قلوب تفوح بالحب بقلم اسما السيد
المدبوح
إنتي فتشتي في تليفوني!
رديت بقوة لأول مرة في حياتي
أيوه. وعارفة كل حاجة.. وعن كلامك وعن ريحتي اللي فجأة بقت وحشة.
اتخض ولف وشه.
قال هند الموضوع مش كده.
صرخت يبقى إزاي! وأنت بتيجي هنا تتهمني بالقرف وتتعمد تكرهني في نفسي يبقي ازاي الموضوع يا حسن ليه عملت فيا كده ليه كسرتني
ليه حسستني إني أقل من أي ست
قعد على السرير وقال بصوت واطي جدا
يمكن كنت محتاج حد يسمعني. كنت مخنوق
قاطعته
كنت مخنوق!
طب ما قولتليش!
ليه اخترت تغشني بدل ما نصلح اللي ما بينا
سكتوالسكات دا كان اعتراف.
قلتله وأنا واقفة على باب الأوضة
من النهاردة مفيش هند اللي بتستنى كلمة
أنا خلاص فهمت ريحتي عمرها ما كانت وحشة.
دي كانت ريحتك إنت اللي كنت بتحاول تغطي عليها.
وسبته ودخلت أرتب لبداية تانية.
خدت بعضي ونزلت عند أختي أول يوم.
قعدت أبكي وأحكي وأتنفس للمرة الأولى بعد شهور.
أهلي وقفوا جنبي من غير ما يسألوا ألف سؤال.
كانوا عارفين إني موجوعة وإني محتاجة احتواءهم مش حكاية.
حسن حاول يتصليبعتيقول نتفاهم.
لكن لأفي حاجات ماينفعش تتفهم
وفي كسور ما بتتلزقش.
بعد أسبوع رجعت البيت أخد هدومي.
لقيته قاعد على الأرض ماسك صورنا وعينه منفخة من البكا.
قال هند سامحيني. غلطت وخفت أقولك عشان ما اجرحكيش.
ضحكتضحكة وجع
كنت خايف تجرحني
ده إنت قتلتني يا كريم.
حاول يمسكني بعدت.
وقلت
إحنا خلصنا.
وسبت مفتاح البيت على الترابيزة
وخرجت.
عدت شهور اطلقت خلصت من الوجع والقرف
كنت لسه بتعالج من الوجعبس كل يوم كنت بقف على رجلي أكتراشتغلت
سافرت مرتيناتعلمت طبخ انواع جديده
غيرت شكليرجعت لي نفسي اللي ضيعها اللي ينتقم منه
بعد ٨ شهور تقريبا
قابلته اسمه محمود.
مهندس هادي محترم وبيعرف يسمع بجد.
اتعرفنا في كورس وبقينا أصحاب
وبعدين قربنا
بس أنا كنت خايفة.
مرة قاللي وهو شايفني بتوتر
هند انتي جميلة ومفيش ست زيك.
وأنا عمري ما قابلت حد أعرف قيمته زيك.
بس لو
الجملة دي
كانت بلسم.
حد شايفني حاسس بيا مش بيدور على نقطة ضعف عشان يستخدما. حكايات اسما
فضلنا نعرف بعض فترة طويلة
والأمان رجع لقلبي شوية بشوية
لحد ما اتاكدت إن الدنيا لسه فيها ناس طيبة ناس بتطبطب مش بتجرح
بعد سنة كاملة من البعد عن حسن وقرفهاتجوزت محمود في فرح بسيطمن غير مبالغةومن غير خوف.
وفي أول ليلة اسما السيد
قبل ما أنام قالي هند ريحتك أحلى من أي حاجة في الدنيا وقتها بساتأكدت إن المشكلة عمرها ما كانت في.
وإن اللي يغشيخترع ألف سبب عشان يبرر
حتى لو كان السبب كلمة كفيلة تدمر نفسية ست ضعيفه طول العمر
أما اللي يحبيشوف ريحة حبيبه جنة
