رواية سواد القلوب (جميع الفصول مكتملة) بقلم ام سامان
المحتويات
بجوابه
ادري شلون جان حياتكم
شششلوون
ضياء حجالي من يوم زواجكم وانتي متهمة روحج بخراب زواجه الأول
غمضت عيوني انصدمت اكثر من عرفت هو مجان مطلكها
فتح عيونه مصدوم
جنت تدري هز رأسه اي
بس أكيد انتي ادرى تعتبر مطلكة هجرها سنين
بس الفكرة كلها موتتني مو قصة هاجرها اوعايفها القصة اثبتت لاهله اني خرابة بيوت
اخذ نفس وجاوبني
انتي ماتعرفين ابوه شنو يمكن الشغلة متخص حتى زوجته الأول هو راد يخلص من تحكمات ابوه تعرفين جان حلم ضياء يصير معلم ابوه ماسمحله وجبره يشتغل بكيعانهم ومن يومها ضياء حقد على ابوه ودوم جان يعانده
باوعتله مصدومة يعرف عن زوجي شغلات اني مااعرف واخيرا رفع عيونه ويباوعلي
يمكن صداقتي بي بكد علاقتج بي بس هو اعتبرني اخوه وصاحبه حجالي كل شي يخص حياته من الصغر وهسه ياام فهد إذا خلصت شروطج أكدر آني هم أكول شروطي
يعني أنت موافق عليهم
هز براسه اي
تفضل كول شروطك
أول شي راح نعالج وضعج مااريد تأيسين والحمد لله مبين وضعج صاير أحسن أول شرط الأطفال أريد يصيحولي بابا ووعد من يكبرون آني احجيلهم عن ضياء
ردت اعارضه رفع أيده بوجهي خليني اكمل وبعدين نتناقش انحرجت وسكتت
ثاني شرط شرطج مال زواج عالورق اوعديني يضل بينا يعني كدام اهلي واهلج وكل الناس احنا متزوجين وببيتنا احنا شريكين يجمعنا ورقة ثالث شرط من الاكي الاحبها اتمنى ماتعترضين إذا تزوجتها وماتطلبين الطلاك مقابل زواجي
موافقة على الاثنين بس الأول آني شرطي مااخفي ذكر ضياء
قاطعني
ضياء صاحبي واخوي قبل لايكون ابوهم بي حتى ميحسون بالنقص وحتى يعيشون طفولتهم بطريقة صحيحة
طريقته وكلامه العقلاني خلوني اوافق الحمدلله احترم رغبتي ماسوه زفة وعرس قبل زواجنا كدرت امشي وحدي بدون مساعدة رغم مرات رجليه تشكل مرات جان يصيبني اكتئاب بس دوم جان أركان هو اليهتم بالجهال
وصرنا مثل ماكال داخل بيتنا احنا شريكين بالبيت بتربية الأطفال وخارج البيت احنا متزوجين اهله امه بالاول ماتقبلتني لان ابنها جان عزابي وماخذ ارملة وعدها طفلين أبد ماجنت اتواجه وياها اهتميت اطفالي أركان يستاهل يكون زوج واعوضه عن حرمانه من حقوقه واعرف حرام عليه كلما يروح لدوامه اشجع روحي واكول راح اطلب منه نكمل حياتنا كزوجين من يرجع يجي ضياء كدامي يخليني اكره روحي ضياء العاف اهله لخاطري شون أكدر اتخطاه بهالسرعة بس الصدمني بعد زواجنا بسنة ونص اجاني بيوم وكأل
شوفي ام فهد لليوم آني مامتخطي حدودي وياج نفس شروطج اليوم أجا وكت الانفذ شرطي أنا هم لكيت بنت الحلال وقررت اخطبها ان شاء الله مايكون عندج مانع عاصرة وصلة المسح بايدي وجابرة روحي ماتنزل دمعتي بس خانتني ونزلت بس هو مامهتم ويباوعلي ببرود اتخطاني وفات لغرفته
وكعت بالكاع ليش كلمن يتقرب مني يكسر بكلبي مو جنت راح اطلب منك نكمل حياتنا سوه معقولة ماشفت القبول بتصرفاتي واسلوبي وياك لو لان عرفت أنا تقبلتك متريد تكمل حياتك وياي لخاطر صاحبك
باوعت لباب غرفته غمضت عيوني ودموعي تنزل بضعف
براء
ايام مرت وآني منتظره رجعت فهد ماكلت لاحد برجعة فهد
كملت دوامي باوعت بموبايلي رسائل هواية من عمامي ومن شاهين
جاوبت عمامي بس شاهين مسحت رسائله حتى مااضعف للأسف كلبي الضعيف عشك وتعلق بشخص مو إله لو روحي بي مستحيل اثبت كلامهم بعدني ماكدرت احجي لماما واسئلها إذا جانت تدري بابا ممطلك ام أدهم خاف مجانت تعرف وتكره ابوي لو متسامحه
باوعت صار 3ايام من حاجاني فهد واختفى وراها كلبي نار عليه وصلت بيه اشك هو ضحك عليه ومراح يرجع وارجع أكول فهد بحياته ممجذب عليه
زيارتي لكبر سيروان زادت أريد أنسى شاهين بس وين وهو ميعوفني وميخليني انساه انصدمت بوجوده كدامي يباوعلي بعتب
شلون انطاج كلبج متجاوبين صديقج
تجتفت باوعتله ببرود
ماكو شي اسمه صداقة بين رجال وبنت وهسه من رخصتك
ردت أروح وكف كدامي ماهتميت باوعتله
هاي من يمتى مو جنت اجي ونكعد سوه
هاي قبل لا أعرف بكعداتي وياك ورسائلي واتصالاتي آني دااكسر بكلب مرتك شاهين التفت لحياتك زوجتك خطية اهتم بيها ولاتكسر كلبها عفته وردت أروح كال الخايفه وجمدني
أنا أحبج بنت عمي كلبي يدك حيل بس مستحيل اضعف درت وجهي
وأني حاسبتك اخويه ولاتتخيل بيوم اقبل بيك
