رواية سواد القلوب (جميع الفصول مكتملة) بقلم ام سامان
المحتويات
وتصيح بخبال
عمة راااح وعافنااا عافنا عمة
وليدي جبيري راح بروئه حبيبج راح باوعت لبناتها وحاجتهم بالكردي
ولجن لطمممن اخوجنن وسندجن رااح
أريد اخذ نفس مااكدر وجهي خدر من اللطم خفت على عمة عدها سكر وضغط لزمتها بقوة
عمةةةة اهدي لايصير بيج شي بناتج وابنج
محتاجيج سيروان عنده اخ آخر عنكود بالعائلة عمرة 12سنة
ولللج راح بكري الجنت أكول هو شيال تابوتي راح وليدي
مرت خواله ولااطيقهم ولاهمه يطيقوني
مرت اخوها الجبير ام رزگار اجت تلطم دفعتني بقوة وكعت لورا عمة فزت وصاحت بيها
عمة العماج ماشفتيها
يا ياخية فوك ماجاية اواسيج
تفضلين الغريبة على مرت اخوج
عمة والبنات اجو كوموني لان مهدود حيلي وعمة اكثر
مني فاتت امي من شافتني واكعة ويكوموني ركضت تساعدني وتخزر بمرت حماهاخونجا
خونجا براء خط احمر هاي أمانة سيروان ديري بالج تجين صوبها
ايام وتنسى سيروان وتتزوج
عمة نزلت دموعها وكملت كلامها
أكيد وراح أكون وياها بيومها لان هاي وصية الغالي مااخليها توكف حياتها لخاطره
شهكت وآني ممصدكة شلون كدر هيج يوصيهم هو جان يغار حيل
اتذكرت ذكرى بينا
ماادري اتمنى الاكيهم ماما كالت عندي خمس عمام وأكيد هسه عدهم ولد وبنات يعني راح يصير عندي عزوة وسند
جر ايدي وباسها
مالج سند وعزوة غيرري لاتحجين هيج وتخليني اضوج منهم وآني بعدني مااعرفهم
ابتسمت وجاوبته
متأكدة راح تصير صديقهم
رجعت على صوت عمة من صاحت
خوونجا اخذي الحياية الوياج وطلعي من عزا ابني
كومن ينسوان الظاهر خاتون خرفت ورا موت ابنها
عفتهم ودخلت لغرفة سيروان
تمددت على جربايته مديت ايدي جوه المخده جريت الصورة أعرف بي مخلي صورة خطوبتنا حجالي مرة من ينام يخليه على كلبه
تندمت على كل لحظة مابينتله حبي
غمضت عيوني فتحته اتخيله يمي
حاجيته بهمس
لو ادري اخسرك من الاكي عمامي و الله ماجنت راح أدور عليهم لكيتهم بنفس اليوم الخسرتك بي شكد جنت منتظرة اللحظة الاشوفهم بي
بس أنت وياي ليش عفتيني بنص الطريق مو وعدتني من الاكيهم تجي وياي ايدنا بايد بعض وتخزر ولد عمي وتكول آني خطيبها وزوجها
شهكت خسرتك يا صديقي خسرتك ياروح براء احس راح يوكف كلبي هاي أول ساعات هيج شلون راح اتحمل أعيش حياتي بدونك ليش عفتني اتخبلت صرت اضرب عالفراش واتخيله هو
جاااووبني شلون تعوفني وين وعدك الي
فاتو على صوتي لزموني عمة وماما ماهتميت أدفع بيهم والطم البينا آني وسيروان أكبر من اي علاقة بالدنيا
انبح صوتي حسيت احبالي اتكطعت من الصياح وبعد ماحسيت بشي كعدت شفت روحي بعدني بفراشه عيوني راحت على ميز التواليت مخلي صورتنا وااني عمري هناكسنة ليش عفت صديقتك وعشقك مسحت دموعي كمت على كيفي طلعت عمة كاعدة وصافنه واخوانها يومها مبين يعاتبوها هي مامهتمة من شافوني خزروني بابا رفع رأسه اشرلي تعاي ردت اروحله عمه كالت
تعاي يمه بروئه تعاي بصفي
كعدت بصفها خليت رأسي على جتفها حجه ابو رزكار اخوها الجبير
هيج خاتون تطردين نسوانا كدام الغريب
حجه ابو سيروان
خوية ابو رزگار الافضل تنصحون نسوانكم براء يمنا خط احمر قبل لاتكون أمانة سيروان هي بحسبة بنتنا كبرت كدامنا حالها حال بناتي
واحنا منقبل بالاهانة الها ابني بعده مانشف تربته مرتك تصيح باجر تنسى ابنكم وتتزوج هاي كلام ينكال كدام الغرب على كولتك
واحنا تونا مفجوعين باستشهاد ابنه
خجل وسكت اعتذرو من عدهم وطلعو
بابا حجه
بابا عمج رجع وكأل بعد اسبوع يرجع وابن عمج كال راح ادزلها ارقامنا حتى تتواصل ويانه بيبيتج بعدها متدري همه لاكينج
ماهتميت نزلت دموعي أجا بابا وكعد بصفي
ادري صعبة اكولج اصبري
ذبيت روحي ب
لو ادري اخسره من الاكيهم مجان دورت وراهم
حجه ابو سيروان
شنو هالحجي عمو تدرين شكد سيروان جان يحجيلنا يكول حلمها تلاكي عمامها جان متشوق اكثر منج لان جان يدري راح تفرحين بوجودهم
باوعت عماته وعمامه بعدهم هنا
كاعدين مسحت دموعي وترخصت طلعت لحديقتهم بالحوش الخلفي مكانه آني وسيروان والمرجوحةالخلاهاالي
كعدت عالمرجوحة ورجعت رأسي لورا غمضت عيوني تخيلت هو وراي ويدفعني على كيف استغربت صدك أكو من يدفعني فزيت وكمت بسرعة انداريت وآني أشوفه رزگار
خزرته بأعصاب
شون تتجرأ تجي وراي
باوعلي بابتسامة غريبة
المفروض انتي خطيبتي وحبيبتي اني مو سيروان
انجب وولي شون تتجرأ هيج تحجي
