رواية حب من اول علقة ( كاملة) بقلم اسماء الطبلاوي

قصدي انك تيجي تعمل اللي انت عملته ده ولا تغلط بالشكل ده معاها انت اتجننت.
مراد بعصبيه هو انت بتقول ايه انت مستوعب انك بتدافع عن البنت دي بعد اللي عملته معاك ومعايا دلوقتي دفاعك عنها هيخليها تسوء فيها يا ادم.. دي...
ادم قلت لك امشي وانا هتصرف خلاص انتهينا ومش عايز ولا كلمه زياده ولما ارجع هنتكلم ماشي.. لان في كلام كتير لازم ارجع افكرك بيه من الاول.
مشى مراد من غير ما يضيف كلمه واحده على كلام ادم لانه بيحترمه جدا زى اخوه.... لف ادم لنور اللي كانت لسه واقفه وراه مغمضه عينيها ومنتظره اللي هيعملوا مراد بخوف.
ادم انسه نور تقدري تفتحي عينيكي دلوقتي خلاص مراد مشي ما تخافيش ما حدش يقدر يعمل لك حاجه.... انسه نور بقول لك فتحي عينيك خلاص الحكايه خلصت مفيش حاجه تخافي منها
فتحت نور عينيها ببطئ شديد لقيته واقف قدامها حاجب عنها الرؤيه وعرفت ان هو ده اللي هي اهانته امبارح ووقعته في الارض والنهارده بيدافع عنها برغم
اللي هي عملته بصتله بضعف
نور انا... انا متشكره جدا بس على فكره هو اللي غلطان ده واحد حیوان ومعندوش ريحة الزوق الاول كلمني بطريقه زي الزفت وبعدين مسك ايدي بشكل غير لائق ومش من حقه اصلا.. وحاول يحط ايده على... اقصد
نور اتكسفت تقول لادم فوطت وشها في الارض لكن ملامحها كانت اصفرت بتعب واضح بصلها ادم وهو بيحاول يغيظها لما اخذ باله ان هي مكسوفه.
ادم ايه.. معلش ما سمعتش هو حاول يعمل ايه انا مش فاهم وضحيلي اكثر علشان اعرف احاسبه المجنون ده على اللى هو عمله.
لاحظت نور اللي هو بيحاول يعمله بصتله بخجل واضح ووشها اصفر اكثر وتعبها كان واضح لدرجه انها بدات تطوح بدوخه قدامه ومكنتش كويسه
ادم انسه نور انتى كويسه وشك اصفر قوي وشكلك تعبان ووقفتك مش متزنه حاسه بحاجه طيب اوعى تقعى فجأه.
نور بتعب لا ابدا انا كويسه قوي هو بس الضغط النفسي... انا بس دايخه و دماغی و جعانی و.........
ما لحقتش نور تكمل جملتها وقعت مغمى عليها بين ايدين ادم اللي مسكها بسرعه وهو بيبص لعينيها اللي غمضت بضعف ونفسها اللي بقى سريع.
ادم انسه نور... نور فتحي عينيك انتوا بتتفرجوا عليا هاتولي دكتور بسرعه ما تتحركوا انتوا لسه هتبصولي...
وفعلا في لحظه جه الدكتور علي بص لقى ادم لقاه شایل نور بين ايديه بخوف ودخل بيها غرفة الكشف نيمها على السرير بحذر وكانه خايف انها تنكسر وبدا الدكتور علي يفحصها تحت انذار آدم المترقبه.
دكتور علي واضح انها اتعرضت لضغط عصبي وارهاق شدید ده نظريا انما التشخيص بقى انا منتظر نعمل لها التحاليل ونتاكد ايه سبب الاغماءه دي لان اغماءه زي دي اكيد ليها سبب والتحاليل هتبين ايه السبب ده متقلقش انشاء الله خير.
ادم وقتها اتعصب جدا من كلامه يعني ايه نظريا وتحاليل ولسه هيعملها.
ادم بغضب يعني ايه نظريا ونتاكد انا عايز افهم هي ليه
لسه ما فقتش لحد دلوقتي هو انت دكتور ولا ميكانيكي وانا موجود هنا ان شاء الله في مستشفى ولا في مزرعه للدواجن علشان ابقى فاهم بس اصل لو الكلام زي ما انت بتقول كده وبتتعاملوا بالطريقه دي مع كل المرضى يبقى 
في مشكله فيكو ولازم تتحل وانا مش هقبل بالاستهتار ده عندى ابدا وانت عارفني
دكتور علي اهدى بس يا آدم باشا والله اللي قلتهولك هو الصح لازم نستنى التحاليل ده علشان الدقه مش اكثر يعني وبعدين ما انا ممكن اقولك اي حاجه واي سبب بس هبقى بكذب عليك يبقى الاحسن نستنى التحاليل.
