رواية مزرعة الغضب روز وعاصي كاملة بقلم ملكة القلم

حفلة صغيرة في الفيلا ياريت حضرتك تشرفنا.
ثم التفت إلى رنا وروز وقال
مش كفاية شغل لحد كده ويلا علشان الكل مستنينا على الغدا.
قالت رنا
آه والله أنا هموت من الجوع جدااااااا يلا بينا. بجد الشغل هنا مرهق بس ممتع. ليكي حق يا روز روحك تبقى متعلقة بالمكان يستاهل التعب اللي تعبتيه.
ابتسمت لها روز ثم قالت
تمام أنا كمان تعبت من الشغل. يلا أنا مروحة. سلام.
جرى وراها عاصي ومسكها من ذراعها لدرجة إنه ألمها وقال بحدة
على فين رايحة حضرتك
على بيتي. إيه الغريب في ده مش كان اتفاقنا على كده
آه كان اتفاقنا بس لما كانت حضرتك بتحترمي إن اسمك على اسم راجل مش فاتحها على بحري.
نعم حضرتك بتقول إيه معلش كده وضح.
يعني يا دكتورة يا محترمة مينفعش تقعدي تهزري وتضحكي مع كل واحد هنا.
أنا هزارتي مع مين مش فاهمة.
ثم كشرت وقالت
آه انت تقصد محمد ودي فيها إيه أنا أعرف محمد من وأنا في ابتدائية.
فيها إنك على ذمة راجل المفروض تحترمي اسمه.
ها وبعدين أعمل إيه يعني
يعني ما توقفيش تكلمي مع أي حد.
تمام موافقة. بس يكون الفعل متبادل. زي ما عاوزني أحترمك انت كمان تحترمني وتحترم إني مراتك.
مش فاهم عاوزة إيه
قطع كلامهم صوت رنا وهي بتقول
أخصاوا بقى أنا جعت قوي وتعبت. عاوزة أنام.
رفع عاصي حاجبيه وقال بأسلوب أمر
يلا معايا على الفيلا وبلاش صوتنا يطلع أكتر من كده.
تمام هاجي معاك بس يكون في علمك البت الصفرا اللي هناك دي لو اتكلمت أنا مش هسكت ليها. هي بقى اللي لعبت في عداد عمرها طلبتها ونالتها وأنا أصلا عفاريت الدنيا بتنطط في وشي.
دخلوا جميعا الفيلا ودخلت روز ورائهم ورأسها مرفوعة لأعلى.
قالت مروة مندفعة
كل ده علشان تيجوا أنا هموت من الجوع!
وقطعت كلامها لما لمحت روز معهم. نظرت لها بحقد وقالت
مش كنت تقول يا عاصي إن معاك ضيوف علشان أعمل حسابهم على السفرة
ابتسمت روز لها وجلست على السفرة وقالت
عندك حق بعد كده لما تحبي تيجي عندنا ادينا خبر. أصل إحنا فعلا مش بنستقبل الضيوف في أي وقت. يلا يا جماعة الأكل هيبرد.
آه سوري يا هبة اتفضلي اقعدي. إحنا بيت كرم وبنفهم في الأصول مينفعش نرد ضيف ساعة أكل.
من فضلك يا عاصي خلي حد من المطبخ يحط طبق زيادة للضيفة.
ثم التفتت إلى رنا التي كانت تكتم ضحكاتها وقالت
ها يا رورو قررتي هتلبسي بكرة إيه ولا لسه أنا عن نفسي هلبس الفستان اللي اختار ليا عاصي كان يجنن.
قالت الأم
مش فاهمة فساتين إيه اللي بيتكلموا عنها وعاصي إيه دخله في ده
قالت روز بدلع
يا طنط لحقتي تنسي هو مش بكرة فرحنا أنا وعاصي هو في فرح من غير عروسة ما تلبس فستان الفرح بذمتك يا هبة يصح كده
جلست هبة تاكل في نفسها من الغيظ ولم تستطع الرد عليها.
انهمك الجميع في الأكل ولاحظ عاصي أن روز لم تأكل أي شيء ولكنها تتصنع الأكل.
الفصل الحادي عشر
دخلت روز مع رنا غرفتها
قالت لها رنا
علي فكرة يا روز انتي ما اكلتيش حاجة انا اخدت بالي ومش انا بس عاصي كمان علي فكرة الحجر بدأ يدوب
يعني إيه يا رنا مش فاهمة
يعني قلب عاصي رق وحب يا روز والبركة فيكي
طيب سيبك مني يا رنا انتي محبتيش قبل كده
أدمعت عيون رنا وقالت
مافيش بنت محبتش بس انا كنت المفروض افهم إن واحدة في وضعي ده ماينفعش تحب ولا تفكر اصلا في الحب. محدش هيوافق يرتبط بواحدة معاقة متقدرش تناول نفسها كوباية مية
اللي يشوف كده هو اللي معاق في عقله وقلبه يا رنا. المهم يعني حبتي قبل كده احكي بسرعة
طبعا يا روز حبيت وحبيت قوي كمان. كان أول حب في حياتي أول مرة قلبي يدق وعلى دق الحب كانت الكسرة
جلست روز على السرير وقالت
متحمسة ها احكي إيه حصل اخلصي أحسن هنام منك المفروض بيقولوا إن بكره فرحي
ثم تذكرت شيئا وقالت
ينهار ألوان اتصدقي إني نسيت أجيب فستان يلا بقى مش مشكلة. هقضي بأي حاجة عندي إحنا أصلا بنمثل. المهم احكي إيه اللي حصل في حكايتك
ضحكت رنا بسخرية وقالت
ولا حاجة اتعرفت عليه على النت وكان ظابط ووسيم وكلامه وطريقته يشدوكي كان كاريزما زي ما بيقولوا كده. بس لما عرف وضعي سابني.
