رواية ادهم ونجمة وخالد كاملة جميع الفصول بقلم زهرة الربيع
المحتويات
يلا
ادهم اخد هدوم ومشي ناحية الحمام وبصلها وقال بغمز.. انا بحكم خبرتي.. الست لما تقول اطلع بتبقى تقصد ادخل وخد راحتك
نجمه اتسعت عنيها من وقاحتو وقالت.. انت.. انت
ادهم ابتسم وقال.. وانتي قمر .. وخسر الي اتورط.. وفي القمر فرط..
قال كده ودخل الحمام وسابها باصه لطيفه باستغراب
قعدت على السرير بتعب وخنقه والدموع في عنيها مش عارفه ازاي خالد عمل كده ازاي باعها بالطريقه دي
بعد شويه ادهم خرج من الحمام لقاها نامت على السرير بيأس اتنهد وقال.. احم.. نمتي
نجمه مبصتش عليه وقالت بجمود.. مش هنام غير لما تخرج تروح اوضتك
ادهم اتنهد وقال.. شوفي يا نجمه.. انتي بقيتي مراتي وحقي افضل معاكي ومش هخرج.. استحميلي الوضع ده بقى لحد ما الاقي حل للورطه دي.. هحاول اتكلم مع بابا وانشاء الله خير
نجمه قعدت بغضب وقالت.. يعني ايه هنفضل في اوضه واحده لحد ماسيادتك تسترجل وتقدر تكلمو
ادهم قال بخنقه.. اتلمي يا نجمه واتكلمي كويس انا مقدر الي انتي فيه ومش عايز ازعلك
بصتلو بغضب شديد وقالت.. لا زعلني انا عايزه اشوف هزعل ازاي يلا.. وبقت تقرب عليه تزقو في صدره بايدها وهيه بتقول.. يلا.. يلا زعلني.. ماتزعلني اديني قدامك
وقال.. عايزه تزعلي بجد.. حاضر انتي بس تؤمري
نجمه كانت مستغربه يقصد ايه بس فهمت قصده لما فاجأها و بعد عنها وهو بيتنفس انما هيه كانت عنيها مفتوحين على اخرهم من الصدمه هيطلعو من مكانهم كانها اتجمدت مكانها فضلت بصالو بزهول ومش بتنطق
ادهم ابتسم ابتسامه جميله وقال.. في اي وقت تحبي تزعلي قوليلي وقرب اكتر وقال بهمس.. .زعلك جميل قويييييي
قال كده وسابها وقفه زي التمثال من كتر الدهشه وراح نام على الكنبه من غير كلام
نجمه وشها احمر جدا من الكسوف وراحت نامت على السرير وسحبت عليها الغطا وهيه مش عارفه تبصلو ولا حتى تنتناقش معاه
في صباح يوم جديد قامت من النوم وكان ادهم لسه نايم بصتلو شويه وافتكرت الي حصل اليله الي فاتت.. اتنهدت بضيق وقامت جهزت هدومها ودخلت الحمام
بعد شويه خرجت وهيه بتنشف شعرها لقت ادهم قاعد على الكنبه وبيشرب سيجاره وحاطط ايده على رقبتو بالم
نجمه بقت تبعد عيونها عنو وقالت بحرج.. احم.. رقبتك بتوجعك
ادهم اتفاجأ انها بتسأل عليه قال بهدوء.. مش قوي.. شويه وهتفك متقلقيش
نجمه ابتسمت بسخريه وقالت.. ماتتكسر حتى انا هقلق ليه
ادهم بصلها بزهول ونجمه قالت.. انا بس مش عايز تحصلك حاجه وابقى انا
ادهم ضحك وقال.. لا كتر خيرك والله.. انا تمام متشغليش بالك
نجمه قالت بضيق.. كمان بما اننا هنفضل هنا سوا .. ياريت لما تشرب سجاير تشربها بره الاوضه.. وبعدين حد يشرب سجاير على الصبح كده
ادهم قال .. مهو كمان محدش بينكد على الصبح كده برضو
نجمه بصتلو وقالت .. انكد .. ههه انت مصدق اننا متجوزين بجد ولا ايه
ادهم اتنهد وقال.. مش مصدق ابدا.. دي امنيه عمري ما اتخيلت هتحقق
نجمه اتسعت هنيها بدهشه من جملتو وقالت.. انت.. انت قولت ايه
ادهم ارتبك وقال.. احم.. ولا حاجه.. انسي
ودخل الحمام وقال بغضب من نفسو .ايه الهبل الي بتقوله ده.. انت ايه حكايتك مش عارف تظبط نفسك قدامها ليه
عند فتحي كان بيشرب قهوتو برواق وجيه خالد وقعد قصاده بضيق
فتحي بصلو بسخريه وقال.. مالك.. شايل طاجن ستك ليه خالد بصلو بضيق وقال.. وبتسأل كمان.. مش كفايه الموقف الي حطتني فيه قدامها وقدام ادهم.. كمان تروح تحكي للمأذون انها ملهاش عده واني ملمستهاش
فتحي ضحك وقال .. ويهمك في ايه المأذون.. وبعدين عمره ما كان هيكتب الا لو قولتلو الحقيقه ده شرع مش هنلعب فيه
