سلفتي خلت جوزي يطلقني

سلفتي خلت جوزي يطلقني روحت حولت جوزها لواحده ست
وقبل ما نبدا القصه اعرفكم بنفسي انا
اميره دكتوره أمراض نسا وفي يوم كانت سلفتي
نجوي عندي في العياده وقولت ليها
اميره
انتي عندك التهابات جامده اوي هكتبلك
علي علاج ليه
وبعدها قامت وقفت وقالت
نجوي
بجد مش عارفه اشكرك ازاي علي اللي بتعملي معايا ده شكرا ليكي يا اميره
اميره
العفو علي اي يا بنتي بقولك ايه لو انت مروحه استني خديني معاكي انا كده كده مروحه
نجوي
مش هكذب عليك يا اميره امي وحشاني قوي واحمد مانعني ان انا اروح لها فقلت هروح ابص عليها واروح على طول
اميره
انا مش عارفه الكلام ان انت بتقوليه ده اللي يشوف احمد يقول ان هو غلبان وطيب جدا مش هيمنعك يعني انك تشوفي مامتك
نجوي
والله العظيم ده قدامكم بس يا اميره ده من وراكوا بيمسكني يضربني ومش عارفه هو بيعمل فيا ايه ربنا يهديه
اميره
اللهم امين وبعدها مشيت وانا رحت على السوق اشتري شويه طلبات وبعد ما روحت البيت لقيت احمد ماسكها من شعرها علي السلم وبيقول ليها
احمد
مهند مش هسيبك النهارده الا لما اعرف انت كنت فين انت بقيتي بتخرجي كثير قوي الفتره دي والموضوع ده مش مريحني
نجوي
حرام عليك يا احمد سيب شعري ما ينفعش الطريقه اللي انت ماسكني بيها دي وطريقه كلامك اللي انت عمال تكلمني بيها دي قلت لك انا كنت عند اميره في العياده
وبعدها طلعت قدامهم
اميره
في ايه يا احمد من امتى وانت بتتكلم مع نجوي بالطريقه باللي انت بتتكلم بيها دي وبعدين ايوه كنا عندي فيه اي مالك
وبعدها خرجت حماتي من شقتها وقالت
الحما
والله حلوه قوي اللي انتم عاملينه على السلم ده تعال يا استاذ

تفضل جوه ونتكلم ما ينفعش انك تتكلم كده على السلم
بعدها كلنا دخلنا
اميره
مراتك كانت تعبانه شويه وجات عندي العياده ايه المشكله يعني
احمد
والله ولو كلامك فعلا حقيقي ما جيتوش مع بعض ليه
اميره
بعدين انا قلت لها روحي علشان خاطر انا كنت رايحه السوق وانت يا بنتي فين الروجيتا اللي انا كتبتها ليكي وريها دي
اميره بعياط
حرام عليك والله اللي انا بتعمله فيا
ده انا خلاص زهقت منك ولو مش عجبك العيشه معايا طلقني وكل واحد يروح لحاله احسن
وبعدها احمد فضل يزعق ويقول
احمد
حطوا نفسكم مكاني بقالي سنه انا بنام في اوضه ومراتي بتنام في اوضه ثانيه خالص وما اعرفش اي حاجه عنها وعلى طول ماسكه التليفون حتى الاكل مش بناكلو مع بعض
الحما
نعم نعم يا حبيبتي ايه الكلام اللي هو بيقوله ده ان شاء الله لو ابني مش عاجبك ده يرميكي في الشارع ومن بكره يتجوز واحده غيرك
نجوي
انا تعبت من طريقه كلامكم معايا دي على طول محسسني أن مليش لازمه هنا في البيت
وبجد تعبت منكم والله وبعدها طلعت وانا كنت مصدومه من اللي انا بسمعه
ولقيت حماتي قالت
الحما وانت يا حلوه مالك واقفه عامله كده ليه دكتوره امراض نسا ومش عارفه ان هي تكون حامل هي كمان
عوض عليا عوض الصابرين يا رب في عيالي
اميره
بعد اذنكم انا طالعه وبعدها طلعت شقتي فوق
ومكنتش عارفه اعمل اي
وبعدها حطيت الاكل وجه رؤوف جوزي
رؤوف
كويس ان انت هنا يا اميره مش في العياده لحد دلوقتي انا مسافر النهارده بالليل وكنت عايزك تجهزي لي الشنطه وتجهزي كذا طقم علشان خاطر هتاخر المره دي في الشغل
اميره
هو في ايه بالظبط يا رؤوف ده مش ملاحظ ان موضوع سفرك ذات اول فتره دي علي طول بقيت مسافر
رؤوف
