قبل فرحي بشهر كنت بعمل الكشف الصحي بقلم ونس رقية
رواية قبل فرحي بقلم ک ونس رقية
قبل فرحي بشهر كنت بعمل الكشف الصحي ما قبل الزواج انا وخطيبي وحب عمري
كنت فاكره الكشف هيبقى شيىء روتيني وكدا
ولكن بالصدفه اكتشفنا ان فيه دكتورة واخده التكليف جديد وماشيه كل حاجه بالخطوات والقانون وبتراعي ربنا ف شغلها
برغم استعجالنا إلا إننا استسلامنا للأمر الواقع وروحنا كشفنا
جه دوري فالكشف
لقيت الدكتورة قاعده تبص لجهاز السونار بطريقه غريبة
ممكن تعملي التحاليل دي وتجيلي تاني
تمام ماشي هوا فيه حاجه يعني ولا ايه
لا متقلقيش مفيش حاجه
دي اجراءات تبع الورق بس
طلعت من اوضة الكشف وروحت انا وخطيبي ونعمل التحاليل سحبت العينة وبعدها ب ربع ساعه النتيجة طلعت
لقيت دكتور التحاليل جي مبتسم
مبروك يا مدام
الله يبارك فيك بس انا لسه آنسه
نهارك اسود يا انسه دا انتي حامل
رديت بضحك وهزار على طريقه ماشي هات التحليل
لقيت خطيبي اتكلم بأنفعال
انت بتتكلم بجد اكيد التحاليل اتبدلت او حصل حاجه تاني
يافندم انا متأكد 100٪ انها تحاليلها
لقيت قلم نزل على وشي بقوة شديدة مش عارفه ليه وازاي
ومحستش بحاجه غير صوت زعيق من خطيبي
وعملالي فيها البت المحترمة اللي مفيش منها اتنين وانتي طلعتي زباله.
كنت هتجوز واحده عشان اربي عيل من راجل تاني كنتي عايزة تستغفليني!! وعامل نفسك بتحبيني
الحمدلله اننا مكتبناش الكتاب
وسابني ومشي
وكل دا انا مذهوله من الموقف وشكل الناس حواليا وهي بتبصلي من تحت لتحت وكلامهم والهمس والنظرات كلها كانت بتاكل ف بيا
اتكسر بخاطري من اقرب حد ليا
ملقتش حد حتى حاول يقومني من مكاني
قومت من مكاني ومشيت لحد البيت وكأني مغيبه وصلت البيت بأعجوبة
نمت يوم كامل وكنت بتمنى اني اصحى من
او لو كان حقيقه اموت مش عايزه اعيش تاني خلاص
صحيت على صوت زعيق فالبيت
خطيبي كان بيزعق ل بابا وعايز ياخد الدهب
انا اتكلمت بحاول افهم فيه ايه!
ما بلاش اقول فيه ايه ولا الحج عارف!
عارف ايه انت ليه كلامك مش مفهموم ايه اللي حصل ما انتو بتتخانقوا ليل ونهار ايه اللي حصل جديد بلاش لعب العيال دا دا انتو فرحكم كمان شهر
لا ماهو مبقاش فيها فرح خلاص بنتك حامل شوف حامل من مين وجوزهالو
اخرص انت اتجننت انا بنتي اشرف من الشرف وافتكر انك كنت هتموت بس عشان تخطبها
عموما بنتي حتى لو طلعت حامل هبقى متأكد مليون فالميه ان فيه كل حاجه غلط الا ان بنتي تكون كدا
اسمع يا واد انت انت تاخد دهبك وحاجتك على الجزمه مش عشان انت عندك حق بس ما يشرفناش انك تطول تبقى جوزها.
وقبل ما تتبلى او تجيب سيرتنا بالوحش زي ما عملت
وخليت الناس فالبلد ماشيه تتلفت عليا وتتكلم عليا ف ضهري ومكنتش عارف السبب.
اعمل حساب العشره والعيش والملح.
اعمل حساب الاصول
واعمل حساب انك بتتكلم ف شرف وعرض بنت
عايز حاجتي
فعلا اخد حاجته ومشي لقيت ابويا بصلي وقالي هوا ايه اللي حصل
حكيتله اللي حصل
انتي متأكده ان الدكتور قال انك حامل ورجعتي للدكتوره ولا لا
هوا متأكد اني حامل بس ما رجعتش للدكتوره تاني
طيب تمام بكرا هنروح للدكتوره دي
في تاني يوم.......
