رواية فؤاد وليلة النعماني جميع الفصول كاملة بقلم ميفو السلطان
المحتويات
صغير وبعض ادوات المطبخ البائسه وكانت عالارض سجاده باليه وبعض لعب الاطفال المهترئه والمكسره كان موجوعا مصعوكا احس بالاختناق وخرج مسرعا من الغرفه احس ان رئته نفذت منها الهواء.. ليه.. عملو
ايه عشان يعيشو كده.. انا عملت ايه عشان اتحط انا وولادي في حاجه زي كده.. يا تري كانو بيبقو سقعانين وهيا تعمل ايه.. كنتي بتعملي ايه يا ليله كنتي بتعملي ايه وولادي بين ايديكي لا حول لكي ولا قوه . اكيد كنتي بتدعي عليا بحرقه مانا استحق واكتر .كنتو بتاكلو ايه قلبكو اتحرق من قله الاكل لاوالعيال طالعه ربنا هاديهم ومابينطقوش اللي يتحط ياكلوه من رحمه ربنا .. كنت بتواجهي العالم ازاي تقفي للي يسوا ومايسواش ازاي. كنت بتعملي ايه وانت لوحدك شايله عيلين علي كتفك.. طب لما مشيتي في الشارع مضروبه ومكسوره رحتي فين وعملتي ايه كنت حاسھ بايه.. رحتي فين ببطنك اللي بتكبر ومالكيش الا ربنا.. طب لما خلفتي فكرتي ابوهم هيبقي مين وهو راميهم سنين.. اتقطعتي وانت بتشتريلهم اسم اصلهم بقو ولاد حرام.. ليه ليه.. كان هيتجنن.. بتشتغلي وتربي سنين لا وجيالي تترجيني اخلي بنتي تعيش.. بنتك كانت ھتموت من قله الفلوس وانت جبال الفلوس اللي عندك ماتتعدش.. احساسك ايه وانت جايه لحد عندي بعد مارميتك تترجيني انقذ بنتك اللي هيا حته من قلبي احساسك كان ايه في وسط كل ده.. احساس يدبح انا مدبوح احس انه سيصاب بالجنون ظل يدور حول نفسه كالمجنون . اللي يشوف الظلم دا كله ومايتجننش يبقي جبل وانت جبل يا قلبي.. انت كنت ام بميت راجل وانا قاعد في العز بتحسر علي حالي.. عداب ايه يا فؤاد اللي شفته اسكت يا راجل عيب دانت تستحق الحرق عالللي عملته في مراتك وولادك وژعلان قوي انك كنت عايش من غير نفس.. والله عيب اختشي يا راجل دانت تستحق يتولع فيك.. وهنا رفع راسه وعينيه تحولت للجمر من الغضب مابقاش فؤاد النعماني ان ماكنت اخد حقك يا ليله وحق ولادي من اللي عمل كده.. مابقاش في صنف الرجاله اتسمي راجل ان ماكنت احرق قلبه عاللي عمله فيا.. وانت يا قللبي عارف اللي هطلعيه عليا بس يمين بالله لو شقيتي صدري نصين هيطلع قلبي من بينهم ويقلك بيعشقك.. اعملي مابدالك فيا وانا يا رب انا اتظلمت اديني القوه استحمل اللي هتعمله فيا واستحمل بعدها عني..
خرجت ليله من الحجره لتجد وجهه احمر وعيناه غريبه فاحست بالقلق.. واقتربت منه بحرص وقالت فيه ايه انت كويس.. اغمض عينيه واحس كأن ماء لطيفا سقط عليه وازال كل الغضب لما احس من نبرتها نبره فيها قلق عليه.. فنظر
اليها وقال وقد استجمع نفسه.. لأ ولا حاجه خلصتي طلباتك.. هزت راسها وتقدمت امامه وركبو السياره وكان كل منهم صامت كان هو في حال غير الحال وكانت هيا ساهمه لا تعرف ماذا به ليست متعوده علي هدوءه هذا.. رجعو الي البيت واستقبلهم الاولاد فرحين وقال مراد تعالي شوفي عندهم بسين اد ايه.. قال فؤاد هما مين يا حبيبي اللي عندهم.. خببط مراد علي جبهته وقال معلش يا بابا عندنا عندنااااااا.. وشد والدته لتجد جميله ترتدي مايوه جميل ومعها امنيه تجلس بالقرب من بسين الاطفال وممتلي بلعب لهم احست بالسعاده والفرح وقال مراد يلا يا بابا اقلعو وتعالو نبلبط.. بلعت ليله ريقها اقلعو .. قالت له انا هطلع اريح عشان تعبانه وهبقي انزل مره تانيه.. ال اقلع قال قدام ده ينهار اسود.. ميفوميفو. صعدت لحجرتها ورتبت اشيائها وذهبت لغرفه الملابس لتاخذ بيجاما بيتيه محتشمه مريحه واتجهت الي الحمام لتاخذ شور انهت استحمامها. جلست تمشط شعرها وهنا دخل فؤاد بهدوء لينظر اليها و يتنهد كانت جميله فاتنه اغمض عينيه متمنيا قربها ولكنه تصنع الامبالاه حتي لا تثور عليه فهو ارهق اليوم بشده و قلبه لم يعد يتحمل اي مشاحنات.. احست بان به شئ فاجبرت نفسها عالصمت ولكن القلق ينهش قلبها . نظر
اليها بوجع وتركها ودخل وذهب الي غرفه الملابس واخذ ملابسه واتجه بصمت الي
الحمام.. هنا استغربت ليله ماله ده داخل صامت قامط ولا حتي بصلي.. ايه يا ليله انت هتخيبي مايخش صامت والا يتنيل والا انت دماغك حادفه شمال زي مابيقول بس هو ماله من ساعه مارجعنا متغير وفيه حاجه وجعاه اوي.. ماله طيب وهنا نهرت نفسها ماتتعدلي فيه ايه ايه السهتنه والسهوكه بتاعتك دي مايولع.. اتجهت الي الاريكه وصعدت عليها واخذت احد المخدات وغطت في النوم فاليوم كان مرهقا اليها جدا ميفوميفو..