آني خطيبة سيروان وراح اضل خطيبته للموت
تقدم مني بأعصاب
سيروان مو بريء مثل مامتخيلته
ماحسيت غير ضربته راشدي قوي
ورفعت اصبعي بوجهه وآني اباوعله بأعصاب
دير بالك تحجي على سيروان كلمة غلط سيروان يسواك ويسوه كل عشيرتك
ضحك باستهزاءمتحملت ورفعت ايدي أضربهم راشدي ثاني هالمرة لزم ايدي قوي
راح تتندمين بثقتج بي
كلتتتت هو ووووس لاتحجين عليه كلمة دفع ايدي وطلع
حقيرررر فتت جوه ماما واكفه اجوني اخواني جانو بسفرة توم عمرهمسنة
شاد واياد حضنوني بقوة
نزلت دموعي دك موبايلي ماسنجر جان فهد
مسحت دموعي وجاوبته
صدك الناشرينه ولد عمج سيروان مستشهد
شهكت وآني اجاةبه
عافني فهد عافني راح اموت
مامصدك تمنيت يطلع مقلب ياروح اخوج اقري قران واهدي يبعد اخوج بعدني مامستوعب آني لعد انتي شون
حجيت بضعف
ارجع محتاجتك
اخذ نفس وزفره
مااكدر يابعد اخوج
حجيت بأعصاب وبجي
معناها أنسى عدم اخت اسمها براء قفلت النت هم
الكل كعد يقنعني حقه وهالسوالف بس آني أريده يكفي خسرت سيروان همه جانو الأقرب الي
ضليت ببيت سيروان واخذت إجازة مكابلة غرفته عمه وخواته صارو همه يواسوني بالكوه يجبروني عاللكمة ماما وبابا واخواني مافاركوني
بس ماكو احد يملي مكانه
وكفت بباب المكبرة
السلام عليكم يااهل الدار أنتو السابقون ونحن اللاحقون وكفت على طرف أريد يبتعدون حتى اعاتبه واكله فراكه شكد يوجع واخذ من عمري
عمة اشرتلهم يعوفوني وياه كعدت يم رأسه
ها يروح بروئه سوويتها وكسرت وعدك وياي مدري اعاتبك لو اشكيلك فراكك شكد هد حيلي صار اسبوع ميتة على شوفتك سيرو آني اكتشفت أحبك اكثر من روحي يمكن محبيتك كحبيب بس فراكك اخذ حيل حيلي نام رغد يبعد روحي مسامحتك كون ماانسى حبيبتك بروئه
كمت وأريد الشهكة تروح مني حسيت بايدين اتخلت على جتفي
اهدي بابا بهالبجي تعذبينه هو شهيد راح يكون بمكان حلو ادعيله واقريله قران وافتخري خطيبج وحبيبج شهيد مات وهو يدافع عن الوطن
الله يرحمه ويصبرنا
عفية عليج يلا بابا راح يصير مغرب موزين نضل هنا
عفناه بس حسيت عفت روحي يمه
كلمن رجع الحياته حتى اني بس صرت اداوم بدون روح صار كل شي ممل عمامي القضايا سنين ادري عليهم نسيتهم ولاخابرتهم رغم من الماسنجر شكد دكو عليه مااريدهم مااريد أي شخص
اخويه عافني وهسه سيروان اخاف تتعلق بشخص بعد ويعوفني
رجع دك موبايلي
للمرة السادس
حاولت وصلني صوت عمو
هيج بروئه متجاوبين عمج
اعذرني عمو حيل تعبانة وكلبي يوجعني
سلامة كلبج شون صرتي بويه
الحمدلله عايشة
دومج يابنت الغالي بروئه ماتجين تشوفينا وتتعرفين علينا وعلى بيبيتج ميته على شوفتج
مو هسه عمو و الله مخنوكة حيل وماانسى واحد منكم طرد بيبي وكأنو ماعدنا جهال اخ
سكت شويه وجاوب
شكلتي بويه ماسمعت يمتى هالحجي
ورا وفاة بابا راحتلكم بيبي واحد منكم طاردها
بيبيتج قصدج ام أمج
اي لعد منو
بس على حد علمي بيبيتج متوفية قبل زواج اهلج
كمت على حيلي بعدين تذكرت احتمال هو ويريد يكرهني بماما
مااصدك عمو ماما مستحيل تجذب علينا
جا ليش مادورت علينا
لان من دازه بيبي وملتقية بواحد منكم مهددها راح تاخذونه منها إذا دورت عليكم مرة ثانية رجع سكت احتمال حاير او يدور جذبة
تمام عمي راح أدور واعرف الحقيقة من الجذب وانتي هم دوري وشوفي
تمام عمو مع السلامة
الصبح من طلعت من الدوام شفت ابن عمو نسيت اسمه
هلا ببنت العم
هلا ابن عمي
شونج
نكول الحمدلله
يستاهل الحمد شون النفسية
اخذت نفس والدموع تجمعت بعيوني
زي الزفت
تهون راح تصير ذكريات
اسوء ذكرى بعد اليوم العرفت بي بابا أركان مو ابويه الحقيقي
كعدنا بكافتريا قريب من دوامي
شلون كلولج
جاوبته
هيج مثل لقطات تجي بعقلي بالمدرسة
سئلوني اسمج
كتلهم براء أركان محمد
ضلون يدورون بلسجلات ماكو وبس أكو براء وحدة براء ضياء
المعلمة جانت تصيحني براء ضياء وآني اعاند ومااجاوبها
وكل سنة يحجولي بابا اسمج براء ضياء مو أركان واني اكضيها بجي لحد ماصار عمري 12سنة وبابا كعدني وحجالي لان ولد اخوانه وبناتهم هوايه جانو يضوجون بيها ماعنده سيروان واهله
سيروان من الصغر تربى ويايه آني وفهد
وين فهد
سافرلاوربا
شعجب عافكم
لان جبان
عكد حواجبه
درت وجهي ماكملت وهو هم سكت ورجع سئلني
تحبيه منو
خطيبج
ابتسمت وآني اتذكره واتذكر ملامحه الحلوة
البكلبي أكبر من الحب هو جان صديقي واخويه واستاذي وخطيبي
ماذكرتي الحب