البارت الثاني
في تاني يوم اتحركت مع بابا عند الدكتوره ووريناها التحاليل
ملامح الدكتوره اتغيرت للحزن ووجهت الكلام ل بابا ممكن يا استاذ ايمن اتكلم مع حضرتك كلمتين برا
اكيد اتفضلي
مر حوالي خمس دقايق وكانوا اصعب دقايق عدو عليا ف حياتي كلها
لقيت بابا دخل واخدني ف حضنه بدون كلام وبيعيط
مالك يا بابا ايه
هوا فيه ايه طيب
مفيش حاجه ياعيون بابا
طب طمنوني انا ازاي باين اني حامل فالتحاليل
انتي بترضي بقضاء ربنا صح
اكيد طبعا
اللي عندك دا مش حمل يا حنين
منا عارفه يا بابا انه عمره ما هيكون حمل هوا ايه بقا اللي خلاه يظهر ان فيه حمل
الدكتوره اتكلمت بصي فيه حالتين بيظهر فيهم الحمل
لو فعلا الست حامل
او هرمون ال HCG اللي هوا هرمون الحمل اتفرز بكميه كبيره فالجسم
طيب وفيها ايه عادي
احمم ماهو الهرمون دا مش طبيعي انه يتفرز بالكميات دي غير لو حصل Uterine cancer.
ايه سرطان
بابا رجع اخدني ف حضنه وانا كنت عاجزه عن الكلام والتعبير
افرح ان الحمدلله سمعتي وشرفي اتثبتت برائتهم
ولا ازعل اني داخله حرب عارفه ان اخرتها موت
رغم استسلامي لقضاء الله لكن عيني ما بطلتش بكى وحزن
الوقت كان بيجري بسرعه عدى اسابيع كان مليان بترتيبات الورق والعلاج عشان متعشمين اني ممكن ارجع سليمه تاني
اتحددتلي اول جلسة كيماوي فاليوم اللي المفروض كان هيبقى فرحي
اليوم اللي كنت المفروض هلبس فيه الفستان الابيض وافرح
بقيت لابسه لبس المستشفى وبتألم
لحظات صعبه صعبه جدا
لدرجة ان صعب الكلام يوصفها
وجع قلبي على اللي جرالي كان كوم
ووجع جسمي من الكيماوي كان كوم تاني
الحمدلله على نعم ربنا والحمد لله على الابتلاء
بابا رفض انه يعرف حد اني مريضة كانسر عشان عارف اني بكرهه نظرة الاستعطاف او الشفقه من حد
واصبح محدش عارف عن مرضي غير امي وابويا واخواتي و الدكتوره وبس
ف يوم نازله اشتري حاجه من السوبر ماركت ولقيت اللي كان خطيبي هيثم جاي ناحيتي
اهلا اهلا بالعروسه
اقصد ام المولود
ناويه تسميه ايه
انا لحد دلوقتي مش قادر اسامحك
انتي ازاي قبلتي
بس ما شاء الله عليكي طلعتي ممثله هايله
انا ممثلتش ولا زيفت وانا مش حامل
هنكدب دا انتي الكدب بيجري ف دمك
انا لما شوفتك جيت بس اعرفك اني خطبت وهتجوز واحده محترمه
ربنا يتمملك بخير
سيبته ومشيت ومش متخيله ليه الناس مازالت شيفاني وحشه ليه محدش افترضلي الخير ليه ما حدش جه حاول يعرف الحقيقه ليه بقا من السهل اننا ننهش فالاعراض واحنا قاعدين على المصطبه!
روحت ف غيبوبه لمدة تلات شهور
مكنتش حاسه بيهم ومش فكراهم بس هما قالوا اني بقالي تلات شهور محجوزه فالعنايه المركزه
يمكن دي كانت تجربه بسيطه ليا للموت
انا ارتحت فالتلات شهور دول اكتر ما انا مرتاحه وانا عايشه
دعيت من كل قلبي ان ربنا يكتبلي الوفاه لو خير ليا لاني تعبت
وجايه النهارده بعد اربع سنين علاج ومحاربه اقولكم اني انا انتصرت على السرطان
رحله طويله ربنا يعين كل اللي بيعيشها
ومش هنسى حد ظلمني وافترى عليا ف يوم
وعند الله تجتمع الخصوم
البارت الثالث
قابلت ام هيثم ف مره وانا راجعه من عند الدكتورة وكنت مبسوطه ان خلاص الحمدلله ربنا اتم شفائي
ايه دااا عامله ايه يا حنين
الحمدلله بخير وانتي عامله ايه يا طنط
الحمدلله يعني لا شفنالك عيل ولا جوز ولا انتي ولا اخواتك!
ياما قولت ل هيثم بلاش يقول لناس على سبب الفركشه
هيوقف حال اخواتك البنات
اهو انتي حالك وقف بحكم افعالك هما ذنبهم ايه!!
فاللحظة دي حسيت نفسي بركان وكان في قمة ثورانه
رديت بكل عصبية وزعيق
انتو اتجننتوا انتو لسه مصدقين نفسكم انا مكنتش حامل ولا نيله انا كنت مريضة كانسر.
لو ابنك كان كلف خاطره ساعه يروح يسأل الدكتوره ويفهم منها اني مكنتش قليلة ادب ولا تربيه