عفته وصعدت بسيارتي ايديه ترجف حيل وبطني بي مغص شغلت السيارة ومشيت بسرعة ماحسيت يمتى نزلت دموعي وشلون وصلت للبيت
مسحت دموعي حاولت أكون طبيعيه فتحت الباب وآني اشم عطره مامصدكة تقدمت شفته كاعد وماما حاضنه ايده صحت اسمه بهمس
ففههد
اندار بسرعة وكام لحيله فتحلي ايديه
رحت ل ابجي وأشهك الايام الجان هو ماكو اشتياقي إله
شششش هدي و الله اطلع عيون كلمن بجى هالعيون
ماما حجت
لا لا ماكو انتقم ومدري شنوو تنسون عمامكم وتضلون كدام عيوني سمعتوووو والا و الله اتبرى منكم أنت ماتدري شسوو باختك
ومن كال ماادري لعد آني ليش رجعت
رفعت ايديه وخلتها على راسها
لا لا خلاص طكت روحي منكم لاتحترمون الجبير ولكم أنا امكم واذا كلت لا يعني لاااا
عذريني يمه هالمرة مراح اسمعلج احنا موضعاف حتى ننهزم ونعوف حقنا واترجاج ماتوكفين بوجهنا وآني اوعدج أحافظ على روحي وعلى براء بس لاتعترضين طريقنا وادعيلنا الله يوفقنا
كعدت تبجي كعدنا كلمن بجهه وحضناها
يلا ماما وافقي وادعيلنا ننجح و نرجع بسرعة
اخاف ماما اخاف من غدر اخوك وامه
قبل براء وحدها وخدعوها بس أنا هالمرة بظهرها وراح ادفعهم الثمن اخلي اليتسمى اخونا هو يرجع حقنا وهو الممنون
ماما مامحتاجين فلوسهم هاي املاك ابوكم
قاطعها فهد
يمه لو سمحتي صح ابويه أركان كبرنا بس مو معناها يقسم ورثه علينا هم يكفي ولده وبنته
اجانه صوته
لعد أنا مو ابوكم وللك
كام فهد بسرعة وحضن بابا وباس رأسه وايده
ابويه وتاج رأسي بس هالمرة اطلب منك توكف بظهرنا
ضرب بابا بخفة على ظهره أنا دوم بظهركم بويه يمتى ماحتاجيتوني
كفو يبو فهد
بابا فرح من فهد كله هيج دمع ورجع حضن فهد غمضت عيوني وتذكرت غدر أدهم فتحتها عيوني انملت بالخيبة الاخوان حيصيؤون اعداء شلووون شسوي مااريد الفلوس تفرق بين الاخوة
٫٫٫٫٫٫٫٫٫٫٫٫٫٫٫
براء
قدمت استقالتي ودعت الموظفين الوياي يمكن اندم بالمستقبل لان مراح أحصل وظيفة أحسن من هاي بس مستحيل اعوف اخويه
ودعنا ماما ودعنا اخواني وبابا وماما تحلفنا إذا بيها خطر نرجع
ماكلت لعمامي كلت مفاجأة لبيبي رحنا بسيارتي
لان فهد باع العنده يروح لاوربا
شغل اغنية كاظم الساهر ليلى
وشغل جكارته أحسه صافن بغير دنيا
من وصل لمقطع
نفيت واستوطن الاغراب في بلدي ودمرو كل اشيائي الحبيباتي يدندن وهو مدمع
سئلته
مااجا الوكت تحجيلي ليش سافرت حبيتها
سكتت حتى يكمل براحته
جنت مهتم بدراستي هي تقربت مني وخلتني احبها واتعلق بيها ماجنت احجي لاصدقائي حبنا بس سيروان جان يدري كلي اخطبها حتى تكون علاقتكم صحيحة وحلال
ماردت استعجل ردت اعرفها بالاول
حبيتها من كل كلبي
لحد آخر السنة احنا سوه
اختفت اسبوعين اخابرها ماكو مقفول اسئل صديقاتها ميعرفون شي اوكف يم بيتهم ماكو
التهيت بالامتحانات بأول امتحان اجت فرحت وردت أروحلها أنطتني ظهرها صديقي احمد تعرفينه أجا وكلي انخطبت لاكثر واحد سرسري بالكلية وكل هاي ليش لان غني
ماخليت هالتجربة الفاشلة تلهيني عن دراستي بس انكسرت لان ماكدرت أكون المعيد
بس هي لاعاتبتها ولااصلا بينت الها هي مهمة الي جانت تجي قريب مني وتحجي لصيديقاتها شكد مدللها ماجنت اعوف المكان خاف تفكر نجحت تكسرني لاجنت اسمعلها واقسي روحي واكرها وهي متدري بالكلام هي الساعدتني اتخطاها وقرار سفري اعترف جبن بس احمد جان مقرر يروح من كثر ماحجالي عن حياة اوربا تحمست آني هم أروح تالي من رحت انصدمت بالفسوق وحياة الشوارع والعنصرية ومن رفضت ارجع مو لان حبيت الحياة بره بس كلت أجبر روحي أحصل الجنسية بلكي تفيدني بيوم بس من يومها حجيتيلي صعد الغضب براسي وحلفت ارجع واخذ حقي وارجع ازاول مهتني
لزمت أيده
أروح فدوة لكلبك يااحلى محامي بالدنيا
وصلنا نزلت آني ودكيت الباب فتح شاهين الباب وانصدم من الشاب الواكف بصفي بس كبل عرف هذا فهد تقدم يتسالمون آني فتت بسرعة شفت بيبي كاعدة تسبح صحت
بيبي
رفعت راسسها مامصدكة فتحتلي ايدها ركضت حضنتها بقوة وحجيت باذنها
جبتلج مفاجأة
وخرتني عنها
تباوعلي باستفهام
جبتلج ابن ضياء
فتحت عيونها ممصدكة شاهين دخل وكأل لبيبي فهد بالديوان واخذها وآني وراهم بيبي فتحت اسمها لفهد تقدم وباس راسها وخله رأسه على طتفه وهي بدا تنوح وتبجي وتتذكر بابا
أنتو آخر شي من ريحة ضياء وليدي
جا احنا شنو يجدة
شفتها رؤى وجهالها
تقربت وشافت فهد عوجت حلكها
ها حضرتك هم شرفت ياابن
