في عز البرد والمطر لقيت بنتي المتوفية من ٣ سنين بتكلمي

رقيه دي هي اللي بترمي بلاها عليا يا ابراهيم انا مش بطيقها اصلا
ابراهيم
يعني هو في واحده هترمي بلاها علي واحد من الباب للطاق كده يا أحمد اكيد شافت منك اي اكشن خلاها تتعلق بيك
احمد
ياعم ده هما كام مرة كده عملت لها خدمه قبل ما أسافر بس ولا هو يعني علي المثل خيرا تعمل شرا تلقي
ابراهيم
خلاص يا أحمد انا هشرح لسحر الوضع واخليها تبقي تتفهم الموضوع اكتر يلا انا همشي بقا انا مش محتاج مني حاجه انا يا احمد
احمد
انا عايز سلامتك يا ابراهيم مع السلامه
ومشي ابراهيم رجع البيت وكانت سحر موجودة وقالت له
سحر
انت كنت فين يا ابراهيم انا رجعت من الشغل ملقتكش عملت الغدا وقولت استناك انت نزلت كده إزاي
ابراهيم
كنت عند أحمد يا سحر انا شايف انك تدي له فرصة تانيه
سحر
هو قدر يأثر عليك بالكلام يا ابراهيم وراجع عايزني أرجع له انا عارفه ان ده اللي هيحصل
ابراهيم
اهدي يا سحر في ايه بس يا حبيبتي انا عايز مصلحتك والراجل قال ان هي البت دي هي اللي كانت بتشاغله يعني هو معملش حاجه صدقي جوزك يا سحر
سحر
بقولك ايه يا ابراهيم انا عايزة ابعد شويه انا نفسيا تعبانه اوي ومش فايقه لحد وبعدين انا بستني ايمان تكلمني بالليل
ابراهيم بص لي باستغراب اوي وانا قولت له
سحر
متستغربش يا ابراهيم انا فعلا بحس بالأمان لما بنتي تكلمني انا رحت الترب واتاكدت ان بنتي ماتت بس انا بستني مكالمتها
ابراهيم
الصراحه يا سحر انا شايف انك تعرضي نفسك علي دكتور نفسي
سحر
علي فكرة انا مش مجنونه انت عارف يا ابراهيم انا مصدقه ان ايمان بتكلمني لان بيظهر عندي رقمها وهي صوتها إيمان بنتي لما رجعت اخر مرة وماتت تليفونها مكنش موجود
ابراهيم
لا حول ولا قوه الا بالله يا سحر يا حبيبتي اقعلي واوعي تقولي الكلام ده قدام حد صدقيني لو حد سمع منك كده مش هيحصل كويس ماشي انا هاقوم اغير هدومي وبعدين انتي ناويه تغدينا النهارده ولا لأ
وبعدها بالليل جالي اتصال من إيمان وقالت لي
إيمان
عامله ايه يا ماما انا عايزاكي تروحي المدرسه وتقولي لاصحابي أني بحبهم اوي ونفسي اكلمهم
سحر
حاضر يا حبيبتي بس كده بكره الصبح هاروح المدرسة واقولهم كلهم انك عايزه تكلميهم
إيمان
جدعه يا ماما عشان انتي بتسمعي الكلام شطورة اوي انا مبسوطه منك اوي خلي كل الناس تعرف اني بكلمك ماشي
سحر
حاضر يا حبيبتي انا هعمل كده انا بحبك اوي يا ايمان ايمان ايمان قفلتي تاااني انا هاروح اقول لابراهيم اخويا يجي معايا الصبح المدرسة ويقول لأصحاب إيمان
ورحت علي الاوضه بتاعت ابراهيم اخويا وفتحتها بحسبه صاحي سمعت صوته في الحمام وببص علي السرير بتاعه اتصدمت لما شوفت تليفون ايمان بنتي وسلسله انا كنت جيباها ليها وقولت
سحر
تليفون إيمان يبقا ابراهيم اخويا إللي بيعمل كده يعني هو اللي بيكلمني علي اساس إيمان موجود طيب بيعمل كده ليه وتليفون بنتي ايه اللي جابه مع ابراهيم يبقا هو اللي عمل فيها حاجه وفي اللحظة دي بلغت الشرطه
وخرج ابراهيم من الحمام ولاقاني ماسكه ايمان وقاعده علي سريرة وسكت وانا قولت
سحر
عايزة افهم في ايه قولي انت بتعمل كده ليه وايه اللي جاب تليفون بنتي عندك
ابراهيم
بقولك ايه يا سحر انا مش عايز اتكلم في حاجة انا لقيت التليفون
سحر باستغراب
لقيته فين والسلسلة دي ايه اللي جابها عندك رد عليا
ابراهيم
اسمعي يا سحر انا اللي عملت في بنتك كده ايوه انا اللي سمتها
سحر بتسرخ وبتقول
