جارتي بتظهر لينا في البيت والكاميرات بعد ما ماتت ب 5 سنين

جارتي بتظهر لينا في البيت والكاميرات بعد ما ماتت ب 5 سنين
وقبل ما نبدا الحكايه اعرفكم بنفسي انا شيماء
عندي 35 سنه وفي يوم كنا قاعده مع امي في شقتها ودخل ابني يوسف اللي عندة 13 سنه وعامل يترعش
شيماء
اي ده انت فيك اي ومال شكلك عامل كده ليه يا واد
انطق رد
وبعدها لقيته عمل حمام علي نفسه ودي اول مره يعمل كده
شيماء
مالك يا واد ما ترد فيك اي ابوك شافك تحت وض . ربك
يوسف
ارجوك يا ماما انا عايزه اروح البيت دلوقتي انا مش عايزه اقعد هنا دقيقه واحده لو بتحبيني تعالي ننزل عند بابا
وفي الوقت ده ردت ماما وقالت
الام
كتك واكسه عليك وعلى ابوك هو انت على طول كده يا واد انت براوي عامل زي ابوك
شيماء
اصبري بس يا ماما الولد دوت خايف من حاجه في ايه اللي حصل يا حبيبي خليك تعمل كده
يوسف
انا شوفت ام احمد تحت اللي كانت ساكنه عند تيته في العماره هنا كانت واقفه تحت السلم وعملت بص لي وتضحك لي زي ما كنت بشوفها وانا عيل صغير
وبعدها قامت ماما وقالت وهي مرتبكه
الام
الكلام الفارغ اللي انت بتقوله ده يا واد وبعدين هو انت لسه فاكرها يعني ده انت ما شفتهاش لو انت عايز صغير
شيماء
اهدي بس يا ماما كده انا عارفه ومتاكده كويسه قوي ان انا ابني ده يمكن يكدب ابدا بس انا مش فاهمه هو بيقول ايه ازاي يابني شوفتها
الام
ادخل جوه يا واد انت عايزه اتكلم معاه امك شويه
يوسف
لا ارجوك يا ماما تخلينيش اقعد في مكان لوحدي انا بجد خايف لحسن تظهر لي تاني انت ما شفتيش ضحكتها كانت ليا عامله ازاي
شيماء
اهدى بس يا حبيبي وادخل جوه وشغل قران وانا هاجي وراك على طول
وبعدها

دخل ولقيت ماما بتقولي
الام
بقول لك ايه الاوضه دي من ساعه ام احمد ما ماتت وهي مقفوله وبجد ما ينفعش الكلام ده انا عايزه انزل افتحها وارمي حاجتها كلها بره
شيماء
هو انت ليه بتقولي يا ماما الكلام ده انت كمان شفتي حاجه ولا ايه بصراحه انا عارفه ومتاكده كويسه قوي ان انا ابني لا يمكن يكذب ومش عارفه ايه الكلام اللي هو قاله ده
الام
ايه الكلام الفارغ اللي انت بتقوليه ده كل الموضوع بس ان انا عايزه افضي الاوضه عشان خاطر اجرها
شيماء
هو انت بتقولي ايه يا ماما عايزه تأجري الاوضه دي ازاي وانت ناسيه ان هي كانت ميته فيها ولا ايه
كمان مش ميته م . وته ربنا
الام
الكلام خلص مش هينفع ننزل دلوقتي عشان الجو ليل وزمان الاوضه ما فيهاش اي نور لان بقالها فتره طويله قوي مقفوله ومش عارفه اللمبه شغاله ولا لا
شيماء
تمام يا ماما انا هدخل انام شويه لان خلاص حاسه ان دماغي وجعاني قوي طول اليوم مشاكل معاه حماتي
ومش قادره اتكلم في اي حاجه
وبعدها دخلت نمت وصحيت بليل علي واحده
كان واقفه لابسه اسود في اسود وشعرها بني
منكوش كانت واقفه عند السرير وفي الوقت ده فضلت ابص بيها جامد ولقيتها سنيه جارتنا
او بمعني اصح ام احمد زي الناس ما كانوا بيسموحه
وبصت ليا وضحكت وقالت
سنيه
انا قاعده مستنياك من بدري يا شيماء علشان خاطر تيجي وتقولي على كل اللي حصلي وتعترفي ان مين اللي ق . تلني
وفي الوقت ده قومت مغضوضه وقولت
شيماء
انتي بجد ولا خيال اناااا صاحيه ولا نايمه انتي الحاجه سنيه ولا جن بسم الله الرحمن الرحيم
سنيه
انا متخافيش مني انتي الوحيده اللي هتعرفي مين ق . تلني غدر وليه يعمل كدا فيا انا عمري مااذيت حد
