبتي سلامتك عندي بالدنيا كلها المهم انا رايحه عشان خاطر مدير المستشفى عايزني هروح اشوفه عايز ايه
دينا
اكيد عايز فلوس بجد انا مش عارفه اعمل ايه يا حبيبتي معاكي انا عايزه اساعدك في الموضوع اللي انتي فيه ده
مياده
لو فعلا عايزه تساعديني يا دينا تاخدي العلاج بانتظام وتقومي بالسلامه هروح اشوفه بقى عايز ايه
وبعدها روحت ودخلت
المدير
كويس ان حضرتك جيتي هو انت عارفه اليوم في العنايه المركزه بكام انا قولتلك سيبي حوالي 50 الف جنيه في الحسابات وانت بس سيبتي 10 حضرتك بكره الصبح تجيبيلي 40
مياده
وحضرتك عارف انت بتتكلم على المبلغ كام انا مش هقدر اجمع الفلوس دي كلها في اسرع وقت كده
المدير
انا ما عنديش اي مشكله يا استاذه لو مش معاكي اي فلوس خدي اختك من هنا وامشي حضرتك انتي
مياده
انا هحاول اتصرف الفلوس وباذن الله بكره تكون عندك بس لو سمحت تخلي اختي في العنايه مركزه زي ما هي انا حاسه ان صحتها بدات تكون كويسه وهي جوه
المدير
حضرتك انا عايزه افضي سرير لو جبتي لي الفلوس بكره هخليها في العنايه مركزه اتفضلي بقي بعد اذنك علشان ورايا شغل كتير وبعدها
خرجت وسافرت الصعيد عند اخويا واول لما دخلت لقيت مرات اخويا بتقول
نعمه
ايه ده مياده عاش من شافك ده محدش عارف عنكم حاجه بقالكم كام سنه يعني ايه اللي فكرك بينا
مياده
والله المشكله مش من عندنا احنا المشكله من عند اخويا اللي ما بفكرش يسال على اخواته البنات اللي عارف ان هم عايشين لوحدهم
نعمه
هو انتي ليكي عندك تكلمي اساسا انت مش وقفتي قدام وقلتيله ان ابوكي كاتب لك الشقه باسمك اخذتي كل حاجه عايزه ايه تاني
مياده
انا عايزه محمود يا نعمه انا كلامي مع اخويا مش معاك انتي لو سمحت وبعدها خرج محمود
وقال
محمود
عايزه ايه يا مياده مني بعد ما خدتي ورثي كله مخلياني قاعد عند اهل مراتي
مياده
المشكله ان انت كنت بتقول لابوك انك عايز تبيع الشقه كنت هترمينا في الشارع كنا هنعمل ايه دلوقتي اهو يلا الشقه كده كده اتباعت
نعمه
وهو انتي جايه بقى ليه يا حبيبتي ان شاء الله فاكره ان اخوك هيقعدك هنا معانا
مياده
انا جايه اقولك يا محمود ان اختك جالها السرطان وفي المستشفى في العنايه المركزه وبجد محتاجه 40000 جنيه ومش عارفه اتصرف فيهم لوحدي
محمود
وهو انت فاكره بقى يا حبيبتي انك لما تيجي تقوليلي الكلمتين دول هقولك يا حبيبتي صعبت عليا
ما تخصنيش
مياده
بالله عليك بطل اللي انت بتعمله ده وخليك واقف جنبنا بقولك اختك بتموت وبجد محتاجاك
نعمه
واحنا يا حبيبتي مش هنقف جنب حد اتاكلي بقى على الله كفايه اللي اخذتوه
مياده
شكرا ليك يا اخويا يا ابن امي وابويا على انك ساكت في اللي مراتك بتعمله فيا وبعدها مشيت
محمود
انا حاسس ان انا غلطان برده يا نعمه ما ينفعش اللي انا عملته ده بس هي هتتصرف وتجيب فلوس منين وانتي عارفه ان دلوقتي الحمد لله بقى معايا فلوس كثيره
نعمه
مش عايزاك تنسى يا حبيبي ان الفلوس دي بسببي انا وابويا ولا نسيت اللي حصل زمان وان ابويا هو اللي واقف جنبك وبدأ يفتكر اللي حصل. زمان
