رواية مزرعة الغضب روز وعاصي كاملة بقلم ملكة القلم
هانم محدش شايفني اصلا
الفصل العشرون
وفي القاهرة اندمجت روز وحياتها الجديدة وبدأت تتأقلم عليها عجبها شغل التدريس في الجامعة اختلفت حياتها عن حياة المزرعة بدأت تهتم بملابسها وشكلها الاجتماعي وكانت محل اعجاب لكثير من زملائها ولكنها كانت تتجاهل نظراتهم
وفي يوم طلب زميل لها في العمل التحدث معها
اقترب منها زميلها مبتسما وقال
صباح الخير دكتوره روز ممكن عاوز حضرتك في كلمة
نظرت له نظرة تفحصيه وقالت
خير يا دكتور نعم ابراهيم
رفع الدكتور حاجبية وقال
انا معجب بحضرتك وعاوز اتقدم ليكي
عدلت روز نظارتها الطبية وقالت
سوري يا دكتور انا مش بفكر في الجواز عن أذنك
قطع طريقها وقال
بس انا يا دكتوره مش هيأس و هفضل وراكي لحد ما توافقي عليا علشان انا معجب ليكي بشده
نظرة له روز باستغراب وتركته ومشت وهي تحدث نفسة عن مدي اختلال عقله واكيد مجنون
مر شهر عليها وهي تعمل طول النهار في الجامعة واخر اليوم ترجع منزلها تغلق بابها وتستعيد ذكرياتها وتحن المزرعة و لعاصي ولكن سرعان ما ترجع تستعيد توازنها من جديد
ولكن كل يوم تشعر بأجهاد شديد قررت الذهاب الي الطبية لمعرفة سبب الإجهاد المستمر ولكنها زفت ليها خبر حملها
تلقت روز خبر حملها و لكن لا تستطيع تحمل الخبر ظلت صامته لا يوجد رد فعل ظلت الدكتور تتحدث معاها علي كيفة الطعام والعلاج و روز في عالم آخر لاتدري ماذا ستفعل هل تجهد طفلها و تقتله بيدها ام تبقي له الام والاب في أن واحد هل تخبر عاصي بطفلهما ام تحرمه من هذه الفرحة وتحتفظ بيها لنفسها
تشابكت الافكار كثير في رأسها انتبهت أنها مازالت في عياده الطبيبة اعتذرت منها واستئذنت
ظل روز تمشي دون أن تدري ماذا تفعل اخذت هاتفها واتصلت علي محمد
قالت له و هي تحاول أن تخفي قلقها ولكن صوتها كان يعلن ووقوع مصيبة
كان محمد مازل مع عاصي عندما رن هاتفه نظر محمد لهاوية المتصل ولم يجب ولكن روز ظلت ترن ولكن عاصي توقع أنها المتصلة من عدم رد محمد علي الهاتف
قلق محمد لان مش بعاده روز الإلحاح في الاتصال أخذ التليفون وذهب بعيدا عن عاصي ولكن ظلت عيون عاصي متابعة و فور ان استدار ذهب عاصي مسرعا ليستمع ماذا يقول ومثل ما توقع كانت المتصله روز
سمع محمد يقول لها بخوف
صوتك ماله فيكي حاجة مش طبيعيه
قالت روز وهي تحاول أن تخفي شعورها بالقلق
انت جاي امتي يا محمد محتجاك ضروري
هيجيلك بكرة بعد ما تخلصي شغلك في الجامعة هتلاقيني مستنيكي علي الباب المهم انتي كويسه صوتك في حاجة مش مظبوطه
شعر عاصي بقبضة في صدرة عندما
علم أن في أمر ما يخص معشوقته ولكن
اسم الجامعة رن في آذان عاصي وتذكر عندما قالت له روز في إحدى المرات وهي بنتخانق معاه
الفصل الواحد والعشرين
ثم بصي يقي يا دكتورة روز ما انتي هتوافقي عليا بمزاجك او غصب عنك منا هتجوزك هتجو............ ولم يتم الكلمة
فقد هجم عليه عاصي مثل الصياد يلتهم الفريسه
وقال له بحده ممزوجة بغضب
تقريبا انا مش مالي عينك صح لما تكلم مع مراتي تتكلم بأدب ولما تخش المكتب علي واحده ست غريبه عنك من قواعد الادب انك تستأذن وبما أن انك محترمتش لا اصول ولا قواعد الادب انا هعملك بنفس اسلوبك