خرج فؤاد ليجدها نائمه ومستغرقه في النوم ليقترب منها ويجلس بقربها وظل لفتره طويله ينظر اليها ويشعر بالوجع عليها وعينيه لا تفارق وجهها وطفرت دمعه من عينه وقال اسف اسف الف مره علي كل حاجه كنت السبب فيها اسف اني ماكنتش امانك ودنيتك زي ماوعدتك اسف يا قلبي اسف عالعذاب اللي عيشتيه وولادي عاشو فيه.. اسف من هنا لحد ما روحي تطلع هفضل ندمان لحد موتي عاللي عملته فيكي نفسي ارجع قلبي لانه
معاكي خدتيه ومش راضيه ترجعيه.. يوم ماترجعيلي هفضل عايش من غيره مستني اليوم بس اللي تبصيلي بعين الرضا وضع يده علي شعرها ودعي ربه ان يحنن قلبها عليه يا رب انت عالم اني اتظلمت ردهالي وردلي قلبي يا رب انت عالم بحالي اديني القوه لحد ماترضي عني انا عارف انها هتسامحني عارف ان قلبها طيب بس لحد ما يحصل قويني علي بعدها ووجع قلبها لاني عارف انها موجوعة زيي ثم قام وتذكر عمته يادي السيره الهباب ماكنا في الهيح من شويه ليه الغم ثم نزل وامر امنيه ان لا تزعج ليله وان تعتني بالاولاد ثم استقل السياره وذهب الي الحربايه قصدي عمته وما ان دخل عليها حتي تصنعت البكاءحد يقتلها بقه يا مين مصبرني عليكي وقال.. الدموع دي غاليه ليه كده.. قالت.. ماخلاص نسيت امك حبيبتك قال لها.. انا اقدر مانا جاي جعان وجاي اكل اهوه والا انت ماعملتيش اكل انفرجت اساريرها وقامت بسرعه واتجهو لغرفه الطعام وامرتهم ان يحضرو الاكل.. ثم بدات في القول.. هو انا مش هشوف الولاد اجي ابوسهم واقطعهم بوس احفادي حبايبي لا وربك والحق انت الحب مولع في الدره قال لها حاضر هجيبهم لحد عندك حاضر رفعت حاجبها
وقالت ليه هو انا ماجيش بيت ابني براحتي والا السنيوره مش عايزاني حربقي يا وليه حربقي تنهد الغلبان وقال
لها.. بس هيا يا عمتي معلش فتره كده وهتعدي اللي حصلها مش قليل.. ماشي يبني اللي تشوفه ربنا يسعدك انا هعوز ايه وانا في اخر ايامي ست كبيره وقاعده في بيت طويل عريض مش مخليني محتاجه حاجه كاااات هايل يا حربايه اللي بعده تنهد وقال مانا هبقي عندك كل يوم وهجيب العيال وشويه كده
ليله طيبه هتيجي ونتجمع كلنا من تاني.. اه امال يا حبيبي ربنا يريحها دايما يريحها وياخدك يا
بعيده ظلو يتسامرون ويضحكون وظلو يتكلمون حتي تذكر المركز الطبي وهنا قال بس يا عمتي انا هروح المركز ومش هخلي فيهم حد ينفع يمشي علي رجله واللي عمل فيا كده ماعدش هيتصنف في صنف الرجال راجل.. انت مش فاهم ماكنش راجل ماكاااانش مابقاش فؤاد النعماني ان ماخربت بيتهم ابتلعت العمه ريقها وقالت اه اه طبعا.. اكمل فؤاد الجلسه الحربويه بسلامه نيه ثم استاذن حتي يعود لبيته
..
كان قد حل الليل ورجع ليجد الاولاد
يجلسون في حجره المعيشه مع امهم ويلعبون بالالعاب
كانت تريد ان تعرف اين كان كل ذلك الوقت ولكنها منعت نفسها ظل ينظر لاولاده صامتا مطمئنا وهنا لم تستطع ان تصمت اكثر من ذلك فقالت بھمس له ممكن تقلي مالك من الصبح وهنا ادركت لهفتها فاكملت والا انت بتدبرلي حاجه دبش احدفي يا حبيبتي احدفي وهو ناقصك اصلا قال لها.. تصدقي بالله ماڤيا حيل حتي ادبر ازاي هطلع فوق انا هقع من طولي ھموت وانام وفجاه من دون سابق انذار احني ووضع راسه علي قدميها فصرخت ونظر الاولاد فيه ايه يا ماما.. ضحك فؤاد وقال لهم معلش امكو ساعات كده بتحب تعمل جو هزار وساسبنس وكده.. زغدته في كتفه وقالت قوم انت اتجننت ماردش فاقتربت من اذنه وهمست قوم من علي رجلي احسنلك .. اغمض عينيه من قربها منه وقال لها والنبي يا ليله سيبيني انام نص ساعه نفسي انام وصمت واخذ يدها في وغط في نوم عميق.. لم يكن بيدها حيله ماذا تفعل ورق قلبها لحاله فهو يبدو عليه التعب الشديد وكانت تشعر ان به شيئا مختلف اليوم.. وبدل ان ينام نصف ساعه نام ساعه كامله لم يحس بالاولاد وهم يغادرون للنوم كل ما كان يشعر به انه امتلك الدنيا بما فيها ولاول مره منذ ست سنوات تغمض عين فؤاد النعماني عن حق فما لاقاه وعاناه ينهد له اعتي الرجال. كانت تنظر اليه وهو نائم بادي علي ملامحه الارهاق ولا اراديا مدت يدها علي شعره تمسدها وظلت تداعب شعره حتي استيقظ واحس بها ولكنه بذل مجهودا جبار كي لا تلاحظ كان سعيد وحالم بالحاله التي هم عليها وهنا فجاه ادركت ليله ان مشاعرها تجاه فؤاد مازالت موجوده وبقوه.. خاڤت ليله من نفسها وارتعبت من هول ما ادركته. ميفوميفو.. حاولت ليله ان تتململ لتوقظه كان قد استيقظ ومتصنع النوم وهو مطبق علي يديها وهيا تبرطم.. يادي النيله هو قافش ايدي ليه كده سارقاله حاجه.. هو في سره قلبي سرقاه رجعهولي تنستري يا شيخه.. وبدات بهدوء كاي زوجه مصريه اصيله زي مانتو عارفين كده توقظ زوجها.. كانت تضع يدها علي كتفه وتهزه بهدوء الي ان فتح عينيه و..
..
البارت الرابع عشر..