تعرفي اللي زعلني إنه حتى ما فكرش أنا ممكن أكون حاسة بإيه تقريبا فكر إني كمان معاقة في إحساسي مش بحس
قالت روز بحزن
الغلط عندك انتي يا رنا. انتي انبهرتي بقشرة من برا انبهرتي بشكل وشغل ومستوى اجتماعي وسبتي الجوهر نفسه. قللتي من نفسك لحد ما هو كمان شاف نفسه كتير عليكي. اوعي اللمعة اللي برا تشدك خلي اللي يبهرك يبهرك بأسلوبه بطيبته بحنيته بقلبه. يحبك زي ما انتي من غير تجميل
وبصراحة يا رنا أنا شوفت ده في عيون محمد النهاردة وهو بيبص ليكي. شوفت الحب من أول نظرة
ابتسمت رنا في خجل لأنها هي الأخرى لاحظت ذلك
خلاص يا روز اهو راح لحال سبيله
بس محمد ما شفنيش غير مرة واحدة لحق يحبني إمتى
الحب ملهوش وقت يا حبيبتي. الحب بيخطفك في دقيقة مش بيعترف بشكل ولا بمكان
المهم تكوني اتعلمتي مش كل اللي بيلمع دهب وفي ناس كتير قشرة منظر من برا بس
خلاص يا روز انسي أنا نسيت. المهم انتي هتعملي إيه في موضوع الفستان في عروسة من غير فستان
عادي يا رنا مش لما أكون عروسة بجد
مر اليوم بدون مشاحنات وحاولت روز مع رنا في العلاج مع استجابات رنا وعزمها على ذلك
في الصباح حضرت الكوافير وبدأت تجهز روز ولكن روز أدمعت عينيها عندما تذكرت إنها بدون فستان وقالت في نفسها
ياربي الفلوس بيع العربية هصرفها على إيجار فستان مش مشكلة هلبس أي حاجة من عندي ساعة وتعدي
ولكن طرق الباب ودخلت إحدى الخدم وقالت
الصندوق ده علشانك يا دكتور. أستاذ عاصي بعته لحضرتك
ابتسمت روز وسمعت صوت رنا يقول
فضولي مش قادر يصبر إيه اللي في الصندوق ده
قالت روز وهي تحمل الصندوق
علمي علمك يا رنا دلوقتي نشوف
قالت رنا بهدوء
روز ممكن تغمضي عينك عندي ليكي مفاجأة
قالت روز مستعجبة
خير يا رورو في إيه
غمضي بس الأول
أغمضت روز عينيها
قالت رنا
افتحي يلا
فتحت روز عينيها وشهقت من المفاجأة فكانت غير متوقعة. رنا تقف على قدميها بدون مساعدة من أحد
جرت روز على رنا واحتضنتها وأدمعت عينيها
قالت الكوافير
على فكرة لو المكياج باظ مش هعمله تاني بطلوا عياط
ابتسمت روز وقالت
دي أجمل حاجة حصلت النهاردة. المهم مش عاوزة حد يعرف خليها بليل مفاجأة للكل
فتحت الباب على غفلة جلست رنا مسرعة وكانت هبة
دخلت هبة تنظر لهم بسخرية وقالت
إيه يا عروسة ملبستيش ليه مش لاقيه حاجة تلبسيها يا حرام ممكن أسلفك عادي من عندي
قالت رنا
متشليش هم يا هبة روز أخدت فستان من عندي. اهي ليلة وتعدي وكله تمثيل
قالت هبة ساخرة
أده يا رنا هو انتي عندك فساتين وبتعرفي تلبسيهم وانتي كده واشترتيهم إمتى عندك حق اديها واحد بدل ما هما مركونين كده
ابتسمت لها رنا وقالت
تمام يا هبة سيبينا بقى وروحي جهزي علشان تطلعي أحلى واحدة وما تنسيش إن العروسة هتلبس أي حاجة. لازم تكوني انتي اللي ظاهرة في الفرح وأجمل وأشيك فستان علشان عاصي يعجب بيكي
لمعت عيون هبة بحقد وغل وذهبت لتكون أجمل من العروسة
ضحكت كلا من رنا وروز عليها
فتحت روز الصندوق ووجدت فستان زفاف من أروع ما يكون
وفي المساء استعدت روز وارتدت الفستان وكانت مثل الحوريات فكانت وكأنها هاربة من إحدى الروايات
طرق الباب ودخلت الخادمة تخبرهم بأن كل المدعوين وصلوا. استعدت رنا وروز وخرجوا سويا
قام الجميع واقفا وشهقت هبة عندما وجدوا رنا تمشي بدون الكرسي

المتحرك. أدمعت عيون أمها وجرت عليها وهي غير مصدقة ما يحدث أمامها
ظل عاصي مكانه وهو ينظر لروز بإعجاب
لاحظت هبة نظرات عاصي لروز وبدأ الحقد يتملكها
قالت الأم لرنا وهي تبكي