وفتح الباب والقاه في الخارج دون أن يتفوه باي كلمة ودخل واغلق الباب خلفه
نظرت له روز ثم انهمرت
الدموع من عينيها فلم تقدر علي التماسك أكثر من ذلك وقالت بصوت مصحوب بالبكاء
خلاص روز القديمه ماتت و اتدفنت زمان وانت بنفسك اللي اشتريت ليها الكفن اللي دفنته بيها الكفن يوم ما فرجت عليها كل اللي كانوا في الڤيلا واتهمتها قدام الكل
ثم ارتفعت حده صوتها
اي مشاعر هتقدمها لي دلوقتي مش هتنفع عارف ليه الحاجه بسيطه جدا لان اللي ميت ما بيصحاش اللي مات خلاص راح عمرك شفت ميت قام من قبره وصحى انا كده خلاص مشاعري ماتت كل حاجه فيا حلوه ماتت والبركه فيك
يقول عاصي بعصبية مفتعله وهو يحاول جاهدا اقناعها
ما تضحكيش على نفسك يا روز انت لسه جواكي مشاعر ليا نظره عينيك اول ما دخلت الدموع المتعلقه في عينيك وخايفه تنزل قدامي رعشه ايدك نظره الخجل اللي في عينيك اللي انا حافظها كويس بس الانسان اللي من حبر على ورق زي ما انت بتقولي مش هيكون جواه كل المشاعر دي
ثم يحاول جاهدا إثبات صدق كلامة فيقول مؤكدا
روز بصي لنفسك في المرايه و انتي هتعرفي انك
لسه بتحبيني كل حاجه كل حاجه جواكي بتصرخ وبتقول بحبك
ثم التفت ينظر لها ويضع يده على كتفها ويقول
روز انا بجد ندمان اني ضيعتك من ايدي
تصرخ روز وتدفع يده وتبدا الدموع تنهمر من عينيها وتبدا تنهار وتقول له بحده
اوع ايدك دي تلمسني تاني اياك تتجرا وتحط ايدك عليا تاني انا بكرهك اطلع بره اطلع بره انا بكرهك بكرهك وبكره نفسي معاك على ساذجتي وكل ما افتكر قد ايه كنت هبله و صدقتك واظن كده انت انتقمت
يقولو لها وهو يحاول إخفاء دموعه
اهدي يا حببتي انا مقدرش استحمل اشوفك كده حقك عليا يا نور عيوني
انا جاي ابلغك ان مكانك في مزرعتك اللي انتي عملتيها محفوظ بينا وكلنا في انتظارك
انت ناسي ان خلاص ما بقاش ليا مكان بينكم
قطع كلامها بحده
لا روز مكانك محفوظ في مزرعتك وكلنا بجد بحاجة ليكي دي مزرعتك اوعي تتنازلي عنها لاي حد أو لأي سبب ده تعبك انتي .
قالت له بحده
من فضلك ما تجمعنيش معاكم في حاجة انتم عمركم ما حسستوني أن انا واحده منكم كل شوية تفكروني أن البيت مش بيتي و أن انا ضيفة و ولدتك الحمد لله مقصرتش في ده
التفت لها عاصي وقال بحده وقد بدأ ينفذ صبرة
بس انا همنعك تقعدي هنا وده حقي
اي حق ده اللي يخليك تمنعني ويخليك بتتكلم بثقه دي كلها
اه يا روز بتكلم بثقه انك لسه على ذمتي وان انا جوزك من حقي امنعك
تضحك روز وتقول
وهي دي حاجه تتنسي حد ينسى اليوم اللي اتذبح فيه صدمتي فيك كانت فوق احتمالي كانت كبيره قوي بس الحمد لله صدمه فوقتني وعلمتني درس مش هنساه
تاخد روز أنفاسها وتكمل كلا مها بقهر
لا يا باشمهندس لا ما حدش بينسى اليوم اللي اتذبح فيه صدمتي فيك كانت فوق احتمالي كانت كبيره قوي بس معلومة فاتتك كنت مراتك كنت
يضحك عاصي ثم يكشر فجاءة ويقول
لا يا روز انتي لسة مراتي و انا رجعتك من اول يوم و لازم تعرفي ان