فتح عينيه ببطء وظل يحدق بها وهيا لا
تعرف ماذا تفعل او اين تدير وجهها فقالت مسرعه ممكن بقه تقوم وتسيب ايدي رجلي وجعتني ومايصحش كده.. قام ونظر اليها وقال لها متشكر يا ليله.. قطبت جبينها وقالت علي ايه.. علي سنين مانمتش فيهم لحظه الا دلوقتي حسيت اني ملكت الدنيا ومافيها مراتي معايا وولادي ادامي
فعلا و قال لها طب شكرا.. نظرت اليه باستغراب.. علي ايه انا ماحكيتش القصه كلها.. قالها بكره تعرفي تصبحي علي خير يا قلبي اللي تاعبني وتنهد وهو يتوعد لها ان يريها من العشق الوان فهيا بطيبتها وضحت له ما يبدو ما في قلبها دون ان تحس.. ميفوميفو. نام فؤاد متمنيا مافي قلبه داعيا الله ان ترق له وتسامحه فهو اصبح لا يحتمل.. فقربها منه يشعله ويشعل فؤاده وهيا لا تحس بشئ. قلنا بومه بس يلا معلش .. ميفو ميفو
واسرور اد كدهون وصعد اليها ليحضرها لتبدا مرحله التمثيل والسهتنه وتصنعت التعب في النزول وعندما جلست علي الطعام
الادويه وتاخذها وكان فؤاد مهتم بها وايضا لم ينس ان يداعب اولاده او زوجته
ولكن ليله لا تتحدث ومجبره علي الجلوس فهي ست كبيره ومريضه مر الوقت وامرت ليله امنيه ان تاخذ العيال للنوم وهنا استاذنت ليله لتصعد.. فنظرت فيروز لفؤاد بغضب انا همشي يبني بلا قله قيمه يلا ابعت معايا حد يلقحني في بيتي.. تنهد فؤاد ليه بس يا عمتي ماكنا حلوين ماحدش جرح مشاعرك ولا قالك حاجه وانا يا ستي بنفسي اللي هوصلك.. احست بالحسره وظلت تهري.. توصلني داحتي ماعزمش عليا اقعد. يا قهرك يا فيروز يايامك السوده بكره العقربه تاخدك مني وتنساني.. تصنعت التعب وسندت عليه واوصلها حتي بيتها واصرت ان يبقي بعض الوقت ورضخ لها.. ثم استاذن منها ورحل وهيا الحسره تنهش قلبها. ميفوميفو.
كانت ليله غاضبه من تلك المرأه فهي تعلم انها لا تحبها ولكن لا تعلم لماذا ولكنها تخجل
ان تقول لفؤاد اي شئ فهي لم تصرح بحاجه ودخلت واخذت شاور لعلها ترتاح وطلبت مشروبا باردا لعلها تهدا وهنا دخل فؤاد متعبا منهكا فنظرت اليه فرق قلبها له كانت تحس انه ليس بيده شئ فلم تتكلم بشأن عمته ولكنه اقترب منها وقال.. شكرا يا ليله انت بنت اصول ومتربيه وتركها ودخل ليغير ملابسه وياخذ حمامه وخرج ليجدها تقف في التراث ومعها مشروبها فابتسم وهو يري جمالها وهيا تقف.. شعرها يتطاير مع نسمه هواء لطيفه وهيا سرحانه في ملكوت اخر. جمالا منحوتا فينوس متربع علي عرش قلبه.. دخل بهدوء ليقف جنبها وظل صامتا ارتبكت هيا لوجوده فقال لها بالله عليكي ماتدخلي خليكي معايا شويه انهارده يوم صعب.. استدارت هيا ونظرت اليه ثم جلست علي الاريكه فاقترب منها وجلس
بجوارها وقال انا عارف انك اضايقتي بس اعمل ايه ماقدرش اقلها حاجه هيا اه ساعات بتقول كلام بايخ بس طيبه.. امممم انت هتقلنا ماكلنا عارفين يا عاطف . .. تالم وبان عليه الالم وقال انهارده ماكنتش والله اعرف انها جايه و كان سيبرر وعلي وجهه الاحراج خوفا علي مشاعرها.. هنا وضعت يدها علي شفتيه وقالت انا مش ژعلانه انت ما ينفعش تتقسم بينا اهو يوم وهيعدي تجمد وانصعق من فعلتها حتي كاد قلبه ان يخرج من مكانه علي عفويتها وقلبها الذهبي.. مسك يدها وقال انت كل ما الايام بيعدي بعرف اد ايه انك كنز لا استحقه وقال نفسي تحسي بده ماعدش مستحمل بعدك عنه والله اتربيت لا اتربيت ايه دانا استويت وتحت امرك من ايدك دي لايدك دي ارضي عني الله لا يسيئك بقه يا شيخه دانا غلبان غلب السنين . ارتبكت وسحبت يديها وقامت مسرعه بس طبعا لازم تحدفلها دبشتين وتخرجنا بره المود هيبقي هيا والعقربه عليه.. بقلك ايه يا فؤاد مش معني اني بتعامل معاك كوبس يبقي تتمادي فيها انت فاهم انت ابو اولادي وبس فاهم.. يا بت نفسك.. قطبت جبينها وزقته واستدارت وهيا تبرطم.. لا انت كده عقلك خف فيه وعد يا استاذ فاهم ورزعت الباب وهي تسمع ضحكته تصدح في المكان واتجهت للاريكه وهيا تشتعل وجسمها يرتعش مما فعله ونامت عالاريكه ونام هو عالسرير وظل كل منهم يفكر في الاخر كان هوا نائما مبتسما يشعر بالرضا لانه احس انها قريبا ستسامحه وستصبح له قريبا جدا فهي اعطته مفتاح الوصول غتت اكتر توصل اسرع.. اما هيا فكانت حالمه في حال غير الحال وتبتسم من الحين والاخر وكانت حائره فعقلها ينهرها ايه نخيتي ضحك عليكي بكلمتين اما قلبها فكان مع فؤاد قلبا وقالبا يحثها ان تسامحه ولا تعذب نفسهاو تعذبه فكان له عذره من تلك التمثيليه الحقيره وظل قلبها وعقلها يتصارعان حتي نامت من التعب ميفوميفو.. استيقظت لم تجد فؤاد فهو ذهب للعمل ونزلت لاولادها لتقضي الوقت معهم وهنا جائها تليفون من الست فيروز ماهو مش هنخلص.. ازيك يا مرات ابني كويسين معلش امبارح مشيت عشان تعبت بكره ابقي اجي واقعد براحتي عشان اشبع من الولاد احفادي.. ردت ليله اه طبعا يا عمتي وظلت الحربايه تتكلم وتثرثر وليله ترد باختصار ثم قفلت الخط.. وقفلت اليوم من اوله.. جاء مراد ايه يا ماما الست اللي اسمها فيروز دي زعلتك لما تيجي هشتمها.. عيب يا مراد حد يشتم الكبير وكمان عمه بابا.. قال دي ست عنيها شكل عنين سكار عارفاه بتاع ليون كينج.. عينها شريره اوي وبتبص لينا وحش وجميله هبله ومش حاسھ بحاجه طالعه لامها يا حبيبي معلش .. ردت عليه وقالت عيب يا مراد مالكش دعوه بيها.. اقترب منها ومسكها من يدها وقربها وقال فکره االي كان بيزعلك زمان كنت بعمل فيه ايه.. ضحكت قالت له اياك بقولك اهوه هتغرقها ميه هزعل منك.. يلا روح العب.. اتصلت بالست فوزيه وتكلمت معها وحكت لها فقالت لها حرصي من الوليه دي دي ست شر دي مريضه يا ليله وممكن تكون خطيره خلي بالك تعلقها بفؤاد مش طبيعي ومش بعيد تكون سبب في اللي حصلكو احست ليله بالدعر ولكنها اكملت المكالمه
واذا بفوزيه تكمل بعفويه وانت يا بت اتلحلحي كده
وماتقرفيش الراجل اهو ندم ورجع علي بوزه متقرفهوش يا ليله الا يزهق والنسوان تخطفه منك حرصي انت طيبه وتمنت لها الخير وظلت تفكر هو ممكن.. يزهق وعنيه تزوغ لا لا لا فؤاد مش هيعمل كده.. وهنا تذكرت كلام فوزيه عن عمته وقالت ايه ده لا لا لا كده ان بعض الظن اثم..