قاطعها فهد بصوت عالي
بنت أمج وكمليها إذا مالطمتج على حلكج مااتسمى فهدضياء
خزرت فهد
كاعدين وبيبي لازم أيد فهد وفهد يسولف ويه شاهين ام شاهين فاتت كمت حضنتهاوبستها وسلمت على فهد طلعت آني هم طلعت وراها وفتنا للمطبخ ساعدتها طلعت سرى ولاسلمت عليه عمة ماقبلت وكالتلها
الظاهر اتعميتي مشايفتها ليش ماتسلمين
اتخصرت وجاوبت عمه
شفتها ومجاي على بالي أسلم عليها مااطيقها
عمة رادت تترادد وياها نهيت الموضوع
عمة خلاص آني مو ضيفة والميريد يسلم براحته مااجبر احد يحبني او يسلم عليه
مفهمت شنو يعني انتي موضيفة لاتنسين عندج حصة او خلي اذكرج جاان عندج حصة واتنازلتي عنه براحتج هاي بيتي بيت زوجي
حجت عمة بعصبية
بيت زوجج شنو هذا البيت شاهين وخواته واخوه
مو قصدي بيته لوحده يعني
قاطعتها عمة
خلاص اشتغلي بسكوت ولاتوجعين راسها
طبعااحنا وصلنا ورا العصر عمو ماادري وينه بس من فت شاهر اخو شاهين عرفت عمو هم رجع تقرب بابتسامة
ياهلا ببنت العم
هلا بيك سمعت باسمك عبالي شاهين وحيد
ضحك وجاوبني مجنت هنا أول مرة اجيتي بيها بس سولفولي عن غبائج
عبست
يلا يلا تعيشين وتاكلين غيره لو متنازلة الي جان تزوجت حبيبتي
ولي من وجهي طبعا هو بعمري بس عمة شوفتني صورته وكلتلي بعمري
شون عرفتي أنا ابن عمج
عمة قبل رجعتي بيوم حجتلي وشوفتني صورتك
اي هاي امي من أروح لدوامي تبجي وتنوح ومن ارجع تشبعني رزالة
ليش وين اداوم
أنا عسكري
دمعت من تذكرت سيروان وشلون الوضع
اخذ نفس وجاوبني زباله هالك يتغلغلون بينا مثل السرطان
الله يحميكم انتبهو لروحكم
حجه ابوي على خطيبج الله يرحمه
نزلت دموعي
تسلم
رحنا سلمت على عمو وكعدنا نأكل نضرات فهد احسها شوي لانت يسولف ويحجي تقدمت سرى
شرفتنا ابن عمي جاوبها فهد بدون ميباوعلها
تسلمين خيتي
آني سرى بنت عمك فلاح وزوجة شاهين
والنعم من عمي ومن شاهين
استغربت شاهين حتى بنظرة ميباوعلها وهي تاكله بنظراتها
خلص العشاء على خير وكت الجاي جنا كاعدين وحجت سرى
همزين رجعت ابن عمي بعد خلصنا من ازعاحات براء حجت عود بضحك شاهين وعمي يخزروها وهي ممهتمة
جاوبها فهد ازعاجات شنو
كل ساع تراسل بشاهين لان ماعدها اصدقاء وأنت مسافر جنت
شكو بيها ابن عمها وبمثابة اخوها ضحكت وكالت
اتشاقة شكو تخزروني
اتشاقي بشي بعيد عن اختي براء خط احمر فهمتي يبنت عمي
اندك الباب اجو عمامي فاتو كلهم سلم فهد عليهم كالعادة عبد الرحمن وعبدالله كلبوها ضحك وسوالف عن بابا وشلون يعاند جدو بالنسبة الهم جانت مواقف ضحك بس آني اتذكرت كبل كلام بابا من كال جدج جان جدي وقاسي ويه ولده ياترى شعشت يا بابا وخلاك تعوفهم بدون ماتلتفت حتى لابنك وبنتك
فات أدهم وامه وزوجته العرفتها تصير بنت عمو مهدي أدهم عده ولد وبنيه وجان عده ولد جبير انخطف قبل 5سنين جان عمره 4سنوات من انخطف لاانطلب فدية ولاكدرو يوصلوله عمة تكول أدهم لحد هاللحظة متأمل يطلع عايش ماقبل يسويله حتى قبر فهد ماكام من مكانه من عمي كله فوت ادهم
صارت كعدتهم مقابل فهد اليباوعلهم ببرود حجت هدية حتى تستفزه
شفت غباء اختك خسرتك كل املاكك
ضحك فهد بصوت عالي حجه وهو يردلها الاستفزاز
يمكن يمكم تسموها غباء يمي افتخر بيها لان أعرف اهلي ربوها أحسن تربية تربية مبيها غدر وخداع بالعكس المفروض انتي هسه تكعدين وتخجلين تطلعين كدام احد على هيج تربية
كام أدهم لحيله
انتبه لكلامك فهههد
تجتف فهد وهو كاعد بمكانه ويجاوبه ببرود
واذا مانتبهت شتسوي ياابن ابوي
حجه عمو هادي
هدووو يولد ضيياااء شنووو مالكم جببيررر
كعد أدهم بمكانه يباوع لفهد بأعصاب واحلى شي فهد كاعد ببرود ويستفزهم بالابتسامة الي على وجهه كام لحيله وتقرب كال لرنا الكاعدة بصفي
ممكن خيتي تنطيني مجال اكعد بصفها
أكيد ابن عمي تفضل
باوعت لرجل رنا يباوع لادهم بطرف عينه وأدهم هم مرات يخزره حجه أدهم
كل هالغضب والاعصاب لخاطر الفلوس
جاوبه فهد
جججج منو كال لخاطر الفلوس ياابن ابوي أصلا لااناولااختي مامحتاجين لهالفتافيت يمكن محد كايللكم ابويه الربانا عنده خير من الله ومافرق بينا وبين ولديه منطينا خير من الله
حجت هدية
يااا يعني امك بواكة الزلم بعد ممامات كبل راحت وذهبت روحها بحصن رجال ثاني
عمو وبيبي صاحو بيها بس هي عوجت حلكها وماهتمت
جاوبت آني بعد ماحسيت فهد راح يخسر هدوئه
تتزوج بحلال الله بدل ماتنفضح وتنجاب من حضن السحار بالحرام