ابتسمت وجاوبته
مو كتلك أكبر من الحب
الحب هو أساس حياة المتزوجين
مو شرط آني اشوف الاحترام والصدق والامانة والوفاء هي اهم من الحب يعني مثلا هوايه اشوف ازواج يحبون زوجاتهم بس يخونوهم
اسمحلي اقاطعج اليحب من صدك مستحيل يخوون
بعد كلمن وتفكيره
يعني هيج تردين تسكتيني
لا العفو بس مثلا ماما شكد بابا يحبها بس دائما اشوف بعيونها الحب لبابا ضياء
شون عرفتي
مااشوف اللمعة بعيونها من تباوع لبابا عكس من نروح نزور بابا ضياء واباوع لصوره اللمعة البعيونها وابتسامتها يدل على كمية الحب الي بكلبها لو من جانت تحجيلنا عنه
وابوج مايغار
بابا أركان جان اقرب صديق لبابا ضياء
غريبة جا شلون تزوج أمج
اووف تأخرت راح احجيلك بيوم
يلا اوصلج
جايبه سيارتي
اوو وعندج سيارة هم
عينك ابن عمي عليها اقساط
ضحك بصوت عالي وتسالمنا ورجعت
بس من صعدت وشفت ابتسامتي بالمرايه تذكرت شون كعدت وياه وحدنا شون كدرت اخون سيروان واكعد ويا شاب لوحدنا فتحت المادة البركبتي جتبلي ياها هدية لخطوبتنا قلب وبيها صورتي آني وياها بستها ونزلت دموعي
اسفة حبيبي سامحني أكيد زعلت مني لان كعدت وياه وحدي اوعدك مراح تتكرر
مسحت دموعي وسديت القلب وسقت على كيفي مجان يقبل اسوق هوايه لان هو جان يوديني وبالرجعة إذا مو بالدوام يجب يرجعني واذا بالدوام واحد من أخواني لو بابا
وصلت فتحت الباب الجهال الصغار اجوني ركض بلسم وسحر وئارام
فتحتلهم حضني ماما طلعت من المطبخ
هلا ماما شلونج
تقرب بستها
الحمدلله
لحد مابدلت ونزلت وصل بابا وكعدنا نتغده
حجيت عالسفرة
اليوم أجا ابن عمي شاهين
ماما وكعت الخاشوكة من ايدها باوعتلي وهي خايفه
وشكلج شحجيتو
شبيج ماما اهدي عادي بس سئلني شلونج مالونج
بس
ليش أكو شي ثاني
يعني ماحاول يقنعج تروحيلهم
لا ولاجاب هالسيرة
وآني مااقبل بعد تلتقين بيهم
ماتكدرين تمنعيني ماما هذول اهل بابا واني من سنين اتمنى التقي بيهم
شنو كبرتي وكمتي ماتسمعينلي
باوعت لبابا ساكت ويباوعلي مقهور بس ميريد يكسر بخاطري
احجي بابا يعني شنو
أمج على مودج تحجي بابا تخاف ياخذوج منه
تقربت وحضنت ماما
ماكو بشر يمنعني منكم أنتو روحي واهلي
دفعتني ماما ورفعت اصبعها
وآني كلت العندي
عفتها مقهوره وطلعت للحديقة كعدت عالكرسي وصلني صوته
شبيها القمر
استغفرت وكمت شبيك متبل اظاهر تعودت على راشدياتي
حبيتج وانتي عمرج 14سنة وحجيت لسيروان بماانو هو صديقج المقرب
سكتت اسمعله انتجى عالحايط
كال لاتحجيلها آني من تكبر شويه احجيلها تعرف آني صديقها المقرب سكتت تكبرين كدام عيني والكره مالي كلبج تجاهي مااعرف السبب صار عمرج 18سنة قبل خطوبتكم بجم شهر كتله ها سيروان ماحاجيتها راد يكمل وانفتح الباب وبابا طلع باوع لرزگار
شتسوي هنا
شفتها بالحديقه وجيت أسلم عليها مهما كان هي جانت خطيبة وحبيبة صاحب عمري
طلع وآني احس أكو سر ورا انتهاء صداقتهم يعني آني جنت السبب جنت دوم اسئل سيروان يكلي لان من الصغر جان يأءيج انتي فهد بكلامه السم على مزدحم نهيتي علاقتي بي بس شلون يحبني وسيروان ماحاجيلي أكيد غار ومن هاي ماحجالي تقدم بابا وخله أيده على جتفي وجرني ل
شبيج بابا احسج متغيرة
تعبانة بابا منا خسرت سيروان ومنا ماما تضغط عليه اووف تعبانه
سلامتج من التعب اميرتي
تدرين شغلة انتي أغلى وحدة من جهالي عندي
ابتسمت وباوعتله
جنت متمني من أتزوج يصير عندي فد 6بنات وأكثر شي حرامي أتزوج أمج انتي بيوم رحت لخالج ومخليج ب من شفتج حسيتج بنتي وكمت أجي لخالج اكثر من قبل بس حتى أشوفج
تحبني بابا
اكثر من روحي بنيتي انتي واخوج أول فرحتي وانتو الجنتو تخلوني اتحمل جفاف امكم وياي وعدم تقبلها الي
شكد تعذبت لحد ماصارت الك بابا
اووو هوايه لاتخليني أتذكر لااحقد عليها بعد هالسنين
ضحكنا وانا ماما متباوعلي حسيت خوف ماما مو لان تخاف ياخذوني منها احس خوفها غير شي
راسلت بنت خالي رفل
هلا حبي شونج
هلاو بروئه الحمدلله شون صرتي
يعني ماشي الحال
دومج يروحي
انتي شونج وابنج الفصعون
الحمدلله او مخبلني
الله يحفظه الج
تسلمين كلبي يوم التشيلين جهالج مرت ذكرى ببالي نفس دعاء سيروان من يشوفني شايله طفل رجعت الواقع وسئلتها
أكول رفوله اليوم حلمت ببيبي وتعرفين آني مشايفتها جنت أريد أتذكر يمتى ماتت ماتذكرت وماردت اسئل ماما خاف تتذكرها وتبجي
اي بابا دوم يسويلها ثواب ومرة سئلته أعتقد كال 1986
