رواية حب من اول علقة ( كاملة) بقلم اسماء الطبلاوي

ولكن بلهجه امر.
سالم ها في حد فيكم عنده اعتراض على كلامي بخصوص اللي قلته يعنى ناويين تقولوا حاضر ولا هتصغرونی
وقتها بس نطقت نور بصوت واطي جدا.
نور لا ابدا اللي تشوفه يا بابا وكل اللي حضرتك امرت بيه هيتنفذ وما عاش ولا كان اللي يصغرك.
اندهشت نور من اللى عمله ابوها جدا ولكن دهشه ندى من موافقه اختها كانت اكبر واتكلمت بغضب مع ابوها بنبره عاليه غصب عنها
ندی بس انا يا بابا مش موافقه جواز ايه اللي بين يوم 
وليله وما تعرفوش كمان هو ايه سلق بيض انت غلط لما وافقت يا بابا على جوازة بالشكل ده .. هو يعرف عنها ايه ولا هي تعرف عنه ايه.
فاقت ندى من ثورة غضبها على شخطه قويه من ابوها كانت كفيله انها تخرسها عن الكلام.. وبصتلها نور بحزن وبصت لابوها بعتاب
سالم كان لازم اعمل كده عشان ما تنسيش تاني يا انسه ندى اني ابوكى حتى لو كنت عاجز ده ما يدلكيش الحق تعلي صوتك فوق صوتي وكمان تغلطيني في قرار أنا خدته و انا ادرى الناس انه صح.. اتفضلوا يلا اطلعوا بره وما حدش يدخل هنا تاني الليله وبكره تكونوا جاهزين في الميعاد قبل ما الراجل يجي انا مش عيل فيا ريت ما تصغرونيش لاني وقتها لا هبقى ابوكوا ولا اعرفكوا.
خرجت نور وهي ماسكه ايد ندى اللي اتغسل وشها بالدموع زعلانين من اللى حصل.. تحت انظار سالم بعينيه الدامعه بحزن على اللى عمله غصب عنه .. لان في حاجات هما ما يعرفوهاش هو يعرفها ومتأكد انها لصالحهم.... وفي اوضة ندى و نور حاولت نور تلطف الجو شويه عشان تصالح اختها بأى شكل...
نور شفتی یا بت یا ندوش اختك هتبقى عروسه وشوفي ربنا اهو انت اللي اتعلقتي اهو مش انا ههههه عشان تبقى تشمتي فيا حلو .. ربنا بقى له حكمه.
ردت ندی بابتسامه خفيفه
ندى نور بقولك ايه.. ما تمثليش انا عارفه انك صحيحمعجبه بيه بس زعلانه من الطريقه اللي هتتجوزوا بيها وعارفه كمان انك ما عارضتيش بابا علشان ما يحسش بعجزه يبقى يلا بقى نامي يا عروسه.. الواد المز جاي بكره وهخلص منك اخيرا وهنام فى السريرين لوحدى.. رجل هنا ورجل هناك.
نور بضحك يا ساتر ليه كده عندك تسلخات .. طيب ما تجيبي كيناكومب بدل المرمطه دى.
ندى ههههه الله يخربيتك.. اتنيلى نامی و انتی ساکته احسن.
نور حاضر يا باشا...
و في قصر الصواف تحديدا في اوضة المكتب الخاصه بادم قعد ادم ومعاه شهد وطبعا مراد وهو متوتر عاوز يبلغ شهد بجوازه لكن خايف عليها من المفاجاه فكسر الصمت صوت مراد
مراد طيب انت عايز تكلم شهد في موضوع ايه ذنبي انا تفضل مسهرني جنبكم للساعه 130 يا ظالم ما اروح وانت اهرى مع اختك براحتك .. دنتي غريب والله.
شهد انا مش فاهمه حاجه یا مراد موضوع ايه اللي ادم عايزني فيه ومتوتر قوي كده بسببه كأنه هيقطع علاقته بيا وكمان الوقت اتاخر انا هنام منكم كده يا جدعان
ادم بصي يا شهد يا حبيبتي انا مليش غيرك انتى ومراد بعيدا عن العسل بتاعه اللي بينقط بس انا بعتبره اخويا زيك بالظبط ومقدرش اخد اى خطوة غير اما تعرفوا انتوا الاتنين.
مراد هوای حوارات... ما لكش دعوه بعسلى يا دومي وخش في الموضوع عايزين ننام بقينا الصبح
ادم حاضر یا زفت اصبر عليا والله لا اوريك.