تقدمت تريد تضربني
وكف فهد كدامي يباوعلها
ها يمرت ابويه ليش اخذتيها على روحج لو مثل مايكولون الي بعبه طلي وسكت
طلعت وطلعت وراها مرت أدهم والجهال أدهم ضل واكف بمكانه والله حسيت أكو دموع بعينه
عاتبنا عمو وكأل
بوية لاكل ساعة تذكرني أدهم بسالفة امه خاف يسويله مصيبة
اعتذر عمو بس ماتحملت تحجي على امي ماكدرت اضل ساكتة
ثاني يوم ورا الغدة أجا فهد
بروئه أنا رايح عندي شغلة
هاي شنو صاير تحجي مثلهم
غمزلي جا تردين يكولون عليه تربية ماما
شحده اليحجي عليك
باس رأسي وطلع انداريت اشوف شاهين واكف ومنتجي على باب المطبخ يباوعلي بابتسامة حاولت السن مامهتمة تقربت منه ممكن تنطيني مجال
أنا منطيج كلبي وروحي ضلت على مجال تفضلي يابنت عمي الحلوة
بهالكلام مراح تخليني أحبك بالعكس تكرهني بيك اكثر لاخر مرة أكولك شاهين لو سمحت التفت لحياتك
عفته شفت مرته واكفة يم المغسلة تشغيل بس جانت تباوعلنا من المرايا
فهد
وكفت يم العنوان الإنطاني ياها جان محل فتت
السلام عليكم
جاوبني جان رجال جبير واكف
عليكم السلام تفضل وليدي شلون اساعدك
و الله احجي أنا جاي من طرف العم جمعة
ياهلا و الله وين صفى بي الوكت
والله للأسف قبل رجعتنا انسجن
حجه باسف لاحول ولاقوة الا بالله من الأول هالجمعة مايكعد راحة اي وليدي امرني
مستمر عليك ضالم حجي و الله راد اطمن على بنته وزوجته
اخ يوليدي و الله عايشين بضيم خطية زوجته من الصبح اخوها يدزها لبيت العالم حتى تخدمهم ومايخليها تصرف من الفلوس المحصلته وبنته خدامة عد خوالها ومشبعيها كتل وضيم حتى حرموها من المدرسة
ياساتر بس كال عم جمعة كل شهر يدزلهم مبلغ
صدك تحجي وليدي يعني ياخذون فلوس هالضعيفات حسبي الله ونعم الوكيل
ويه كلامنا كال الرجال
هاي هي أم فرح انداريت مرة مبين الزمن كاسرة ظهرها
كال الرجال
يمتى يطلع جمعة
انداريت وجاوبته كلها جم شهر
معناها بنته راح يضيع
ليش ياعم
لان خالها ناوي يزوجها لابنه السكير حرمتي كالت ناوي يزوجها الاسبوع الجاي
طلعت وآني حاير شلون اساعدها واحافظ على أمانة العم جمعة الساعدني هوايه بالغربة
رجعت مالكيت غيره يساعدني
ابويه
بوية رايدك بسالفة
٫٫٫٫٫٫٫٫
يتبع قصص
سواد القلوب
البارت السادس
فهد
بوية رايدك بسالفة تكدر تجي هنا
ماشي منتظرك بويه الله وياك
رجعت البيت وهناك اشوف سرى نايمة على براء وتضرب بيها المشكلة دشداشتها مرفوعه وملابسة حجاب إذا هسه افوت يسووها سالفة وكلبي يتكطع على صياح براء اعرفها مااسكت عن حقها بس ليش هسه
صحت
وللللللللج وخرررري عنههها على صوتي دخل شاهر اجاني ركض
شنو هالصياح
روح طلع اختي من ايدين هالجلبة لاافوت وتحصلون جنازتها فات بسرعة
اختفى صوتها دخلت بسرعة واشوف رؤى كاعدة من شافتني ضحكت بحقارة وفاتت لغرفة ركضت لبراء شعرها مخربط ووجها بي اثار ضرب كسرت كلبي بدموعها تباوعلي بكسرة جريت راسها لحضني احاول اطمنها وانطيها الأمان
وداعتج مراح اعديها الهن
ايدي توجعني فههد
باوعت لايدها بس لزمتها صاحت صايره ازرك ماادري بشنو ضاربتها بنت الجلب
كومتها غسلت وجهها طلع شاهر من يمها تقرب منا يباوعلها باسف خاابر ابوك وشاهين ههههسسسسه يجووون
اهدى خلي نشوفها صحت بي
شككككلللت انناااا خااابرررهم لو و الله هسه افوت اجنزها واخذ حقهاااا ميهمني حرمة وغيرةةةة
شاهر ايس عرف مستحيل اهدا إذا مااخذ حقها
مرت نص ساعة فات عمي هو زوجته والوجه اصفر انقهرت لان مبين انهبط تقرب يتفحص وجهها وبراء كلمه ماتنطق بس تشهك
جرها عمي ل ا
براءعايني
باوعتله وصدري ناار هاي اني وكت العركات مو ضععيفة بس بالبداية رؤى لزمتني وهي تضربني حسيت ايدي انكسرت بعدين رؤى عافتني بس هي استمرت مااكدر أردالضربات وجه ايدي وراسي الضربتها بالكاع دوختني بمكاني
بس لزم ايدي شهكت ورجعت ابجي أقوى ومرت عمو تقربت وهي محروكة دمها
له له شني هااي عاين حجي عاين ماضاللها مكان سليم
يجي رجلها ويحاسبها
طلعت وتخصرت
على شنو يحسابني عمي يحاسبني عمي لان أريد توخر عن رجللي بعد شنتوقع منها امها سوتها قبل تقدم فهد بصياح فات شاهين وبسرعة لزمه
مو هيج يبن العم بنت عمك الها رجال يحاسبها فهد استحى ورجع لورا
اتقرب مني حاقدة عليه البيه كله بسببه
باوع لملامحي باوعتله يباوعلي باسف ومبين
ابن العم أنت وشاهر ودوها المستشفى وأنا اردلها حكها
