اختي بتحطلي هدوم ابني تحت الحوض ومن ساعتها وانا راقدا انا وهو في السرير مش بتحرك
كوثر طمنيني الدكتور قالك ايه
كوثر
قالي الاشعه مافيهاش حاجه و هو بخير ما تقلقيش وقالي خليه بس يرتاح في البيت وكام يوم وهيبقي كويس
هبه بعياط
كان مستخبي لنا كل ده فين ياربي انا وبعد كده ابني
كوثر
خلاص يا هبه ما تقلقيش بكرة هتكونوا بخير والله انا شكي في عماد بيزيد اكتر الصراحه انا واثقه أن هو اللي اكيد عامل ليكم حاجه
هبه
انا مش عارفه مش عارفه دماغي هتتشل من التفكير انا تعبانه اوي بجد
كوثر
ماتقلقيش بكرة ربنا يبين كل واحد علي حقيقته ونشوف إذا كان هو اللي بيعمل فيكي كده ولا لا
ولما بيعدي كام يوم ومازن مش بيروح المدرسه عماد بيقلق لما بيروح ويسأل عليه ويعرف أنه غايب بقاله كام يوم وعماد لما روح لامه
الام
ايه يا بني مازن راح المدرسه النهاردة
عماد
لا يا ماما مارحش انا قلقان اوي بجد ده عمره ما عملها خايف ليكون فيه حاجه لقدر الله
الام
اهدي بس يمكن هبه قالت تريحه شويه من المدرسه وبعدين احنا في اخر السنه العيال مش بتروح كتير
عماد
لا يا ماما انا مش مطمن خالص هبه عمرها ما علمته أبدا أنه يغيب من المدرسه استني كده ارن علي كوثر كوثر أول لما تلاقي التليفون بيرن
كوثر في نفسها
ارد ولا ماردش بلاش ارد احسن بلا وجع دماغ
وبيفضل يرن تاني
كوثر
يوووه بقي علي الزن وبترد عليه الو أيوة يا عماد
عماد
ازيك يا كوثر معلش لو ازعجتك بس كنت عايز اطمن علي مازن أخباره ايه
كوثر بتوتر
اه مازن كويس ماتقلقش بس هو نايم دلوقتي
عماد
طب انا هاجي اشوفه وامشي علي طول بس ما تقوليش لهبه ابقي دخليني من غير ما تحس اشوف ابني وهو نايم وامشي
كوثر
اه
وبعد ما بتقفل معاه كوثر بتدخل جري علي هبه
كوثر يخضه
الحقي يا هبه الحقي جوزك رن عليا وهددني أنه هياخد مازن غصب عننا وقالي أنه جاي دلوقتي ياخده
هبه
يا لهوي لا الا ابني بسرعه يا هبه اقفلي عليا بالمفتاح الاوضه وخلي ابني معايا ولو جه اوعي تفتحيله
فعلا كوثر بتقفل الباب علي هبه وبتستني عماد يجي ولما يجي بتفتح الباب
عماد بيدور علي مازن
عماد
ابني فين يا كوثر خليني اشوفه بسرعه
كوثر بتعلي صوتها فجأه
انت بتتهجم علينا يا عماد وعايز تخطف الواد تصدق انا هصوت والم عليك الناس دلوقتي لو مامشتش بالزوق
عماد بيستغرب من طريقتها
فيه ايه يا كوثر مش ده اللي اتفقنا عليه
كوثر
يلا اطلع برة حرام عليك تعبت نفسية اختي عايز منها ايه تاني
عماد
انت شكلك كده جننتي ايه اللي انت بتقوليه ده
مش فاهم انتي ليه بتعملي كده
كوثر
امشي اطلع برا مش عايزه اشوف وشك
وبعدها مشي وهي دخلت
هبه
بجد انا مش فاهمه ايه اللي بيحصلي انا وابني ده بجد مش عارفه اشكرك ازاي انك واقفه معايا كده
كوثر
ربنا يبعد عماد عنك انا هحاول ان انا اخلص موضوع اجراءات الطلاق البني ادم ده مش كويس
هبه
عندك حق وبعدها بيروح عماد
لامه وبيقولها علي اللي حصل
الام
لا انا لازم اروح بكرة واتكلم مع هبه هي ازاي اختها تطردك من بيتك بالشكل ده
عماد
بلاش يا امي انت مش عارفه الناس دي بقت وحشه ازاي مش هينفع انك تروحي عندهم
الام
ملكش
كوثر