حرام ماعيش دليل كده اثم عليا الا وانت صادقه دا هيا الاثم كله وطالع
لها راس ظل يتردد في عقلها كلام فوزيه فشعرت بالخوف منها وعلي اولادها وعلي فؤاد يمكن تعمل فيه حاجه لو بعد عنها..
بس يا ليله اعقلي اعوذبالله من الشيطان الرجيم.
في الصباح استعد هو وعمته للرجوع للفيلا واخذت معها حيزبونه زيها بالضبط بس صغيره مشروع حربوءه اسمها ورده خادمتها. ميفوميفو. واتجهو الي الفيلا وقابلتهم ليلي الموكوسه ببشاشه وادخلتها الي المنزل وكانت اولي مراحل الهم في البيت فالبيت به شياطين نستعيذ منها ونقدر ان نصرفها اما شياطين الانس فماذا نفعل. لا شئ فقط ننتظر عدل ربك في الارض.. وندعو الله ان لا نراهم
في حياتنا
البارت الخامس عشر
يا رمضان دانت واقع.. عشنا وشفنا فؤاد النعماني بجلاله قدره واقع لشوشته.. مسك فؤاد الوراقه وقال .
انا عارف انك مش هتقطم.. فقفز كريم طب يا وحش اهدي.. . طب وعمتك اول ماتخف رجعها البيت عمتك مش سهله يا فؤاد وانت مسلم ليها اوي وغلبت اقلك وانت ولا هنا شفت اهو الواد اشتكي والناس والمجره والمجرات المجاوره الا انت يا عاطف قاله اعمل ايه اخرتها ارميها يعني دي هيا اللي ربتني.. ايوه ربتك عملت ايه يعني عيل دخل مدرسته وبفلوسه وعايشه في عزك وعز ابوك
انت اهبل يا فؤاد محسسني انها كانت بتسرح عليك في
الشوارع امال ليله يتقال عليها ايه.. ركن فؤاد راسه مبتسما.. ليله يتقال عليها الحلو اللي
في الدنيا ليله دي الدنيا اللي مش عارف اعيشها نفسي اعيشها ياكريم.. ابتسم كريم وقال.. وايه كمان يا قيس افندي كشر فؤاد ورد عليه.. تصدق انك عيل فصيل.. نعم عايز ايه انجز وقوم غور .ميفونيفو.. مڤيش الشركه السويديه هنمضي معاها
العقود بكره والاجتماع الساعه اربعه ماتنساش.. هز راسه وخرج كريم ثم تذكر المحقق واتصل به ليعرف اخر الاخبار وهنا كانت مفاجأه اذ قال له ان هناك من دفع للطبيب لكي يفعل ذلك وان هناك شخص وراء المكيده وقريبا سيعثر علي الطبيب اذ انه اختفي ولم يترك وراءه اثر ولكن المحقق يتتبعه وقريبا سيكون عند فؤاد.. انهي فؤاد المكالمه عاقدا جبينه والله لو فين هجيبك واقتلك بايدي مش هيشفي غليلي الا كده ويا تري مين اللي دفعلك دا بقه اللي هيتمني الموت ولا يطولوش امين ياخويا نشوفها متفرتكه عالاسفلت.. ميفو ميفو
اما في الفيلا فكانت ليله تتجنب فيروز وتشغل وقتها بالاولاد وكان هناك شخص واحد واقف لفيروز وهو مراد كان يكرهها بشده ويراقبها رغم صغر سنه كان يعشق امه ويتضايق عندما تفعل اي شئ لوالدته.. جلست فيروز وقالت ليله وايه رايك بقه مش عيشه العز احسن من حته القوضه اللي كنتي فيها يا حبيبتي همت ليله ان ترد ولكن مراد قاطعھا وضحك عيشه حلوه اوي.. ماهي فلوسنا يا حاجه نظرت فيروز وبرقت حاجهواكمل عارفه يا حاجه بابا بيقلي لما اكبر هيقعد ويسيبني اقعد علي كل حاجه ماهو انا ابنه وحضرتك لو فضلتي عايشه هبقي اسيبك برضه في حتتك كل واحد في حتته ماحنا عندنا حتت كتير وبابا قعد يعدلي .. هنا تجمدت فيروز وليله من كلماته وقامت ورده وقالت له ماتلم لسانك يا واد انت.. هنا ليله تدخلت وقالت بحده ورده مالك فيه ايه دا عيل.. هنا مراد قام غاضبا واتجه الي ورده واشار باصبعه انا مش واد انا مراد بيه قولي ورايا مش انت بتاخدي فلوس من بابا مش كده.. اسمي ايه بقه انت كده مش عارفه اسمي وقطب جبينه وقال وانا هقول لبابا انك بتقولي عليا واد وعايز لساني يتلم.. ذعرت ورده وقالت والله ماقصد.. قال لها طب اسمي ايييه.. قالت له مراد بيه.. ايه ماسمعتش علي صوتك.. قالت مراد بييييه.. قالها شطره يا ورده.. وحضرتك يا حاجه لازم تاخدي بالك من الخدامين عشان ماينفعش يطولو لسانهم. تقوم مطوله لسانها عليكي ونزعل عليكي.. كانت ليله مصعوقه من ابنها احست انه رجل. ليس طفل فقالت مراد روح شوف اختك.. قال اختي الهبله بتلعب بالعرايس مابتعملش حاجه تانيه في حياتها فنظرت اليه فيروز بغل قالتله متروح تلعب بالعرايس انت كمان والا انت مش زي العيال.. فاقترب منها وصعد علي رجلها وقال لها.. تاني.. لا يا حاجه اصل انت مش عارفه ماما بتقلي انت مش عيل ولساني متبري مني وبتحاول تسكتني بس انا بيني وبينك مابعرفش وكان اللي يقرب من ماما كنت ببهدله.. عينيكي حلوه اوي يا حاجه.. نظرت اليه فيروز باستغراب قالتله تسلم يابن ابني.. قالها لا انا مراد بس.. فقالت له ماشي شكرا.. عارفه يا حاجه اديلها يا واد حاجات خليها تنجلط عنيكي شكل سكار بالضبط مسحوبه كده ومرسومه.. لوت فمها وقالت اسكار مين دا راخر هنا تدخلت ليله بتوتر مراد اطلع شوف اختك بطل رغي.. معلش يا طنط هو كده عيل غريب راجل صغير سبحان الله.. اه يا حبيبتي واضح بت يا ورده طلعيني اوضتي.. وصعدت والنار في بطنها من الواد اللي حرق دمها يعيش ويحرق مراد بيه.. بيه ايه باشا ميفوميفو. صعدت حجرتها
دخلت ليله المطبخ فاقتربت منها حميده وقالت انت يا
ست ليله طيبه والحاجه معلش صعبه بس خلي بالك من البت ورده بشفها واقفه بتتصنت وبزعقلها.. تفاجأت ليله ثم اكملت حميده حرسي يا بنتي انت طيبه وقلبك ابيض لازم تاخدي بالك وخدي بالك من جوزك ماتبقيش ناشفه معاه الا واحده تلهفه اساليني فيه ستات حاطه ابيض واحمر ويتسهوكو لحد ماياخدو الراجل وانت طيبه مالكيش في السهوكه وفؤاد بيه الله اكبر عيني عليه بارده حاجه تشرح القلب دا لو جوز بنتي كنت خليتها تبقي قتب ليه تركب علي ضهرو.. كانت ليله مسهمه هو ممكن فؤاد يحب حد تاني.. اه ليه لا مش راجل وعايز ست و انت بومه بتعضي فيه.. ثم قطبت وقالت لنفسها انت اتجننتي بتفكري في ايه مايتخطف والا يتنيل انا مالي يا بت علينا برضه نظرت لحميده وقالت طب يا خالتي خلي بالك منها والنبي واي حاجه بلغيني.. قالتلها عيوني.