خالد نفخ بضيق وفتحي قال.. انت الي عملت في نفسك كل ده.. لما روحت اتجوزتها من ورايا.. وانت عارف ان نجمه لادهم.. بس انت تموت وتاخد الي ليه مش هتبطل حقد عليه
خالد قال بخنقه.. انت عارف اني اتجوزتها علشان فلوسها وورثها من ابوها وامها.. مش علشان بحقد علي القمور بتاعك.. واديك خربتها يارب تبقى مبسوط .. وسابو ومشي
فتحي ابتسم براحه وفضل يشرب فهوتو ببرود
عند ادهم طلع من الحمام وبقى يلبس بدلتو ويجهز
نجمه قالت بغضب.. انت هتمشي ولا ايه
ادهم قال.. اممم.. رايح الشركه فيه حاجه ولا ايه
نجمه كتفت اديها وقالت.. طبعا فيه.. مش هينفع تسبني هنا وتمشي ابوك كمان بينزل مبيقعدش في البيت.. وكملت قاصده تضايقو وقالت.. هتسبني اقعد مع اخوك في بيت واحد لوحدنا.. والشيطان شاطر
ادهم ضحك جامد لانو فاهم انها بتغيظه مش اكتر وقال.. لا على فكره الشيطان بتاعكم طلع ساقط ابتدائيه.. وقرب منها وقال.. اذا كان مبقاش شاطر وانتو متجوزين وقاعدين في اوضه واحده هيتشطر وانتو متطلقين وكل واحد في اوضتو
نجمه اتغاظت جدا بس قالت بسخريه
.طب ما انت كمان قاعد معايا من امبارح وبرضو اخوات.. بتتريق ليه .. انت متفرقش عنو
ادهم ابتسم وقال.. تفرق يا روحي.. تفرق
نجمه قالت بغيظ.. لا مش هقولك حاجه
ادهم ابتسم وقال.. براحتك.. مسيري هعرف واتقدم ناحية الباب وقال قبل ما يطلع.. على فكره بابا انهارده مش هيطلع من البيت.. علشان تبقي مطمنه.. وكمان علشان الشيطان يريح.. يمكن تفرج عليه ويشد حيلو لما اجي بالليل.. قال كده وغمز لها بوقاحه وسابها ونزل
نجمه كانت عايزه تضحك على كلامو وقعدت على السرير وقالت.. ايه المجنون ده
ادهم نزل ولقا خالد في وشو قال بضيق.. صباح الخير
خالد ابتسم بسخريه وقال.. صباحيه مباركه
ادهم اتضايق ولسه هيرد ابوه قال.. ادهم.. تعالى عايزك
خالد قال بتريقه.. روح.. روح شوف بابا يا روح البابا.. قال كده وطلع وادهم حاول يهدى وراح لابوه وقال. نعم يا بابا
فتحي قال .. على فين
ادهم قال.. هيكون فين يعني على الشركه
فتحي ابتسم وقال.. لا.. مفيش شركه اليومين دول انا هتابعها
حضرتلكم اسبوعين في الجونه.. هتاخد مراتك وتروحو تفكو عن نفسكم شويه
بقلم.. زهرة الربيع
ادهم اتنهد بخنقه وقال.. مش هتقبل تروح يا بابا.. على فكره زعلانه منك جدا.. وسبها على راحتها
فتحي ابتسم وقال.. بكره هتعرفو كلكم ان ده احسن حاجه ليكم.. وبالنسبه للسفر فانا متأكد انك هتقنعها.. ده انت ادهم الزيني .. يعني ميتخافش عليك
ادهم اتنهد وطلع تاني عند نجمه
نجمه كانت بتغير هدومها علشان هتنزل ودخل ادهم من غير ما يخبط واتسعت عنيه بزهول لما لقاها قدامو لاول مره في حياتو بقميص
نجمه اتخصت
ادهم دخل وقفل الباب وهو بيقرب عليها
نجمه بقت ترجع لورا بخوف وقالت بتوتر.. انت.. انت عايز ايه.. خليك عندك اياك تقرب اكتر
ادهم قرب عليها وبقى يبص لعيونها وقال.. انا.. انا كنت عارف انك جامده.. بس مش للدرجادي.. بقولك ايه متيجي نعمل امتحان للشيطان دلوقتي يمكن يكون ذاكر و شد حيلو شويه وووو
نجمه حاولت متبتسمش وقالت بحده مصتنعه.. اخرج بره يا ادهم.. اخرج حالا خليني اكمل لبس
ادهم ابتسم وقال.. هطلع.. بس الاول مره واحده بس
نجمه بتبصلو بغيظ وقالت.. تاكلك عقربه اوعى سبني
ادهم قال.. يلا متتعبنيش معاكي مش هسيبك الا لو
نجمه اتنهدت وقالت.. طيب.. طب غمض عنيك
ادهم ابتسم وغمض عنيه ونجمه قربت من خده براحه وصرخت باعلى صوت عندها في ودنو
ادهم سابها بسرعه وحط ايده على ودنو وقال.. اااااه.