في الوقت ده عزه كانت عرفت اللي حصل مع نور دخلت عليهم الاوضه وهي مخضوضه لقيتها غايبه عن الوعي ووشها اصفر ومتعلق لها محلول قربت من ادم بغضب.
عزه بغضب انت عملت فيها ايه.. حرام عليك يا اخي هي يعني كانت عملت ايه لده كله خبطتك وقعتك شتمتك كان غصب عنها ما كانتش شايفه قدامها من استعجالها على القبض اول ما عرفت ان القبض نزل جريت بسرعه عشان تقبض ايه اللي حصل يعني انها وقعتك في الارض مش نهاية الدنيا يعنى ربنا اكبر منك ومن اى حد على فكره.
ادم اهدی بس كده... يا انسه انا ما عملتش حاجه هي وقعت لوحدها وانا جبتها هنا علشان نشوف ايه اللي حصل لها يعني انا ما اذيتهاش وبعدين هي مستعجله قوي على القبض ليه كده ما هي كده ولا كده هتقبض ايه الماديه دي المفروض الانسان يصبر على رزقه لان العجله من الشيطان.
عزه بغضب اكبر ماديه ..!! انت بتقول على نور ماديه!!! صحيح ما اللي ما يعرفش نور زيك لازم يقول كده بس احب اقول لك ان الماديه اللي بتقول عليها دي كانت مستعجله على القبض علشان تجري تصرفه عارف كانت هتصرفه في ايه مش على لبس وحاجات فارغه لا خالص انا هقول لك... كانت هتصرفه على علاج ابوها المشلول اللي تقريبا بيشفط نص المرتب وعلى طلبات اختها اللي في الجامعه واللي نفسها تكمل تعليمها وده طبعا بجانب طلبات البيت.. ها نقول كمان.. تمام نقول كمان.. الماديه اللي قدامك دي عندها السكر بس للاسف جه للانسانه الغلط اللهم لا اعتراض على قضائه لانها مهمله جدا في صحتها ما بتجيبش علاجها علشان توفر حقه لاهلها وما بتصرفوش من هنا مجانا علشان خايفه لو عرفوا انها تعبانه تترفد لان للاسف ده قانون المستشفى الظالم زى اللى حطوه من الاول... ها ايه رايك لسه شايفها ماديه تحب اقولك كمان ولا كفايه عليك كده.
ادم استغرب واتصدم من كلام عزه معقول في حد ممكن يعمل كده علشان الناس اللي بيحبهم حتى على حساب صحته.. فكر في نفسه انه لازم يعرف عنها كل حاجه لانه مش قادر يسيطر على احساس الفضول اللي جاله من كلام عزه
دكتور علي سكر.... نور عندها سكر... ازاي ما حدش بلغني اه انا كده فهمت اكید ده سبب الاغماءه علشان كده طولت یعنی مش فاهم والله هتاخد بالها من نفسها امتى بجد.
خرجت عزه بامر من الدكتور علي وهي بتبص لادم بنظرات كلها غضب من زعلها على نور بعد ما خرجت عزه راح الدكتور علي لشغله واترجى ادم انه يفضل جنب نور شويه لحد ما تصحى عقبال ما يخلص شويه ورق قعد ادم على السرير جنبها يكلم نفسه
ادم فوقي بقى يا نور... انا مش عارف انا ازاي سمحت المراد يعمل كده معاكى.. اكيد السكر ارتفع عليكي فجأه من الخوف اما حاول انه يمد ايده عليكي... بس هو انا ليه مهتم بيكي كده ليه خايف عليكي بالشكل ده وليه حاسس انك تخصيني قوي ده انا اول مره اشوفك كانت امبارح فيكى ايه مختلف عن بقيه البنات .. اه بس لو ما كنتيش عملتى اللي عملتيه مش قادر اسامحك... هو انا ايه اللي بيحصلي معاكي بالظبط وليه ببقى ضعيف قدامك كده ومستغرب نفسى.. انا هتجنن
وخلال كلامه مع نفسه ما خدش باله انها بدات تفوق قام بسرعه وقف وقرب منها كانت لسه بتفتح عينيها بتعب وهى مش عارفه هي فين
نور اااه.. انا ايه اللي جبني هنا هو ايه اللي حصلى حاسه راسي زي الطاحونه رد عليها ادم بتعاطف من اللى سمعه عنها من عزه و من زعله على حالتها.