صعدت ليله حجرتها ولبست فستانا رائعا ذو حمالات عريضه وتركت شعرها منسدلا ووضعت بجانب شعرها فراشه الماظ ترفع شعرها قليلا
من الجنب ووضعت ملمع وردي لشفتها كانت ساحره.. ونزلت وهيا في طريقها لحجره الليفنج اتي مراد ونظر لها.. ايه يا ماما انت حلوه ليه كده.. قطبت جبينها وقالت هو انا كنت وحشه.. رد عليها ابدا بس بتلمعي كده بتنوري يا ماما قالتله بطل غلبه اختك فين.. يادي اختي قلتلك اختي دي في دنيا لوحدها كيوت اوي ماعرفش جايه كده ازاي دانا بخاڤ عليها لما اكلمها.. قالت له عشان كده عايزاك طول عمرك تحطها في عنيك واللي يقربلها تاكله.. جميله برنسيسه كده بسكوتايه وانت سندها في الدنيا.. انتفخ صدره وقال ماتقلقيش دانا هعجبك اوي لما اكبر.. قالتله دانتي عجبني اوي دلوقتي امال لما تكبر هيبقي شكلك ايه ربنا يحميك يابني وهنا جائت فيروز ونظرت ليليه من فوق وتحت وضحكت ايه اللي حطاه في وشك ده يا مرات ابني.. احمرت ليله من الغضب وهنا اقترب مراد من امه وقال.. ايه يا حاجه الحاجات دي بيحطوها البنات عشان الولاد يحبوهم انت كبرتي وعجزتي واكيد ماتعرفيش ماما اصلا بتلمع كده لوحدها وبسمع بابا بيقلها كلام حلو اوي مش كده يا ماما سمعته كذا مره بيقلك يا قمر.. احمرت ليله خجل واحمرت العقربه غضبا وکتمت نفسها وقالت انا همشي عشان هنجلط وتركتهم ثم ذهب مراد .. تركته وخرجت الحديقه في جزء خاص لهم لتريح اعصابها لتقرا فهي شغوفه بالروايات الرومانسيه واندمجت ولم تحس بذلك الذي اتي من خلفها متسحبا ليضع
وجهه عند شعرها ويغمض عينيه ويشتم رائحه عبيرها الساحر.. فجأه احست باطرافها تتجمد فاستدارت وصرخت فغمض عينيه واستغفر ربه فقطبت جبينها وقالت حد يخض حد كده.. رفع حاجبيه وقال انا برضه اللي صرخت
في وشك صح فقامت ووضعت يدها في وسطها وقالت لا انا الللي اتسحبت وخضيتك صح.. كان
هو بقي في حته تاتيه وظلت عيناه تجول وجهها وجمالها وفستانها كانت في حته تاتيه جمال بيبرق فعلا تصنم امامها وهو سارح بها حاول ان يتحرك ولكنه مذهول دي ليله.. فاقترب منها وهيا مرتبكه وقال هو القمر بيطلع الصبح لا قمر ايه انت مين كان فيه واحده هنا بتزعق علي طول هو انا دخلت الجنه وحورتي جاتلي والا ايه .. نظرت اليه مرتبكه وقالت فيه ايه مالي يعني والا ماشبهش الستات اللي بيجولك في الشغل وحاطين احمر واخضر هنا ابتسم واتسعت ابتسامته فمعشوقته تغير عليه وقال ستات مين قصدك سيدات الاعمال. اسكتي يا ليله دا قارفني بيجو ولازقه وتقولش الواحده راحه تعمل موديل.. كانت كلماته تلهب فؤادها فنظرت غاضبه مشتعله وجهها احمر اه وانت مابتصدق تلزق في الموديلات ال ايه عمري ماكان ليا في الشمال وانت كلك شمال روح ارجع للموديلات بتوعك وخد ذنوب يا اخويا وتركته غاضبه الا انه لم يتركها فاقترب منها وهو يضحك ومش قادر يبطل ضحك طب والله قمر ولا فيه حد يملي عيني وقلبي غيرك انت يابيض انت.. بس انت حلوه اوي انهارده ليه كده انت عايزه تموتيني بحسرتي عايزاني افرفر براحه علي قلبي الا ماعدش قادر كانت قد استكانت بين يديه متخدره من كلامه واقترب بوجهه منها وهيا مسهمه الي ان سمع فجاه احدا من خلفه فتجمد وكز علي اسنانه.. حمدالله عالسلامه يا قلب عمتك عارفين عزرائيل اهو الوليه دي اخته قلبي وقف منك لله هنا استجمع نفسه وشد ليله اليه اكثر واستدار والغيظ ينهش قلبه اروح فين اطفش يا رب ارحمني.. الله يسلمك يا عمتي.. ردت عليه بخبث طب ماتخشو واقفين كده ليه يلا جعناانت مالك ماتروحي تطفحي انت مالك يا مرارنا الطافحهنا شد مراد ليله التي تلون وجهها بالاحمر وكانت مسيره فذهبوا جميعا للداخل
وجلس مغيظا اياها ونظر بكره اليها وخاطب ابيه سريعا بابا مش انا
كبرت وبقيت راجل قال له اه طبعا يا حبيبي قاله خلاص انت هتبقي الكبير بتاع العيله وانا الكبير الصغير بتاع العيله مش كده
ضحك فؤاد وقال له والله يابني انت ابن ابوك تالت ومتلت وفي تلك اللحظه کتمت فيروز غيظها وجلست وسط المائده وجلست جميله كانت طفله حالمه جايه من كرتون ديزني ظلو يتسامرون وليله صامته والخجل ياكلها ولا تعرف كيف ستواجه فؤاد بعد ما حدث ميفوميفو وقالت لنفسها لازم تجمد هيا مالها بقت سهله كده.. انهو الطعام وقام الجميع لحجره الليفنج وبدا الاولاد يلعبون ويمرحون وفيروز عنيها باظه عليهم قاعده