تقربت سرى
شاهين هي
صاح بيها من يمي فزيت وزادت شهكتي عض حلكه ومنطيني ظهره
جب صوتتتتتج مااسمعه
صدكني هي ضربها راشدي وكعت بالكاع يعني حتى نسيت وجعي باوعتلها اشوفها بعدها عايشه ورا هالراشدي ثاري الاكلته آني جان زلاطة
ودوني فهد وشاهر وآني اتذكرت وجعي
سوولي اشاعة كالو الحمدلله ماكو كسور ولاارتتجاج ولراسي هم بس جسمي كله يوجعني رجعنا بعد ساعات
شفت العشيرة ملتمة يمنا
فتنا عمامي فلاح ومهدي يخزروني وعمو هادي يباوعلي بعتب استغربت
تقربو عمو عبدالله وعبد الرحمن
بيه ولابيج ياروح عمج بجيت على حنيتهم
كعدت وفهد بصفي
حجه عمو نهدي
هاااا يابنت ضياء اجيتي وجبتي الطلايب وياج
باوعتله مامصدكه يعني فوكاها
حجه فهد بهدوء
شبيها بنت ضياء عمي خاف ماعاجبتك
لاتحاجيني هيج لك فز فهد وصاحي بي
لاتكووووول لك عمو هادي صاح بي
فهد تحشم من تحاجي عمك
ياأعم بدال مايعتذر على همجية بنته
راد يحجي عمو هادي ماقبل باوعلي وكأل
بنيتي براء انتي كاايلة لبنت عمج أنا راح اخذ رجلج واخليه يطلكج ويذبج لاهلج يالعاكر فتحت عيوني مصدومة باوعت لفهد اخذ نفس وهزلي براسه احجي
لا و الله عمي و الله جنت كاعدة بغرفتي طلعت اخابر ماما بالحديقه ماحسيت غير انجريت رؤى وسرى يضربون بيه
شهكت رؤى يالجذابة أنا ماتدخلت أصلا لان كلت حقها رجلها حينباك صاح رجلها
وانتييي شكووو بدال لاتوكفين العركة فوكاها انتي هم ضاربتها
لا يارسول و الله قاطعهم عمي بوية رسول صلي على نبيك
صلى وسكت بس يخزر بيها باوع عمو لشاهر روح صيح بنيت عمك هز براسه وطلع شويه فات وفاتت وراه سرى بس مو سرى وجهها عبارة عن خرايط كعدت يم ابوها جرها ل ا اتمنيت بابا هنا ومافات دقايق ودك موبايل فهد شفته بابا يمكن حس أنا محتاجته ردت أنا اجاوب فهد كان لحيله ابوي هنا خلي النسوان يدخلن الدار طلعو كلهم الا آني عمو أشر اطلع هزيت براسي لا أول ماتحمحم بابا وسلم دار وجهه وشاف حالتي وكف يمكنه متجمد ومومصدك الصايره بيه
تقرب بسرعة وكعد يمني وجرني لصدره
بابا هاي شنو شصاير بيج ليش ماكتيلي
بابا سكتت خنكتني العببرة بابا احتاجيتلك
يمح أني بابا يمج
طلعو عمامي الصغار والشباب
حجه عمي
نورت خويه أركان
منورة بيكم عذروني من شفتها هيج ماضل عقل براسي
حقك خويه حقك
شصايرلج بابا
حجه عمو مهدي
اسال الربيتها شكايله لبنتي والخبل بنتي ووصلها لهالحالة
بابا اندار عليه
يعني الصاير بيها موحادث مضروبة
صاح بابا
باأي حقققق تنضرب وانتو وييينكم عنها فهدد هيج وعدتنا تحمي اختك
آسف بويه حقك بس جنت رايح بشغلة ماتوقعت أنا ذابها بزريبة أنا مخليها ببيت عمنا الجبير
استحى عمو وكعد سولفله كلام رؤى وكلام سرى وأنا حلفتلهم محاجيه شي
بابا كعد بهدوء وكأل مو مشكلة كلهم يحلفن عالقران إذا كلامهم صدك لو جذب
عمو هادي كال
خوش حجي
الا عمو مهدي خاف
ماكو داعي ندخل القرآن ويصير بيهن شي خلاص بنات عم تعاركن وراح يتصافن
لا يبوو منو بلا صغيرة بيك
ابو احمد
والنعم منك ومن احمد بس أنا اريد حق بنتي
حجه عمو حقها انردلها من ابن عمها
أنا كلت العندي يبو شاهين كلهن يحلفن أنا ماداز بنتي حتى تنضرب وتنهان أول مرة انكسرت وانباك حكهم وهالمرة تنضرب الله اليستر من الجاي كام عمو فلاح لحيله معصب
زودتها حييل من وين لوين صرت ابوها حيلك أنت رجل امها الماصدكت اخوي مات حتى
بابا صاح بي أول مرة اشوفه بهالاعصاب
حدددك لهنا فلاااح ديربالك أجيب اسم حرمتي عود أنا تربية دبة وديوان وتجيب اسم حريم بديوانك حرمتي خططط احمر بعدين تحجيلي عن اخوك الأحيان تشوف وضعه وتتشمت بي مووو اخوك الحركت كلبه من ترجاك بس مرة تجيب امه تتذكر شكتتللله كتله روووح عيش حياتك الاختاريته اهلي نسوووووك اجاني يبجي مثل الجهال تدري شكلي كلي لوميت ولاسامع هالكلام نسوني وأنا ليلي أنام واتحلم بيهم
كام عمو لحيله وتقرب لابويه
شتكوول خويه وأنت شدراك
أنتو ماتعرفوني أنا صاحب اخوكم أنا الوكفتله بعرسه وأنا الصرتله اخ بالغربة وأنا اللميت حرمته وولده وبنته
تقرب عمو هادي من عمو فلاح
صدك سويتها ينذل وكسرت اخوك
جذذذاب
ابووووي مو جذاب عم فلاح
اندار لفهد
قصدك أنا الكذاب يبن ضياء
سكت فهد يباوعله باستهزاء عمو هادي صاح
روووح فلاح أنت من اليوم أنت لااخوي ولاعرفك
كعد بابا بصفي يباوع لعمو بحقد
عمو فلاح طلع وهو يصيح بحرمته حجه عمو مهدي
