رواية الطفلة والوحش الفصل الثالث 3 بقلم نورا السنباطي
فتشوا المكان كله!!
أنا عايز اللي ضرب الرصاصة ديحي!
بس وهو بيزعق إيده كانت لسه على راسها
بيطمنها
كان بيحاول يخبي خوفه
مش على نفسه
على آرين.
كان الحرس بينفذوا أوامره بسرعة بلطف وبص ليها
لكن أول ما شاف وشها الأبيض وهو بيتحول لشاحب أكتر
شهق بقوة عينه وسعت وصوته خرج مهزوز
آرين!!
آرين فوقي! متسكتيش كده!
لكنها ما ردتش
وقعت زي ورقة دبلانة
وإيديها متدلية بدون حراك.
رفعها فورا
وكأن قلبه بيجري أسرع من رجله
دخل القصر وهو بيصرخ في الحارس
ناديلي دكتووورة!
تكون ست دكتورة ست! سمعت!
صوته كان بيزلزل المكان
لكن ملامحه كلها خوف
هو يزن اللي قلبه حجر قلقان
فتح باب القصر برجله من كتر التوتر
والكل كان واقف كأنهم تماثيل
عيلة كاملة متجمدة من الصدمة.
مين دي
والأهم ليه كده!
أول صوت اخترق الصمت كان صوت ماري بنت عمه أيمن بصوت عالي ومتعجرف
مين دي يا يزن!
ما بصش ليها حتى.
ما ردش.
كان شايف بس آرين
راسه مشغولة بسؤال واحد هي كويسة ولا
وصل لأقرب كنبة برفق
وقعد قدامها بيبص لملامحها بنظرات أول مرة حد يشوفها على وشه.
بس ملامحه اتبدلت في ثانية
اتحولت من قلق لغضب نار
صرخ فجأة
فييييييين الزفته دي!
فين الدكتووووورة!
بعد دقيقتين جت الدكتورة تجري
ولما شافته وهي واقفه قدامه كانت على وشك الإغماء هي كمان من الرعب.
بدأت تكشف عليها بإيدين بترتعش وهو واقف زي الأسد الحارس عينه مش بتسيب آرين لحظة.
ها!
قليلي بسرعة مالها
فيها إيه!
قالتها بصوت ضعيف وهي بتبعد إيديها من على نبضها
ما تقلقش يا فندم
البنت
ونبضها بدأ يستقر دلوقتي
سكتت لحظة وبصت له بخوف
بسجسمها ضعيف جدا ومحتاجة أكل منتظم وسوائل
أنا كتبتلها على محلول تركيبة كاملة تاخده وان شاء الله هتكون بخير
وبلاش أي توتر عليها
عينه كانت متسمرة على ملامح آرين وهي نايمة.
لما خلصت قالت
لو في أي طارئ كلموني عن إذنكم.
مشيت وهي بتكاد تجري.
أما هو فضل واقف
وبعدين قعد جنبها
بلطف ما يشبههوش.
غمغم بصوت بالكاد يسمع
إيه اللي بتعمليه فيا يا بت
أنا
أنا الوحش
بس انت!
سكت شويه وقال
مش عارف مش عارف اي
نده علي الخادمه وقالها جهزي جناح ل آرين بسرعه اومات الخادمة بطاعه ومشت بسرعه تنفذ اوامرة
مين دي يا يزن ..
يزن ببرود آرين ومن يوم ورايح هتعيش معانا هنا في القصر
ماري
مااااااري
نطق بقا يزن بغضب وقال متنسيش نفسك انتي بتتكلمي مع مين والقصر ده ملكي انا وانا اللي اوامري تمشي هنا مش انتي فاااهمه ولا لا
انتفضت بخوف منه وقالت بتلعثم اا..م..ش مش قصدي حاجه
انتهي النقاش آرين هتعيش معانا هنا ونظر إلي ماري نظره تحذيرية وعايز اعرف بس انو في حد ضايقها وقتها متلومونيش علي اللي حيحصل
اوما الجميع بخوف
البارت الجاي هعرفكم علي عيله الوحش
جه اتصال ل يزن رد عليه وبعد ثواني معالم وشه كلها اتحولت ل 180 والكل كان بيتابع برعب
نص ساعه وجاي محدش يقرب منه فااهم لو شوفت فيه وقفل الخط وشال آرين وحطها في غرفتها وقال ليهم لما تصحي كلموني والقي عليها نظره
يتبع ....
