بنتي اتفضحت علي النت بسبب ال Ai بقلم هويدا زغلول
المحتويات
ده ازاي مش فاهم
رقيه
شقه باسمها ولا باسمك انت يا احمد
احمد
كنت عبيط لما خليتها تكتبها باسمها مع اني دافع فيها 20 الف جنيه
رقيه
بس خلاص انت تقول لها يا اما تتنازلي عن بنتك يا اما هاخدها لان بنتك مش هينفع تعيش معاكي وبعدها هيتكتبلك الشقه
احمد
والله طول عمرك بتعرفي تفكري يا بنت يا رقيه خلاص مش انا هكلمها في الموضوع ده وتغور في 60 داهيه بقى دي وليه نكديه
وبعدها فعلا عمل كده وانا وافقت علشان اخلص
منه واخد شقه ايجار
باك
وفي الوقت دا ساره بتروح عند ابوها الي اول ما رقيه بتشوفها بتقووول
رقيه
انتي مين يا حلوه وعاوزه مين انا اول مره اشوفك
ساره
هو هو بابا احمد موووجود قوليلو ان بنتك ساره بره وان انا عاوزه اشوفوووو
رقيه
نعم نعم بنتو مين هو مين الي فكرك بينا بعد السنين دي هيه المحروسه امك باعتاكي تعملي اي هيه مفكره هتاخدي منا اسود ولا ابيض تبقي بتحلم
ساره
اي الكلام الغريب الي انتي بتقوليه دا انا جايه علشان خاطر اشوف ابويا ودا من حقي
ووقتعا بيخرج احمد الي بيقول
احمد
في اي يا رقيه ساعه لما تفتحي الباب ومين الي واقفه مع دي وعاوزه اي انتي مين يا بنتي وعاوزه مين
واول ما ساره بتسمع كده دموعها بتنزل
ساره
معقوول
احمد
ساره بنتي انا تعالي يا حبيبتي عند ابوكي انتي متعرفيش انتي واحشاني اد اي الله يسامحها امك هيه السبب انك تبعدي عني بالشكل دا
احمد
بقولك اي يا رقيه ادخلي اعملي لساره حاجه تشربها انتي شايفه الجو حر الزاي واهو تاخد نفسها من المشوار
رقيه بضيق
ماشي يا احمد اديني داخله لحد ما اشوف اخرتها اي
وبتروح داخله
احمد
مالك كده انا حاسس من ساعت ما انتي قعدتي وانتي عاوزه تقولي حاجه اتكلمي يا حبيبتي شوفي انتي عاوزه اي وانا عنيا ليكي
.ساره
بصراحه كده انا مش عارفه اقولك اي يا بابا انت شايف بنفسك ان انا كبرت ودخلت الجامعه
وكل صحابي بيبصو ليا باصه مش كويسه وبالذات هدومي مش قد كده وغير كده شايله موبايل بزراير
ومتعرفش الحوار دا مضايقني اد اي
وبجد كل ما اكلم ماما تقولي الظروف الظروف
احمد
حلو الكلام دا هيه امك بعتاكي ليا علشان تشحت بيكي ولا اي بقولك اي يا حلوه قولي لامك ان هيه الي اختارت زمان ومحدش ضربها علي ايدها
ولما اطلقت مضت ان مش ادفع ليكي ولا ليها جنيه
اي الي راجعها في كلامها دا بقااا
ساره
اي الكلام الي انت بتقولو دا انا جايه اطلب من ابويا وان انا ليا حق فيك وغير
ولما طليت منها ان انت تساعدني رفضت
وبتجي رقيه وبتقول
وطالما امك رفضت يا حلوه جايه تعملي اي ولا هو تلقيح جتت وخلاص هو انتي مفكره ان ابوكي قاعد علي بنك ولا اي
ابوكي خلف بعدك بدل العيل اربعه وهمه اولي بيه بالفلوس عنك
احمد
بقولك اي يا ساره عاوزه تجي تقضي اليوم هنا مره كل شهر اهلا وسهلا ويا مرحب بيكي بس تيجي وتنسي ان انتي هتاخدي مني جنيه واحد انتي متعرفيش انا بكمل الشهر الزاي
ساره
حرام عليك والله الي انت بتعملو دا هو مش المفروض ان انا بنتك زي ما دول ولادك فعلااا ماما كان عندها حق انها ترفض ان اجي ليك
وانا الي كنت غبيه لما قولت انك هتساعدني
بس انت طلعت زي قلتك زي ما ماما حاكتلي
واول ما بتقول كده بيروح ضاربها احمد بالقلم
احمد
شكل امك نسيت تربيكي وتعرفك الزاي تكلمي ابوكي كويس يلا امشي من هنا وحسك عينك اشوف وشك هناا تاني وخلي بقااا امك تنفعك
واول ما بيقول كده بتروح ساره ماشيه بسرعه وهيه عماله تعيط
رقيه
انت عارف لو مكنتش عملت الي عملتو دا والله ما كنتش تعرف انا هعنل فيك اي النهارده
هيه المشرحه ناقصه قتله لما قولتلها تجي يوم هو احنا ناقصين
احمد
خلاص بقاا يا رقيه
ادخلي المطبخ اعملي ليا اي حاجه اكلها ولا هتفضلي ترغي كتير
وبتروح رقيه داخله المطبخ وبتيجي ومعاها طبق جبنه ورغيف ناشف
احمد
اي الي انتي جايباه دا يا وليه هو دا اكل تجيبيه
رقيه
مالو يا حبيبي الاكل دا الموجود ولو عاوز المحمر والمشمر ايدك علي فلووس هو انت ناسي اخر مره سبت لينا فلوس امتي
احمد
انا اعمل اي اكتر من الي بعملو انا مش فاهم هو انتي بتودي الفلوس دي فين
بقولك اي انا بقول انك تشوفي شغلانه واهو تساعديني في المصاريف شويه
رقيه
تبقي بتحلم لو عملت كده انت عارف كويس انا مليش في الشغل والكلام الفارغ دا
وغير كده انا متجوزه راجل ولا كيس جوافه المفروض انت الي تصرف مش انا
احمد
بقولك اي وسعي كده انا كرهت ارجع البيت بسببك
انا مش فاهم عقلي كان فين لما اتجوزتك
وبيروح سايبها وبينزل
وفي الوقت دا بلاقي الباب بيخبط ولما بروح افتح بلاقيها ساره
شروق بحده
هو انتي مكنتيش قايله ان انتي رايحه علي خالتك انا لسه قافله معاها وقالت ان انتي مجتيش هو انتي بقيتي تكذبي عليا يا ساره ومال وشك احمر كده يا خبر انتي بتعيطي اهدي بس اي الي حصل قوليلي
واول ما بقول كده بلاقيها اترمت عليه وبتفضل تعيط
ساره
حقكك
بس انا والله روحت علشان يساعدك شويه
متابعة القراءة