فتحت عيوني مصدومة
شتحجين رفل
اي ليش صاير شي ليش انصدمتي
رفولة الخط يكطع بعدين احاجيج
سديتها ومامصدكه السمعته
لا لا مستحيل
طلعتلهم بعدها كاعدة وبابا بصفها يحاجيها
باوعت لماما مقهورة ودموعي تنزل مااصدك يعني كل هالسنين عيشتنا بجذبة قست كلب فهد على عمامي
من شافتني خافت واجتني بسرعة هي وبابا
ليش تبجين ماما
رجعت باوعت لبابا خايفة يطلع هو هم يدري بجذبة ماما أكيد جان يدري
جنت تدري بابا مااصدك مااصدك جذبتي علينا
شتحجين بنيتي ياجذبة ماما
صحت عرررفت أصلا بيبي ميتة قبل زواجج من بابا شلون سنين تجذبين علينا تكولين دزيت بيبتكم وعمي طاردها
فتحت عيونها مصدومة باوعت لبابا
يباوعلي بقهر حجت ماما ببجي
خفت ياخذوكم مني و الله ابوج حجالي عنهم عشاير خفت ياخذوكم مني إذا درو تزوجت حجيت ببجي وقهر
ليش ماما ليش ردت عمام افتخر بيهم كدام الناس الجانت تعتبرنا بلا اصل واهل ليش حرمتينا منهم
تقرب بابا حضني
هدي يبعد ابوج هدي
حجيت بعد ماوخرت من
باوعت لامي وحجيت
آني راح أروح ويه عمامي
شهكت وباوعت لبابا
ابتعد وحسيته انصدم بيه ركضت لغرفتي أصلا محاجيه ولامقررة بس جذبة امي كسرتني مستحيل أكسر بكلب بابا المافد يوم فرقنا عن جهاله بالعكس كان قريب علينا اكثر من جهاله
فاتت امي وراها بابا
انتي مستحيل تعوفيني اي مستحيل لنطيتهم ظهري
لتخافين مارايحة لمكان بس ردت احسسج بالخليتينا نعيشه آني وفهد
تقربت ماما
لو سمحتو عوفوني الصدمات الي تلكتني بهالفترة كافية تخليني اتخبل بس لازم روحي بالكوة عافوني طلعت موبايلي ونسيت أصلا هسه هو موجود مع أنو توني تذكرت وفاته بس يمكن احتياجي الله كصديق نستني وفاته طلع موبايله مغلق نزلت دموعي
ليش مغلق مو تدري مالي غيرك احجيله مشاكلي وتعبي جاوبني سيرو
ذبيت الموبايل وخليت وجهي بين اديه
الصبح كعدت رأسي حيطك من الوجع
صبحت عليهم وكعدت لاهمه فتحو الموضوع ولاانيى اخواني طلعووللجامعة وآني الدوام ووديت خواتي للمدرسة بطريقي
ومن كملت وطلعت انصدمت بوجوده
خير رزگار طلعاتك كدامي صايره هوايه
أريد من وكتج نص ساعة
إذا تريد تحاجيني عندي بيت وتكدر تجي تترخص من بابا وتحاجيني وعفته كال
لعد ابن عمج مو ذاك اليوم كعدتي وياه وحدكم
شي ميخصك قبل لاامشي كال
احلفي مجنتي معجبة بيه قبل لاسيروان يعترفلج
اخذت نفس فعلا جنت معجبة بشكله حالي حال البنات بفترة المراهقة
اعتبره غباء ماكو وحدة تنعجب بواحد جان يكسر بكلبها بكل ثانية جنتتت غبي
لاتجذب حتى بعد ماحبيتني على كولتك وورا خطوبتي ضليت تكسر
لان جنت ادري سيروان يعشقج جنت أريد اقهرج حتى ينقهر عليج من يشوف دموعج
جاوبته باستهزاء وهذا أكبر دليل أنو أنت محبيتني بوكت سيروان جان ينقهر وينكسر على قهري
هذا هو الحب
ضحك وجاوبني صح حبج لدرجة كلي ماتفيدك لان متعلمة على علاقات متعلمة تخلي الواحد يوكع بحبها وبعدين تضربه بوري
فتحت عيوني مصدومة
يتبع
سواد القلوب 4
البارت الرابع
ليال
من الصبح كعدت لعبانة نفسي باوعت الساعة 5ونص كعدت ضياء لان يشتغل عمالة
ريكته وباس رأسي وراح
مااكول نسيت جذبته بس خلاص استسلمت بس اليوم حلمت باطفاله رغم ماشايفتهم بس ركضو لأحضن ضياءبالحلم ويعاتبونه ليش عايفهم
انتجيت عالكاونتر دموعي نزلت ربي أنت ادرى بحالي آني ماركضت ورا ولاردت تخرب وادمر عائلته بس ليش مدااحس بفرحة باوعت فهد نايم كعدت براء وهي توها صارت سنة شلتها وكمت ارضع بيها
اباوع بوجهها دموعي مستمرة
يمكن من راح تكبرون راح تكرهوني لان راح تكولون أمنا خربت حياة عائلة ثانية بس والله ماما ملابس ذنب حبيته وأنا ماادري هو متزوج ومن دريت ابتعدت بهدوء بس هو معافني لاتكرهوني ماما
لورا العصر وآني كلبي مقبوض مدري من شنو يمكن من الحلم الشفته
رجع ضياء تعشينا ونامو الجهال بمكانهم فهد عمره راح يصير 3سنوات وبراءحتصير سنة دلوعة ضياء
ضياء انتبهلي وابتسم بوجهي
تحبهم
ابتسم ورجع يباوعلهم
هذولة جهالي وروحي أكيد احبهم
سئلته ببرود
والي ذابهم من سنين مو جهالك باوعلي وسكت خلال هالسنين دائما
رجعت للواقع
ليش سكتت تعرف بنفسك ضالمهم
عبالج فرحان ابتسم بقهر دار وجهه ودمعته نزلت ميت قهر وواني مويمهم
ليش متزورهم
ميردوني
كمت لحيلي منفعلة
ترى بسببك راح اتعذب من وراك اني اموت باليوم ألف موته انكسر تدري شنو انكسر من اكعد بين الناس ويأشرون عليه ويكولون بواكة زلم باكت رجال من عائلته وحرمت جهاله من ابوهم واليكسرني يكلولي همزين امها ماتت ومالحكت تشوف بناها عيشت عائلة نفس العاشتهاهي
