واحنا بنغسل حماتي سلفتي حطت في ايدها

واحنا بنغسل حماتي سلفتي حطت في ايدها اللي كان هيدمرني
في البدايه اعرفكم بنفسي انا هاله
عندي 23 سنه وفي يوم كنت نازله ولقيت حماتي بتقولي
الحما
رايحه فين يا حبيبتي كده هو اول لما جوزك يسافر لا م تخرجي هو فيه اي بالظبط بتروحي فين كده
وفي الوقت ده انا قولت في بالي
هاله
يا فتاح يا عليم علي الصبح جرا اي يا حماتي فيه اي
هو انا كل لما اخرج لازم اعرفك رايحه فين وجايه منين هو انتي مش عارفه ان ابنك كذه مره قال ان الكلمه كلمته هنا وممنوع اي حد يقولي رايحه فين وجايه منين
الحما
اهو انت ليكي حق تقولي اكتر من كده مش هو مخليكي تردي عليا بس والله ماشي
مسيري اعرف انت بتعملي ايه غلط وانا هخليه يطلقك ويرميكي راميه الكلاب
وفي الوقت ده لقيت بنتي جودي اللي عندها 9 سنين نازله من فوق
هاله
هو انت كنت فين يا جودي مش انا قولتلك انزلي واستنيني في الشارع
جودي
انا كنت عند ابله جميله فوق وكانت بتديني شوكولاته
هاله
نهارك مش معدي النهارده هو انا قلت لك كم مره ما تدخليش عند جميله خالص وتاخدي منها حاجه وريني الشيكولاته دي وبعدها اخذت منها شيكولاته ورمتها
جودي
ايه كده يا ماما انتي عارفه ان بحب الشكولاته اوي
وليه تعملي كده
هاله
امشي قدامي والله ل اوريكي هعمل فيكي
اي اصبري عليا بس علي اللي انتي عملتي ده
وبعدها مشينا ونزلت جميله من شقتها وقالت لحماتها
جميله
صباح الخير ازيك يا حماتي عامله ايه كويس ان انت صاحيه انا كنت عايزه اروح اشوف ماما وقلت لاحمد جوزي قال لي خدي اذن ماما الاول لو مش محتاجه اي حاجه في الشقه روحي
الحما
لا يا

حبيبتي احنا مش فاضيين هتاخدي السجاد كله وتطلعي تغسليه في شقتك انت سامعه ولا لا ما تشغليش الموتور كمان عشان ما يستهلكش كهرباء كثير
جميله
انا لسه غاسله السجاده الاسبوع اللي فات حماتي وانا كل اسبوع هتصل ولا ايه وبعدين ما انت عارفه ان الميه ما بتطلعش عندي لازم اشغل موتور يعني
الحما
جرى ايه يا حبيبتي هو انت هتردي عليا كلمه بكلمتها ولا ايه اطلعي على فوق يلا مش عايزه كلام كثير
وبعدين انا واحده نظيفه مش زيك انتي واهلك
اللي بتغسلوا السجاد مره في السنه
جميله
حرام عليكي ليه طريقه الكلام اللي علي طول بتكلمني بيها دي انا عملتك ايه ده ربنا يعلم انا بحبك قد اي ومش بحب حد يزعل مني خالص
الحما
بقولك اي با بت انتي بطلي اللي انتي عامله
تعملي ده ياختي انتي سامعه ولا لا
واطلعي ياختي شوفي اللي قولتك عليه
مش كفايه مستحمله الارض البور ل ابني
جميله
الله يسامحك يا حماتي على الكلام اللي انت على طول بتقولي ليا ده
وبعدها طلعت شقتها وانا روحت عند اختي في بيتها
ايه
جرى ايه يا بنتي في ايه ده انت جوزك لسه مسافر النهارده الصبح ادي لنفسك فرصه شويه مش اول لما يمشي من البيت تيجي كده على طول علشان خاطر ما حدش يشك في حاجه
هاله
اسكتي والله يا هاله ده حماتي حطاني في دماغها قوي الفتره دي ما اعرفش ليه كده وخايفه تراقبني وتعرف اللي احنا بنعمله وساعتها هتبقى مصيبه كبيره
ايه
انا عماله اقول لك بلاش اللي انت عماله تعمليه ده انت مش راضيه لو طلقتي يا حبيبتي مش هيكون ليكي مكان تروحي فيه زي مانا كمان لو أطلقت مش هيكون ليا مكان انا خلاص زهقت
هاله
مش وقته الكلام ده يلا بينا
