رواية برهان وقسمت كاملة جميع الفصول بقلم زهرة الربيع
مقدرش يمنع ضحكته على الكلام ده وشكلها وهيه خايفه سدها ليه بحنيه وقال وانا اوعدك هاخليه يتحرك تاني ان شاء الله حتى اجيبلو كرسي بعجل
قسمت ضحكت بخفه ونزلت عيونها
وبرهان ابتسم وقال هحاول استحملك واستحمل جمالك ده لحد ما ترضى عني بس انا بقولك اهوه هاحاول مجرد ما محاوله
قسمت ضحكت وقالت.. انا فاهمه انك لسه بتحاول واخده بالي
برهان ضحك وقرب اكثر وقال طب ايه مش هتديني اي حاجه عشان المحاوله تشجيع وكده يعني
قسمت اتوترت وقالت انا.. انا
بس برهان فاجأها لما مسك ايدها بحنيه وقال.. اهدي انا.. احم.. انا مقدر الي انتي فيه.. وعارف انك.. انك طبيعي تخافي مني.. بس بجد انا حابب .. ونفسي قوي.. نصلح علاقتنا سوا يا قسمتي
بصتلو بدموع وابتسامه وقالت.. بجد يا برهان
ابتسم وقال .جد اوي.. وحياة عيونك الحلوين.. نفسي اعوضك عن كل دقيقه اذيتك فيها.. هو انا زي ما قولتلك.. هحاول وانتي كمان يعني.. حاولي معايا
قسمت ضحكت وقالت.. حاضرر هحاول
بقلم.. زهرة الربيع
ابتسم وقال يلا بقى .. اهدي .. غيري الهدوم دي والبسي حاجه هنخرج.. بما ان ست الكل سابتنا ناخد راحتنا اسبوعين خلينا نخرج واوريكي المدينه
قسمت قالت بسعاده.. بجد.. بجد هتخرجني
برهان ابتسم على سعادتها وقال.. اه.. هخرجك.. واهخرج معاكي بره دوامة الكئابه دي انا امبارح.. امبارح خوفت عليكي اوي قلبي اتقبض لما حسيت ممكن افقدك.. مش هستنى لحد ما تروحي مني.. يلا يا قسمتي البسي بسرعه
جريت بسعاده وقالت .. هوا
برهان ضحك واتنهد بارتياح وحاسس بامل شديد في علاقتو معاها
واستمرت الايام بنهم وعدو اجمل اسبوعين عليهم فسح وخروجات واجمل اوقاتهم سوا رغم انها كانت لسه بتمنعو يقرب منها بس كانو مبسوطين وكان برهان صابر عليها ومش بيزعلها
في يوم كانو قاعدين في الاوضه وبيلعبو جيمز
قسمت اتنهدت بضيق وقالت.. دي سابع مره تغلبني حاسه اني مش بعرف العب
برهان ضحك بشده وقال.. حاسه طب كويس انك لسه في مرحلة الاحساس.. وبعدين ما انا على طول بتغلبني عيونك وعادي اهوه
قسمت ابتسمت وقالت.. كلامنجي اوي يا باشا
برهان ضحك وقال..