وانا اعمل اي يعني مش غصب عني هو بمزاجي يعني
بقولك اي اخلصي بس واعملي اللي قولتك عليه
وبعدها فعلا اخد الشنطه ومشي
وراح في شقه صغيره وفتح الباب وكانت شروق
قاعده
شروق
ايه اللي جابك مش اتعصبت عليا وقلت ليا انك مش هتجيلي فتره دي خالص
رؤوف
بقول لك يا شروق ما تبقيش انت الغلطانه وتجيبي الغلط عندي انت عارفه ومتاكده كويس قوي ان انا متجوزك علشان خاطر نفسي اكون اب وانتي عايزه تحرميني من الموضوع ده
شروق
ومين اللي قال الكلام ده بس انت عارف متاكد كويس قوي ان انا عمري ما هحرمك انك تكون اب
بس انا عايزه احس ان انت متجوزني علشان خاطر نفسي مش عشان خاطر واحده تخلف وتخليك اب وبس
رؤوف
انا كنت حاسس ان انا الفتره اللي فاتت مضغوط وكان في مشاكل كثيره بينا وجيت علشان خاطر نكون مع بعض الفتره دي
شروق
وانا عند كلامي يا رؤوف مش هيحصل حمل الا لما احس فعلا ان انا عايزه اخلف
رؤوف
ماشي يا شروق اعملي اللي انت عايزاه بس بجد خليك عارفه ومتاكده ان انت كده بتيجي عليا وانا اهو جيت ليكي اقعد معاكي الفتره دي
وبعدها دخل الاوضه وفي شقه نجوي روحت ليها
نجوي
ايه ده يا اميره جايه ليا في وقت متاخر زي ده ليه ده عيني مالك واقفه على الباب ليه كده
وبعدها دخلت وقولت ليها
اميره
هو انا عايزه اعرف بقى ايه الكلام اللي جوزك قاله ده ازاي يعني انت بقالك يجي سنه نايمه في مكانه وهو نايم في مكان ثاني امال اللي عندك ده كان اي
نجوي
السؤال الغريب اللي انت بتقوليه ده يا اميره عادي يعني ما كنتش مهتمه بنفسي الفتره 
اميره
على اساس ان انا مش عارفاك يا نجوى ده انت انسانه موسوسه جدا. ونظيفه اوي وسؤال تاني هو انت ليه بعيد عن جوزك الفتره الطويله دي مش فاهمه انا امال انت متجوزاه ليه ان شاء الله
نجوي
بقولك اي با اميره الموضوع زي ما قولتك وبلاش تدخلي في مشاكل ملكيش دعوه بيها
اميره
دلوقتي حاجه انا ما ليش دعوه بيها انت غريبه قوي والله يا نجوى ومش فاهمه ايه اللي انت بتعمليه ده بس اللي عايزه اقوله لك انت هتوقعي نفسك كده في مشاكل
وراحت نجوي وفتحت باب الشقه وقالت
نجوي
بقول لك ايه امشي يلا اطلعي بره وانا الغلطانه اللي انا جيت كشفت عندك
واول ما بلاقي كده بروح بخرج من شقتها واول ما بخرج بلاقيها قفلت الباب في وشي
بعدها روح قايله
اميره
ازاي الكلام ده بس معقوله هكون جيت عليها بس انا متاكده ان اللي عندها ده اكيد في حاجه غلط بروح نازله تاني لشقتي وثاني يوم عند نجوى بتلاقي الجرس بيرن ولما بتفتح بتلاقيها ساره بنت خالتها عماله تعيط
نجوي
يا خبر مالك يا ساره ايه اللي انت عاملاه في نفسك ده ايه اللي حصل ومالك بتعيط بشكل ده انتي كويسه
ساره
تصوري ان الزباله اللي انا كنت متجوزاه طلقني بعد ما استحملته وهشانا مش عارفه اروح فين عشان كده جيت لك
نجوي
طب ادخلي ادخلي وان احنا هنفضل نتكلم على السلم ولا ايه لا حماتي تطلع ساعتها هتحصل مشكله وتروح مدخلاها جوه
نجوي
اهدي بقى يا بنتي قوليلي ايه اللي حصل خله خالد جوزك يعمل كده وبطلقك
ساره
بصراحه يا نجوى انا تعبت من اللي بيحصل واللي بيعملوا فيا وبدات ساره تحكي اللي حصل
فلااااش باااك
ساره نايمه والحما بتقوم مصحياها وبتروح دلقه عليها جردل ميه
ساره بخضه
حرام عليك يا حماتي اللي انت عملتيه ده وانت مش شايفه ان الجو برد وانت عاوزاني اخذ برد انت عارفه كويس محدش هيقدر يصرف على البيت غيري
الحما
بقولك