هتطير من النار اللي قايده فيها صاروخ والع تحتها بخت يرشقها في السقف وليله لا تجرؤ علي رفع عينيها لفؤاد و فتحو
احد الافلام وظلو يشاهدون وبعد فتره قام الاولاد لكي ينامو وظلت فيروز وليله وفؤاد بين يديه وهنا اغتاظت فيروز مابتعرفش تبطل حربئه ثانيه الا الحربوء
هليف علي رقبتها يموتها قالت فيروز بصوت عالي نسبيا ليله.. لم تسمعها ليله ولكن فؤاد اشار لعمته محذرا ان لا توفظها فقامت فيروز لانها لم تعد تطيق القاعده الغل والدود بيشتغلو عالفولت العالي مش قادره خلاص الست هرمونات الحربئه علت عليها وقالت تصبح علي خير فھمس لها وانت من اهله وغادرت فيروز مقھوره
الحمد لله وقلوبنا هترتاح شويه. ميفوميفو. وهنا ضم فؤاد ليله اليه ووضع راسه علي راسهاوقال في سره الله يسامحك يا عمتي كنا ماشين كويس بره وكان فيه امل بس ازاي عيل فقر وخلاص هتصحي متحوله وترجع بعد مالانت بين ايديا.. قام بهدوء وحملها بين يديه ثم صعد بهدوء بيتسحب يا قلب امه عشان البومه ماتصحاش دخل حجرته واتجه الي السرير ووضعها بهدوء وظل ينظر لها فتره شعرها منسدل عالوساده وووجهها مرتاح ومرتخي في جمال براق.. ثم تنهد وغطاها وذهب لياخذ شاور عل الماء تزيل سخونه جسمه خرج ووجدها مازالت نائمه وجلس عالاريكه ينظر اليها.. ظل الحب ينهش في قلبه طب مش حرام انا هنام ازاي دلوقتي وهيا قمر كده قدامي.. ظل ينظر اليها وقلبه ياكله من ڤرط الانفعال ثم هب من مكانه انا هنام جنبها مش قادر خلاص بس هبقي ونام الا هيا ممكن تقوم وتصحي متحوله وشقاك نصين بس انام ازاي وهيا جنبي يا رب انا عملت ايه في دنيتي عشان العداب ده وضع يده علي راسها وظل يتمتم بعض الادعيه ثم انهي اللهم ردها اليا ردا جميلا .. والله غلبان.. ميفوميفو.. استيقظت ليله من نومها وظلت تحاول التحرك واحست باحدا مكلبش فيها فقطبت جبينها وفتحت عينيها لتتسع عينيها وكان قلبها سينفجر من ڤرط الانفعال ثم صرخت ..
السادس عشر
ظلت ليله تتحرك ولكنها احست ان احدا مكلبش فيها وهيا لا تعرف ان تتحرك لتفتح عينها ببطئ لتتسع حدقتيها من الصدمه كانت نائمه علي صدره ويديه حولها كانها ستهرب منه رفعت رأسها وصرخت وتهدل شعرها علي وجه فؤاد فاستيقظ مذعورا وقال ايه فيه ايه البيت بيولع.. ليجد ليله متشنجه وادرك انها تحولت فابعد يديه بهدوء ورفعهم بجانبه دليل علي الاستسلام والهدنه لتقفذ مبتعده ولكنها مازالت قريبه وهتفت بحنق .. ا ايه ده وايه اللي جابني هنا وانت ازاي تنيمني انطق.. كان يحاول ان يهدء من الخضھ فهي صرعته بصراخها فقال بغلب شديد . حد يصحي حد كده برضه دانا نمت الفجر حرام عليكي و.. وايه اللي نيمك الفجر إن شاء الله.. قلها الغلب اللي نيمني الغلب.. ردت مسرعه عموما انا مالي وخبطته علي كتفه وزقته انا عايز اعرف ايه اللي جابني هنا.. قالها ولا حاجه انت نمتي تحت بين ايديا وجيت اشيلك كلبشتي فيا حتي اسالي عمتي وطلعت حطيتك عااسرير وماعرفتش اروح الكنبه لقيتك مكلبشه فيه فنمت جنبك بكل ادب والله
اهو انت كامله مكمله وقمر زي مانتي اهوه وانا االي اتصرعت.. خيرا تعمل صحيح.. قطبت جبينها مذهوله قالتله انا عملت كده.. قلها اناديلك عمتي طب استني اما اناديها وهم ان يقوم فانقضت عليه ومسكته لا لا انا مصدقاك بس غريبه.. ياستي عمتي زمانها صاحيه و.. قاطعته خلاص خلصنا ولو حصل تاني ابقي صحيني وحدفت المخده بجواره وكان هو يمثل الغلب واتجهت غاضبه للحمام. ميفوميفو. وماان رحلت حتي انفجر فؤاد ضاحكا مش سهل انت يا واد يا فؤش بس ايه عسل بنت الايه مزه بس مخها جزمه..
دخلت ليله الحمام وهيا مشتعله من الخجل يا نهار اسود هيقول ايه عليا زمانه بيقول دي كانت عايزه كده.. اعمل ايه شكلي زباله وانا عامله جامده واول مايبسبسلي انخ واقع طب اعمل ايه انا موجوعه منه بس لسه بحبه.. هنا اعترفت اخيرا انها مازالت تحبه وكأن جبلا زال من علي صدرها طب وبعدين يا ليله ماينفعش تسامحيه خبط لازق كده لازم تطلعي علي جتته القديم انت كرامتك
اتهانت لازم يتربي طب يا فؤاد والله لاوريك سهوكه الستات ولا تعرف تنطق.. حد يلحق الغلبان علي
اخر القصه ھيموت مننا..