ليش تهد الخوة بسبب الغرب
مههدددي الغرب التحجي عليه هو لم جهال اخوك وفلاح الي دافع عليه الي يكسر بكلب اخوه بالغربة اتوقع منه كل شي ومايشرفني هيج خووة
وهسه صيح بنتك وبنت ضياء خل يحلفن على كلام الله
سكت وطلع شويه فات وهن وراه
رؤى سرى ابو براء يريدجن تحلفن على كلام الله على الكلام الكلتو بحق براء
رؤى باوعت لسرى وردت باوعت لعمو
اشرلها عمو
نظيفة انتي متوضية
اجاني صوتها اليلعلع
بنتي ماتحلف لخاطر بنت بواكة الزلم بابا كام لحيله
حدجج لهناااااا يامرةة
اححييييييه خفت وشوف لشتي شلون تهززز منظر مقزز وهي تهز بروحها كدام عمامي وبابا اندارلي همست مرت بابا
رجع باوعلها
منوووو هذا هاااااا هذا رجل بواكة الزلم
ابتسم بابا باستهزاء
انتي ام ادهم الي رجلج الله يرحمه حجالي عنج وعن اخلاقج واسلوبج بصراحة جنت أكول مااصدك حرمة يطلع منها هيج كلام واسلوب بس هسه عرفت كل كلمة كالها بحقج قليلة
هيهي متت قهر بس لاخوش وكعة واكعة بواكة الزلم
هزبابا أيده وباوع لعمو أنا راح اخذ براء حاجز بالفندق
عمو يحجي وهو يخزر بهدية وهي ممهتمة
عيب خوية فندق شنو أنت ضيفنا
مشكوور ابو شاهين بس هيج ارتاح
هزبراسه تقرب باس رأسي
سامحيني بويه
هزيت براسي اي اترخصت ابدل قفلت الباب بدلت بسرعة حسيت بشي على ركبتي عبالك شخص يذب نفسه بركبتي فزيت وانداريت شفت ماكو شي وحدي بالغرفة باوعت الشباك مسدود
كلبي يدك سريع
مدري شلون بدلت طلعت بسرعة ادوس على وجعي ودعت عمه وزوجات عمامي الصغار طبعا اخت بابا عائشة بسوريا بعد السقوط النظام السابق طلعت هي ورجلها وجهالهم وعمتها بس هناك عمتها توفت بس حاجيتها مرة حيل حبابة
وصلت لبابا بابا حس بيه شي
بابا وحدة حاجتج
لابابا بس جيت بسرعة نطلع منا بسرعة
باوعلي مستفسر مهتميت فزينا على صياح فهد طلعت أشوفه هو وأدهم يتعاركون وعمامي وولدهم صايرين بينهم
عمو هادي يباوعلهم مامتدخل احس تعب مرات أكول ريتني مادورت ولالكيتهم همزين بيبي موهنا ببيت اخوانها راحتلهم زيارة
اذبحك إذا تجيب سيارة امي يولد بواكة الزلم
ضحك فهد
تحجي مثل النسوان تعااال تعال أشوفك ابن بواكة الزلم شراح يسوي بيك تسويك وصلتين بابا وكف بوجه فهد
كااافي بابا احنا ماربيناك هيج وليدي هذا اخوك الجبير
ماتتسمعه شيحجي على امي
خليحجون بكيفهم اندار لادهم يباوعله صفن نفس صفنتي شفت ابتسامته وهو يباوع لادهم
حيل تشبه صاحبي
صفن أدهم بي
بابا كاال الفهد
يلا بابا حاجز أنا بفندق
ودعناها وطلعنا كعدنا بالسويت الحجزه بابا كعد فهد وبابا يباوعله
هاابن ليالي ليش ردتني
هاي الثولة نستني كل شي
اني مو ثولة بس هنن جانو اثنين
جاوبني باستهزاء
اي صح عوجت حلكي ماهتميت
لاتغير الموضوع لك شصاير
حجالنا على الرجال والراح يصير ببنتها وراد بابا يلاكي حل
ضل بابا حاير ويفكر
لياحد تريد تساعد هالرجال
ماله حدود الوحيد وكفلنا أنا واحمد بالغربة
أكو حل واحد
هووو
تتزوجها وتحافظ عليها لمايرد ابوها
باوعتله صافن بوجه بابا
يردون يزوجها لابن خالها السكير
بابا أشرله بايده بعلامة الفلوس
الفلوس تحل أكبر المشاكل بابا
اخذ نفس باوعتله
موشرط تتزوجون طبيعي المهم تساعدها هي وامها
اوووف مااعرف حاير خاف اظلمها
لزمت ايده
حبيبي أنت راح اتساعدها ليش حتى تظلمها
يعني بهالعمرتتزوج وتطلك
حجه بابا بهدوء
ليش تفكر بسلبية بلكي الابنية عجبتك وحبيتها
لا حب ولاصخام راح تكون أمانة عندي لمايرجع ابوها
قبلها نروح نتفق إذا وافق تستأذن من عمك
ثاني يوم رجعوني لبيت عمو وهما راحو لبيت خوالها
عمة حجتلي شاهين سشسوه بيها ماهتميت ترخصت وفتت غرفتي انصدمت شاهين نايم على جربايتي انداريت همزين ماكو احد دخلت وقفلت الباب تقربت منه
هييي شاهين اكعد صخام الصخمني ناقصني اتهامات شاااااهين
فتح عيونه ابتسم وكعد عالجرباية أحلى نومة من اربع سنين
يمكن قصده من يوم زواجهم
ممكن تبطل هالكلام وتطلع من غرفتي مو ناقصني تهم باطلة
شكد أحب هالتهم تصير حقيقة اوووف اتمنى يجي اليوم الاصبح بي بوجهج
رفعت رأسي تصير بروحي مااصيح بي وافضح بروحي
شاهين ماكملت كال
كلب شاهين
حجيت بعصبية كاافي كافي عيب عليييك أنت متزوج تعرف يعني شنو متزوج
راح اطلكها
ضحكت
اي حتى من صدك يكلولي بواكة الزلم شاهين لو سمحت اطلع من حياتي كتلك ياها وراح اعيدها أنت لو آخر واحد بالدنيا مراح اتزوجك صفكت فهمت خلاص