اي خطا في الدنيا دي مهما كان حجمه مش ممكن يقضي الحب الكبير اللي بينا وانا مش هسمح تقعدي هنا لوحدك يا ستي لو على جوازنا اعتبري اننا لسة بنتعرف علي بعض من جديد . و خلي بالك يا روز انا ممكن اعمل اي حاجه في سبيل انك ما تضيعيش مني تاني و خدي بالك
انا مجنون وممكن اعمل اي حاجه اللي ما تخلينيش اني انا اخسرك تاني
تضحك روز وتقول بحسرة
خطا
ولا جريمه انت بتسمي اللي انت عملته خطا لا دي جريمه يا باشمهندس
سميها زي ما تسميها اي جريمة بنت خطا
صح اي جريمة بنت خطا بس اي جريمه ممكن تتنسى الا قتل الروح يا باشمهندس وانت قتلت روحي بسكينه تلمه
ثم تنهار قواها وتجلس علي اقرب كرسي و كان روحها بتنسحب منها فقتل الروح اكبر من قتل الجسد و تكمل كلامها
قتلتني وقتلت كل حاجه جوايا ما رعيتش اي حاجه ولا حتي أن انا بنت يتيمه وحيده فقدت اهلها كلهم وكنت انت ليها الاهل والسند والصحبه بس انت خذلتني خذ بالك يا باشمهندس البت اللي تبقى لوحدها وتستحمل فقدان ابوها وامها تقاوم وتعافر وتحفر بضوافرها في الصخر علشان تعمل نفسها كيان تقدر تنساك بجره قلم علشان مشاعري بقت ازاز اه يا باشمهندس بقت ازاز قابل لتهشيم في اي وقت قلبي بقى بلاستيك كل حاجه بقى بلاستيك كل حاجه فيا بقت بلاستيك قلبي وروحي ومشاعري كل حاجه بقت صناعيه انا زي ما تحديت ظروفي لوحدي هقدر كمان اتحدى اني انساك عادي زي ما قلت على ابويا الله يرحمه هقول عليك كمان الله يرحمك ومع الوقت جرحك ليا هيهدى انت مش اخر حد في الدنيا
ثم قامت واقفة ولفت ذراعها حول بعضها تحاول احتواء نفسها وقد ارتجف قلبها وقالت
هقدر اقوم بعدها وهعافر وهعمل نفسي من جديد زي ما عملت روز استاذه الچينات الوراثية بعد ما كانت ولا حاجه بنت عاديه في مزرعة دكتورة بيطرية مغمورة فلوسها ابوها حطها كلها وديعة معهاش منهم ولا قرش اشتغلت كل حاجه لحد ما ثبتت نفسها مع انا ابويا كان معودني على عزه النفس صحيح كان معانا فلوس كثير بس كان مخليني اعتمد على نفسي الله يرحمه هو اللي خلاني كده قويه لنفسي مش بفلوسي عشان انا اللي كنت بعملها مش هي اللي عملتني لكن طز في الفلوس انا كنت مستعده أتنازل عن كل حاجة واعيش معاك انا اخترتك انت ورميت كل حاجة ورا ظهري
ثم تنهدت واغمضتت عيونها وكأنها تواسي روحها المفقوده وتقول بقهر
بس انت مقصرتش كسرتني قدمهم قوي حتي لو انت برئ بس انت اتاخرت عليا قوي
ثم تتنهد وقد رق قلبها فتقول بهدوء
الحب اللي حبيته لك كله يا عاصي انا ما عدتش بحبك
وضع يده علي فمها وقال
لا يا روز مش انتي بس اللي قاسيتي انا قاسيت اكتر منك ايوه يا روز ما فيش الم في الدنيا اصعب من الاحساس بالندم احساس مر كئيب بيخنق اي فرحه او امل احساس ملازمني ليل نهار بيفكرني قد ايه انا كنت حقير احساس الذنب ده صعب جدا كل ما افتكر لحظاتنا الحلوه مع بعض بصرخ جوايا واقول انا اللي ضيعتها من ايدي بحس جوايا بصراع بحس جوه صدري بحاجه خنقاني كان نفسي اريح ضميري وانساكي واقول مرحله وعدت لكن ما قدرتش ما قدرتش يا روز حبك كان محتل كل كياني محفور جوايا حبك بيصرخ جوايا انا بحبك يا روز كل حته فيا بتصرخ وتقول بحبك يا روز
هبه اللي كنا معتبرنها زي رنا كانت السبب في الخراب اللي احنا في ده كله