استيقظت فيروز وقررت ان تتربص بجميله فهي تراها عبيطه وذهبت لتجدها تلعب بالجنينه جنب البسين وامرت لوزه ان تنده لها وترمي الكوره في البسين الكبير وهنا اتت جميله بادب كان طفله وديعه بسكوته وقالت ازيك يا تيته عامله ايه قلتلها كويسه يا حبيبتي كانت امنيه قد دخلت تاتي لجميله بالشراب وهنا القت ورده الكوره بجانب المياه
في الحمام وهنا اختفت ورده واستدارت فيروز بالكرسي حتي يظهر انها لم تراها وفي تلك اللحظه خرجت امنيه بالعصير تبحث عن جميله فلم تجدها وظلت تنظر حتي وجدت طرف ثوب بالبسين فصرخت بعلو صوتها ونطت في البسين كي تاتي بها وهنا سمعهم فؤاد ونزل جري ليري امنيه تحمل ابنته وقام بدفعها واخذ ابنته وحاول اخراج الماء من جوفها فتنفست لانها لم تكن مكثت كثيرا فصرخ في وجه امنيه انا هوديكي في ستين داهيه اتت ليله وهيا تصرخ فيه ايه فيه ايه .. ثم قام واخذ ابنته
واستدعي الطبيب واعطاها بعض الادويه وطلب الراحه وطمانهم عليها واحس بغرابه فجميله تخاف من الماء ايه اللي وداها هناك وامنيه تبكي وتقسم انها كانت تحضر العصير لمده دقيقه وسال عمته فقالت متمسكنه ايه يابني هشوف بضهري وسمعي بقي علي قدي يا قلب ستك يابنتي.. يا ولاد هتشل وربنا انتظر بجوارها طوال الليل واتت ليله لتجعله يذهب للنوم رفض بشده وتركته فنام بجوار ابنته وفي الصباح حكت جميله ببراءه كل شئ وان فيروز نادتها وكانت تريد ان تلعب معها وانها تركت الکره علي العشب وعندما ذهبت لم تجدها فوجدته في البسين وحاولت ان تاتي بها فوقعت هنا احس فؤاد ببعض القلق طب لما عمته كانت موجوده مابصتش عالبت ديه وايه اللي ودي الكوره البسين.. كان سيصاب بالجنون ولكنه قرر ان يحتاط للامر وتذكر كلام كريم فبدا يفكر فراوده بعض القلق تجاه عمته اخيرا اتلحلحت يا عاطف مرت الايام واصبحت جميله بخير وفيروز لا تجروء علي فعل شئ ففؤاد ينظر لها نظرات غريبه.
اما علي الجهه الاخري فهناك امراه قررت ان تتدلل وتجعل غريمها يستشيط من الغيظ.. فهي تريد مسامحته ولكنها لا تعرف كيف فقررت ان تشعله وتغيظه.. لبست فستانا بحمالات رفيعه وقصير ولم يكن من طبعها واختارت ان تجلس في الجنينه وعندما دخل فؤاد نظر اليها مذهولا يخربيتك لابسه ايه دي وظل يتلفت حوله فاسرع اليها ومسكها من يدها وشدها وصعد بها الي حجرته وركنها علي الحائط والغضب يتأكله لان من الممكن ان يراها اي احد فنظرت اليه غاضبه فيه ايه.. ايه الهمجيه دي حد يشد حد كده. خبط الحائط بجوارها وقال لو سمعت حسك ماتبقيش تزعلي من االي هعمله فکتمت وقلبت قطه من منظره . ممكن اعرف انت لابسه قميص نوم ونازله بيه تحت ليه دانا يا شيخه مابشفكش في الاوضه الا بلبس الغفر.. غضبت منه وقالت له غفر انا غفر.. غفر في عينك اشعرفك في اللبس قاطعھا صارخا ودا لبس ليه مجوزه واحد بقرون تنزلي كده قدام الحرس انت مابتخجليش.. نظرت اليه بغيظ وقالت له ماكنش حد موجود وبعدين احنا اتفقنا كل واحد حر وفي حاله.. قال لها.. اممم حر ماشي يعني انت عايزه تقلعي وانا البس عبايه واطبلك طب مش كنتي تقليلي ابقي عامل حساب اروح اجيب اريل بستالايت وارشقه في دماغي كنت هحبك قوي.. ماتحترم نفسك ايه الكلام ده ماله لبسي وانا في بيتي والا ده مش بيتي.. اه
خلاص خلاص والله ماهعمل كده تاني.. ظل صامتا كانت خائڤه مرعوبه لم تقدر عواقب فعلتها وغضبه الشديد.. لم تقدر ان ترفع نظرها اليه وكان هو يتنهد من افعالها ولكنها بين يديه فصمت وصبر رفعت وجهها ببطئ تفتح عين وتقفل عين وتتساءل ايه لسه هتضرب.. ركنها علي الحائط يمين بالله يا ليله لو لبستي كده تاني لكون مرقدك في السرير شهر وانت حره فاهمه وزقها وتركها ورحل غاضبا.. ايه ده زقني كده ليه لا يا شيخه داننت بجحه احست كان الغزو رحل وفجأه تحولت وظلت تتنطط وفرحه انه كان غيورا عليها.. ولسه يابن النعماني اما نشوف هتصبر لامتي وظلت تضحكك وترقص بحركات مجنونه. .
نزل فؤاد المكتب غاضبا والغيره تتاكله فمنظرها لا يروح من باله كانت فاتنه حاول ان يشغل نفسه بالعمل ولكنه لم يستطع فهيئتها لا تغيب عنه والغضب ياكله ان يكون احد رأها.. حاول مره اخره العمل فلم يستطع فرمي الورق وصرخ يا رب بقه ماعتش قادر حد يرحمني.. فاذا باتصال تليفوني يقاطعه فاضطر ان يهدأ نفسه وفتح الخط فكان من المحقق ليقول له انه عثر علي شخص له صله بالطبيب في مكان في الصعيد وانه سيسافر ليراه فشكره فؤاد منتظرا المعلومات.. ظل يعمل في المكتب لفتره طويله ولم يخرج منها حتي لم ياتي علي العشاء كان غاضبا وكانت ليله قد صعدت لحجرتها ولبست بيجامه جميله بنصف كم وشورت ليس بقصير وكانت جميله وهيا تحس بالذنب لانه لم ياكل وظلت تنتظر
ولكنه لم ياتي.. دخل الحجره ولم ينظر اليها ودخل لياخذ حماما ويغير ملابسه والصمت يخيم علي المكان ثم اتجه الي السرير لكي بنام كانها
ليست موجوده.. فتحت عينها ايه ده هو هينام
لا مانا مش اكل في نفسي وهو ينام.. وكزوجه مصريه اصيله.. ذهبت اليه وهزت.. فؤاد انت نمت.. لم ير د عليها فؤاد ماتستعبطش انت مالحقتش تنام قال لها عدي يومك وروحي نامي.. رددت بغباء بس انت ماكلتش هتنام من غير اكل.. قام وجلس يعني انت عايزاني اسيبلك القوضه واطفش.. نظرت اليه بغضب انت كمان ليك عين تزعل ان ماكنتش ضربتني.. قلها ضربتك انا ضربتك قلتله واللي عملته الصبح ده ايه .. اببتسم بسماجه طب اسف روحي نامي يلا بقه وشد الغطا وادر وجهه.. تسيبه ابدا.. اكلت في نغسها ايه ده بيكلم بنت اخته.. لا بقه
وكشفت الغطا مانت مش هتسيبني اهري وتنام وكمان من غير اكل في تلك اللحظه شدها واوقعها بجواره فصرخت فقال لها غاضبا بنبره شديده اسمع
صوتك ليلتك مش هتعدي وعدي ليلتك الا انا علي تكه وهعمل حاجات ھموت واعملها فتحترمي نفسك كد وتبطلي فرك عشان انا علي اخري فاهمه وصرخ بها.. کتمت وصمتت وخاڤت وانكمشت واعطته ظهرها ونام علي الفور اما هيا فظلت تفرك حتي نامت من التعب استيقظت في الصباح فلم تجده كان قد ذهب للعمل فتبرمت وندمت انها اغضبته وتذكرت سيدات الاعمال وقالت يا خيبتك يا ليله مش عارفه حتي تخليه يحن عليكي دانت فقر.. اهو هيروح يبص بره
وانت قاعده بيقول عليكي غفر واتجهت للمراه فوجدت شعرها غير مهندم وقطبت
واكلت في نفسها ايه ده عفريت وهما هناك موديلات حاطين احمر واخضر احست بالقهر طب اعمل ايه عشان
يسيبهم وماله كمان زعل اوي كده.. مش فاهمه انا ايه ده البت دي اكتشفت انها غبيه..