باوعلي بقهر وعتب وطلع كعدت دموعي نزلت حاجيت روحي
هذا مو حب براء اصحي هذا فراغ بسبب سيروان وردتي تسدين هالفراغ اي متأكدة هذا مو حب وين حب يجي بهيج فترة قصيرة براء انتي قوية وراح تتخطين
حسيت نفس ينفخ باذني فزيت ماكو احد خليت وجهي بين ايدي ياالله شديصيرلي
فهد
أسمع بويه فهد عوفني أنا تفاهم وياه أنت لاتدخل خوش ولدي
تامر بابا
وصلنا البيت وسط طابقين
دائما الباب طلعلنا واحد اسمراني ضعيف مبين ببداية العشرين
خير عمي المن رايدين
و الله عمي جايين على ابو فايز
لحظة عمي دخل جوه شويه وطلع واحد يشبهه
خير اخوي أنا ابو فايز
بلازحمة رايدك بسالفة بوحدك
تامر خويه اتفضل حياكم الله
الله محيي اصلك
اباوعله و الله الي يشوفه رجال معدل لعدشون هيج يعامل اخته وبنت اخته معقولة ذاك الحجي يتهمه زور
كعدنا
و الله خوية هذا وليدي فهد جان لاوربا وهناك ملتقي بنسيبكم جمعة
شفته بلع ريكه
يانسيب خوية جمعة مطلك اختي
و الله ماادري وابني هوايه حبه لجمعة فجمعة هاديله بنيته
شهالحجي خويه البنت مقرايه فاتحتها
شوف خويه بدون لف ودوران جمعة كايل لوليدي هديه الك وامانة عندك وهو كل شهر جان يدزلهن مصروف وسمعتا أنت شلون مداريهن كام لحيله
أنت شقصدك بهالكلام يعني أنا كامل فلوسهم كل السالفه أريد اجمعها حتى ابنسلهم مشتمل
ابتسمت باستهزاء
وفلوس اختك مال الخدمة التاخذها منها كل شهر هم تجمعها أسمع صاابر شكد رايد وتشيل ايدك من اختك وبنيتها
فات الفتحلنا الباب بنت عمتي الي وخطيبتي
صااابر شكد تريد وتشيل ايدك عنهم
حك لحيته بحقارة وابتسم يباوع لابنه
أريد 50مليون
عرفت واحد دنيء
موافق باوعت لابوي مصدوم انا من وين أجيب كل هالمبلغ
هاااا يعني راد تدفعلي 50
اي وباجر راح نجيب مشية بس هسه تجي وتكعد ويه وليدي
بويه فايز صيح بنيت عمتك اباوع للهوبز أول ماسمع بالمبلغ نسى حتى نفسه بودي اتفل بوجههم عالغيرة العدهم بس صبرا جميل
فاتت وحدة لأبسه عبايه طويلة صح ضعيفة بس مناسب طولها
كعدت
أنا من طرف ابوج أول ماكلت هيج رفعت راسها سمره العيون السود والخشم والشفه مسحت وجهي استحيت لان طولت بنظرتي الها
ابويه وينه
عنده شغلة كلها جم شهر ويرد بس كلي اطمن عنج ومن سئلت الجيران وحجولي الوضع ابويه كال ماكو حل غير أتزوجج واخذ أمج وياج وائمن عليكم اتفاجأت كانت وكعدت يم رجلي
الله يوفقك ابوس رجلك نزلت بتوس رجلي كومتها خايف على حالتها
شبييج
إذا اليوم مااخذتني راح اضيع
فتحت عيوني مصدوم
احجي شقصدج
ابن خالي حالف اليوم يكسرني الله يوفقك ابوس ايدك جم سنة وآني أدافع على شرفي
شششش خلاص اهدي هسه اخابر عمامي
طلعت بعد مامسحت دموعي دمعت على وضعها طفلة يومها ووين هالضيم بس اقرب الناس الها المالهم شرف وغيرة
رجعو ابويه وخالها
أنا بدلت رأيي
هسه اخابر عمامي يمشون عليها واعقد عليها واعوفها بس هالليلة إذا يصير بيها خدش واحد ماتلومون الا روحكم وهال 50مليون راح تحيرون باي مشكلة وطلابه تصرفوها باوعت لابنه
إذا تقربت متر من خطيبتي
اعتبر نفسك راح تروح ورا الشمس
المن تهدد
اهددك الك شراح تسوي
هدخلوص بويه فايز
انتظرو هسه اخابر عمامي
خابرت عمو هادي ضاج من درى راح أعقد كتله احجيلك من نرجع
أجا هو وعمي عبدالله وعبدالرحمن
عقدنا وهي تباوعلي بعيونها بخوف لان راح اعوفها كلبي لعب خاف صدك يسويلها شي الفلوس بابا عنده صديق هنا طلب منه بس لبين مانرجع يجيبله يا بالليل وديناله الفلوس
أريد احاجي فرح
اي طبعا طبعا
ابويه بقى كاعد
فاتت وكعدت رجع خالها كعد
من رخصتك عمي نحاجيها وحدها
ماشي طلع وهو يخزر بيها وهي مبين الخوف بعيونها
سئلها ابويه
شبيج بنتي ليش وجهج اصفر وهالخوف
عمو الله يخليكم لتبقوني هنااا كمت لحيلي
تعرفين تستخدمين موبايل
لا من وين أعرف
طلعت موبايلي علمتها شلون تخابر رقم ابويه واطمني راح اكعد بالسيارة قريب منا بس واحد تهجم خابريني بسرعة
ماترهم هسه اخذج باجر الكل يحجي عليج ولازم أعقد عليج محكمة وبموافقة خالج حتى اكدر اخذج جوه جناحي
هزت براسها اي
وهسه روحي يم أمج ولاتكومين من يمها
ماشي
طلعنا وصلت ابويه وبراء للاوتيل ورجعت وكفت السيارة بفرعهم
غفيت كعدت الدنيا صبح باوعت الدنيا هدوء الساعة ستة الصبح
باوعت بسرعة بموبايل ابويه الحمدلله ماداكة