كام لحيله هزني من جتفي
شتردين أنتي شتردين
صحت بي وآني ادفعه
طلكني طلكني وارجعلهم
خوش يجرالج الترديه سنين وآني اتمنى ترجعين ليالي الحبيتها كتلج مية مرة انتي مالج ذنب بس لا شلون تحجين على كسرتج جا وكسرتي كلما اغمض أسمع بجيج وكل يوم باجر تنسى للللج عبباااالج انننا ناااسي جهالي وللللج عبباااالج هينه أنا بديرة وجهالي بديررررة ميييت على فركاهم بس شبيدي أنا جبببان لان ماوكفت بوجهه ابوي لان ماعرفت اختار الهم اممم زينة مثللللج دفعني وطلع
إذا موزينة ليش عفتلها جهالج ليييش أكيد هسه ليل ونهار يدعووون عليه اي أكيد
رجع بوكت متأخر
تقربت منه
وين جنننت
ابتسم باستهزاء وعيونه حمر
ليال لاتخليني المحج
عافني ودخل
كضيت هالايام بجي حتى جهالي هملتهم وضياء هاملني بس مهتم بالجهال
وكعت بالفراش اخواني اجو طبعا خلال هالجم سنة كلهم تزوجو وعوفو البيت لبابا وزوجته
يزوروني هوايه كلما يجون جايبين وياهم مسواك تمرضت مرض مااكدر ارفع رأسي
حارة بيه ضياء واخواني جهالي مرت اخواني يهتمون بيهم
دموعي جانت الحديقة المقربة بهاي حالتي كلما اغمض عيني صورة جهال مشوشة تجي كدامي ويحضنون ضياء عرفت هاي عقابي لان حرمت اب من أطفاله
تقرب ضياء مني وهو حاير بوضعي لزم ايدي
شبيج يبعد ضياء هالنومة مو الج يغاليتي رديلي حتى لو باردة وماترديني بس كومي لحيلج جهالنا وحتى آني محتاجج يبعد كلبي
همست
ضيياااء
يروح ضياء
عووففني وارجججعع لججههاالكك
غمض ودمعته تنزل باس ايدي اكثر من مرة
انتي كومي واسويلج الترديه
ضضيياااء اككييد ههسسه جههاالك يدعون عللليه ممثثثل مااناا ججنت ادعي عليها
لا لا كلبي مااكو أصلا جهالي مووو بحااجتي
ويه كلامه بعد ماحسيت بشي كعدت ماادري يمتى الدنيا ضلااام وايد لازمه ايدي
ضلام بس حسيت من الملمس هذا أيده أريد اوخر أريده مااكدر ارفع ايدي او اسحبها احس جسمي مالي سيطرة عليه
نزلت دموعي ويه شهكتي فز وتقربلي
شبيج ياعشك ضياء شبيج يضوه عيوني لاتسوين بروحج هيج ليالي
سسسووي اللللي طططللببلبته خخخاااففف امووووتتت وووالله يحااااسسسبني ابوووسسس ايييدك ضضضضياء اررررجعلهم حتى لللوووماتترريد طللكني مييخخاالف للاطلكني بببس ارررجع وللم ششممل جههالك
نزلت دموعه واختلطت ويه دموعي على خدي
أحبج ياروح ضياء وماردت من هالدنيا غير تصير باسمي وعلى ذمتي انتي روووح ضياء المستحيل يفرط بيها راح أروح وانقذ طلبج بس مستحيل انساج انتي وجهالي أنتو روحي وحياتي الاختاريتها بارادتي
رجع باس رأسي وباس الأطفال وطلع وهو عيونه عليه ريتني متت وماطلبت منه هالطلب ماجنت ادري أنا دزيته للموت ماجنت ادري هاي اخر مرة أشوفه واحرم حتى جهالي من ابوهم
براء
واكفين وعمي مصار سرى تعتذر مني وهي اعتذرت من خوفها من شاهين الخزرها ويأشرللها تنفذ كلامي
بس قبل لانعتذر كتلها
اووكفي سرى ماله داعي للاعتذار انتي حقج بس صدكيني اني ماادري بي متزوج والا صدكيني مستحيل احاااجييه حتى كااخ
آني الاعتذر لان أكيد جنت مسببتلج وجع وقهر من جان شاهين يراسلني ماكو داعي تعتذرين بس رجاءا لاتهينين امي وانتي أصلا ماتعرفيها بس بسبب كلام ناس ماتخاف الله
نزلت دموعها
اني اعتذر كلامج صح وانتي تضلين بنت عمي مجان لازم احاجيج هيج
عافتنا وصعدت ركض خزرت شاهين وتفاهم وفتت لغرفتي كل الصار من وراه حقها غاررت
اندك الباب وفاتت رنا
أكدر افوت
جاوبتها بابتسامة
أكيد كلبي البيت بيتكم
وبيتج كلبي لاتحسين روحج غريبة بهذا البيت والكيعان ابوج إله حصة
لاتحجين هيج آني جيتي بس حتى اتعرف عليكم وعلى اخذت نفس على اخويه واخوي
ابتسمت بقهر
أدهم ميشوف غير اهله
تربعت وكتلها سولفيلي عنهم
اجت بصفي وانتجت بظهر الجربايه
شحجيلج عن أدهم الجان عمره 24سنة لو أدهم هسه
جاوبتها بحيرة
مفهمت
ابتسمت بقهر
تذكرت من جان عمري 20سنة جانت بينا نظرات آني الوحيدة جان يحاجيني من البنات بالاول عبالي حاسبني مثل رؤى بس من شفته يضوج من اوكف ويه اي واحد ويه ولد عمي ويغارعرفت نظرته الي حب وآني جنت احبه من الاول وويه الولد جان صديق شاهين وابن عمي فلاح اسمه رضوان
بيوم جنت كادعة انضف الديوان الديوان جبير اي ضيف غريب لعمامي هم من يجون يكون لهذا الديوان جنت امسح الشبابيك انفتح الباب ونسد عبالي وحدة من خواتي بس وصلني تكره اخذت نفس وزفرته وليدي تجمدت عالجامة