مش معقول أنا قلت هموت قبل ما أشوف اليوم ده الحمد لله أنا مش مصدقة عيوني
قالت رنا ضاحكة
الفضل كله لروز هي
اللي تعبت معايا قوي لحد ما قدرت أمشي
نظرت الأم لروز وقالت لها
أنا مهما أشكرك مش هقدر أوفيكي حقك. انتي عملتي اللي بقالنا سنين بنحاول فيه خصوصا لما الدكتور قال إن مرضها نفسي مش عضوي
وعمت حالة من الصمت فجأة لدخول حمدان ورجال يرتدون الزي الصعيدي وعلى وجوههم علامات الشر
نظرت روز لعاصي وكأنه مصدر أمانها. ذهب عاصي يقف بجوارها وأمسك يدها
لاحظت هبة الخوف في عيون روز وضحكت بغل وذهبت جوار حمدان لكي تهمس في أذنه وقالت
اوعى تخليها تضحك عليك. الفرح ده مش بجد كل ده علشان الورث وانت متاخدش حاجة. اوعى تمشي من هنا غير لما تاخدها معاك هي وفلوسها
اشتد غضب حمدان ولاحظ عاصي قرب هبة وتوقع ما قالته. نظر لها بغضب
أمسك عاصي يد روز بشدة ثم اقترب وأخرج خاتم من الألماس وقدمه لها أمام الجميع
اقترب محمد من رنا وقال
مبروك يا آنسة رنا فرحت ليكي قوي انتي جميلة جدا
ابتسمت رنا بخجل واحمر وجهها
ذهب محمد لعاصي وقال
بشمهندس عاصي ممكن كلمة بصراحة مش قادر أصبر لما الفرح يخلص أنا بطلب إيد الآنسة رنا وعاوز أعمل الخطوبة حالا مع فرحكم
ضحك عاصي على طريقته وقال
في إيه يا بني هو حد بيجري وراك في حد يخطب كده مش لما أعرفك وأسأل عنك
قطعت روز كلامه
أنا أضمنه يا عاصي وافق علشان خاطري وخلينا كلنا نفرح
نظر لها عاصي وابتسم وقال
ماشي يا محمد أنا موافق. روح هات العروسة
ذهب محمد تجاه رنا وماسك يدها وقال وهو ينظر في عينيها
ممكن أجمل بنوتة تقبلني شريك حياتها ونصها التاني
اشتدت حمرة الخجل في وجهها وهزت رأسها بالموافقة
اقترب حمدان ليأخذ روز من يد عاصي ولكنه تفاجأ بعاصي تعتصر يده بشدة وقال له محذرا
إيدك لو اتمدت تاني على حاجة تخصني هقطعها لك مفهوم روز مراتي
مين اللي يتجوز ابنك ده أنا! انت متعرفش أنا مين ولا إيه
لأ مخبرش بس إنتي اللي طلعتيني عيل قدام عاصي لما قلتي إن الجوازة تمثيل يبقى تتجوزي ولدي ويلا همي قدامي بدل ما أطخك عيار تطبي ساكتة مكانك.
خرجت هبة والرعب يتملكها وخرجت ونظرات التوعد والكره لروز.
انتهى الفرح ودخلت روز مع عاصي أوضتهم وكان الخجل ماليها.
التفت لها عاصي وقد استشعر خجلها وقال بهدوء دون أن ينظر لها
عارف إننا مغصوبين على بعض وأنا واخد على نفسي عهد إنك مش هتكوني زوجتي إلا لما تحسي فعلا إنك عايزة كده وأنا مش هغصبك على حاجة.
اكتفت روز بهز رأسها وقالت
هو أنا ينفع أرجع بيتي أظن حمدان مشي خلاص ما عادش لازمة لوجودي هنا.
خبط عاصي على راسه وكأنه تذكر شيء مهم ثم قام فجأة وقال
هبة! هبة خرجت مع حمدان وكان ساحبها.
جرى عاصي يلحق بيها.
وفي الخارج كانت هبة تصيح بغضب وتسب وتلعن حمدان وولده وتقول بعجرفتها المعتادة
إنت متعرفش أنا مين شيل إيدك المقرفة دي عني!
إنت ماسكني كده ليه روح خد قربتك اللي شبهك أنتم شبه بعض لكن أنا هبة هانم شيل إيدك قلتلك!
وكانت بتحاول تهرب منهم لكنها اتفاجئت بيد بتسحبها بقوة.
جذبها عاصي منه وقال
خير يا حمدان هو انت عاوز أي حد وخلاص واخد بنت خالتي ورايح على فين إنت متعرفش إن محدش بياخد حاجة تخصني من غير إذني إنت اتعديت كل حدودك معايا.
أنا مستحملك على قد ما أقدر فما تحاولش تستفزني علشان رد فعلي مش هيعجبك.
نظر له حمدان بغضب وقال
وها عاد! إنت مش اتجوزت روز مالك إنت بقى أخدها ولا ما أخدهاش منا ولدي لازم يتجوز هو كمان.