وحقي عندك انتي
فجأة الباب خبط صرخت من الخضه وكانت ماما
الام
اي يابنتي بتصرخي ليه مالك اهدي متخافيش
وبعدها شافتني ان جسمي عامل يترعش وعرقانه وقالت
يانهار ابيض انتي عرقانه كدا في عز البرد مالك يا شيماء انتي كنتي في كاب . وس
شيماء
ايوه الظاهر أنه كاب . وس أنا شوفت سنيه بتقولي كلام غريب مش مفهوم كدا
الام
ياحبيبتي انتي علشان يوسف جيه حكااا قدامك أنه شفها وانتي ركزتي معه وهي في دماغك علشان كده انتي حلمتي بيها قومي يلا علشان ننزل ننضف الاوضه ونولع فيها النور
شيماء
مش عارفه ياماما أنا حاسه بخوف كدا هنزل الاوضه دي ازاي لا بلاش احسن
الام
ايه الكلام ده يا شيماء انتي صغيره للكلام الفارغ ده ماتعقلي كدا ده مجرد كاب . وس انتي هتعملي زي ابنك طيب يوسف طفل مش فاهم حاجه يلا يلا قومي بطلي هبل
شيماء
حاضر يا ماما يلا ننزل فين يوسف هو لسه نايم بردو
الام
ايوه نايم هو انتي وابنك بتجوا هنا غير عشان تناموا بدل ماتعقدي مع امك وتشوفها جايه تنامي هنا
شيماء
معلش يا ماما ماانتي عارفه حماتي بتشغلني وقرفاني شغل ليل ونهار وبصدق اني اجي هنا ارتاح
وبعد كدا دخل يوسف علينا الاوضه عرقان وض . ربات قلبه سريعه وخايف
شيماء
ايه يا يوسف مالك في ايه انت تعبان ولا ايه يادي النيله هو انا ناقصه اسمع كلمتين من ابوك وستك
يوسف
هو في ايه يا ماما مش تعبان أنا حلمت بخالتي سنيه
بتطبطب عليا وتقولي ماتخفش انت عارف اني بحبك قد ايه وانا جبتلك حاجات كتير حلوه وهديها لماما تدهالك
شيماء بصيت لماما باستغراب في الوقت أنا وماما قولنا ايه ده يعني ايه
شيماء
في ايه يا ماما هي تقصد ايه
الام
بلاش الكلام ده قدام الواد امال حولي تهدي
وبعدين هي كانت بتحبك يايوسف وهي ال كانت بتاخدك مني تاكلك وتنام معها تحت لحد مااجي امشي
يوسف
انا مش عايز اقعد هنا انا بخاف منها اوي والله ومش عايز اقعد هنا
الام
متخافش يا يوسف دي كانت ست بركه وطيبه وهي كمان تعتبر ال ربت امك كنت بروح الشغل واسيب امك معها تحت واجي الاقيها ملبسه امك ومسرحه شعرها وكل حاجه كاني أنا بالظبط هي قطعت فيا بصراحه بعد م . وتها علشان كده كرهت الاوضه ادخلها من يومها زعلانه عليها الله يرحمها ويغفر لها
شيماء
انا هروح يا ماما احسن الواد شكله تعبان اوي وبعدين علشان حماتي مش تفضل تسخن جوزي عليا
الام
اي الكلام اللي بتقولي ده هو انتي مش عارفه
أن عايزه اروح الاوضه اللي تحت ولا اي
شيماء
اهدي بس هيجيلك بكره والله واعملها معاكي
الام
خلاص يا شيماء انتي كدا علي طول محدش بياخد منك شغله اصلا بس تجي بكره انتي حره بقي أنا قولتك وخلاص
شيماء
حاضر يا ماما من عيني يلا يا يوسف نروح
وبعدين رجعت البيت وفي شقه حماتي كانت قاعده في الصاله
الحمااا
ياما جاب الغراب لامه روحت عند امك وجايه ايد ورا وايد قدام مفيش حتي كيس بصل معاكي
شيماء
هي امي يعني حيلتها ايه علشان اجيب معايا وبعدين ماانتي محمود بيجيب كل حاجه مش ماخليكي محتاجه حاجه عايزه ايه تاني ابنك كدا بقي معه فلوس فجأة من غير سبب
مش عارفه ازاي والله انا بستغرب بقالنا فتره طويله معه فلوس مش عارفه جايبها منين
الحماا
يعني ايه يابت مش عارفه جايبها منين انتي مش عارفه أنه بيشتغل ولا ايه هو جوزك قاعد ياقلب أمه شغال طول النهار
شيماء
شغال ايه ده كان قبل الفلوس دي بيشتغل ليل ونهار