بنتي اتفضحت علي النت بسبب ال Ai بقلم هويدا زغلول
بنتي اتفضحت علي النت بسبب ال Ai
وقبل ما نبدا الحكايه اعرفكم بنفسي انا شروق
عندي 45 سنه وعندي بنتي عندها 19سنه وانا مطلقه
وبشتغل في فيلا بس بنتي فاكره ان بشتغل في مكتبه
وفي يوم كنت راجعه مع برا ولقيت بنتي قاعده زعلانه
شروق
ده في ايه مالك يا حبيبتي قاعده زعلانه ليه كده هو في حاجه حصلت ضايقتك ولا ايه
ساره
بجد انا اتخنقت من حياتي انا الوحيده اللي اقل من زمايلي في كل حاجه انا بفكر ما اروحش الكليه تاني
شروق
ايه الكلام الفارغ اللي انت بتقولي ده يا ساره ازاي يعني ايه اللي حصل علشان خاطر تقولي كده
ساره
في ان لبسي كله شكله بقي قديم واصحابي بيتريقوا عليا وعلى منظري في ان انا لحد دلوقتي لسه معيش موبايل اندرويد ماشي يا ابو موبايل زراير يا شيخه ده انا بتكسف ارد على اي حد لما التليفون يرن
شروق
اسمعي بس يا ساره يا حبيبتي انت عارفه ان ظروفي زي الزفت الفتره دي اوعدك والله لما ظروفي تتحسن هننزل ونجيب احسن موبايل ليكي
ساره
يوه انا اتخنقت من الاسلوب اللي انت عماله تتكلمي بيه ده ما انا عماله اقول لك روحي المحكمه وارفعي قضيه على الانسان اللي انت كنت متجوزاه علشان خاطر يصرف عليا وانت مش راضيه
شروق
تاني هنتكلم في الحوار
ساره
هو انا عيله صغيره يعني علشان خاطر يقدر ياخدني ويمشي كده وانا مش هتكلم واقول لا يا ماما اسمعي كلامي لو سمحت
شروق
الكلام اتقفل يا شروق انا مش عايزه اي حاجه غيرك
انا اتنازلت عن كل حاجه زمان بسببك ومش هاجي
دلوقتي وارجع في كلامي يعني
ساره
انا عارفه ان مهما اتكلم معاكي واقول
انتي عمرك ما هتسمعي كلامي بقولك ايه انا خلاص
اتخنقت انا رايحه عند خالتو شويه وبعدها نزلت وانا فضلت قاعده بعيط وافتكر اللي حصل زمان
فلاش باك
شروق داخله البيت وبتقول جوزها
شروق
ايه ده هو في ايه انت ما نزلتش الشغل النهارده ليه هو انا مش كنت سايباك بتلبس الصبح وكنت نازل ورايا
احمد
بصراحه قومت حسيت ان انا تعبان قوي مش قادر انزل اروح في اي حته خلاص يعني ما جتش من يوم
شروق
لا يا حبيبي جت علشان خاطر انت عارف ومتاكد كويس قوي ان المدير قال لك لو انت عملت كده تاني ما تجيش الشركه وانت برده ما بتسمعش الكلام حرام عليك يا اخي اللي بتعمله فينا ده انا مرتبي ما بقاش يكفي لوحده انت ناسي ان عندنا بنت ولا اي
احمد
وانت غاويه صداع على ايه يعني بكره
شروق
حرام عليك يا احمد هو انت بتفول على بنتك ازاي عايز تعمل كده لا طبعا ما تقولش حاجه زي كده انا مش عايزه بنتي يجرى لها حاجه
احمد
هو انتي فاكره يعني أن خلاص الكلمه هتتحقق
في ثانيه
وفي الوقت ده لقيت بنتي خارجه من الاوضه وبتقول
ساره
الحقيني يا ماما انا حاسه ان جنبي واجعني قوي مش قادره اتحرك من مكاني
شروق
هو في ايه يا حبيبتي طب تعالي اما اوديكي المستشفى هو انت مالك يا احمد قاعد ليه كده ما تقوم تشوف البنت
احمد
هتلاقيها بس بتتلكك ولا حاجه ولا سمعت الكلام وعارفه ان انت هتكوني قلقانه عليها اديها اي حاجه مسكنه وهي هتبقى كويسه
شروق
عايزني ادي طفل عندها ثمان سنين حاجه مسكنه تعالي يا حبيبتي
وبعدها روحت بيها المستشفي والدكتور خرج وقالي
الدكتور
الزياده ده ملتهبه عندها جدا ولازم تعمل عمليه دلوقتي
شروق
خبر ابيض يا دكتور طب لو سمحت خليها تدخل عمليات دلوقتي حالا
الدكتور
حضرتك لازم تروحي الحسابات الاول وتدفعي الفلوس وبعدها هنعمل العمليه
وبعدها انا روحت ومكنش معايا فلوس وروحت بعت
السلسله وبعدها جه احمد المستشفي
احمد
هو في ايه بالظبط عماله
شروق
بنتك عملت عمليه الزايده وحضرتك انا عماله اتصل بيك وانت مش راضي ترد عليا خالص بجد هو انت ازاي اب
احمد
هو انت جبت فلوس العمليه منين مش فاهم انا
شروق
ما تخافش يا بيه اتصرفت رحت بعت السلسله اللي كانت معايا علشان خاطر اقدر اعمل بيها العمليه
احمد
الله يخرب بيتك ويخرب بيت سنينك ده المدير لسه مكلمني وقال لي ما اشوفش وشك ثاني هنصرف منين الفتره الجايه دي كنت سبرتي وعملت للبنت العمليه على حساب التامين الصحي
شروق
وانت بتتكلم بجد يا احمد والله انت بجد ازاي هو انا ازاي كنت شايفاك كده وكنت بسكت على كل حاجه انت بتعملها انا مش عايزه اكمل معاك انا عايزه اطلق
احمد
نعم طلاق اي يا ام طلاق هو انتي تقدري تعيشي
من غيري اصلا انتي شكلك كده اتجننتي
شروق
هو انا هكون مجنونه فعلا لو كملت معاك يوم واحد انت تخرج من هنا على الماذون وتطلقني انا مش عايزه اعيش معاك
احمد
انا اللي هبوس تراب رجلكي يعني بس يا حبيبتي طالما عايزه تطلقي تتنزلي عن كل حاجه وجيبي كمان فلوس الماذون
وبعدها مشي وراح لرقيه
رقيه
ولا تزعل نفسك يا حبيبي طلقها وارميها بس اوعى تتنزل عن اي حاجه خليها فعلا تمضي تنازل عن قايمتها وكل حاجه
احمد
يعتبر هي اللي جايبه كل حاجه يعني هتصرف انا في الموضوع