زفر عاصي أنفاسه بغضب وقال
حمدان! أنا خلاص جبت آخري. خد ابنك واتفضل من هنا علشان أنا مش مسؤول عن رد فعلي بلاش تستفزني.
ثم جذب هبة من يدها ودخل بيها المزرعة وأغلق الباب الرئيسي.
ابتسمت هبة بمكر وقالت بدلع
أنا كنت عارفة يا عاصي إن أنا مش ههون عليك.
وكمان عارفة إنك مغصوب على الجوازة دي لحد ما تستلم المزرعة بس ما تقلقش أنا جنبك ومش هسيبك. وإذا كان على البت الفلاحة معلش استحملها كام يوم.
نظر لها
عاصي بغضب وتركها من غير ما يتكلم.
دخلت هبة البيت وهي بتدندن وعلامات النصر على وشها وجواها كره شديد لروز وبتتوعد إنها هتخرجها من هنا نهائي.
دخل عاصي أوضته لكنه ما لقاش روز ضغط على أسنانه بغيظ والغضب تملكه.
وكان رايح يشوفها في أوضتها الصغيرة لكنه توقف فجأة لما سمع صوتها في أوضة رنا وهي بتتكلم معاها.
طرق الباب ودخل لقاها بتساعد رنا في تبديل هدومها ورنا كانت تعبت من الوقوف.
ابتسم بهدوء وقال وهو بيبصلها بإعجاب
روز بعد ما تخلصي مع رنا عاوزك ما تتأخريش.
اكتفت روز بهز رأسها وما رفعتش عينيها له.
ضحكت رنا وقالت
الله الله الحب الحب الشوق الشوق! عملتي إيه يا رورو مخلياه مش على بعضه كده
أخويا عمره ما كان بيجري ورا حد ولا بيدور عليه. إنه يدور عليكي ده إعجاز!
ضحكت روز نصف ابتسامة وقالت
ما تفرحيش أوي كده أخوكي بيدور عليا علشان شكله قدامكم ما هو مينفعش عروسة ليلة فرحها تبقى بره أوضتها عيب في حقه.
ياه على دماغك يا روز! يبقى إنتي لسه متعرفيش عاصي كويس.
عاصي لو مش عاوز حاجة ما بيهمهوش حد مش تقولي شكله.
بكرة تفهمي عاصي كويس.
لكنهم سمعوا صوت وراهم بيتكلم بسخرية
تفهموا ليه بقى إن شاء الله دي مجرد صفقة جواز وهتخلص زي أي عقد شغل عاصي بيمضيه ولما يخلص بيرميه في أقرب زبالة.
كده قالت هبة لما دخلت أوضة رنا من غير استئذان.
اتلفتت لها روز وقالت بهدوء مصطنع وهي بتجز على أسنانها
بقولك إيه يا اللي شبه البلباتشوا انتي قصري الشر وابعدي عني علشان رد فعلي مش هيعجبك.
ومش روز اللي تترمي في الزبالة!
الفصل الثالث عشر
أنا خلصت يا روز روحي غيري بسرعة.
لم تتلفت له وجرت مسرعة تبدل ملابسها 
ضحك عاصي على تصرفها الطفولي وكأنها ما زالت تعيش بقلب الطفلة وكانت الطبيعة حفرت بداخلها جمال رباني لا يرضخ لتشوهات الزمان.
وفي الداخل ظل وجه روز تسوده حمرة الخجل وظلت تجلس داخل الحمام مدة لا بأس بها فخجلها مما حدث منعها من الخروج.
اقترب عاصي من باب الحمام وطرق عليه وقال
خير يا روز أنت ناوية تباتي جوا أخلص أنا عاوز أدخل الحمام.
فتحت روز الباب ولم تنظر له وهو أيضا تعامل معها وكأن لم يحدث شيء.
توجهت روز نحو الأريكة الموجودة قرب السرير ونامت عليها.
خرج عاصي من الحمام ووجدها تستلقي على الأريكة. نظر عاصي لها ورفع حاجبيه وقال
بصي يا روز علشان بس الوضع ده شكله مطول أنت دلوقتي مراتي يعني تتصرفي على هذا الأساس.
رفعت الغطاء عنها وقالت
مش فاهمة قصدك إيه
قصدي إنك تتعاملي براحتك هنا يعني تعملي اللي أنت عايزاه من غير... كسوف. وأول حاجة لازم تتعودي عليها هي إن ما ينفعش تنامي على الكنبة أولا علشان تتعودي إن مكانك على السرير غير إن لو حد دخل فجأة وشافك على الكنبة شكلنا هيكون مش حلو.
بس أظن يا عاصي إن ما ينفعش حد يخش من غير ما يخبط على الباب.
ضحك عاصي وقال
بس هبة تتوقعي منها أي حاجة
كويس إنك فتحت الموضوع علشان أنا كنت ناوية أتكلم معاك بخصوص هبة هي قاعدتها هنا مطولة.
قال عاصي مستفهما
مش عارف! بس ليه
أولا قاعدتها ملهاش أي لازمة هنا غير إني مش ناوية أسكت لها على طريقتها المستفزة معايا. بجد أسلوبها لا يطاق.
