كل يوم بالليل الناس بتسمع صوت انين سيده صادر من القبر والسر

كل يوم بالليل الناس بتسمع صوت انين سيده صادر من القبر والسر
في البدايه اعرفكم بنفسي انا سحر
عندي 35 سنه وبيتي وقع وروحنا قاعده في المقابر
في حوش حمايا وفي يوم بقول لجوزي
سحر
بقولك اي انا مش هقدر اعيش هنا كتير
انا لازم اجيب شقه علشان ناجرها انما الوضع هنا مش هينفع خالص
ايمن
فيه اي مانتي عارفه ظروفي عامله ازاي
وان انا مش هقدر دلوقتي اجيب شقه
بقولك اي الظروف وحشه اوي معايا
وانا مش قادر ادفع اي فلوس
وبعدين مهي ماما عايشه في المقابر بقالها
فتره اهي مش حصل حاجه
سحر
انا عارفه ان الكلام معاك لا هيودي ولا هيجيب والله
بقولك ايه انا خارجه برا احسن
وبعدها خرجت وفضلت قاعده برا وشويه وسمعت
صوت عياط عند مقبره وببص لقيت بنت في عمر
ال عامله تعيط
انجي
ارجوكي يا ماما سامحني حقك عليا انا اسفه والله
انا مش عارفه عملت كده ازاي والله العظيم اللي حصل ده حصل غصب عني
وبعدها قربت منها وقولت
سحر
مساء الخير هو انت ايه اللي جايبك المقابر في وقت متاخر زي ده وبعدين هو في ايه انت عماله تعيطي بالطريقه دي كده ليه
وفي الوقت ده بصت ليا جامد وقالت
انجي
وهو انت مالك انت هو انت واقفه تسمعيني ولا ايه خليك في حالك لو سمحت
سحر
انا اسفه والله انا حاسه ان فيه مشكله
علشان كده جيت هنا بعد اذنك وبعدها
فضلت قاعده بعيد وكنت عامله ابص عليها
وشويه وروحت انجي وكان جوزها قاعد
مصطفي
ممكن اعرف بقى مراتي كانت فين لحد دلوقتي بجد انت ما بقتش عجباني خالص وكل شويه عماله اقول اصبر عليها شويه موت مامتها ماثر فيها بس اللي انت بتعمليه ده غلط
انجي
بقول لك ايه من بعد ماما راحت انا

مش عايزه اسمع منك اي حاجه انت سامع ولا لا لو سمحت خليك في حالك
مصطفي حاول يهديها وبيقول
مصطفي
اسمعي يا انجي انا مقدر بجد الظروف ان انت فيها بس بجد مش هينفع تفضلي بالطريقه دي لو حد شافك كده بجد الموضوع مش هيعدي على خير وهتعملي لنا مشاكل كثيره قوي مامتك الله يرحمها
ماتت خلاص وسرها اتدفن معاها بلاش انت بقى تفتحي في حاجات ما لهاش لازمه انها تتصدق
انجي شالت أيدو من عليها وقالت
انجي
اوعي كده انا عايزه انام وبعدها دخلت جوا
وانا تاني يوم كنت قاعده لوحدي وبعدين
لقيت حماتي داخله وبتقولي
الحما
صباح الخير يا سحر ازيك عامله ايه انا عايزه اقول لك على حاجه بس مش عايزاك تزعلي مني انا عايزاك تتعلمي الغسل بيكون ازاي
سحر قامت وقفت وقالت
سحر
ايه الكلام اللي انت بتقوليه ده يا حماتي لا طبعا انا مش هقدر اعمل الكلام ده بصراحه ربنا انا بخاف جدا
الحما
تخافي من ايه يا بت يا عبيطه انتي مش عارفه
الشغل ده هتخدي منه حسنات ازاي اسمعي الكلام ده
سحر
شكرا يا حماتي لو سمحت انا جايه هنا بالعافيه
اصلا ومش عايزه اي مشاكل مع ايمن
لو سمحت مش عايزاه يسمع بالحوار ده خالص علشان خاطر انت عارفه ان هو بيحب الشغل ده جدا وبالطريقه دي هيحاول يتكلم معايا ان انا كمان اغسل المتوافين
الحما
اللي يريحك بس خليكي فاكره كلامي كويس اوي
ان الشغل ده في حاجه حلوه اوي وبتقربك من
ربنا جدا
وبعدها خرجت وروحت عند اختي
اسماء
سحر كنت متخيله والله ان انت هتيجي بس قلت اكيد مش هتيجي بسرعه قوي كده هتصبري شويه يعني خير يا سحر عايزه ايه
سحر