باوعتله يباوعلي بنظرات عجزت لليوم اغيرها حب اوهيام ماادري شنو أحدهم من النوع الجان انطوائي حتى من نجتمع يضل ساكت جان مقاطع امه وعمامي طارديها بس مرت عمو مهدي جانت تحجيلنا اخبارها لان اختها
سمعت كال
راح تضلين هيج سأكته
نزلت من الكرسي الجنت صاعدة عليه وانضف
شححججي
مثلا تسأليني عن اخباري وليش مختفي
خجلت وحسيت الحرارة صعدت لخدودي وجنت اعصر بالوصلة البأيدي
شووونك
هسه صرت بخير
ليش تأخرت بالنزلة هو عسكري ورا سقوط النظام السابق تعين بالجيش رغم عمامي حاولو يرجعونه عن قراره رفض يستمع الهم ورا كسرة ابوه حسيته نكسر يمكن كان رايد يرجعلهم ويعوضهم
تقرب مني لوما انتي ورؤى فلاارجع
اددهم شتتحججي
اكوول أحبج يانظر أدهم
تقرب بسرعة رجعت لورا وآني خائفة واحد من عمامي لو اخواني وابويه يفوتون ويشوفونا
وصار الخايفة منا انفتح الباب وفاتو شاهين وابويه من الخوف الا شويه يغمى عليه بس استغربت ابويه وشاهين ماحاجوني بس خزرو أدهم الكال
وهو يرفع اديه بوجه شاهين التقربله بتهجم
هدي بين العم جيت اشوف خطيبتي
فتحت عيوني مصدومة
هو كال خطيبتي لو اني تخبلت
بابا جاوبه
من يصير بينكم عقد رسمي وكته البيت الك والعتبة النا يبن اخوي
غمزلي وطلع شاهين اندار خزرني من الخوف صدك اغمى عليه كعدت امي تصحي بيه
خاب شجاج بنيتي ليش هالكد جبينة جا بليلة العرس شيصير بيج
يوووم حجيت باعتراض وآني خجلانة
كومي كومي مدري بنات هالوكت شلون يدبرون بيت وجهال ورجال
عافتني وآني اخطط باحلامي وبحياتي ويه عشك المراهقة
فتحت عيوني وماحسيت بدموعي التنزل وببراء الصافنة بوجهي
وشصار
ابتسمت بقهر
الصار ماجان عالبال ولاعالخاطر
رادت تكمل فات ابنها عمره 7سنين
يمه ابوي يريدج
جايه يوم
باوعتلي مسحت دموعها وكامت لحيلها يلا حبيبه ارتاحي واكملج بغير وكت
طلعت وعافتني بحيرتي
مرت الايام ماضل غير اسبوع حتى تخلص إجازتي
استغربت من فات ابن عمو عبدالله ضياء على اسم بابا الله يرحمه
عمو أدهم يريدج
استغربت أدهم يريدني آني
طلعت واشوفه هو ورؤى و زوجته وبنية صغيرة
عمو كال
تعاي بنيتي تعاي اخيج رايدج
تقربت استغربت من كام لحيله وجرني ل
آسف خيتي آسف حملتج ذنب مالج دخل بي
وتقدمت رؤى مني
أنا هم براء انتي خيتي ومراح اعتذر لان ماكو اعتذاري بين الخوات
باوعت لشاهين شفت هو هم مستغرب حاير اكثر مني هو مجان طايق يسمع باسمي مو عاد يحضني ويطلب مني اسامحه
مفهمت أدهم يعني أنتو تقبلتوني
شفت بعيونه نظرات يختلف عن كلام لسانه ماادري شلون افسره او بالاحرى حرت بس شوك السنين حتى التقيهم خلتني أنسى هذولة خسرو ابوهم بسبب امي والحقد ميموت بين يوم وليلة
باوع للحيرة بوجهي كعد بمكانه وكأل
ادري حقج ماتصدكين بس البارحة حلمت بابويه الله يرحمه وزعلان مني
حجه شاهين
ابوك
باوعله أدهم
اي ابويه عندك شك
ابتسم باستهزاء
لا بس استغربت طول السنوات الفاتت تنبح إذا واحد جاب اسمه مو عاد نكول ابوك وهسه تكول ابويه غريبة موو
كتلك حلمت بي وعرفت إذا مااسامح ابويه واخوي واختي مراح أعيش براحة يكفي ابني الراح وماادري بي عايش ميت
جاوبه عمي هادي
عين العقل بويه
كام لحيله وتقرب مني
باجر راح اجي اخذج أريد نسولف مثل اخ واخته
ابتسمت ومامصدكة ماجنت متخيله يتقبلوني بهالسرعة
من طلعو حجه شاهين
مااصدك بيهم أنا بويه تعرف بادهم حقود وهيج انكلب بين ليلة ويوم محيرني لا ورؤى هم
لا بويه لاتضن السوء بيهم بعدين أدهم تربية جدك وجدتك
كام لحيله وكأل
ولاتنسى صارله فوك السنين منطي اذنه لامه باوعلي وكأل خليج لكنة لاتأمنين لاببوج بهالسرعة طلع خلتني بحيرة رنا كالت شاهين جان صديقه يعني أكيد هو معاشره ويعرفه اكثر مني
نمت بالليل وآني افكر بلقائي باخويه
كعدنا بكافتريا
كال وهو يتفحصني
متأكد البارحة
نزلت دموعي وذكرياتي اخذتني اقبل سنتين
فهد شايفة هواي تلتقي باحمد
عادي كلبي تقربنا وعرفت هو محترم وتصادقنا
ماادري بس سمعته مو هيج الكل يكول هو مهرب
وآني شعليه بشغله
مرت ايام ونصدمنا من كال
يمه أنا راح اهاجر
امي لطمت صدرها وبابا كان لخيله مامصدك كال
شتحجي بويه ياهجرة شناقصك بويه ودر عليه بدول الغرب
تقرب باس رأس بابا
بفضل الله وفضلكم ماناقصني شي هيج بس عاجبتني حياة برا