وبعدها روحنا المشوار اللي بنروح في كل شهر وبعدها روحت البيت ولسه داخله شقه ولقيت الباب بيخبط وبعدها فتحت وكانت سلفتي ولاء
ولاء
اول لما شفتك طالعه قطر لما اجي لك على طول علشان خاطر اقول لك ايه اللي حصل بعد ما انت ما نزلتي حماتك مش سكتت للي اسمها
جميله دي والله بجد انا نفسي اقولها علي اللي هي بتعمله بس خايفه
هاله
خايفه من ايه يا ولاء انت المفروض تخافي علينا احنا
وعلى عيالنا كمان البنت دي مؤذيه جدا وبجد وجودها في البيت هنا خطر علينا وعلى عيالنا
ولاء
انت عارفه ان انا ما ليش في المشاكل يا هاله ومش عايزه ادخل نفسي في اي حاجه المهم يا حبيبتي ان احنا نحصل نفسنا خدي القزازه دي انا جبت لك ميه مقلي عليها قران علشان خاطر تشربي بنتك
هاله
والله بجد انا مش عارفه اشكرك ازاي على انت بتعملي معايا ده يا ولاء ده انت لو اختي مش هتعملي اللي انت بتعمليه ده بس انت متاكده من الكلام اللي قلتيه ليا
ولاء
يووو هو كل شويه لازم تتكلم في الحوار ده ايوه يا بنتي متاكده وبجد البنت دي مش كويسه
المهم خدي بالك من نفسك وخدي بالك من بنتك واقري ليها قران كثير قبل ما تيجي تنام
بس بالله عليك اوعي حد يعرف الكلام اللي قلته لك علشان خاطر انا مش ناقصه مشاكل خالص انا واحده في حالي يا حبيبتي ولا قد حماتك ولا قد اي حد
هاله
ما تخافيش والله يا ولاء انا عمري ما هجيب سيره حد على الكلام اللي انت قلت لي عليه وانت كمان خدي بالك من عيالك ربنا يسترها عليكم
وبعدها خرجت وانا قفلت باب الشقه وبدأت
افتكر اللي حصل زمان
فلاش باك
انا كنت قاعده في شقتي ولقيت الباب بيخبط وفتحت وكانت ولاء
ولاء
ايه ده هو انت لابسه ورايحه على فين
كويس ان انا لحقتك قبل ما تنزلي
ما فيش نزول دلوقتي خالص شويه كده وعايزين نطلق ميه على السلم كله
هاله
ليه يا حبيبتي بس بتقولي كده مش فاهمه اي حاجه انا ورايا مشوار مهم جدا ومش هينفع ان انا اتاخر عليه دي ايه اختي مستنيه في الشارع
ولاء
تعالي يا حبيبتي شوفي بنفسك سلفتك بتعمل ايه وبعدها بصينا من على السلم ولقينا جميله عماله ترش بقزازه كده على السلم
هاله
هي بتعمل اي انا مش فاهمه انا
ولاء
وطي صوتك لاحسن تسمعنا بصراحه ربنا كده انا شاكه ان البنت دي شغاله في الاعمال وانا خايفه على عيالي منها وانت كمان لازم تخافي على بنتك
هاله
خبر ابيض ايه الكلام الغريب اللي انت بتقولي عليه ده ازاي يعني طب احنا لازم نقول لحماتي على الكلام ده
ولاء
خبر ابيض انت عايزاها تاذينا ولا ايه لا طبعا انا مش هعمل اي حاجه من اللي انت بتقولي عليها دي دي لو مشيت من البيت ممكن تعمل فيا ولا تعمل في عيالي حاجه
هاله
مش فاهمه كلامك امال انت عايزاني اعمل ايه اسكت يعني بعد ما شفتها بتعمل كده
انا لازم انزل واخلي فضحتها بجلاجل النهارده بسبب القرف الي هيه بتعملو دا وسعي كده
ولاء
اهدي بقى يا هاله هو انت مش فاهمه ان هي ممكن تعمل فينا ايه لو عملت كده والله العظيم هتخليني اندم اني قلتلك حاجه احنا نحرص وخلاص منها بعد كده ونخلي اولادنا بعيد عنها دي اللي نقدر نعمله بدل ما نعمل مشكله
هاله
انا مش معاكي في الكلام ده بس ماشي بس هنعمل ايه دلوقتي مش هينفع ننزل على السلم وهو كده لو نزلنا هيحصل لنا حاجه
ولاء
انا هروح اجيب بشويه ملح وهنمسح السلم وخلاص