مراد طيب بس انجز
ادم بصى يا شهد بصراحه كده انا رحت النهارده قريت فاتحه وبكره هننزل نشتري الفستان والبدله ولوازم الفرح... رايك ايه.
شهد هههههه يا راجل وانا اللي افتكرتك قتلت قتيل طلعت هتتجوز طيب يا دومي الف مبروك يا حبيبي فين المشكله بقى
ادم ايه ده بالبساطه دي طب كمان بقى لعلمك الفرح يوم الجمعه قولك ايه بقى.
شهد على خيرة الله يا حبيبي بس بقولك انا معاكم بكره ولازم اشتري فستان محترم انا كمان ده انا اخت العريس ولا ايه لازم ابقى احلى من العروسه المزعومه دى.
مراد هههههه شفت يا عم ما انا قلتلك اختك دي مسخره وانت مأزم الموضوع قوي ومرتبك ما الحياه حلوه اهي و زبادي في الخلاط.
ادم بطل بقى يا ظريف.. يا شهد انتى يعني ما سالتيش هي مين من عيله مين هنتجوز بالسرعه دي ليه عادي كده خالص مفيش اي سؤال
شهد بص يا آدم يا حبيبي انا اختك الصغيره المفروض انا اللي اخذ رايك مش انت وبعدين بنت مين او جواز بسرعه ليه دى حاجه راجعالك انا بثق ثقه عاميه في قراراتك مهما كان الدافع لجوازك ده فانا متاكده انك صحوالف مبروك يا حبيبي.
اخذ ادم اخته بين احضانه وباس راسها بعطف و وشوشها في ودنها
ادم ربنا يخليكي ليا يا شهد يا رب یا رافعه معنویاتی دايما.
مراد طيب استاذن انا بقى اروح انام يا عيله مجنونه... بس یا آدم ما تنساش تكمل جنان وتعمل اللي قلتلك عليه يلا سلاموز
وفي فندق من اكبر فنادق لندن كانت بتتكلم في الفون.
ناهد ايوه يا بنتي انا قلت انى هنزل السبت بس غيرت رايي وقررت انزل الجمعه اجهزي بقى وبلاش الماضه عشان منتأخرش.
نادين خلاص حاضر مجهز شنطتي ونتقابل في المطار بس يا ريت نعرف نقنعه المره دي احسن انا خلاص زهقت بجد من معاملة كل مرة
ناهد بطلي انتي قر بس وسيبيلي الموضوع ده... ده ابني وانا هتصرف معاه بطريقتي
وعند ادم قعد في مكتبه لوحده بعد ما خرجوا مراد وشهد للنوم وفضل يفكر في حاجه.. كان عاوز يتصل بنور يسمع رايها في الموضوع برغم انه محسوم وهو اخذ رقمها من عزه صحبتها في المسشفى بعد ما شرح لها انه هيتجوزها وفي النهايه عزم عزمه وحسم أمره ومسك الفون واتصل عليها رغم تاخر الوقت على الطرف الثاني تمسك نور فونها بكسل وبصت لقت رقم غريب يتصل فردت بنوم
نورالو.. الو مين معايا
ادم الو اكلم القطر لو سمحتي لو موجود.
نوره هااااا قطر... قطر. اه يا ابن ال........
ادم لا لا لا لا اوعي تغلطي واهدي كده وبلاش غلط ما انا لازم اقولك يا قطر ما انا كل ما اكلمك تدخلي فيا شمال وبعدين... اسكتي شويه عايز اسالك سؤال مهم وتردى من غير اباحه ولا طولة لسان ومتقرفنيش بأسأله
نور والله... انا بردو اللي ابيحه ده انت بتتصل بيا الساعه 230 ما اعرفش تطفلت كده وجبت رقمي ازاي وكمان تقول لي قطر ده البعيد جبله.
ادم نور اسمعيني انا عايز اعرف رايك في موضوع جوازنا ده بصراحه ومن غير لف و دوران اهو
نور برتباك موضوع جوازنا ماله يعني.. وبعدين رايي فارق معاك قوي يعني لو قلت لا هتنسى الموضوع ده ومش هنتجوز
ادم طبعا لا..... بس برده يهمني اعرف رايك انا وصلني انك وافقتي ومن غير اي اعتراض وهموت واعرف ليه.
نور هو لحق بابا يوصلك طيب طالما هتموت وتعرف يبقى موت احسن وانا مش هقول لك وبعدين رايي مش هيغير حاجه سلام بقى يا جوز القطر توت توت.