ومرت ايام وسوالي توكيل عام في حال واجهتنا شغلة يحتاج لوجوده
حجيتله عالتوكيل ابتسم وهز براسه
اي زين بس ياريت ماتحجين لاحد الكل شاك بي اريداثبتلهم صدقي
أكيد تعرف جانت أقصى احلامي بس أشوفك مو عاد تتقبلني وتعتبرني اختك من صدك
براء شكد عمرج تقريباسنة
وين تربيتي
اخذت نفس
ماما تزوجت ورا وفاة بابا وبابا أركان هو الرباني لحد ماكبرت شويه يلاعرفت هو مو ابويه بيومها حسيت اليوم ابويه توفى أدهم صح بابا ماقصر ويانه بس جنت متمني اسم ريحة ابويه الحقيقي واحس بالحنان والامان الي ماما جانت دوم تحجيلنا عليه
شعجب أمج هسه يلا قبلت تلتقين بيهم
اخذت نفس ومسحت دموعي
ماما لهاللحظة ماقابله بس بابا قنععها وآني من جم سنة أدور بالفيس عليكم لحد مالكيت بالصدفة حساب شاهين
آممم نصيحة ابتعدي عن شاهين لان كبل راح يكولون بنت امها بواكة الزلم
دافعت عن ماما
صدكني ماما هوايه حاولت تقنعه يطلكها ويرجعلكم وحتى قبل لايتزوجون جانت رافضة بس خوالي ضلو يضغطون عليها لما قبلت بابا
بعد ميفيد الحجي لااحنا الشبعنا منه ولاانتو
صح
يلا خلي نروح المحكمة أنا مجهز كل شي
كمل كل الاوراق وقعت وبصمت تقرب باس رأسي
سامحيني
ابتسمت وذبيت روحي ب مسامحتك يكفي أنت من ريحة بابا ضياء تعرف شغلة ماما عدها صور بابا أنت حيل تشبه من شفتك أول دقيقة حسيت بابا الفات
ياريت لو ملتقين بغير زمن وبغير وضع
رجعنا رجعت لبيت عمو
وكت العشاء مديت ايدي اخذ الماي من كدام شاهين شفته صفن بايدي من رجعت تسحبه جرايدي قوي تحركت الميز من قوته الكل ثفنو على أريده اللازمتني عمو صاح بي وبيبي هم
خزرني وكأل
الجلب أدهم اليوم وين ماخذج سحبت ايدي منه بقوة
مااسمحلك تحجي على أدهم
شبيك بويه
رجع جر ايدي بقوة وكأل لابوه
شوف بويه شوف الجلب على شنو مبصمها فتح عمو عيونه مصدوم وتقرب مني
بويه على شنو باصمه
اخذت نفس وباوعت لشاهين بعتب
عمو أدهم راح ينطيني حصتي وحصة فهد اخوي
صفكو الاثنين بقوة مامصدكين كلامي
حجيت بخوف
شكو عمي خوفتوني آني شمسويه
اجاني صوته
الصار يابعد اخوج عرفت عندي اخت غبية
انداريت واشوفهم كلهم داخلين انه ورؤى يباوعولي بشماته رديت باوعت إله يباوعلي بنظرات غريبة
تقرب شاهين بحقد لزمه من ياخته
ولك بكت حق اخوك واختك
رفع أيده ووخر ادين شاهين
باوعلي مميل راسه يباوعلي واكفة بظهر شاهين
مسامعين يكولون القانون لايحمي المغفلين
ضحكت ضحكة عالية وهي تتقدم وتوكف كدامي
هي ارتاحيت عاشت ايدك يوليدي وسندي ماخليت حقنا يروح لجهال بواكة الزلم صح انكسر وحسيت روحي غبية ميهمني حصتي الي انباك بس من وراي انباك حصة اخوي جتفت ايدي وباوعتلها بحقد
بواكة زلم ولااروح لرجال ساحر لبيته
فتحت عيونها مصدومة رفعت ايدها لزمت ايدهت بقوة
ججججج ايدج نزليها ياسحارة
صاح بيه أحدهم وتقرب يضربني انجر من شاهين
دفعتها على كيف
باوعتلي حسيت الشر تجمع بداخلها
مااتسمى هدية إذا ماعيشتج نفس العشته
مهتميت
طلعو وكعدت عالكرسي مصدومة
تقربو عمو وبيبي
يمه لاتضوجين الفلوس وصخ الدنيا صدكيني كل شي بهالدنيا بيها خير
مامقهورة عالفلوس بيبي مقهورة بان ضيعت حق اخويه وماشكيت أبد انخدع منه ماتخيلت الواحد ممكن يكدر يمثل هيج ولاحسيت او يمكن صدك آني غبيه بس صدكيني بيبي لاماما وبابا أبد ماعلموني أكون خبيثة او اخدع احد علموني أكون على حق وصريحة ومااخدع ولااخون
جر عمو رأسي لصدره
هدية يبعد عمج مالي وحلالي اخليه بايدح انتي واخوج كمت لحيلي
ماتقصر عمو آني الحمدلله مامحتاجه شي ردت اخ جبير بس الظاهر جنت غلطانة
فتت لغرفتي دكيت على بابا
ها باباتي
شهكت وحجيت
بابا تعال اخذني مخنوكة حيل
شبيج ياروح ابوج منو وياج
محد بس تعال اخذني مخنوكة ومشتاقتلكم
ماشي بويه باجر من الصبح اجيج
لاتتاخر بابا
لابابا لا باجر اجيج
اندك الباب فاتت بيبي كمت لحيلي فتحت الكنتور اطلع هدومي بيبي تقربت بكرسيها
وين تعوفيني يبنت ضياء جنج تعيدين السواها ابوج بيه
تقربت منها وخليت رأسي ب ا ارجعلج بيبي بس خلي أروح هسه حيل مخنوكة
اوعديني ترجعيلي بيبي
ابتسمت وبستها وعد بيبي
وهسه روحي اخذي إذن من عمج بمثابة ابوج
تدللين طلعت شفته كاعد وشاهين بصفه يحجون تقربت منهم انتبهولي ثنينهم
خيرج بويه
آني خابرت بابا وباجر حيجي ياخذني
كام شاهين متنرفز
شني محاسبتنا زلم تتصرفين من كيفج ومن كال تقبل ترجعين يم رجال غريب تقربت منه ورفعت اصبعي بوجهه