ادم خليكي مرتاحه لحد ما المحلول يخلص انتى اغمى عليك شكلك ما فطرتيش كويس وضغطك نزل مش اكثر ما تقلقيش كله هيبقى تمام بعد ما تخلصي السيروم و تاكلى لقمه تسندك.
نور وجيت هنا ازاي انا فاكره انى كنت بكلمك بره مش هنا وبعدين.... وبعدين.... هااا اوعى تكون انت اللي....
ما كملتش نور جملتها وادم وقف قدامها و هو بيحط ايديه في جيبه وغير نبرته واتكلم بخبث عشان يغظها انه شالها.
ادم ههههههه قصدك اكون ايه مثلا يعني.. اكون شيلتك لحد هنا لو قصدك كده اه انا شيلتك ولمست كل حته فيكي وانا جايبك لحد هنا وريني بقى هتبقي تقطعي ايدي ازاي هههههه مجنونه اه من الحق صحيح.. حمد تلله على السلامه انا مضطر امشي عشان عندي شغل وانتى استوعبى اللى حصل براحه مع نفسك عشان لسه اللى جای کتیر.. اجمدی کده
خرج آدم بسرعه وساب نور بتبصله بغضب من عمايله.
نور اه يا مستفز والله لا اوريك استنى عليا بس وهتشوف.
بعد ما اليوم خلص عند نور روحت بيتها في منطقه شعبيه خبطت على الباب وكانت حاسه بارهاق شدید ورغم كده رسمت على وشها ابتسامه عشان ما حدش يحس بيها ولا يعرف انها كانت تعبانه فتحت لها ندى اختها الباب وهي بتمثل انها مش عارفاها
ندی ايه ده حضرتك مين.. اه انتى بتاعة اللبن لا لا شكرا مش عايزين النهارده ابقي فوتي علينا بكره يا شاطره
نور شاطره... اااه تمام الظاهر انا غلطت في العنوان خلاص انا همشي وهاخد معايا قلم الروج اللي يجنن ده لحد ما الاقي العنوان الصح وبعتذر منك جدا يا هانم العتب عالنظر.
ندى بلهفه لا لا استني بس قلبك ابيض ده انتى حتى حبيبتي يا نونو تعالي هنا قوليلي بقى جبتى قلم الروج بجد وريني كده هموت واشوفه اصله عاجبنى اوى.
نور بضحك ههنههه ااااه يا واطيه.. فجاه اعترفتي بيا كده كأخت.. اتفضلي يا ستي ادي قلم الروج صحيح ناس ما تجيش الا بالعين الرمادي تخافوا وما تختشوش
ندی هههههه احلى عين رمادي والله يلا بقى علشان نتعشى بس انتى اتاخرت قوي النهارده عن كل يوم واحنا جوعنا بصراحه.
نور اهم حاجه بالله عليكي يكون بابا اتعشى.. اوعي تقوليلي انه ضحك عليكى ونام من غير اكل احسن والله هزعل وهجيب ناس تزعل و هخنقك دلوقتي.
ندی هههه متوحشه.. لا ما تقلقيش يا اختي انا اكلته بس غلبني والله علشان يعرف ياكل لقمه كان عاوز يستناكي وبيقول الاكل ما لوش طعم من غيرك ما تقوليش يا اختي بسد نفسه ولا بكهربه لا سمح الله.
نور هههههه خلاص تعالي نتعشى وبعدين ادخله اديله الدواء وكمان احكي لك على حاجه واحنا بنتعشى كده حصلت معايا وهموت واقولها لك ما انتى عرفاني
ندى تمام.. شكلك اصلا من ساعه ما دخلتي وفي بقك كلام انا عارفاكى ما تعرفيش تخبي حاجه عني ابدا.