ادم هاااا بقى كده بتقفلي في وشي طيب يا نور حسابك معايا بكره...
تانى يوم العصر وتحديدا في قصر الصواف كان ادم واقف بيستعجل شهد ومراد يخلصوا
ادم یلا یا شهد اتاخرنا على الناس ما ينفعش كده مش كفايه مراد اللي بقاله ساعه في اوضتي بيرش برفان ويتزوق كانه هو العريس مش انا دى حاجه اخر زهق.
مراد انا اهو يا سيدي خلصت.... وما تقلش عريس اهو انت يا اخويا بعيد الشر عليا.
شهد يلا يا ادم انا اهو جهزت خلاص يلا بلاش استعجال الدنيا ما طارتش.
ركبوا كلهم العربيه متوجهين لبيت نور... وفي بيت نور كانت واقفه هي وندى قدام المرايه بيسرحوا شعرهم وبتحط ندى احمر شفايف بس اكتفت نور بوضع ملمع الشفايف اللامع وارتدت بنطلون جينز اسود على بلوزه حمراء باكمام شيك ولبست ندى بنطلون جينز ازرق على بلوزه زرقاء باكمام كانوا شيك جدا
نور ندی علشان خاطري ما تزعليش من بابا والله كان غصب عنه انتى عارفه انه بقى حساس قوي من ساعه ما حصل له اللي حصل ومبيحبش حد يراجع وراه قرراته خالص
ندى نور فكك انا مش زعلانه والله انا عارفه اني غلطت
وصوتي علي من غير قصد يلا خلاص هبقى اصالحه بعد ما نرجع يلا بقى يا عروسه يا قمر.. المز زمانه جاي ما يصحش يجي واحنا لسه ما جهزناش الستات ديما لازم يتألقوا بس يستعجلوا بردوا....
فتح الباب سالم ابوهم فجاه ودخل مبتسم.
سالم يلا يا بنات ادم بيه بره مستني....... الف مبروك يا حبيبه بابا الحمد لله عشت وشفتك عروسه یا نور ربنا يسعدك يا بنتي.
و عقبالك يا ندى اوعي يا بت تزعلي مني ده انتى قلبي والله انا عارف اني زعلتك حقك عليا.
اترموا في حضن ابوهم بدموع
نور وندی ربنا ما يحرمنا منك يا بابا يا رب.
و قالت نور بهمس غير واضح في ودن ابوها.
نور یا رب یا بابا ما تكونش غلطت فعلا في قرارك.
سمعها سالم فابتسم وقال.
سالم ما تخافيش يا نور ابوکی لسه عنده نظر برده وعمره ما يرميكم كده وخلاص يلا بقى بلاش عياط ما تبوظوش الحلاوه دى كلها .. اخرجوا بقى الراجل خلل بره
خرجت نور وندى الصاله لمقابله ادم اللي اتصدم من جمال نور وخطفت عينه فضل مبحلق فيها وهو بيكلم نفسه
ادم الله يخرب بيت كده ايه ده من اولها صاروخ كده قال وانا عايز انتقم ده انا شكلي هنتقم من نفسي مش منك.
بصت نور ليه بتحرك ايدها قدام وشه بتحاول تفوقه
نور هاي.. الو... انت يا عم انت بتكلم نفسك ولا ايه احنا جهزنا خلاص يلا بينا.
ادم بانتباه ها.... اه ما انا من بدري وانا مستني يلا بينا الجماعه زمانهم ناموا...
استاذن ادم من سالم انهم يمشوا ونزل هو وندى ونور لتحت فخرجت شهد ومراد من العربيات لاستقبالها فقالت شهد وهي رايحه لادم بمرح.
شهد سبني اخمن.... امممم اكيد انتي نور ودي اختك ندى صح انا عرفتك من كلام ادم عنك يا نور في الحقيقه زي ما وصفك تمام بس انتي احلى كمان
ومحدش انتبه غير ادم لمراد اللى كان بيبص لندى بهيام نغزه في صدره عشان يفوقه.
ادم يا كائن انت.. ايه عينك يا مراد مش خايف تطلع قطر زي اختها وتديك قلم يكومك قدامنا وشكلك هيبقى بايخ قوي.
مراد اعذرني يا ادم يا اخويا البنت حلوه قوي هي واختها ايه صواريخ لا دول قاعدة صواريخ.
