دخلت اغسل بنت بنوت ولقيت بطنها عامله تكبر بقلم هويدا زغلول
اهو اتفضلي وانا هدخل انادي عليه
الحما
الله يعني بابا هو اللي هنا وماما مش هنا غريبه اوي دي اومال ماما فين علي كده بقا
فاتن
راحت مشوار وزمانها راجعه اتفضلي
وخرج الاب من جوه وقال
الاب
يا هلا بيكي يا ست ام شريف ده ايه النور ده
الحما
ده نورك يا خويا اهلا اهلا بقولك ايه يا فاتن ما تعملي كده كوبايتبن شاي ليا انا وابوكي
ودخلت فاتن جوه والحما قالت للاب
الحما
الا هو انت متعرفش ام بناتك فين دلوقتي يا حج محمود ولا تعرف
محمود
لا عارف طبعا هي عند اختها قالت انها رايحه معاها تكشف عند الدكتور
الحما
ااه طيب انت متأكد بقا من الكلام ده ولا هي بتقولك كده وخلاص
محمود
لا انا متأكد طبعا ليه هو في حاجة ولا إيه
الحما
لا أبدا انا بس عايزك تاخد بالك من الست بتاعتك
ومشيت الحما ومحمود قاعد مصدوم ومش طايق نفسه وفاتن خرجت من جوه وقالت
فاتن
هي طنط مشيت يا بابا اصل انا كنت جايبه لها الشاي أهو يا بابا بابا انتي ليه بترد عليا
وسابها ودخل جوه اوضته وتاني يوم واحده من الجيران قالت له نفس الكلام ودخل علي مراته وقال
محمود
بعد العمر ده كله تعمل فيا كده ياهيام
هيام
بقولك ايه انت هتخرف ولا
محمود
انا مش هسيبك انتي فاكرة اني هعديها بالساهل كده
ودخلت امل وفاتن
فاتن
هو ايه يا بابا انت بتضرب ماما ليه حرام عليك
محمود
اقول لبناتك يا بنات اااه امكم
امل وفاتن مصدومين وامل قالت
أمل
ايه الكلام اللي انت بتقوله ده يابابا ازاي يعني
محمود
ايوه ياامل امك عملت كده اسألي حماتك ماهي جات هنا وقالتلي
أمل
حماتي بقا حماتي قالت كده طيب وهي عرفت منين
فاتن
يابابا اكيد الناس دي غلطانه
هيام
لا مش غلطانه انا عايزاك تطلقني عشان صدقت كلامهم طلقني يا محمود طلقني
محمود
انا مش هطلقك انا لازم اخلص عليكي وانا لا يمكن اخليكي تعيشي دقيقة واحده بعد النهارده
ولسه هيمسكها من رقبتها فحأه مسك قلبه وقال
محمود
اااه يا قلبي اااه الحقووني قلبي هيقف اااه ووقع في الأرض وبعدها راح والام هربت ومحدش شافها تاني والحما قالت لامل
الحما
الله اومال امكم فين يا بنات هي مش المفروض انها تبقا قاعده دلوقتي في العزا بتاع المرحوم جوزها
امل وفاتن بيبصوا لها بغيظ وساميه قالت
ساميه
دي سافرت البلد عند قرايبها اصلها تعبت أوي من ساعه اخويا ما راح والدكتور قال انها
الحما
والله طيب ربنا يصبرها يارب
وامل خرجت وندهت لشريف وقالت له
امل
ياريت تاخد امك وتخليها تمشي من هنا انا مش عايزاها في عزا أبويا يا شريف
شريف
الله ايه الكلام بتاعك ده يا امل ليه طيب هي امي عملت ايه لده كله مش فاهم انا
أمل
امك هي السبب ان ابويا راح
وسابته ومشيت
وفعلا رجعت بيتها وهي ناويه تنتقم من حماتها وراحت لسحر وقالت لها
أمل
اسمعي يا سحر انا كنت عايزاكي توديني للشيخ اللي انتي قولتي لي عليه ده تعرفي
سحر
من عنيا النهارده بعد السغل نروحله
وفعلا راحوا للدجال وقال لامل
الدجال
انا هعملك عمل بس لازم عشان يجيب نتيجه بسرعه يتدحط جوه جثه وتكون لحد من قريبك
أمل
ازاي يعني مش فاهمه
سحر
انا هفهمك يادكتورة الشيخ يقصد ان العمل يتحط جوه حد يكون متوفي من عيلتك يعني قريبك
امل
ايه ده وده اجيبه منين ده بقا أن شاء الله
الدجال
معرفش انا قولت لك علي اللي فيها وانتي المفروض تتصرفي يلا بقا دلوقتي تقدروا تمشوا
وبعدها أمل وسحر مشيوا وامل قالت
أمل
طيب انا هعمل اللي الراجل ده طلبوا مني ازاي بقا ياسحر
سحر
مش عارفه يا ست الدكتورة بس انا بقول يعني نستني بقا
وبعدها عدت الايام وفاتن تعبت جامد اوي وراحت المستشفى وامل قالت لها
أمل
انتي لازم تعملي الزايده يا فاتن لازم وبسرعه انا هخليهم يجهزوا اوضته العمليات
وفي الوقت ده دخلت سحر وراها وقالت لها
سحر
فرصتك وجات لحد عندك يا دكتورة اختك في العمليات القلب يقف وتروح قضاء وقدر وانتي ساعتها تحطي العمل فيها
أمل
انتي بتقولي ايه يا سحر انتي عايزاني اخلص علي أختي لا لا مش هينفع اعمل كده
سحر
اسمعي كلامي دي فرصتك عشان تخلصي من الوليه حماتك دي يلا يادكتورة
وفضلت سحر توسوس لامل زي ما تكون شيطان رجيم وفعلا امل عملت كده وخلت اختها تروح عشان تحط العمل جواها بس فاتن قالت علي كل حاجه
بااااااااااااك
المغسلة
ياااه هو في غل وحقد يوصل الشخص لانه ينتقم بالطريقة دي لا حول ولا قوه الا بالله بقا اختك عشان تنتقم من حماتها تعمل فيكي كده انا مش عارفة اقول ايه يا بنتي ارتاحي وربنا هجيب لك حقك
وبعدها غسلت فاتن وكفنتها وحكيت كل حاجه للعمه اللي اتصدمت وقالت لامل
أمل
بقا انتي تعملي في اختك كده يا مجرمه يا حيوانه انا هبلغ عنك انتي لازم تاخدي جزاتك
وفعلا العمه بلغت عن امل
وبكده تكون خلصت حكايتنا