اخص عليك يا اسماء ايه طريقه الكلام اللي انت عماله تتكلمي بيها دي في حد بيعامل اخته بالطريقه دي برده بصراحه كده انت عارفه ان انا عايشه في المقابر مع جوزي وموضوع ده مضايقني قوي وطبعا عارفه ان شقتي اتباعت وانا مش عايزه اعيش هناك
اسماء
عايزه ايه يا سحر اتكلمي على طول لو هتتكلمي على الشقه اللي انا عايشه فيها دي انت سايباها لي من زمان يا حبيبتي وما تنسيش ان انت كنت مستلفه مني 20 الف جنيه وكتبتي ورثه ان ملكيش حاجه في الشقه
سحر
عارفه متاكده ان انا عملت الكلام اللي انت بتقولي عليه ده بس انت عارفه ان الشقه تسوى اكثر من كده بكثير وانا اخذت الفلوس دي علشان خاطر كنت مزنوقه فيها حرام عليك يا اسماء انا ما فيش مكان اقدر اعيش فيه دلوقتي وبجد مش عايزه العيشه اللي انا عايشاها دي
اسماء
والله يا حبيبتي انا ما ضربتكيش على ايدك علشان خاطر تعملي لي كده بقول لك ايه يا سحر
انا خلاص يا حبيبتي الشقه بقت بتاعتي ومش عايزه
اي حورات خالص انتي سامعه ولا لا
تحبي اعملك حاجه تشربيها ولا تنزلي خفيفه
سحر
خافي من ربنا خافي في يوم هتقفي قصاد مني قدام ربنا واقول ان انا مش مسامحاكي على اللي حصل ده انا ما قلتش ان انت ما تاخديش فلوسك اللي انا استلفت منك بس على الاقل نبيعي شقه وبعدها تاخدي فلوس اللي انا اخذتها منك وبس
اسماء
تشرفتي ونورتي يا حبيبتي بجد قعدتك في المقابر غيرتك تماما خليتك بقيتي تتكلمي بالدين قوي
وبعدها مشيت وانا مكنتش عارفه اعمل اي
وبعدها روحت المقابر وبليل كنت قاعده برا
لان مكنتش عارفه انام من الصوت اللي حماتي كانت بطلعه وهي نائمه طبعا بتشخر بس انتي مش هتقولي كده يا بوبا 
وكانت الصدمه كنت سامعه صوت جاي
من المقابر ولما قربت لقيت المقبره اللي كانت بالبنت واقفه عندها خارج منها صوت بيتوجع
سحر
بسم الله الرحمن الرحيم هو في ايه بالظبط انا مش فاهمه اي حاجه وبعدها دخلت جالي وقعدت جنب جوزي ايمن وكنت ماسكه فيه جامد وبعدها هو صحي وقال لي
ايمن
في ايه يا سحر مالك ماسكاني بالطريقه دي كده ليه هو في حاجه حصلت ولا ايه يا بنتي
سحر
المقابر اللي بره فيها صوت واحده عماله تتوجع جامد بجد انا خايفه قوي ارجوك خليني امشي من هنا
وبعدها قام اقعد وقال
ايمن
يووو سحر الكلام اللي ما لوش لازمه ان انت عماله تتكلمي فيه ده الكلام ده مش حقيقي طبعا
تعالي نامي واسكتي وشيلي ام الكلام العبيط ده من دماغك عشان تعرفي تعيشي معانا
سحر
طب قول معايا واسمع انت بنفسك والله العظيم انا ما بقول اي كلام وخلاص انا حسن مقبره اللي بره دي فيها حاجه غلط تعالي معايا وانت هتتاكد بنفسك
ايمن
يو بقاااا هو انت ايه ما بتزهقيش نامي بدل والله العظيم اقوم واخليكي تنامي بمعرفتي وانت عارفه كده كويس
واتمسي قولي يا مسا
وبتيجي الحما وبتقول
الحمااا
ايه يا واد انت وهي مالك عمال تزعقو لي كده وانت مش عارفين وان المقابر ليها حرمه ومينفغش اللي انت بتعملوه ده
ايمن
قولي للمحروسه الواقفه جنبك دي تصوري جايه تقول لي اني سامعه صوت بره في القبر شكلها اتجننت وبدات تخرف بالكلام الي هي بتقولو ده لما بتقول كده ان هاخدها من ايديها ونروح نقعد في مكان تاني بس هي عارفه البر والغطاء وانا مش حلتي الا المكان ده عشان تقعد فيه
الحما
ايه سحر يا بنتي ايه الكلام الغريب اللي انتي بتقوليه ده انا بقالي عمر طويل قاعده هنا وعمري ما سمعت حاجه من المقابر
سحر
والله العظيم يا حماتي ما بقول اي كلام ولا بقيت بخرف انا