رواية ملاكي البرئ جاسر وبراء كاملة جميع الفصول بقلم اسراء إبراهيم
بعد اليوم ما خلص كان جاسر زي عادته بيروح يجيب براء من جامعتها زي ما معودها دايما.. دخل الجامعة وهو بيدور بعنيه عليها بقلق بعد ما فضل مستنيها قدام الجامعة وهي اتأخرت.. كان بيتلفت حواليه وفجأة وقف مكانه وهو مثبت عنيه عليها وهي قاعدة مع شاب زميلها وبيراجعو سوا حاجة في الورق اللي قدامهم ،،جاسر ملامحه اتبدلت للغضب لانه منبه علي براء انها متتكلمش مع اي شاب وقرب عليهم بغضب ووقف قدامهم وبراء اول ما شافته اتوترت وقامت بخوف وهي بتسيب الورق من ايديها للشاب وبتبص لجاسر بخوف من غضبه.. جاسر شاورلها بايديه انها تمشي قدامه وهي سمعت كلامه بسرعة وسبقته علي العربية وهو قرب من الشاب وقاله بحدة :
لو شوفتك معاها تاني انا هندمك عشان بس فكرت تقرب منها ،،انت فاااهم ؟
الشاب خاف من نبرة صوت جاسر وقاله بخوف :
احم ،،حاضر يا فندم.. انا اسف
مشي جاسر من غير ما يتكلم تاني وراح للعربية وركب وساق من غير ما ينطق بحرف لبراء او حتي يبصلها بس كان سايق بسرعة وبراء كانت خايفة فحاولت تلمسه وهي بتقوله بخوف :
ااابيه جاسر انا اسفة والله انا
قاطعها جاسر بصوت جهوري وهو بيلف وشه ويبصلها بغضب لدرجة انها اتنفضت علي صوته :
اخررررسي.. مش عاوز اسمع صوتك لحد ما نوصل
حطت براء ايديها علي وشها بخوف وهي بتعيط وشوية ووصل جاسر واول ما وقف بالعربية نزلت براء تجري علي فوق وهو كان متابعها بغضب وبعدين ساق بسرعة........يتبع
الجزء الثاني والاخير
ايوة يعني انت برضه متعصب ليه كدة يا جاسر انا مش فاهمة
قالتها ندي بضيق وهي بتقعد قدام
بقولك ايه يا ندي ،،انتي وعدتيني انك مش هتسأليني انا مضايق ليه ،،لو هتفضلي تسألي يبقي اتفضلي امشي احسن
اضايقت ندي من طريقة جاسر وبصتله وقالتله باندفاع وهي بتبصله بضيق :
يعني انا غلطانه اني قلقانة عليك وجاية اعرف مالك.. وبعدين دلوقتي بتقولي روحي وبليل كدة،، ما هو انا مش ست براء عشان تخاف عليا وتوديني وتجيبني مش كدة يا جاسر ؟
جاسر بص لندي شوية وسرح في كلامها عن براء وانه فعلا مش بيتعامل معاها كدة ولا فارق معاه هي زي ما براء اساسية في حياته ،،ولفت انتباهه اكتر جملة ندي اللي قالتها من غير ما تقصد :
تعرف انا لو فعلا مكنتش عارفة حكاية براء بنت خالتك وانك انت اللي مربيها من وهي صغيرة كنت شكيت انك بتحبها ،،ماهو كل ده تصرفات واحد بيحب مش مجرد وصي
قام جاسر بعد ما خلصت ندي كلامها وقالها بهدوء وهو مقرر يقعد مع نفسه لانه محتاج ده ومحتاج انه يصارح نفسه بحجات كتير :
لو سمحتي يا ندي بلاش كلام ملوش لزوم ويلا عشان اوصلك واروح انا كمان لاني تعبان
نفخت ندي بضيق من اسلوبه وطريقته معاها وخصوصا انها مجبرة تستحمله لانه شخص مناسب بالنسبالها من ناحية الماديات ويمكن هو ده الشئ الوحيد اللي مصبرها عليه وعلي طريقته معاها.. مشيت جنبه بهدوء وهي من جواها بتلعن في براء لانها متأكدة انها ليها علاقة بحالته دي
كانت براء قاعدة عالسرير في اوضتها وحاطة وشها بين ايديها لحد ما دخلت عليها منال بعد ما خبطت ووقتها مسحت براء دموعها بسرعة وحاولت ميبانش عليها الزعل