بصي يا هبه انا هروح اشوف العيال لأن بقالي كتير ما شوفتهمش بقالي كتير وهتلاقي ابوهم مجوعهم ومش هتاخر ماتقلقيش
هبه
تمام يا حبيبتي طيب قعديني على الكرسي وخليني قاعده بره شويه علشان خاطر زهقت من الاوضه
كوثر
ما فيش مشكله حاضر وفعلا بتعمل كده
وبعد شويه بلاقي الباب بيخبط وفتحت
هبه
ايه ده هي كوثر نسيت المفتاح ولا ايه انا خايفه ليكون عماد مش هفتح وحماتها تفضل تخبط
كتير
الحما بصوت عالي
يا هبه افتحي الباب انا عايزة اتكلم معاكي
وبعدها بتروح بالكرسي وبتفتح
الحما
ايه ده هي اختك مش هنا معلش يا بنتي انا اسفه أن خليتك انت اللي تفتحي
هبه
لا يا حماتي ولا يهمك وحماتها بتسندها وتقعدها في الاوضه وبتشوف مازن وباين عليه التعب
الحما بغضب
ايه ده مازن ماله الواد تعبان كده ليه يا هبه ومش بتقولي لابوة ليه وكمان حرماه منه وهو هيموت عليه واختك طردته امبارح
هبه بتفضل تعيط جامد
هبه
انا مش عارفه ايه اللي بيحصلنا ابني مابقاش عارف يمشي زي ومحدش عارف يوصل ايه اللي عندنا وبتفضل تعيط جامد
لحد ما بيغم عليها وحماتها بتجري علي المطبخ تعمل مايه بسكر ومن كتر التوتر المعلقه بتقع وبتنزل تجبها بتتصدم من كميه الهدوم اللي تحت الحوض وهي عليها دم ومعاها ورق مكتوب فيه طلاسم وصور لهبه وعماد ومازن
وتجري علي هبه تفوقها ولما بتهدي بتجيب الحاجه اللي هي شافتها
هبه بصدمه
لا لا يمكن مستحيل هيكون مين اللي عمل كده انا محدش بيدخل شقتي خالص
الحما
اكيد اختك
والله انا مش بتهمها
وبعدها دخلت كوثر
كوثر
ايه ده هو انت ايه اللي جابك هنا وعملتي ايه لاختي خليتيها تعيط بالطريقه دي
هبه
تقدري تفهميني ايه الهدوم دي وايه الدم والصور والطلاسم اللي عليها دي
كوثر
هو مين اللي جاب الحاجات دي انا مش فاهمه اي حاجه هي حماتك جايه عشان تلبسني مصيبه ولا ايه
هبه
هتلبسك مصيبه ازاي الهدوم دي كانت في الدولاب ساعه ما انتي جيتي وقعدتي معايا
ازاي تعملي فيا كده ازاي هونت عليكي
للدرجه دي
كوثر
علشان مش بحبك نفسي تموتي النهارده قبل بكره ربنا مدي صحه لجوزك وانا جوزي مريض عمك قبل ما يموت كتبلك في ورثه وانا لا
معاكي كل حاجه وانا لا
الحما
معقوله كل الحقد ده كان جواكي حسبي الله ونعم الوكيل فيكي يا شيخه ازاي تعملي فاختك كده
هبه
يعني انت عملت كل ده علشان خاطر الفلوس كنت تعالي قوليلي وانا كنت هديكي كل اللي انتي عايزاه ازاي تبقي وحشه اوي كده
الحما
لو انتي اتنزلت في حقك انا مش هتنزل في حق ابني وحفيده اكيد لازم ابلغ البوليس على اللي حصل ده
وبعدها فعلا حماتي بلغت البوليس واتقبض عليها
وبعدها جه عماد وقال
عماد
حقك عليا انا كان لازم برده اعرف اوصلك وافهمك اللي بيحصل والكلام اللي اختك كانت بتقوله
الحما
كرم ربنا ان هي مش دفنت الاعمال ولا عملت فيها اي حاجه واعتمدت أن هبه مش بتتحرك
وسابت الحاجه هنا
هبه
انا مش فاهمه ازاي الحفظ يوصل ليها كده منها لله المهم علشان ابني حاول تشوف حل في الأعمال دي
عماد
من غير ما تقولي انا شوفت ناس متخصصه علشان خاطر يحل الموضوع ده ولازم تقفي علي رجلك تاني
من الاول وبقيت امشي علي رجلي انا وابني
واختي فضلت محبوسه
وبكده تكون خلصت قصتنا