جلس عاصي على حرف السرير وقال لها
بصي يا روز هبة حياتها كلها ملغبطة أبوها وأمها منفصلين كل واحد منهم اتجوز وشاف حياته مسألتها فيها وهي بتقعد عند كل واحد فيهم شوية وباقي الأيام بتقعد عندنا تقريبا كده مقيمة معانا.
وأنا مش مجبرة يا عاصي أتحمل عقدها النفسية دي تروح تتعالج بص ما تطلعهاش عليا علشان أنا آخر ذرة صبر عندي تقريبا خلصت.
زفر عاصي أنفاسه وقال بضيق وكان أسلوبها في صيغة الأمر استفزازي
بقولك إيه يا روز أوعي تنسي إن أنا هنا صاحب البيت وأنا أقول مين يقعد ومين يمشي أوعي تنسي إنك هنا ضيفة فترة بتقضيها وماشية لكن هبة هنا صاحبة مكان بحكم إنها قاعدة معانا وخدي بالك أمي بتحبها زي رنا يعني اللي يزعل هبة كأنه زعل أمي واللي يزعل أمي أنا بعتبره ربنا ما خلقه من أصله.
قامت روز واقفة وقالت بغضب
إيه إيه حيلك حيلك في إيه كل ده أهدي على نفسك كده ومش لازم كل ساعة تفكرني إن مش صاحبة البيت علشان أنا عارفة ده كويس ولو نسيت الست اللي ولدتك هتفكرني والبرنسيسة اللي بدافع عنها مش متوصية بتفكرني بده كل دقيقة. ويكون في علمك أنا مش هسكت لأي حد يدوس لي على طرف كله إلا كرمتي أنا مش قليلة وأظن أنت عارف أنا مين كويس وبكون بنت مين وجدي مين ولا إيه
زاد غضب عاصي عليها ومسك يدها بقوة مما جعلها تتألم وقال بحدة
كنتي بنت مين لكن دلوقتي أنت ضيفة مالكيش مكان وأنا لو قلتلك مع السلامة في أي وقت هتكوني في الشارع مش مهم كنتي إيه المهم دلوقتي إنت إيه والمكان ده مكاني أنا وأهلي.
جذبت يدها منه بقوة وقالت
وأنا سيبهولك اشبع بيه.
وتركته وخرجت من الغرفة.
جرى وراءها عاصي وجذبها من يدها وقال بحدة
أنت إزاي تخرجي من الأوضة بالمنظر ده إياكي رجلك تخطى بره الأوضة بعد كده إلا بلبس البيت أو البيجامة.
جذبت يدها ونظرت له بغضب لكنها خرجت من الفيلا دون أن تنظر له ورمت كلامه عرض الحائط.
وقف عاصي مكانه وقد تملك منه الغضب.
ابتسمت هبة من بعيد فقد شاهدت كل ما حدث بينهم واقتربت من عاصي وبخ سمها في أذنه قالت بمكر
إيه يا عاصي مالك واقف كده وسايب عروستك لوحدها بذمتك ده يوم ينفع وتخرج وتسبها إيه لحقت تزهق منها بالسرعة دي.
جز عاصي على أسنانه وقال
هبة لو سمحتي مالكش دعوة باللي بعمله أدخل أخرج أنا حر خليكي في حالك وياريت مالكش دعوة بروز خالص.
لمحت هبة خالتها تاني من بعيد تصنعت البكاء وقالت بصوت مرتفع باكي
ليه كده يا عاصي أنا قلبي عليك ليه المعاملة الوحشة دي لو مش عاوزني هنا قول وأنا أخد هدومي وأخرج.
بس بلاش تحسسني إني تقيلة. لحقت تمليك من ناحيتي وتقسي قلبك عليا أنا كنت عملتها إيه بس علشان تعمل معايا كده
اقتربت خالتها بفزع من حالة هبة وقالت بخوف
هبوب مالك يا قلبي من زعلك بس
قالت هبة ببكاء مصطنع
الفصل الرابع عشر
ولكن دخلت هبه عليهما وشاهدت محمد وهو يمسك يدها وقالت بصوت جهوري
الله الله على الست المحترمة! إيه اللي بيحصل هنا
علشان كده مرضتيش تباتي مع عاصي علشان تنزلي بدري يخلالك الجو معاه
أظن يا مدام يا محترمة لازم تحترمي اسم الراجل اللي انت شيله اسمه احترمي حتى إنك لسة عروسة مكملتيش يوم إيه خلاص هي البجاحة وصلت لكده
رفعت روز عينيها وقالت بغضب وقد فقدت السيطرة على نفسها
بقولك إيه يا بتاعة لما تحبي تكلمي معايا تكلمي باحترام علشان أنا ليا قوة تحمل أحسن أقسم بالله.
ولكن قطع كلامها دخول عاصي عليهم وقد سمع كل الحديث الذي دار بين هبه وروز.
نظر روز نظرة تحمل غضب ممزوج بالغيرة ثم التفت تجاه محمد وقال بشبه ابتسامة
خير يا بشمهندس حضرتك سايب شغلك هنا ليه
أجابت روز مسرعة دون أن تفكر
محمد هنا علشان شافني مضايقة غير أن محمد شغله بيكون في المزرعة كلها ملهوش مكان محدد.
التفت نحوها عاصي وقد بدأ أن يفقد أعصابه.