خابرت ابويه ورحنا نسوي فحص الدم وهالسوالف حتى نعقد هي باقيلها شهر وتصير 18سنة بس طول الوكت خايفة صح من الأول هيج بس هسه احس بعيونها فراغ
عقدنا والوكيل خالها
وامها وياها رادت انها تباركلها وخرت منها
لاتلزميني راح توصخيني باوعتلها مصدوم من كلامها امها باوعتلي وضحكت حتى توخر الشك لزمت ايدي
اخذني وياك هااا
اي مااريد شي بس طلعني من هالمستنقع الوصخ
سمعهاا ابويه
احنا راح ناخذها ابو فايز
براحتكم من اليوم هي بنتكم
كملت اني زوجتي ومااريد اي علاقة تجمعها بيكم
براحتك وليدي حجت انها
لاشنو هاي بنتي ابتسمت فرح باستهزاء اي صح هوايه جنتي تحميها من اليوم مااريدج حتى انتي كملت وصعدت بالسيارة
شصاير هاي مو امها ليش هيج علاقتهم أكو شي غلط
يتبع
um saman
سواد القلوب
البارت السابع
فرح
دخلت حياة جديدة وعائلة جديدة مااعرفهم ولااعرف طبعهم بس مهما جانو راح يكونون ارحم من خوالي وآمي اي امي الجانت مثل عدوة الي امي الحرمتني من المدرسة امي ومن اكوللها تلزمني تموتني كتل تصيح انتي التعرضين بروحج باوعت لروحي لابسة عباية رأس سودة ولاحافة كل ملابسي اسود ماجنت البس الوان ماانزع عباتي كدامهم
وصلنا لاوتيل كعدت أجا وكف على رأسي
تردين تحجيلي شي لوماتردين تتذكرين
باوعتله شاب مرتب حنطاوي بس تحس عيونه شايل هم الكون
تسمحلي مااحجي واذا ردت أنا الاحجيلك من أكون جاهزة
براحتج أهم شي آني راح اوديج لامي عندي هنا شغل من ارجع
باوعتله بخوف يعني تعوفني وحدي لاعفية مااريد لا تعوفني وحدي وين ماتريد أجي ويااك
شوفي يبنية أنا حاليا عايش يم ناس حتى أنا ماامعاشرهم شون تردين اخذج واذبج بنصهم
ميهم المهم وياك ومتعوفني
استغفر يفرك ركبته كعدت يم رجله
الله يخليك لاتعوفني لحد ماتوديني لابويه
هزيتلها براسي
قررت هالفترة ارجع لاهلي لحد مااكون نفسي يلاارجع
وراح ابلغ براء هم
٫٫٫٫٫٫٫٫٫٫٫٫٫٫٫٫٫٫٫٫٫٬٬٫٫٫٫٫٫٫٫٫٫٫٫٫٫٫٫٫
براء
مااعرف شبيه كارهه الغرفة من افوتلها احس بالخنكة واحس بنفس شخص وياي من اطلع من الغرفة احس
براحة واحس بنفسي خفيفة
طلعت شفت رنا تنظف تذكرت هي مكملت كلامها وعن علاقتها بادهم
تقربت منها
رنا
باوعتلي بابتسامة
تعاي حبيبتي ردت اكمل شغلي واجي نكعدسوه
كعدت وهي كملت تنظيف
مكملتي شصار بعدين
باوعتلي باستفسار
قصدي أدهم
اخذت نفس كملت تشتغل وتحجيلي
جان راح يجي يخطبني بس قبل لايجي باسبوع همه أهلنا كلهم يعرفون أدهم يريدني بس جان لازم نحدد يوم نعقد بهالاسبوع وكعت بفراش مااكدر لااحرك أيد ولارجل والدكتور يكول ماكو شي احتمال حالة نفسية يانفسية وآنا جنت طايرة لان راح يجي حبيبي ويخطبني
اخذت نفس وكملت
استمر هالحالة البيه اسبوعين يومية يودوني لعلاج فيزياوي حد ماتحسنت فرحت بس انكسرت ثاني يوم من عرفت أدهم ماخذ امه وخاطبتله بنت عمي مهدي انه الجان مقاطعها جم سنة المهم خطب لينا الجانت صديقتي وتعرف أنا مو احبه ميته بي
ماعرفت شسوي وبالاخص من ابويه أجا وكلي
اليوم راح تثبتين انتي بنت ابوج اولا
شسوي بويه
تحضرين العرس وانتي مرفوعة الرأس وتكليلهم أنتو ولاتهموني
مااكدر بويه سامحني
تكسريني بويه
لا لا بويه ماعاش اليكسرك حتى لو أنا تدلل بويه راح أروح واباوعلهم بعين الغرب
شحجيلج حضرت العرس ومن واجهته تدرين شكلي
عذريني بنت عمي أنا يرادلي ضهر وسند مو ارجع من الدوام وافرفر العيادات قصده على مرضي على هالكلام كدرت اتخطاه ولينا ولاقاطعتها ولابينت الها شي لليوم تتمنى اعاتبها ولانزلت دمعه عليهم بيومها وراها اتقدملي رضوان ابن عمو فلاح رفضت كعد وياي وراد سبب هو جان يدري احب أدهم كلي راح اعوضج عن كسرة كلبج وأنا بوكتها جنت مكسورة واريدلي شي يخليني أحب الحياة واتمسك بي والحمد لله رضوان جان كد كلمته صدك صارلي العوض واطفالي الحمدلله
ابتسمتلها
تحبيه باوعتلي
منو
رضوان
تصدكين إذا كتلج احس
الحمدلله فرحتلج زين خواتج
الحمدلله خواتي هم حياتهم حلوة ماعدهم مشاكل صعبة
تحمحم رضوان وفات
ابتسم بوجهي شونج بنت العم
الحمدلله أنت شونك
طول ماهالقمر بحياتي أنا بخير وطاير
الله يخليكم لبعض
امين رددو عفتهم سوه وطلعت للحديقة
راح فهد يعقد محكمة اتمنيت إذا البنيه زينة تكون زوجته لمدى الحياة بلكي يكونون عوض لبعض فات شاهين
اتأفأفت ودرت وجهي وأني اكعد عالكرسي تقرب
عاش من شافج بنت عمي
ابتسمت بمجاملة
تعيش
متابعة القراءة