قسمت ضحكت جامد وقالت.. ميكروب يا برهان ده ايه الرومانسيه دي
برهان شدها عليه وقال.. الرومانيسيه انتي رفضاها ولسه بيتكلمو الباب خبط بعدت بخضه
مسح على وشو بخنقه وقال.. مييين
الخدامه قالت بتوتر.. يا باشا فيه شاب بيقول انو زميلك وصاحبك راجع من لندن وحضرتك مستنيه
ضرب على جبينه وقال ياخبر ده قايلي من اسبوعين.. نسيت هنزل اقابلو وارجعلك
قسمت ضحكت.. وهو لبس ونزل
وصل الصالون وكان مستنيه شاب في الثلاتين وقف وسلمو على بعض وقال.. اهلا.. اهلا يا امجد ليك وحشه والله
امجد قعد وقال وانت والله وبقم يتكلمو سوا
قسمت نزلت ودخلت المطبخ بقت تجهز لهم ضيافه مع الخدم
وامجد كان بيتكلم مع برهان وقال.. بص ياسيدي قبل ما اسافر روحت الارياف في عزبة جدي قعدت فتره وكانت فيه بنت جميله هناك كل يوم ترعى اغنامهم بجد البنت دي رقيقه وجميله انا وعدتها اني لما ارجع هروح اخطبها وانا اصلا بحبها ومش قادر انساها عايزك بقى تيجي معايا نخطبها لان اهلي رافضنها علشان من الارياف وكده
برهان اتنهد وقال.. تفكير عقيم.. انا نفسي كنت بفكر كده لحد ما ربنا هداني.. جاي معاك متقلقش انا اصلا يمكن اعرف اهلها لان على حسب وصفك هيه من نفس بلد مراتي
امجد قال بسرعه.. هيه فين مراتك صحيح.. متعرفناش يعني
برهان نادى لقسمت وقال.. قسمت.. قسمت تعالي
امجد قال بهمس.. قسمت
قسمت اخدت العصير ودخلت وهيه عيونها في الارض وحطتو على الطاوله وبرهان بيقول.. سلمي على امجد يا قسمت
امجد كان بيبصلها بصدمه وزهول وقسمت رفعت عنيها ليه واتصدمت بشده لما لقتو نفس الشخص الي كان عايز يتجوزها
ووووو
يتبع.. .
رواية قسمة ام نصيب الحلقة الرابعة
اتصدمت بشده لما لقتو نفس الشخص الي كان عايز يتجوزها
بقم يبصو لبعض بصدمه وامجد عيونه اتملت دموع
برهان استغرب نظراتهم وفكر شويه لما قسمت قالتلو ان الشخص الي بيحبها وبعت الجواب غايب من سنتين وامجد حكالو كمان انو بيحب بنت قبل
قسمت جريت بسرعه وامجد لسه هيروح وراها برهان مسك ايده وقال بعصب.. انت بتعمل ايه انت اهبل .. .هيه دي.. هيه دي البنت الي انت عايز تخطبها مش كده
امجد مسكو من قميصه بغضب وقال.. انت .. انت ازاي تعمل كده اتجوزتها ليه.. ليه
برهان قال بغضب .. اهدى يا امجد .. ده نصيب وقسمت خلاص بقت مراتي .. وياريت تنسى موضوعها لو عايز نفضل صحاب
امجد قال بغضب .. انا هنساها وهنساك انت كمان انسى صداقتنا انا راحع من مكان ماجيت انت ودي اشبعو ببعض
برهان حاول يناديه ويفهمو انو مكانش يعرف بس مشي بسرعه.. بص لطيفه بغضب وطلع على الاوضه ورا قسمت بسرعه وهو هينفجر من الغضب والغيره
في الاوضه كانت قسمت بتلطم على خدودها وبتقول يامصبتي ازاي طلع صاحبو يادي المصيبه السوده ده انا ما صدقت انو اتعدل معايا
برهان دخل بغضب وبصلها بحده وقال.. هو ده حبيب القلب.. هو ده الي بترفضيني علشانو.. مش كده.. هو ده الي مش قابله تكوني ليا على امل انك ترجعيلو مش كده