لاحظت هبه نظرات عاصي الغاضبة وأنها تعلم أنه عندما يصل إلى هذه المرحلة يصبح مثل الثور الهائج لا يستطيع أن يتحكم في أعصابه ابتسمت بخبث واتجهت نحو عاصي ووقفت جانبه وقالت بصوت ناعم ساخر
بس برضوا يا عاصي معرفناش ليه عروسة تسيب عرسها من أول يوم وتنزل تتكلم مع واحد غريب عنها في يوم زي ده مش غريبة دي!
ثم وضعت يدها على فمها وقالت
أوبس ليكون كان بيهم حاجة قصة حب يعني وتكون الوصية هي السبب أنها تتجوزك بس برضوا فضلت معاه يالهوى عليكي يا روز طلعت مش سهلة خالص.
ولكن بدون مقدمات مما جعل الجميع يشهق سحبت روز هبه من شعرها دون مقدمات وألقتها على الأرض وجلست فوقها تجذب شعرها بشدة تحت صرخات هبه المستمرة وفجأة فاق عاصي من عنصر المفاجأة وحمل روز من فوق هبه بعد أن كان أجزاء كثيرة من شعر هبه في يدها.
قال عاصي بحدة
روووووز بسرعة على الفيلا ما شوفتكيش هنا!
قامت هبه وهي تستحلف لروز وتسب وتلعن.
ألقت روز كلام عاصي عرض الحائط ووجهت كلامها نحو هبه وقالت
_ ده أول إنذار ليكي أقسم بالله يا حلاوة الموسم انتي يالي شبه البلباتشوا لو جبتي اسمي بس على لسانك لاخليكي عبرة لأي حد والله لاديكي حقنة السعار بتاعة الحمار واخليكي تنهئي طول الليل زي الحمار. اتلمي وقصري الشر معايا وإن كان سكوتي عنك كل ده افتكرتيه ضعف يبقى انتي متعرفيش مين روز. عدي أيامك هنا بعيد عني علشان أنا غضبي وحش أوعي تكوني مفكراني!
ولكن جذبها عاصي أمام الجميع بشدة ودخل بها الفيلا ودخلت ورائهم هبه مسرعة كي لا تفوت عليها غضب عاصي عليها.
سحبت يدها منه بشدة وقالت بصوت جهوري أمام الجميع
بقولك إيه انت مش ساحب في إيدك حمارة ولا بقرة وآخر مرة
تتكلم معايا كده قدام أي حد وبقولك اهو وبقول لأي حد هنا كله إلا كرامتي أنا مش هسكت لأي حد يهين كرامتي كله إلا الإهانة.
وقفت والدة عاصي مكانها وقالت وهي ترفع حاجبها بغضب
خير يا عاصي مراتك صوتها عالي ليه ياريت تعلمها أصول الضيافة وإن الضيف ما ينفعش يعلي صوته ولا الدكتورة محتاجة حد كل شوية يفكرها إننا مخلينها عندنا تخليص حق.
رفعت روز عينيها وقالت
لا حضرتك أنا هنا مش تخليص حق أنا هنا صاحبة حق وأو حضرتك مش عارفة اسألي البشمهندس وهو يقولك غير أن أنا مرات ابنك يعني حتى لو ماليش حق بقيت صاحبة حق.
التفتت الأم نحو عاصي وقالت بحدة
انت عاجبك كلام مراتك ده يا عاصي فهم الهانم أنها هنا غصب عننا كلنا وإن أبوها هو اللي باعها ليك وهو اللي فرضها عليك خيبة لتكون معيوبة علشان كده أبوها صمم يجوزها ليك علشان المزرعة تكون بتاعتك وشرط كمان المدة المحددة.
اتأكد يا بني أنها مش معيوبة بس يا حسرة هتتاكد إزاي والهانم المحترمة سابت أوضتها نومها ليلة خلتها...
ظلت روز تنظر لعاصي منتظرة منه أن يتحدث ويدافع عنها ولكنه وقف صامتا ينظر لها بغضب.
جرت هبه نحو خالتها وقالت وهي تحاول أن تضبط شعرها الذي كان متطاير
أمال يا خالتو هتقولي إيه لما تعرفي إن احنا ظبطنها مع واحد في المزرعة حتى اسألي عاصي هو كمان شافهم.
شهقت الخالة ولكن قطع كلامها...
للمرة الثانية لم تستطع روز التحكم في أعصابها وجذبت هبه مرة أخرى من شعرها وقالت
مفيش فايدة طالما ناقصة تربية يبقى تتربي...
طالما محدش قادر يلمك أنا هبعترك أكتر يا...
ولكن جذبها عاصي مرة أخرى وقال بغضب
اتفضلي على فوق وعدي يومك ده بقى في إيه محدش قادر عليكي
جذبت روز نفسها منه وقالت وهي تحاول جاهدة أن تهدأ من روعها
اللي هو أنا يا بشمهندس محدش قادر عليا... وبنت خالتك المحترمة اللي عمالة تقوله من الصبح ده تسمية إيه ولا الآنسة على رأسها ريشة لكن لا طبعا لحد عندي وتتعلم تفرمل لسانها ولا تكون محتاجة لجام للبنركبة للحمار عندنا.
جرت هبه مسرعة تحتمي خلف خالتها وقالت بنبرة ساخرة
ياي فلاحة بلدي قوي حتى في كلامك.