فلاش باك
محمود قاعد مع إخواته وأبو
محمود
بجد يا بابا مش عارفه اتصرف ازاي صاحب البيت كل شويه يعلي عليا الايجار ومش عارف اجيب فلوس منين لكل الديون دي
الاب
والله يا ابني لو بأيدي اساعدك كنت عملت كده وعمري ما كنت هتاخر يعني
محمود
بايدك انك تساعدني يا بابا الشقه دي كبيره قوي وانت واخواتي بس اللي عايشين فيها طب ما تبيعها واديني نصيبي من دلوقتي وكده ما يبقاليش عندك حاجه
وفي الوقت ده الاب قام وقال
الاب
اخرس يا قليل الادب انت عايز تورثني بالحياه ولا ايه هو انت فاكرني هسيبلك الشقه دي الشقه دي هتبقى لاخواتك البنات
محمود
بس انت كده بتيجي عليا وانا هرفع عليك قضيه حجر
وبعدها ابو ضربه بالقلم وقال
الاب
امشي اطلع بره مش عايزه اشوف وشك هنا تاني وبعدها انا قومت جنب بابا وقولت
مياده
بس يا حبيبي ما ينفعش اللي بيحصل ده وانت يا محمود ايه الكلام الغريب
محمود
ماشي يا بابا هو انا هوريك هعمل ايه وبعدها مشي وثاني يوم لقيت بابا بيصحيني من النوم وبيقولي
الاب
قومي يا بنتي عشان تيجي معايا شهر العقاري انا لازم اكتب الشقه دي باسمك انا مش ضامن اخوك ممكن يعمل معاكوا ايه بعد ما اروح
مياده
ما ينفعش الكلام اللي انت بتقوله ده هو برده ليه نصيب في الشقه دي
الاب
نصيب يجي يعيش معاكوا هنا انما مش يورثني بالحياه وفعلا بعدها بابا كتب الشقه باسمي
وبعد سنه بابا توفي ومحمود جه وقالي
محمود
اظن جاي بقى الوقت اللي كل واحد ياخد حقه انا عايز نصيبي في الشقه دي
مياده
وانا ما عنديش اي مشكله هات مراتك وتعالى عايش معايا الشقه كبيره وتاخدنا كلنا
نعمه
وانا مش هرتاح معاكوا يا مياده انا عايزه اعيش في شقه لوحدي والشقه دي بقت ورث واحنا هنروح نعمل اعلام وراثه
مياده
اللي ما تعرفوش يا نعمه ان بابا كتب الشقه باسمي وانا ما عنديش مشكله ان محمود يعيش معانا
محمود
انا عمري ما هسامحه على اللي هو عمله فيا ده ازاي يعمل كده ويجي عليا ويضيع حقي حسبي
الله ونعم الوكيل فيه
مياده اتعصبت وقالت
هو انت اتجننت ولا ايه هو انت بتقول الكلام ده على ابوك امشي اطلع بره مش عايز تشوف وشك هنا وبعدها مشي وساب شقته
وسافر الصعيد عند ابو نعمه
الاب
ما عنديش مشكله يا ابني تعيش معانا واخليك تشارك معايا في التجاره بس اخواتك دول ملكش دعوه بيهم بعد كده
نعمه
من غير ما تقول يا بابا كثر خيرك والله شوفت يا محمود الابهات بتكون عامله ازاي
وفعلا محمود فضل عايش معاهم
باك
وفي الوقت ده بلاقي الموبايل بتاعي بيرن وبلاقي
مياده
بالله عليك اصبر عليا بس شويه لحد ما اجمع الفلوس انا والله بعمل مستحيل عشان خاطر اجمع الفلوس اللي انتم محتاجها بلاش تطلع اختي من العنايه عشان ما تتعبش انا لما صدقت انها تتحسن
المدير
خلاص ملوش لزوم الكلام ده اختك خلاص راحت تعالي استلميها
مياده
انت اكيد بتهزر اختي كانت كويس وبتتكلم معايا اكيد انتم غلطانين واتلخبطو فيها مع