كان فؤاد قبل ان يغادر قد اخبر عمته ان الطبيب اكد علي عوده صحتها انه يوم او اثنين وسيرجعها بيتها وانصرف وصعدت فيروز لتلطم علي وشها خلاص خلاص هيسيبني خلاص هيرميني مالحقتش اشبطهم في بعض مالحقتش ماكلتش رز ماكلتش رز لحست عقله وانا لا حول ليا ولا قوه لا دول احنا عادي بنقرا يا قلبك اللي هيتحرق يا فيروز ظلت تلطم وتكلم نفسها كالمجنونه يومين وهمشي لا دانا اموت اروح فين يا حرقتاااااااي..
لم يات فؤاد الا في المساء والقي التحيه وجلس معهم وظل يلعب مع الاولاد ولا يكلم ليله ولم ينظر لها حتي وهيا علي نار ومر الوقت وقام الجميع للنوم فصعدت ليله ولبست بيجامه سوداء تظهر ساقيها و ذراعيها كانت رائعه جميله ودخل فؤاد ونظر اليها وخفق قلبه ولكنه تجلد ودخل ليغير ملابسه.. وخرج متجها الي السرير فوقفت امامه وقالت ممكن اعرف هتفضل كده لحد امتي.. رد عليها كده ازاي.. فتذمرت ودبدبت.. كده الي هو كده انت عارف انا قصدي ايه.. كتم ابتسامته و رد عليها انت عايزه ايه في ليلتك.. اه قول
انك شايفلك شوفه الست حميده قالتلي وانا ماصدقتش ونسيت ال ايه اتمنالك الرضا ترضي اخبار الاحمر والاخضر ايه اندهش وقال شايفلي شوفه واحمر واخضر .. هنا ضحك بشده حتي احمر وجهه وتقدم منها وظل يتقدم وهيا تتراجع قالها تصدقي بالله مافيش احلي من الابيض اللي مشقلب حالي والا ايه يابيض انت يا قمر.. رفعت صباعها وهمت ان تتكلم فقاطعھا.. ليله لمي ليلتك الا انا علي تكه. انت عايزه ايه.. قالتله تعاملني كويس قدام الولاد ببعضهماواقترب بوجهه منها واختلطت انفاسهما وهما في حاله من التغيب التام عن الواقع واحس انه سيملك حبيبته وقفز قلبه فرحا.. ولكن الواقع ابي ان يتركهما ليكملا وليتما عشقهما فرن هاتفه وظل يرن وهما مغيبين الي ان انتفضت ليله وابتعدت عنه وقلبها سيخرج من ضلوعها اما هو فاغمض عينيه بقوه واضعا يده علي الحائط قابضا يديه يحاول السيطره علي نفسه ورنين الهاتف لا يكل ولا يصمت فهمست له بحرج شديد رد علي الفون.. يا غلبك يا حزين تنهد وذهب ببطئ وهو في حاله من السكر. ميفوميفو. لييفيق فجأه علي صوت المحقق وقد اتسعت عيناه وبان الغضب عليه واحمر وجهه حين قال له المحقق ان..
البارت السابع عشر..
تحول نظرات فؤاد الي الجمر عندنا سمع من المحقق انه وجد الدكتور وهو في الطريق فاخبره ان يذهب به الي المخزن وهو سينتظره هناك وهنا قفل التليفون وكلم كريم وقال له تكون في المخزن
وتجيب الرجاله وانا جايلك ثم اغلق الخط. ميفوميفو. وتحرك سريعا الي حجره الملابس فاعترضته ليله.. فيه ايه يا فؤاد مالك عينيك حمرا كده نظر اليها وهو يحاول التحكم في النار التي بداخله.. لقيته يا ليله لقيته ومش هيبات عليه ليل هخلص عليه بايدي.. ذعرت ليله وكلبشت في دراعه فؤاد اعقل كده يا حبيبي انت اتحولت والا ايه عشان خاطري اهدي والنبي وحياه ولادك ازاح يدها بهدوء ورد.. سيبيني يا ليله مش وقت كلام.. فاسرعت ليله من دون تفكير وا كلبشت فيه وقالت له
ولما تعمل مصيبه احنا هنروح فين.. تاتي يا فؤاد تاني عايز تدبحني تاني ليه بتعمل كده حرام عليك ولادك محتجينك انا محتجاك حرام واقف.. امال رايح تموت مين فؤااااااد.. انا اموت لو جرالك حاجه.. ثم اغمض عينيه وتنهد وقال في سره اهدي يا فؤاد قال لها ممكن بس تفكي الكلبشه دي ونتكلم.. احرجت وابتعدت عنه سريعه فشدها اليه وجلسا بصي يا ليله انا مش عيل صغير ولا هخلي نفسي عرضه للخطر انا لسه ماعيشتش اصلا هودي نفسي في داهيه قبل ماخش دنيا قاطعته امال هتعمل ايه وانت شكلك يخوف كده .. انا لقيته يا ليله ولسه مش عارف هعمل ايه بس اللي اعرفه ان حقك وحق ولادك والسنين السوده اللي اندعك وشي في التراب ليها تمن انا مش قتال قتله بس اللي جه عليا هيتعلم عليه الف مره مش انا اللي اتقرطس ويترمي ولادي ومراتي مش انا.. انا جوايا نار لازم اطفيها ظل يضرب علي صدره ده لازم
متابعة القراءة