الغريب التحجي عنه صايم ومصلي جان ابويه لحد ماكبرت هو الكعد وحجالي عن ابويه وعن حياته العاشه هو الجان الأخ والصديق لابويه بوكت اخوانه من امه وابوه تخلو عنه الغريب التحجي عنه صرف عليه حالي من حال جهاله ولابيوم من علينا يروح ويجي كدام ولدد يصبح لفهد بكري والي دلوعتي هو مو غريب أنتو الغرب أجيت شفت الحقد والغيرة والغدر مع احترامي لعمامي
كام عمو لحيله وباس رأسي
ماامنعج من اهلج بس لاتنسينا بالعطل خابري واحد من عمامج لو ولد عمج احنا ماصدكنا لكيناكم
مسحت دموعي وحضنته
وآني ماصدكت لكيتكم عمو مااعوفك أنت وعمامي وبيبي تعلقت بيكم
عفتهم وآني بعدني مترفزة آخر شي شفته عمو جر أيد شاهين وكعده بصفه
الصبح ماادري بابا يمتى طلع ساعة 11بابا وصل ماصدكت ركضت ل وآني ابجي واشهك وفات شاد وياه
حضنته باس رأسي بابا يباوع لعمو عتب
بابا كعد وآني بصفه حاضنه أيده باوعت لشاهين يفتح ويسد بايده والغضب واضح بوجهه ماهتميت عمو سوف لبابا الصار بابا اندار وخزرني
وعليش تضوجين على هيج شغلة تافهه المهم اخوج سالم وبخير أكيد راح يجي يوم ويتقبلج ويحبج من يتعرف عليج
انقهرت لان انخدعت بابا وضاع حق فهد
كام بابا متنرفز واعتذر من عمو لان أجا بدون موعد ودعت بيبي وهي تبجي ودعت مرت عمامي وعمامي والكلل قبل لااصعد شفت سيارة أدهم ببابهم واكف يم السيارة ويباوعلي ماهتميت وصعدت
بابا طول الطريق يحجي عليه لان عباله مقهوره علىى الفلوس ميدري اني انكسرت ومن منو من اخويه انخدعت أبد ماجنت غبية بيوم شجاني
احتاجيت ازور سيروان واحجيله بداخلي ثاني يوم بدلت وطلعت المقبرة وصلت يم كبره بسته وكعدت يم رأسه
هاصديقي لفيت ولفيت مالكتيت غيرك صديق وخوش مستمع مشتاقتلك سيروان تمنيتك وياي ماجان انخدعت من يوم الموت وعفتني صرت محتاجة لاخ وصديقي يسمعني اختاريت ابن عمي ماحسبت حساب علاقتي بي أكسر بكلب زوجته تقربت من اخويه من فتحلي طلع غدار ومايريدني المن عفتني سيرو اريدك اريد تلزم ايدي وتكولي آني وياج واحبج ومااعوفج للموت
بجيت وذبيت كل البصدري يمه ورجعت البيت ماما وبابا والكل يردون يطلعوني من الوضع الخليت روحي بي
بعد قطاع فترة اليوم مجبورة اخابره واكوله حقك ضاع من ورايه
مااصدك متتقبلين تحاجيني كل هالمدة فهد سامحني
مسامحج يروحي انتي سامحيني لان عفتج باسوء حالاتج بس خلاص طز راح ارجعلكم كمت لحيلي مامصدكة
صدك تحجي فهد يمتى
غمضي عين وفتحي عين آني يمكم
راحت فرحتي ولازم احجيله
حجيتله كل الصار بروحتي
فهد وياي اعتذر حبيبي من ورا غبائي حتى حقك ضاع
مو ذنبج يبعد كلبي راح ارجع واراويهم ابن بواكة الزلم شلون راح يرجع حقه من عيونه وباجر حتشوفين
المهم هسه ترجعلنا بسلامة بس شلون وأنت بعدك مامستلم إقامة وجنسية
طز بكل شي اهم شي أكون بظهرج وارد حقنا و الله لو جاي وكايل تنازلو جان تنازلتله بس أحنا مو اغبياء ومغفلين واليفكر ياخذ حقنا نشلع عيونه من مكانه
حسيت فهد كولش حاقد عليهم كلت من يرجع احاول اقنعه عمامي مالهم ذنب لان مبين ماصدك همه مالهم ذنب الله يستر من الايام الجايه
um saman
سواد القلوب 5 6
البارت الخامس
ام سامان
ليال
اختفى ضياء اخواني ضلو يدورون عليه والفاجعة جانت بالطريق مسوي حادث لاكو بالمستشفى
ماكدرت أشوفه بس موصي اخويه أدير بالي على الجهال وصديقه أركان جان موجود
حتى بحزني ماكدرت اعبر عن حزني بس حالتي الي سائت اخواني حارو بيه
من سيد لسيد من دكتور لدكتور والنساء حالتي اكثر خلال هالسنة تعلق الأطفال باركان وطلبه للزواج رفضت بس اخواني كالو وصية ضياء ماصدكت حلفولي تحت الضغط قبلت بس طلبت التقي بي قبل لانعقد
متمددة بتعب ساعدوني مرت اخواني بالذات سهى مرت اخوي الجبير
حجه أركان وهو ميباوع بعيوني
تفضلي ام فهد
آني عندي 3شروط حتى اوافق اتزوجك
تفضلي ام فهد
جاوبته بتعب أول شرط تحلفلي تصير لاطفالي اب لان ماشبعو من حنان ابوهم
أطفال ضياء اعتبرتهم اطفالي باللحظة الكلب مني أتزوجج
ماهتميت كملت وآني مغمضة ثاني شرط ماريد ذكر ضياء يختفي بالبيت دوم راحجيلهم عن ضياء وهو ابوهم
فتحت عيوني شفته مبتسم وبعده عيونه بالكاع ماحاول
ثالث شرط أريد زواجنا عالورق كلبي مو لعبة بين يوم وليلة أنسى حب ضياء وتضحياته غمضت عيوني ودموعي تنسى أنت ماتعرف شكد اذيت ضياء بس الله يشهد موبايدي
جاوبني وآني انصدمت
متابعة القراءة