قطعت روز كلامه بصراخ
كذاب كذاب انا مش مصدقاك وعمري في حياتي ما هصدقك اللي باعني مره ممكن يبيعني الف
يصرخ بصوت عالي
انا مابعتش والله مابعتك يا روز مش ذنبي ده ملعوب اتلعب عليا ومليش يد فيه غيرتي عليكي عمت قلبي ما كنتش شايف قدامى غيرت عليكي من حبي فيكي ما كنتش عاوز ااذيكي ما كنتيش مقصوده اللي حصل خارج عن ارادتي فجاه لقيت حياتي كلها بتتهد المزرعة هضيع حياتي مهدده بالافلاس
اعز صحابي عاوز يسرق
الفصل الثاني والعشرين الأخير
صدقني انا دورت ودورت كتير ومن زمان مش من دلوقتي ما لقيتش غير سواد ضلمة كل حاجه بقت ضلمة
كان يستمع لها وهي تصف ما تشعر به وهي تحاول أن تجد نقطة النور وكانت حريصة تلتمس له أي عذر ولكن لم تجد نقطة النور حاولت أن تغفر له ولم تجد
سوي السواد أكملت بيأس
صدقني يا ماجد حاولت التمس ليك عذر وملقتش حاولت اغفر بجد ومعرفتش
لا يا روز تبقى انت كده ظالمه وظلمتي حبنا
مش احسن ما اكون مظلومه تاني اكون ظالمه احسن ما اكون مظلومه تاني يا باشمهندس
كرهتيني ليه وانتي متاكده أنه مش بايدي اللي حصل
علشان عريت قلبي ومسترتنيش كسرتني قدام اهلك
علشان اللي بيحب عمرك ما هتهون عليه واللي تهون عليه عمره ما حبك.
إياك والإكتساء بمن لا يعرف معني الإحتواء فيمنحك التعري..وإياك والاتكاء علي من لا يعني معنا السند فيهديك السقوط..وإياك والإرتواء بمعسول الكلمات حتى لا تظمأ
عندما تكتشف أن أقرب الناس إليك كان كذبة سيصعب عليك تصديق الكثيرفلا شيء يؤلم أكثر من سقوط قناع
ظنناه يوما وجها حقيقيا فالحياة عندما تكشف أقنعة الناس تكشفها بقسوة
فاهي تقطر ألما شعورها بأن حبه لها لم يكن كاف ليحميها مما حدث هوانها عليه جعلها تشعر بعدم الثقة فيما يقوله
كم من المشاعر المتناقده التي كانت تشعر بها
يجيش بها قلبها تود أن تخرجها جميعها وتخبرة كيف جعلها تهون عليه فعز عليها نفسها وقالت وقد احرقت الدموع عينيها
انهارت قوها للمرة الثانية فقد شعرت بقتل روحها بداخلها وان قلبها يتمزق وجعا وشوقا قمة التناقد في المشاعر فقد نصاب جميعا بشيزوفرنيا المشاعر و هي أن كرامة النفس تعلوا رغبات القلب فالقلب يريد وعزة النفس ترفض فاهي في صراع بين قلبها وكرامتها
قالت وهي تحاول أن تجعل كرامتها هي من تفوز
و عمال تقولي بحبك كلمة سهلة علي فكرة وحتي حروفها سهله
بس مهما اتقالت ومهما سمعتها الفعل هو اللي بيثبت الحب أو بينفيه والكلام مجرد وعود الأفعال بتثبتها وبتخليها واقع أو لا شئ ومع اول موقف حقيقي يا اما تلاقي نفسك مش فارق وهنت عادي وبيتم التخلي عنك بسهولة وتلاقي نفسك خسرت رهانك ع الشخص دا وتكتشف انك زرعت في أرض بور وتحس الخذلان والتوهه المميته
حاولت جاهده استرجاع روحها بداخلها ففقدان الروح مميت رفعت عينيها لتكمل كلامها وجدته ينظر لها بعينين دامعتين يقف أمامها بقلب عاشق يترجي معشوقة فهو يعلم أن الحب صدق أفعال وان تجد المحب باع الدنيا و اشتري خاطرك بالغالي ووضعك في كفه وكل الدنيا في كفه تانية ورجح كفتك انت