حرااام عليك ليه عملت كده وازاي بنتي ماتت ازاي الدكاترة قالوا انها ماتت مسمومه بس انا معرفتش هي كانت فين ولا مع مين ولا اكلت إيه قولي انت عملت الجريمه دي ازاي وايمان عملت لك اييييه رد يا حيوان
ابراهيم
ماهو اللي امك الله يرحمها عملته فيا هو ده اللي خلاني اعمل فيكي كده ازاي امك تكتب لك كل حاجه وتسبني كده مش لاقي وانتي بنصاحتك رايحه تكتبي كل حاجه باسم بنتك وانا ايه مليش اي دور في حياتك انتي وأمك
سحر
طيب ما انا لما عرفت ان ماما كتبت لي كل حاجه انا اديتك قرشين كويسين
ابراهيم بتريقه
قرشين اااه هههههه قال قرشين قال يعني تكوشي علي التركه كلها وترمي لي انا قرشين مش كده عشان كده كان لازم احرق قلبك علي بنتك
سحر
عملت فيها إيه انطق وقولي عملت ايه منك لله يا خويا وليه كنت بتعمل صوتها علي أساس انها بتكلمني
ابراهيم
عشان اجننك يا سحر والناس كلها تعرف انك مجنونه وقولت لك اقولك تروحي المدرسه عشان الناس هناك تفتكر انك اتجننتي واخد كل حاجه منك
سحر بصدمه
قتلت بنتي عملت فيها إيه
ابراهيم
عملت الي مفيش ابليس يتخيلوه في اليوم اللي عرفت ان كل حاجه باسمك لقيت ايمان نازله من البيت وقولت لها
فلاش بااااااك
ابراهيم شاف ايمان ماشيه وقالها
ابراهيم
إيمان استني انتي رايحه علي فين كده تعالي ده انا عايزك عشان اعزمك علي اكله انتي بتحبيها اوي
إيمان
اكلة ايه يا خالو هو انا بصراحه كده ما اكلتش لسه بس استني اتصل بماما واعرفها
ابراهيم
لا لا متتصليش بيها خليها لحسن مترضاش تخليكي تروحي معايا يلا يلا نروح انا هجيب لك الحواوشي اللي انتي بتحبيه
وراحت إيمان مع خالها ابراهيم المطعم وقالها
ابراهيم
ها ايه رايك في الريحه انا بقا جايب لك مخصوص موصي الراجل كمان
ايمان
ريحته تجنن يا خالو انا بحبه أوي انا هاكل بقا
ابراهيم
لا استني روحي اغسلي ايدك الأول وتعالي يكون برد شويه
وراحت ايمان وابراهيم بص يمين وشمال علي الكاميرات وعمل نفسه بيبرد الأكل وحط لها سم وبعدها اكلت إيمان ورجعت البيت وامها قالت لها
سحر
انتي كنتي فين يا إيمان
إيمان
انا كنت اااا كنت ااا اااه بطني ياماما الحقيني انا مش قادرة ااه
ووفعت علي الأرض وسحر قالت
سحر
ايمان اصحي يا بنتي اصحي
وقي المستشفى الدكتور قالها
البقاء لله البنت اتوفت ملحقانهاش هي كانت وأكله حاجه فيها سم
سحر
بنتي ينتي حبيبتي يعني ايه كانت وأكله حاجه فيها سم دي مش بتاكل اكل من برة أبدا انا عايزة اعرف ايه اللي حصل لبنتي
الدكتور
للأسف الشرطه لازم تحضر
ولما بلغوا الشرطه وفرغوا الكاميرات من عند البيت لحد لما إيمان اختفت من قدام الكاميرا كانت ماشيه لوحدها ومحدش عرف هي اكلت من عند مين
بااااااك
سحر بتعيط
بقا انت تحرمني من بنتي عشان الورث والفلوس يا ابراهيم طيب كنت قولت لي وانا كنت اديتك اللي انت عايزة وكنت سبتها لي يا خسارة يا ابراهيم منك لله منك لله
والباب خبط وقولت له
روح افتح دى الشرطة اصل انا بلغت عنك ياخويا
وفعلا الشرطه جات وقبضت علي ابراهيم وانا فضلت منهارة علي بنتي اللي راحت دي بدون اي ذنب وجه احمد وقالي
أحمد
انا مش قادر استوعب ان ابراهيم اخوكي هو اللي يعمل في بنتنا كده معقوله يا سحر دي كانت روحها في اخوكي ده
سحر
منه لله اخويا ده يا أحمد انا مش قادرة استوعب اللي حصل
احمد
خلاص اهو خدت جزاته واتقبض عليه سامحيني انا كمان والله ما ليا اي ذنب في حاجة صدقيني
سحر
خلاص يا أحمد انا مليش حد غيرك دلوقتي
وبعدها رجعت البيت وقررت اعيش حياتي مع احمد وبعدها
بفترة انا عرفت اني حامل وفرحت جدا وقولت هسمي بنتي اللي جايه إيمان
وبكده تكون خلصت حكايتي