بصوا هي ديه العين السحرية عندي في باب الشقة

ولفيت ضهري لقيت عينيها  كلها شرار بلعت ريقي وقولتلها
هدخل .. هدخل غ صب عنك واشوف انتي مخبية ايه جوا .. وايه الي كنتي جيباه في الكيس الي في ايديكي داه..
قولت الكلام داه ودخلت المطبخ بصيت على الرخامه عشان اشوف الكيس الاسود الي كان في ايديها مفروش ومحطوط عليه انصدمت من اللي شوفته.. وافتكرت لما دخلت عليها المطبخ اول لما جت من بره وهي مدياني ضهرها وبتطلع حاجات من الكيس.
شوفت شعر هدى مراتي عيني وسعت على اخرها ومقدرتش انطق زي ما يكون لساني اتش..ل ..مديت ايدي وهي بتتر عش مسكت الشعر بطراطيف صوابعي وانا في حالة ذهول.. دددد..يه هدي.. مراتي
وانا بصر خ وبرجع لورا هدي مراتي.. امال مين الي كانت معايا بره.. فضلت ارجع بضهري لورا .. لحد لما لقيت نفسي بخبط في حاجة صلبة وسمعت نفس صوتها بيتكلم جوا ودني
مش قولتلك متدخلش
مسكت دماغي وطلعت من المطبخ وانا بصر خ بطريقة هستيريه .. التليفون كان بيرن ..حمدت ربنا وقولت ارد بسرعة اشوف مين واقوله يجي يلحقني من الي بيحصل .. ببب..بس لقيت اسم هدي.. هدي الي بترن عليا
بلعت ريقي وفتحت عليها وانا واقف مذهول
حبيبي معلش هبات عند ماما انهارده وهاجي بكره بدري عشان الجو برد ومش هقدر اخرج
.
محمد سامعني 
..
الوووو
سمعت الصوت في الخلفية شكل الشبكة عنده وحشة يا ماما
قفلت ورنت تاني بس انا مش برد اكتر من ١٠ رنات انا مش فاهم حاجة مش فاهم حاجة
دخلت الاوضة بسرعة وقفلت على نفسي بالمفتاح واتغطيت بالبطانية وانا عمال انهج وجسمي كله بيتر عش طول الليل على الوضع داه حاسس ان فيه حد بيتحرك في الاوضة بس خايف ارفع دماغي مش قادر ابص .. حاسس ان قل بي هيقف في اي لحظة من الخوف.. لحد لما جرس الشقة ضر ب الخضة الي اتخ ضتها وهو بيض رب كأنه بيضر ب في ق لبي
ماكنتش عاوز اقوم افتح بس فيه حد مش عاوز يبطل بس انا خا يف اوي ..تخبيط وترزيع على الباب بصيت في المنبه لقيت الساعة بقت ١٠ الصبح قومت فتحت باب الاوضة وانا جس مي بيتر عش روحت عند باب الشقة بصيت من العين السحرية لقيت هدي مراتي واقفة وعلى وشها ملامح الغ ضب وفي ايديها نفس الكيس الأسود ..
بلعت ريقي وسندت ضهري على الباب مش عارف المرادي هي هدي بجد ولا دا عفريت .. فضلت تخبط وترزع جامد لحد لما فتحت أخيرا.. عينيها وسعت اول لما شافتني واستغربت على منظري كنت واقف بتر عش وركبي بتخبط في بعض..
يالهوي .. مالك يا محمد فيه ايه
جريت عليا سندتني لحد السر ير وهي عماله تكلمني وانا حاسس اني في وادي تاني مش سامع حاجة بفكر في الي شوفته بس كنت خا يف منها خا يف متطلعش هدي .. دخلت على السر ير واتغطيت وهي لسه بتكلمني وانا مش برد عليها .. لحد لما غطتني وسابتني وخرجت
نمت يومها نوم زي  لدرجة انها جت صحتني فكراني م..ت سمعتها وهي بتقولي بقالك ١٨ ساعة نايم مالك فيك ايه.. انت مش عاوز ترد عليا ليه .. الدموع كانت في عينيها بس انا بردو خايف
قومت جريت على المطبخ لقيت كل حاجة طبيعية مش موجود الحاجات الي شوفتها بس شوفت نفس الكيس الاسود محطوط في ركن المطبخ ..هدي كانت ماشية ورايا ومستغربة من ردود فعلي مش عارفة انا بتصرف كده ليه
اااا..فتحي الكيس داه وريني فيه ايه
بصلتي باستغراب
ماله الكيس هيكون فيه يعني
افتحي الكيس بقولك
المره ديه قولتها بكل عصب..ية وغض ب لدرجة ان جسمها اتنف ض وجر يت على الكيس
هفتحه هف تحه .. ديه حاجات رمضان ماما اديتهالي انت مالك فيه ايه بتعمل كده ليه
قالت الكلام دا وفتحت الكيس عشان اشوف جواه زيت وسكر وبلح وشوية حاجات تانية ..خدت نفس طويل وسندت على الحيطة وسرحت شوية وهي عمالة تبصلي
اااا..انا اسف اعصابي تعبانه شوية..سامحيني
من السبت الي جت فيه لحد انهارده وانا لسه خا يف منها مش عارف هي الي ملبو سة والي انا الي ملبو س ولا الشقة الي فيها حاجة انا خاااا ايف