جذت روز على أسنانها بغيظ ولكن قطع الأحداث دخول رنا وهي تقول لروز بصوت هادئ متزن
ممكن يا روز تطلعي معايا فوق نتكلم وملكش دعوة بيها علشان خاطري يا روز اطلعي معايا.
هزت روز رأسها وصعدت إلى أعلى بصحبة رنا التي دخلت الغرفة وانهارت في بكاء حاد.
وقفت رنا تربت على كتف روز بحنان وقالت لها بمرح مصطنع
صحيح يا روز جبتي الصحة دي منين انتي قاعدتي على هبه ولا كأنها ذكر بط بتزغطية
ضحكت روز رغم شعورها بالألم من داخلها ولكن نقاء رنا جعلها تضحك.
قالت لها رنا بهدوء
هوانا ممكن أسألك ليه يا روز سبتي الفيلا وروحتي تنامي في الأوضة اللي في الجنينة
نظرت لها روز وقالت وهي تبتسم بسخرية
عمرك سمعتي عن حاجة اسمها غربة الروح إنك تبقى في بيتك اللي اتولديتي فيه وعايشة طول عمرك فيك لكن حتى مش مسموع ليكي تقومي من غرفة الصالون إحساس إنك ضيفة في بيتك البيت اللي انتي حافظه كل شبر في أكتر من ساكنه انتي بتستأذني لو عاوزة كباية مية هي دي غربة الروح يا رنا شعور مميت إنك تحسي إن المكان مش مكانك...
والحمد لله أخوك ولدتك وعروسة الموسم كلهم مقصروش كل دقيقة متعمدين يحسسوكي بالغربة دي...
عاصي مصمم يكمل انتقامه مني من اللي حصل زمان من جدي طيب أنا ذنبي إيه فاهمني يا رنا
وإحساس الخذلان لما تحسي إن أقرب حد ليكي خذلك وباعك لعدو مستني الفرصة علشان يدمرك...
أنا أبويا باعني لعاصي تحت مسمى الوصية وهو عارف ومتاكد إن عاصي أكتر حد بيكره عيلتنا رغم كده باعني ليه
كل ده ولسة بتساليني أنا الجوايا يهد جبل تخيلي كده يا رنا...
أحلامك كلها بتقع قدامك حلم حلم إنتي متعرفيش المزرعة دي بالنسبة ليا بتكون إيه يا رنا أنا كنت مستلمة المزرعة من جدي حطام أنا اللي عملت لوحدي كل اللي انتي شايفاه ده لوحدي يا رنا تخيلي تعب سنين وسهر يروح منك بجرة قلم انتي متخيلة ده سهل
سهل إنك تلاقي نفسك متجوزة أكتر حد بيكرهك أن أحسن يوم اللي بتتمناه أي بنت وهي بالفستان الأبيض المفروض يكون أسعد يوم ليها تسمع كلام يقلل منها ومن كرامتها كلام مختصر إنه هنا زي أي رجل كرسي إنها هنا لفترة قصيرة وتحترم أصول الضيافة.
بس أنا مش مجبرة استحمل هبه يا رنا علشان أنا ضيفة لأ أنا مش بتكسر وزي ما عملت نفسي هنا هعمل نفسي في أي حتة تانية أنا اللي عملت المزرعة مش المزرعة اللي علمتني سهل قوي أثبت نفسي في أي حتة.
أخوكي فاكر لو رماني هكون في الشارع فلازم أكون مجبرة أتحمل العيشة هنا تحت أي ضغط وأتحمل هبه...
بس هو غلطان هو لعب على لعبة الضمان وما اختبرش صبري أنا لا مجبرة أتحمل هبه ولا أخوك نفسه...
هو ناسي إن أنا دكتورة ومتميزة في اختصاصي أنا متخرجة بتقدير امتياز يا رنا... أنا من بكرة ممكن أقدم على وظيفة معيدة في الجامعة وهم لما هيصدقوا اختصاصي نادر وهم طالبين معدين يعني حياتي وموقفتش على هنا.
دفع عاصي الباب وقد سمع كل حديثها مع رنا وقال بغضب
_ ومين بقى يا دكتورة يا كبيرة هيسمحلك تتحركي متر واحد برا المزرعة
وأنا مش مستنية السماح بتاعك يا بشمهندس من أصله.
_ ليه الظاهر إنك بتنسي معلش أفكرك حضرتك إمبارح كان فرحنا يعني الدكتورة بتكون مراتي وأنا بحكم إنك مراتي بقولهالك أهو ممنوع تخرجي برا باب أوضتك وأكلك هيوصل لحد عندك.
ضحكت روز ضحكة مرتفعة دليل على استهزاء بكلامه.
جز عاصي على أسنانه وقال
_ بلاش تختبري صبري يا روز غضبي إنتي لسة لحد دلوقتي ما شفتهوش وخروج برا باب أوضتك ممنوع وتتكلمي مع أي حد ممنوع حتى مع رنا.
قامت روز واقفة وقالت وهي تضع يدها على خصرها
ليه إن شاء الله حبس انفرادي إحنا في سجن
_ آه يا روز في سجن وأنا سجانك من هنا ورايح وهجيلك وقت مزاجي ما يقولي ما إنتي مراتي يعني لي حق فيكي وقت ما أنا أحب.