اعتقد اني سبتك بما فيه الكفايه لانك كنتي منهارة اول ما جيتي العصر بس دلوقتي بقي حبيبتي هتحكيلي ايه اللي كان مزعلها اوي كدة
براء بصت لمنال بحزن وفجأة رمت نفسها في ها لانها مقدرتش تستحمل وكانت محتاجة تتكلم اوي فبقت تعيط وهي بتتكلم بحزن :
ابيه جاسر زعلني اوي مع اني معملتش حاجة ،،انا بعمل كل اللي هو بيقولي عليه وبسمع كلامه.. وانهاردة عشان جه الجامعة وشافني قاعدة مع زميلي بشرحله جزء معين طلب مساعدتي فيه،، اتعصب عليا وزعقلي.. هو ليه بيعمل معايا كدة.. ليه دايما مش بحس انه بيحبني
كانت منال بتسمع براء بغموض وابتسمت بتلقائية اول ما فهمت حقيقة مشاعر جاسر ناحية براء وانه هو نفسه مش عارف حقيقة مشاعره دي.. ابتسمت منال وردت بحب وهي بتسمح دموع براء :
معقولة يا براء شايفة ان جاسر مش بيحبك ؟،، ده تصرفاته دي اكبر دليل انه محبش غيرك
اتصدمت براء من كلام منال وانها فهمت كلمة الحب اللي قالتها علي انه الحب فعلا اللي في قلبها ناحية جاسر وقلقت احسن تكون كانت كاشفة مشاعرها ناحية جاسر من بدري فقالتلها بتوتر وهي بتبص للارض :
احم ،،هو حضرتك تقصدي ايه؟
ضحكت منال بخفة وهي بترفع وش براء بايديها وقالتلها بخبث :
يعني للدرجادي فاكراني مش عارفه انك بتحبي جاسر من زمان ،،من يوم ما وعيتي عليه.. انا عارفة وملاحظة كل حاجة من بدري بس ساكتة لانه مش بايدي حاجة اعملها
قلب براء وجعها من كلام منال وخصوصا انها عندها حق لانها لان جاسر قلبه ملك واحدة تانية وهو مش شايف
وعشان كدة انا كمان بحاول انساه واعيش مع فكرة اني بالنسباله مجرد بنت بيعطف عليها عشان معندهاش اهل.. منكرش اني حبيته بس للاسف هو مش شايفني غير طفلة
وهو بيعترف انه غبي لانه اخد كل الوقت ده لحد ما فهم قلبه عايز مين ومين اللي ساكنة فيه
قال كدة جاسر بندم باين في صوته وهو واقف علي باب القوضة وعلي وشه ابتسامته الجذابة وفي نفس الوقت شهقت براء بصدمة لان جاسر سمع كل كلامهم وبصت للارض بحزن.. ابتسمت منال وهي بتبص لجاسر براحة لانه اخيرا اعترف لنفسه انه بيحبها وسابتهم وخرجت بعد ما حركت راسها لجاسر برضا وجاسر بعد ما منال خرجت قرب من براء ووقف قدامها وكمل كلامه بثقة وهو پرفع وشها وبيبص في عيونها بحب :
المهم بقي اني خلاص عرفت كل حاجة وقدرت اصارح نفسي بأن البنت اللي ربتها وانا شايفها طفلة قصاد عيني ،،هي اللي قلبي عاشقها واخترها من بين كل الناس.. انا كنت جاي عشان اعترفلك اني بحبك يا براء وكنت خايف احسن تكوني مش بتحبيني و دلوقتي بقولك اني اتأكدت ان غيرتي عليكي وحبي وخوفي كان دليل علي انك اغلي حاجة في حياتي ومن انهاردة هتكوني مراتي وبنتي وحبيبتي
ابتسمت براء بسعادة وقلبها كان من كتر فرحته دقاته كانت الحان بس اول ما افتكرت ندي رجعت بصت لجاسر وقالتله بحزن :
طيب وندي ؟
جاسر ابتسم بعشق وهو مدقق في تفاصيل براء اللي بيعشقها وقالها بهمس :
انا نهيت كل حاجة يا براء ومش عاوز غيرك في حياتي
براء ابتسمت بفرحة وهي باصة لجاسر وردت بخجل :
وانا
تمت
بقلمي اسراء ابراهيم
