بسبب اللي بيعمله جوزي في الحمام حماتي خلتني أسقط وانا حامل

خالتك ومرات ابنها بس ارجع واقول انتي لو متجوزه رااجل ما كانش ده كله حصل
_الحمد لله علي كل حال يا ماما المهم يعني ما تجبيش سيره لحد ارجوكي
طيب خلي بالك من نفسك وبقولك ايه خدي عنوان حسن ابن عمك ليه بقي تاخديه عشان لو موضوع الحمل بان قدام حناتك وجوزك وصممو تنزلي العيل تاخدي بعضك وتروحي لابن عمك بعيد عنهم واحنا هتلاقينا جينا علي طول
والله ما فيش داعي اخد. عنوان حد. بس زي ما تحبي يا ماما لو انتي شايفه ان ده صح
وعدت الايااام وانا بحاول اداري الحمل بتاعي لحد ما قي يوم كنت في المطبخ وسمعت حماتي بتقول لمني
_يعني انتي متأكده ن البنت دي حامل
ايوه يا ماما بس شكلها هي مش واخده من الحمل ده عشان لسه صغيره المهم انا هاخدها للدكتور
_لا انا اللي هاخدها للدكتور بنفسي عشان اتأكد من الخبر ده الاول وربك يسترها
واخدتني فعلا وروحنا عند دكتور في منطقه شبه المهجوره والعياده شكلها يخوف واول ما دخلنا قولتلها
_ايه المكان ده يا خالتي ما كنا روحنا ادكتور اللي كانت بتتابع عنده مني
سيبك من المكان ده بس هو الدكتور ده اللي هيجيب من الاخر ده خبره ومعروووف اووي
مش باين يا خالتي وبعدين يعني احنا لسه ما اتأكدناااش عشااان نيجي نتابع
اخرسي خالص وتعالي اقعدي جنبي وانتي ساكته..
وروحت قعدت جنب حماتي وبعد شويه دخلنا عند الدكتور اللي بعد ما كشف عليا قال
_امم حامل وفي الشهر الرابع كمان يا حجه مدام عايزين تنزلوه ما جيتوش ليه من بدري شويه
ومين قالك اني عايزه انزل ابني. انا مش هنزله ايه الكلام الغريب ده يا حماتي
اخرسي خالص يا بت انتي قولي يا دكتور العمليه هينفع تتعمل ولا لا
_ايوه هينفع يا حجه بس العمليه هتكون صعبه شويه ومكلفه شويه برضو عشان الحمل وصل للشهر الرابع
انا مستعده اديك اللي انت عايزه المهم الموضوع ده يخلص خالص
مستحيل يا خالتي انا مش هنزل ابني مهما حصل
قولت كلامي وسيبتهم وجريت بره العياااده كلها وجات ورايا حماتي وقالتلي..
_ما تخلصي بقي يا بت انتي يلا بينا نرجع للدكتور وبلاش فضايح في الشارع انتي هتنزليه يعني هتنزليه
ابوس ايدك يا حماتي بلاش اللي انتي عايزاني اعمله ده انا حامل في الرابع
_ الدكتور قال عادي ما فيش مشكله انه ينزل يلا قدااامي علي الدكتور ابني ما ينفعش يخلف انتي فاهمه
ليه انا عايزه اعرف السبب اي واحده نفسها ابنها يبقي اب وهي تبقي جده ليه عايزاني انزل ابن ابنك لييه 
_عايزه تعرفي السبب وماله تعالي ورايا علي الحمام وانا هعرفك كل حاجه
واخدتني ودخلت الحمام الكبير اللي كان في الحاره وكان مقفول وكله ضلمه ودخلنا اوضه كانت مقفوله برضو وقالتي
_افتحي الباب الصغير اللي هناك ده
ايه الحكايه يا خالتي وايه الاوضه دي انا اول مره اشووفها
_اسمعي الكلام وافتحي الباب وانتي هتعرفي كل حاجه لوحدك
روحت وفتحت الباب واتصدمت اول ما لقيت هيكل بني ادم وفي ريحه وحشه اووي والجثه راسها مقطوعه
_يا نهار اسووود ايه ده يا حماتي ايه المنظر ده
دي حثة كمال ابني وجوزك هو اللي عمل فيت كده
وبدأت حماتي تفتكر اللي حصل زمان لما كان واقف في الاوضه عمر وكمال
فلااااااااااااش باااااااااااك
_انت ايه اللي بتقوله ده يا عمر انت اتجننت عايزني اطلق مراتي وانت تتجوزها طيب امشي من قدامي والا ما تعرفش انا هعمل فيك ايه
بقولك ايه انا عارف حدودي كويس وعشان كده من لما اتجوزتها وانا ما ببصش لمراتك حتي بطرف عيني بس انا بحبها اكتر منك انا اللي كنت عايز اتجوزها وانت وامك كنتو عارفين اني عايزها