وهو يعلم أيضا أنها عاشقة له وتحاول أن تظهر عكس ما تكن له من مشاعر فتركها تكمل حديثها وتخرج كل ما بداخلها من ثورة حتي اهداء تركها تكمل واستمع لها وهي تقول بغضب
عارف مشكلتك ايه يا عاصي أنك عاوز الناس تلتمسلك العذر وانت مش بتعرف تعمل كده بس الناس مش مجبرة تستحمل تقلباتك
و مش معني أن كنت بهزر و بضحك كلامك ما كنش بيوجعني لا انت كنت كل مرة بتحاول تعرفني مقامي وان كل حاجة بقت ملكك خلاص وايام زمان خلصت وا انا ضيفة عندكم و ابويا هز اللي فرضني عليك
ما كنتش بتقدر الحاله النفسية اللي انا فيها ولا كنت عاوز تقتنع أن انا كمان عندي زيك حاله نفسية مش انت بس مش لوحدك اللي عديت بتجربه قاسية انا اللي مريت به اصعب الف مره من تجربتك
اقترب منها وقال بحب
ولو قلتلك نفتح صفحة جديدة وتديني فرصة تانية
ضحكت بسخرية وقالت
الفرصة الثانية مخيفة جدا يا عاصي أكثر من الفرصة الأولى لأنك بتكون عارف انك بتخاطر بقلبك ووجع القلوب صعب
يقترب منها عاصي ويمسك يدها بحنان ويهمس برقة محب
بس انا بحبك وهفضل احبك واعمل ايه انا قلبي مليش حكم عليه وانتي اقتحمتي قلبي يا ازهار
احمر وجهها وحاولت سحب يدها منه فقد هزها قربه لها فاهي عاشقة حد النخاع ومظاهر القوة التي كانت اختبأ وراها بدأت نتهار
صحيح قلبي ما ليش حكم عليه لكن عقلي بيبني قراره على الحسابات وحسابات عقلي بتقول كل اللي بينا فات ومات
فى حاجات كده بتعلم فى القلب وصعب تتنسى زى انك تقول لحد علشان خاطرى مايعملكش خاطر...او إنك تهون
اسوأ شعور انك يصعب عليك نفسك وتحس انك بتهون على الناس اللى بتخاف الهوا يجرحهم .
الاختيار
لو مكنش صح من الاول هتفضل طول عمرك تدفع من حزنك عليه وعلي نفسك مش كل اللي تقابله هينفعك ومش كل اللي بيلمع من بره بيلمع من جوه .
وفجاءة يقطع كلامهم صوت طرقات ضعيفة علي باب المكتب تمسح روز دموعها وتفتح الباب
يدخل محمد عليهم ويقول
المناقشة طولت قوي وانا زهقت من الوقفة برا ممكن يلا ونكمل في اي مكان
هزت روز رأسها وسحبت حقيبتها دون أن تأخذ بالها أنها مفتوحة و سقت منها كل ما فيها بما فيهم صور الأشعة الحمل وتحاليل
من الحقيبة ولكنه ثبت مكانه من هول الصدمة ورفع عينبه ينظر اتجاه روز وهو غير مصدق ما راي
قام واقفا وحاوط روز بيده وقال وعينيه دامعتين
روز انتي انتي حامل ثم وضع يده علي بطنها بطريقة لا اراديه وحملها و دار بيها من هوا الفرح
ضحك محمد علي منظر عاصي وكأنه طفل صغير فرح بلعبه قدمت له
نظر لها عاصي بشوق وحب ويقول لها مترجيا
يلا ياروز علشان خاطري انا نفسي نكون عائله واحده كفايا عناد انا بحبك قوي
تقول له باستفزاز وهي تعلم أنها تستفزة
وعروستك هتعمل فيها ايه
يووو و يا روز هبه خلاص بح وماما كمان عرفت حقيقتها واتغيرت خالص انتي هتشوفي واحده تانيه غير اللي تعرفيها
تبتسم روز بخجل وتقول
ماشي يا عاصي بس عندي شرط انا مقدرش اسيل شغلي هنا انا هكون عضو منتدب اجي يومين في الاسبوع
وانا معنديش مانع طلما رجلي على رجلك وهي تبقي فسحة لينا ونسرق يومين لوحدينا كل اسبوع تعتبرهم يومين عسل
وبعد يومين استعد روز للسفر الي المزرعة التي وجدتها كلها مزينه بالانوار احتفالا بعودتها