بص ادم لمراد نظره ثاقبه و حذره بحده.
ادم نزل عينك يا مراد اللي بتتكلم عليهم دول يبقوا مراتي واختها وبقوا خلاص مسؤوليتي ويلا بقى علشان نمشي احسن شهد خلصت كل الكلام وابتدوا ياخدوا بالهم.
ركب ادم عربيته وجمبه نور و وره قعدوا شهد وندى وكان مراد راكب عربيته لوحده بعد ما امره آدم بكده وفي عربية مراد كان بينفخ
مراد ماشي يا آدم انا تسيبني زي الزبله كده لوحدي من غير حته طريه وانت مكوش عليهم بس والله واحنا راجعين لا تشوف لازم اخد حته.
وفى عربية ادم كان الصمت هو سيد الموقف الا ان ندا وشهد كانوا بيتكلموا عن الفساتين لحد ما وصلوا لمول عملاق ملك ادم و البنات انبهروا فقالت نور بصوت مسموع بدون قصد.
نور واو الله يا ندى المول ده حلو قوي بجد.. شوفى اد ايه ماشاء الله
شهد بضحك هههههه والله انتى عسل یا نور المول ده مول ادم المفضل كله متصمم على ذوقه كل هدومه بيجيبها من هنا واضح ان ذوقكوا واحد ربنا يسعدكم.
نور بخجل اه اه .. اقصد متشكره قوي يا شهد والله انتى اللي عسل ودمك شربات.
ادم مش كفايه عسل بقى علشان لزقنا وتتفضلوا ندخل نشوف هنعمل ايه
مراد اه فعلا عندك حق اتفضلي يا انسه ندى الحاجات هنا هتعجبك قوي و زوقها حلو اوى.
ندی بهمس ماله ده هو ما فيش غير ندا احنا ابتدينا النحنحه بدري اوف.
سمعتها نور وضحكت
نور هههههه لمى لسانك وعدي اليوم انا على اخري زقى معايا الدنيا شويه معلش
ندى ما انا بحاول اهو يختي.
ودخلوا كلهم المول وتجولوا في كل مكان وكانت نور
مندهشه من الاستقبال الحلو ليهم لما فهمت وقتها ان المول ملك لادم.. اشترى حاجات كتير هدوم وفساتين وقتها اختفت شهد شوية وقت وبعدين ظهرت فجاه وهي بتقول لادم
شهد دلوقتي يا دومي احنا جبنا كل اللي انت طلبته لنور فساتين وجزم وملابس بيت بكل انواعها وجبنى فساتين... وفستان ندى وكميه اكسسوارات رهيبه اظن بقى نشوف الفستان والبدله بتوعكم عشان اليوم بدأ يخلص ولسه ما اختر توش حاجه
ادم اه اكيد قسم العرايس هناك اهو يلا بينا بس لازم تعرفوا ان الفستان اللي هتختاره لو ما عجبنيش مش هنشتريه انا قولت اهو.
نور بعند والله ليه بقى ان شاء الله هو مش انا اللي هلبسه ولا يكون انت اللى هتلبسه .. يبقى لازم يعجبني انا مش انت انا الاهم يا استاذ
ادم لا والله.. بالذمه ايه... انا قلتلكم اللي عندي وخلاص محدش يلومني بقى لو اخترتوا فستان ما عجبنيش على رد فعلي ماشي.
ندی بس بس اهدوا شويه انتم ايه ديوك ادخلوا اول ونشوف
مراد بنحنحه اه والله يا انسه ندى عندك حق كلامك 
فساتين وجزم وملابس بيت بكل انواعها وجبنى فساتين... وفستان ندى وكميه اكسسوارات رهيبه اظن بقى نشوف الفستان والبدله بتوعكم عشان اليوم بدأ يخلص ولسه ما اختر توش حاجه
ادم اه اكيد قسم العرايس هناك اهو يلا بينا بس لازم تعرفوا ان الفستان اللي هتختاره لو ما عجبنيش مش هنشتريه انا قولت اهو.
نور بعند والله ليه بقى ان شاء الله هو مش انا اللي هلبسه ولا يكون انت اللى هتلبسه.. يبقى لازم يعجبني انا مش انت انا الاهم يا استاذ
ادم لا والله.. بالذمه ايه... انا قلتلكم اللي عندي وخلاص محدش يلومني بقى لو اخترتوا فستان ما عجبنيش على رد فعلي ماشي.
ندی بس بس اهدوا شويه انتم ايه ديوك ادخلوا