_تصدق انك. عيل مش متربي وانا هربيك امشي من وشي واستعد للايام الجايه يا عمر ومني لو فكرت تقرب منها تاني او تبصلها بس هحطك في قبرك. حي انت فااااهم ولا لا
باااااااااااك
رجعت خالتي من ذكرياتها ودموعها نزلت بحسره وقالت
_انا كنت واقفه وسامعه كلامهم وجيت امشي شوفت عمر وهو بيعمل الجريمه دي في اخوه وبعدها عمر انهار وما بقاااش عارف يعمل ايه ووقفت انا محتاره اداري عليه واخليه يندم علي اللي عملو في اخوه لحظة غضب ولا ابلغ عنه واخسر ولادي الاتنين في ساعه واحده وقعد يبوس رجلي ويترجاااني اني ما ابلغش عنه وقررنا انا وهو نداري جثة كمال هنا واتصرفنا بالرشوه والمحسوبيه في جثه تانيه لواحد راح بأزمه قلبيه واتحط في القبر بتاع العيله علي انه كمال وكمال هنا من يومها
وانا ذنبي ايه ليه تجوزيني ابنك وتحرميني من الخلفه ليه
_عشان هو يكفر عن ذنبه عمر يشتغل ويتعب والفلوس كلها تروح لمرات كمال وولاده وعمر يعيش كده ندمان علي اللي عملو في اخوه لا خلفه ولا عيال وجوزتك ليه عشان يتلهي فيكي ويطلع مني من دماااغه
انا هعملك اللي انتي عايزاااه بس بعد ما اتطلق امشي من هنا خالص وابنك ما تخلنيش اشووف وشه تاني
_بشوقك بس خليني اقولك ان لو سيرة الموضزع ده اتفتحت قدااام حد انتي ما تعرفيش انا ممكن اعمل فيكي ايه مش. هخلي حد يصدقك ده غير انك هتبقي الجثه التانيه هنا وعلي ايدي انا
هو انا اعرف حد غير ابويا وامي خليني بس ارتاح النهارده واجهز للعمليه واعملك كل حاجه
ومشيت معاها ودخلت البيت وهي راحت القهوه بس ما طلعتش شقتي انا خرجت تاني واخدت تاكسي وروحت للعنوان اللي قاعد فيه حسن بس قالي البواب انه لسه في الشغل فقعدت علي سلم العماره لحد ما رجع واول ما شافني قال
_سما انتي ايه اللي مقعدك كده كويسه
الحقني يا حسن انا في مصيبه وما حدش هيقدر يساعدني غيرك
_طيب تعالي اقعدي فووق اختي هبه ساكنه في الشقه اللي فوق مني هخليها تنزل تقعد معاكي
وطلعت معاه فوق وقولتله كل حاجه هو وهبه اخته وهو رد عليا وقال
_دي جريمه يا سما انا ليا واحد صاحبي ظابط شرطه نتي هايجي معايا وتبلغي عن اللي حصل كله
لا يا حسن الصبرافرض عملو حاجه تأذيها
_ما حدش هيقدر يعملها حاجه تأذيها وهي هنا بس دي جريمه يا هبه ولازم تتكشف والحقيقه تباان اللي زي عمر ده لو ما اتحاسبش علي الجريمه اللي عملها دي ممكن. بكل بساطه. يعمل غيرها
حسن معاه حق يا هبه انا موافقه ابلغ بكل اللي شوفته المهم ارتاح انا واللي بي بطني. من العيله دي
وروحت انا وحسن وبلغنا فعلا واتقبض علي عمر وامه بعد الحكومه راحت وفتشت الحمام ولقيو جثة كمال وبعدها. بشهر جات. مني عندي بيت اخلي وقالتلي
_حمد لله علي سلامتك. ربنا يكىمك وبعوضك في ابنك. خير يارب
تسلمي يا مني ايه اخبارك انتي واخبار العيال
_كويسين حماتي قبل ما تروح لحضن عشماوي هي وابنها كتبت القهوه بأسم ولادي وكمان البيت كله بس الحق حق ابنك ليه النص في كل حاجه
مش معقول يا مني ده بدل ما تقولي ان ابني هو ابن المجرم اللي حرم عيالك من ابوهم وحرمك من جوزك انتي جايه تديه حقه
_ده شرع
ربنا وانا بدعي ربنا يباركلي في ولادي وابنك هيبقي اخو ولادي يا سما هو ما لهوس ذنب في اللي حصل من ابوه وانا متأكده انك هتربيه وتكبريه كويس يعرف الاصوب ويبقي محترم ومتدين
اان شاء الله يا مني انا خلاص ما بقاش ليا غيره وموضوع الجواز قفلته كفايه الاختيار الغلط اللي اختارته زمان
وفعلا عشت عشان ابني وبس ربيته وكبرته وبقي احسن من ابوه مليون مره وعمر وامه اخدو جزاأهم الانانيه والطمع اللي كان بين عمر واخوه خلاهم خسرو هما الاتنين حياتهم وسوء التربيه من الام خلاها تشووف ولادها وهما بيروحو قدام عينها وهي كمان خسرت كتير
النهايه