وبعد ما قعدوا واكلوا ونور اكلت ابوها تاني واديته العلاج بتاعه قعدت وحكت كل حاجه حصلت معاها لندى وحست ندى بزعل على اختها
ندى يعني انتى يا نور حاسه بحاجه ناحيته وبالسرعه دي... غريبه قوي وكمان برغم الفرق الكبير اللي ما بينكم ماديا ده مقلقكيش.. بس ازاي يا نور انا مش فاهمه الموضوع حصل معاكي بسرعه قوي وده يخوف.
نور ندى انا قلتلك بس علشان انا ما بخبيش عنك حاجه انما انا مش معلقه امل يعني على الموضوع خصوصا بعد 
نور هههههه خلاص تعالي نتعشى وبعدين ادخله اديله الدواء وكمان احكي لك على حاجه واحنا بنتعشى كده حصلت معايا وهموت واقولها لك ما انتى عرفاني
ندى تمام.. شكلك اصلا من ساعه ما دخلتي وفي بقك كلام انا عارفاكى ما تعرفيش تخبي حاجه عني ابدا.
وبعد ما قعدوا واكلوا ونور اكلت ابوها تاني واديته العلاج بتاعه قعدت وحكت كل حاجه حصلت معاها لندى وحست ندى بزعل على اختها
ندى يعني انتى يا نور حاسه بحاجه ناحيته وبالسرعه دي... غريبه قوي وكمان برغم الفرق الكبير اللي ما بينكم ماديا ده مقلقكيش.. بس ازاي يا نور انا مش فاهمه الموضوع حصل معاكي بسرعه قوي وده يخوف.
نور ندى انا قلتلك بس علشان انا ما بخبيش عنك حاجه انما انا مش معلقه امل يعني على الموضوع خصوصا بعد اللي عملته فيه هو وصاحبه ما اعتقدش ان في حاجه ممكن تحصل بعد الموقف ده لو عندهم دم يعني.
ندى المهم.. ربنا هيكتب لك ان شاء الله اللي فيه الخير وما تقلقيش يا نونو يلا يا حبيبتي ننام بقى وبكره ربنا يسويها تصبحي على خيرالفصل 3
في فيلا ادم الصواف رجع وكان مراد مستنيه وهو متعصب جدا بسبب اللي صاحبه عمله في المستشفى واحراجه ليه لانه ما اخذش حقه
مراد هو انا عشان بقدرك ويحترمك تقوم تقل مني قدام الناس يعني مثلا تسيبها تعمل اللي عملته ده فيا لو انت سكت على حقك انا مش هسكت
ادم اتهد بس كده وافهم انا ما قلتش منك ولا حاجه كل الحكايه اني ما بحبش الامور تمشي بالمنظر ده والصح ما فيش احسن منه
مراد وايه بقى الصح من وجهه نظرك يا فلتة عصرك واوانك
ادم ما تتريقش عليا اصل انت مش فاهم انا عرفت ايه عنها النهارده يخليني اشوف ان ما ينفعش اتصرف معاها بالطريقه دي ولازم يبقى في طريقه ثانيه اتعامل بيها مع نور بالذات
مراد ليه ان شاء الله مالها ست الكتكوته
ادم انا هحكيلك اقعد وهفهمك
مراد ادي قاعده يا سيدي اتفضل فهمني
ادم طبعا انت بتسال انا اتاخرت عنك ليه بعد ما خرجت من المستشفى... علشان كنت بجمع معلومات عنها
مراد بتعجب بتجمع معلومات عنها ليه ان شاء الله ده انا لما صاحبتني ما جمعتش معلومات عنى
ادم انت ما شاء الله صيتك مسمع في كل حته راجل فلاتي وبتاع نسوان وسمعتك زي الزفت الحمد لله اجمع عنك معلومات ليه وكل حاجه معروفه اهي
مراد يعني انت صاحبتني عشان انا فلاتي وبتاع نسوان ولا عشان حاجه ثانيه.
ادم لا علشان انت جدع وما تغيرش الموضوع المهم انا يا سيدي عرفت ان هي المسؤوله عن عيلتها ابوها واختها.. و امها ميته ابوها اتشل فى حادثه في المصنع اللي كان شغال فيه واصحاب المصنع قالوا ان الاصابه دي مش اصابه عمل وانها اهمال منه علشان ما يصر فلوش معاش وده طبعا اللي خلى الامور تسوء... اختها بقى بتدرس في الجامعه وهي المسؤوله عن مصاريف علاج ابوها وكمان مصاريف البيت ومصاريف جامعة اختها وفوق ده كله طلع عندها السكر يا سيدي ولا بتتعالج ولا بتصرف