نظرت له روز ببرود وقالت
نجوم السما أقربلك مش أنا اللي تكسرني يا عاصي وانسي موضوع مزاجك ده علشان أنت سقف طموحاتك بيعلي وانت مش واخد بالك.
يمكن آه حققت انتقامك إن أخدت المزرعة بتاعتي والفيلا بتاعتي تمام أخدتهم خلاص وانتصرت برافو شاطر اهدى بقى لكن تعتبرني من ضمن أملاك وانتقامك يبقى انت بتحلم ومحتاج حد يفوقك.
زاد غضب عاصي عليها وسحبها بشدة من يدها تحت نظرات رنا المشفقة عليها فهي تعلم مدى غضب أخوها.
سحبها وأدخلها حجرة نومهم وأغلق الباب عليهم بالمفتاح ثم قام فجأة بتمزيق ملابسها.
الفصل الخامس عشر
إذا غصب عاصي عليها وسحبها بشدة من يدها تحت نظرات رنا المشفقة عليها فاهي تعلم مدى غضب أخوها
سحبها وأدخلها حجرة نومهم وأغلق الباب عليهم بالمفتاح ثم قام فجأة بتمزيق ملابسها
تفاجأت روز مما فعله عاصي قامت مسرعة محاولة أن تجمع ملابسها الممزقة لإخفاء ما ظهر منها مما زاد غضبه عليها وقال بنبرة حادة
على فكرة إنتي مراتي كل حاجة فيكي ملكي أنا ليا حق فيكي حتى النفس اللي طالع منك ملكي إنتي فاهمة
انتفضت روز من صوته الجهوري لكنها تظاهرت بالتماسك وقلت بنبرة غضب
وأنا بقولك أن نجوم السما أقربلك مني مش روز اللي تعمل حاجة مغصوبة عليها إنت لسة متعرفتيش يا بشمهندس
لأ إنتي اللي لسة متعرفنيش يا دكتورة يمكن إنتي أقصى حاجة عملتيها في حياتك إنك عملتي المزرعة دي منكرش إنها استوريا بس آخرها باب المزرعة. لكن برا الباب بتاعها متعرفيش إيه اللي بيدور برا لكن أنا نحت في الصخر علشان أعمل نفسي أنا أبويا مات قدامي ونفسه مكسورة بقيت مسؤولة عن أم وأخت عاجزة وأنا عمري عشر سنوات كنت الأخ والأب والابن
أمي اللي هي في دلوقتي بسبب اللي شافته زمان خوفها إن أيام الفقر ترجع بقت تكره أي حاجة تفكرها باللي شافته وللأسف إنتي من ضمن الماضي اللي نفسها تنساه كل ما بتشوفيك بتفتكر كل اللي مرينا بيه ومش هي بس أنا كمان كل ما أفتكر جدك واللي عملوا فينا نار جوايا
مسحت روز دموعا بظهر يدها وقالت وهي صامدة
تمام قوي يا بشمهندس كل ده حلو شيل ده من ده يرتاح ده عن ده وأنا قلتلك أنا هسيب الدنيا كلها وأنزل مصر اديني فلوس بيع المزرعة ومش هتشوفني تاني لا أنت ولا الهانم ولدتك
ضحك عاصي بسخرية وقال
إنتي فاكرها سهلة قوي هطلع من جيبي ٢ مليون وأقواك اتفضلي!! والله مش أنا اللي أعاتب روحي عتبي أبوكي هو اللي حطك في الوضع ده هو اللي حط شرط الجواز سنتين وهو اللي عمل الوديعة بفلوسك كلها يبقى طول فترة سجنك هنا إنتي تحت رحمتي وتحت مزاجي وأنا مزاجي طالبك دلوقتي اخلصي وخشي وضبي نفسك علشان مزاجي وبعد ما أخد مزاجي روحي نامي برا في أوضتك ولما ما مزاجي يعوزك إنتي هنا
قالت روز بأندفاع بدون أن تفكر
ااااايه جو الأغا خان وحريم السلطان اللي أنت عايش في طالع من فيلم أبيض وأسود قديم ومهروس ناقصله الكاس ما توزن كلامك يا بشمهندس كده مزاج مين اللي أنا هكون تحت أمرك فيه إنت عايش الوهم بزيادة
وفي الخارج تقف هبه على باب الحجرة تحاول أن تستمع لما يدور في الداخل وكل ما تسمع صوت عاصي يرتفع تزداد فرحتها من الداخل وهي تدعي أن يطلقها فاهي تريد بشدة أن تكون هي صاحبة كل الخير ده وهي الآمر الناهي وتكون هي سيدة المنزل حتى فكرت أنها سوف تتخلص من خالتها في إحدى دور المسنين حتى لا تكون عائق لها وتصبح هي المتحكمة في كل ذلك العز
اقتربت منها رنا وقالت وهي تدفعها بعيدا عن الباب
بطلي بقى يا شيخة مسح الأوكر ده وانضفي بقااا هتستفادي إيه لما تسمعي اللي بيدور بين راجل ومراته عيب عليكي
انفزغت هبه من رنا ولكن التفتت لها وقالت بغيظ وهي تجز على أسنانها
والله مباقش غيرك يا عجوزة إنتي