قالت في نفسها وهي مبهورة بجمال الزينة والمكان
اه لو تعرف قلبي بيحبك قد انا بعشقك يا عاصي لو تعرف أن قلبي عمره ما دق في يوم غير عليك انت ملكت روحي
وقلبي وملكت حياتي كلها
ثم لمعت عينيها من وهج العشق فالعاشق تفضحة عيونه
ثم رفعت عينيها باستحياء تنظرت لعاصي الذي كان يقف متكاء علي الحائط مربع يده وينظر لها علي منظرها الطفولي و يري لمعة الحب في عينيها وقد ازاد شوقا لها فهمس لها بشفتاه
بحبك
احمر وجهها بشده و ارتعش قلبها
فقد دخل عليهم وشهق ثم قال بمرح وهو يخبيء عينيه بيده
لااااا التار ولا العار واحنا صعيده ودمنا حامي
وفجاءة وجد يد ماسكته من ياقة قميصة تؤرجحة يمين و يسار و صوت ضاحك يقول له
عار ايه يابني دي مراتي يعني اعلق دلوقتي مكان النور ده واخليك عبرة قدام خطبيتك
عيب يا عاصي برستيجي قدام البت انت كده ضيعته
يضحك الجميع في حب ثم يغمز عاصي بعينيه لاروز التي تزاد حمرة الخجل لديها وتتسارع دقات قلبها شوقا له
دخلت روز الڤيلا وجدت والدت عاصي تقف علي الباب ترحب بيها
اهلا بيكي في بيتك يا روز نورتي مكانك يا حببتي
ابتسمت لها روز
جرت رنا عليها بقوه وترحب بيها جري عاصي مسرعا يقول بلهفه
براحة يا رنا روز مش لوحدها دلوقتي ووضع يده علي بطن روز
طارت رنا من الفرحة ونظرت لمحمد في خجل الذي غمز له كأنه يقول لها بعينيه عقبالك
احمر وجهها بشدة واقتربت من روز تقول لها
بقولك ايه يا روز انا عاوزه بنت العب معاها مليش دعوه بقا
ضحك الجميع علي خفه ظل رنا
مرت الشهور سريعا وجاء موعد الوضع قامت روز من النوم وهي تطلق صرخات الالم
افاق عاصي علي صوتها وقال بنعاس
مالك يا قلبي فيكي ايه بتصوتي ليه
بولد يا عاصي ايه شكلي مش باين
هو في حد بيولد بليل كده استهدي بالله و تعالي نامي والصباح رباح
عااااصي انا بولد افهم
طيب معلش اعمل ايه برضوا انا
عااااااااا هموتني مت الغيظ خدني المستشفي
انتبه عاصي أنها تتحدث جد قام مسرعا لا يعلم ماذا يفعل ظل يدخل ويخرج من الغرفة
صرخت روز فيه
عاصي انت بتعمل ايه
مش عارف مش عارف
روح نادي مامتك يا عاصي هموت
اه ماما صح عندك حق
وجري مسرعا يوقظ أمه التي وجدها قد استبقظت بالفعل من صوت صرخات روز
اقترب منها عاصي وقال
ماما الحقيني روز شكلها بتولد
اخد عاصي روز علي المستشفي واتجمع الكل أمام غرفة العمليات في انتظارها توضع طفلها وبعد ساعة من القلق خرجت الدكتورة تزف لهم خبر ولادتها وأنها أنجبت بنوته فرح الجميع بالبنوته و سمتها روز جميلة وكأنها بشرة خير للجميع وبعد اسبوع اتجمع الجميع يعدوا ويحضروا اسبوع جميلة والكل يعمل علي قدم وساق روز و رنا بيزينوا الحمص بالفضيات و ولدتهم تعد المغات ورائحته تعبيء المكان مما أثارت الرائع اعجاب روز وجرت مسرعة علي المطبخ تاخد كوب كبير منه
و عاصي ومحمد قاموا بتزين الحديقه لاستقبال المهنئين بالمولود
وكان اجمل سبوع والكل سعيد بقدوم المولودة الجديدة
سيطر الحب علي المزرعة
فأنت محب
و هي رائعة
أما إذا كسرت لأجلها كل قواعدك
فاعلم حينها أنك عاشق
و هي نادرة
هكذا انتهت قصة العاشق و النادرة دمتم في رعاية الله
ملكة القلم