قسمت بصتلو بخوف من عصبيتو وقالت.. لا لا ابدا.. ابدا والله هو هو كان فعلا بيقولي انو بيحبني وانو لما يرجع من السفر هيتجوزني بس انا عمري ما حبيتو ولا فكرت فيه حتى ابدا والله
قرب منها بغضب والغيره بتاكل في قلبو وقال.. ايه الي كان بينكم علشان ترفضيني بقالنا شهور متجوزين وانتي مش طيقاني حتى لما قولتلك هتغير علشانك برضو زي ما انتي لسه رفضاني انا.. انا جربت كل حاجه معاكي كل حاجه وبرضو مش مدياني فرصه اقربلك علشان.. علشان بتحبيه يا قسمت لسه بتحبيه.. وضرب الحيط وراها بغضب
قسمت بقت تبكي بقوه وقالت بانهيار وزعيق.. لا لا والله.. انا انا ببعد عنك من معاملتك دي .. انت جريت كل حاجه فعلا.. جربت كل حاجه الاهانه والغضب والتجريح وبس
بس مجربتش مره المعامله الكويسه.. مجربتش تقولي انا مكنتش اقصد يا قسمت.. او انا بحبك وعايزك.. عايزك زي ما انتي .. ميفرقش معايا اني غني وانتي فلاحه.. مش فارق معايا الغلطه الي عملتيها بدون قصدك انا عايزك يا
وقعدت على السرير وبقت تبكي جامد
برهان اتملت عيونه دموع وقال.. بس انا.. انا عديت كل ده.. وبقيت كويس معاكي ووعدتك ادي نفسي فرصه وقر ب وقال.. اتغيرت وغيرت كل حاجه حتى افكاري.. وكلو علشانك.. انتي.. انتي كنتي بتكدبي عليا لما قولتيلي انك مبسوطه قوي بوجودك معايا.. وانك.. وانك نسيتي كل الي انا عملتو وهنبدأ من جديد
قسمت قالت بدموع.. لا لا مكدبتش كنت عايزه اعمل كده.. بس انت انت برضو رجعت تهني وتتهمني اني
.. انا ذمبي ايه ان فيه شخص حبني ذمبي ايه.. تقولي كده.. وكملت بالم وقالت.. كنت اتمنى اسمع منك كلمه حلو .. كنت بتمنى تطبطب عليا وتقولي اي حاجه تحسسني انك بتحبني
برهان قرب منها وقال بدموع.. طب لو انا قولت كده.. هتكوني معايا.. هتنسي .. هتحبيني زي ما انا يا قسمت
بقلم.. زهرة الربيع
قسمت نزلت عيونها بدموع ولسه هترد قال بسرعه.. طب انا مش بحبك يا قسمت .. انا بعشقك.. انتي بتمشي في دمي من اول لحظه.. حاولت.. حاولت اهمشك في حياتي واقول دي مش من مستواك.. حاولت اقتع نفسي انك السبب في موت نرمين.. حاولت اعمل اي حاجه تمنع قلبي الواطي ده من انو يعشقك.. حاولت اسلسلو اجبرو.. بس مفيش فايده.. بعشقك بكل نبضه فيه.. قلبي.. قلبي وجعني قوي لما شوفتوكو بتبصو لبعض كده.. انا .. انا موجوع او غييران او بموت يا قسمت.. فيه حاجه ممكن اقولها اكتر من كده تثبتلك حبي
قسمت قربت منو بزهول وهيه مش مصدقه وبقت تبص لعيونه بقوه وعشق واضح وقالت .. وانا مش عايزه اكتر من كده.. كفاره يا جدع
برهان بصلها وضحك بخفه وقال.. يعني.. يعني بجد عيزاني
قسمت قالت برقه .. لا.. لا مش بس عيزاك.. عيزاك وعشقاك.. ودايبه في عيونك.. انا بعشقك يا برهان ومش عايزه غير اننا نطوي كل الي فات ونعيش انا وانت وبس نفسي استقر معاك واخلف طفل يشبهك
برهان ابتسم بسعاده وقال .. انا عايزك تعشقيني مش بس تحبيني
قسمت بصت لعيونه وقالت.. بس انا عشقت من زمان
برهان قال بحب.. .هعيش الباقي من عمري ليكي وعلشان اعوضك عن كل حاجه .. وعد يا قسمتي
كنتم مع قسمه