نجمه ضحكت وجريت بعيد وقالت.. احسن علشان تتربى..
ادهم ضحك وقال.. يا مجنونه انا جوزك.. بلاش هبل انا مش هسكت عليكي كتير
نجمه ابتسمت بسخريه وقالت .. اولا حكايه جوزي دي محتاجه مفتي جمهوريه .. واياك تفكر تلمسني سامع
ادهم اتنهد وقال.. حكاية المسك دي هنتناقش فيها.. بس حاليا جاي اقولك اجهزي.. هنطلع الغردقه
نجمه بصتلو حضتغراب وقالت.. نعم
ادهم قال بسرعه.. نعم الله على عيونك اجهزي وجهزيلي هدومي انا كمان
وقال.. .اجهزي حالا.. علشان في مواضيع كتير عايز نتكلم فيها.. على راحتنا
ادهم قال كده وسابها واقفه بزهول من حركاتو وقبل ما يطلع قالت بسرعه وارتباك استني هنا هنروح الغردقه نعمل ايه
ادهم بصلها وابتسم وقال.. هفسحك.. هوريكي اجمل ايام حياتك .. حقك تشوفي الدنيا وتفرحي بحياتك
نجمه بصتلو بدموع وقالت.. مش عايزه اروح معاك مكان
ادهم ابتسم وقال.. لا عايزه.. ولو مش عايزه هنروح برضو يلا اجهزي.. ولا عايزه تتبا تاني وميل عليها بمشاكسه
نجمه حطت ايدها عليه وقالت بسرعه.. خلاص.. خلاص هنروح .. خليك بعيد
ادهم بعد وضحك وقال.. ماشي انا هجهز واستناكي تحت
ادهم جهز ونزل ونجمه جهزت حاجتهم وجهزت ونزلت وراه
ادهم ابتسم لما شافها نازله على السلم بدريس جميل جدا بلون فاتح لايق على ملامحها الهاديه ولافه الحجاب بتاعها وشكلها قمر اوي
ادهم فضل باصص لها باعجاب شديد وفتحي ابتسم على نظراتو وقال.. احم.. احم.. ايه هتمشو دلوقتي
ادهم خد بالو وقال.. احم.. اه احنا.. احنا اصلا اتأخرنا .. يلا
ولسه هيخرجو دخل خالد وقال .. ايه ده العرسان مسافرين ولا ايه
نجمه بصتلو بغضب وخالد مد ايده ليها وقال.. توصلي بالسلامه يا عروسه
نجمه بصتلو بحده وكانت نظراتها هتحرقه
خالد ضم ايده وقال بسخريه.. اممم.. شكلو عريسك مانعك تسلمي على حد غيره.. على العموم مش مشكله انا عارف انو قفل .. ومقدر
ادهم قال بخنقه.. يلا يانجمه
خالد قال بسخريه.. توصلو بالسلامه يا عصافير الحب
ادهم ونجمه مردوش عليه ومشيو وعلى الطريق نجمه كانت هتتجنن من العصبيه وبتقول بزعيق وغضب.. الواطي .. .مش عارفه.. مش عارفه ازاي عندو الجرأه يقف قدامي.. الخواف الجبان.. بعد الي عملو ده كلو قادر يقف قدامي واطي ندل
ادهم اتنهد وقال.. خلاص با نجمه.. انسى بقى بقالك ساعه بتهزأيه هو هيسمعك يعني
قالت بنفس العصبيه الي غايظني انو مش هيسمعني يا ريتو كان سامعني
متابعة القراءة
