رواية الفرار من الحب (كاملة الى الفصل الاخير) بقلم حبيبة الشاهد الفصل السادس عشر 16
ما شافها اتصدم من وجودها مسك كوباية المايه و قعد جنب دماغها و اتكلم
ابعد أنت انا هفوقها دي بنت سليمان بيه كبير البلد
ملس ايديه على وشها بالمايه بارتباك و توتر شديد هوا استغربه
بدات تفوق تدريجيا فتحت عينيها بتعب بصيت حوليها لاقيت نفسها في مكان غريب بصيت ل رعد ب بربشه و همسيت
أنا فين و أنت مين
رعد قام من جنبها وقف قدامها و اتكلم بجمود
حمدالله على سلامتك يا انسه مش انسه برضو
اتعدلت أسمهان و بصتلهم بستغراب
اه انسه
مين اللي جبني هنا انا عايزة اروح
رعد حط ايديه في جيوبه و اتكلم ببرود
آدم اخويا الكبير لاقاقي مرميه في الشارع مغمى عليكي جابك هنا و كان بيفوقك
مسكت راسها بألم.. مكان الخبطه
اه كنت على الحصان بتمشى شويه و ه.. اج مره واحده و معرفتش اتحكم فيه و وقعت من عليه و مش فاكره حاجه تانيه
شكرا على وقفتك جنبي و انك ساعدتني و مسبتنيش لوحدي في الشارع انا لازم امشي زمان الحصان رجع البيت و بابا قالب الدنيا كلها عليا
رعد بهدوء
اتفضلي معايا هوصلك بعربيتي و هكلم سليمان بيه ابلغه أنك
أسمهان خرجت معاه بخجل شديد و ركبت العربيه رعد طلع تلفونه من جيب البنطال و كلم سليمان عارفه اللي حصل و خله يكلمها و اطمن عليها و قفل
أسمهان مدت ايديها بالتلفون بخجل
شكرا انا مش عارفه من غيرك كنت هعمل ايه
رعد بصلها و اتكلم
متشكرنيش أنا لو هتشكري أشكري آدم اخويا هوا اللي شافك و ساعدك
و نور اختك طلعت متجوزه نوح الجبالي من امتا
اتوترت من سؤاله المفاجئ و بعدت وشها بصيت على الطريق بتوتر و اتكلمت
ايه الكلام اللي بتقوله دا نور القمر اختي مش متجوزه
لو تقصد فرحها امتا ف هوا يوم الخميس و اكيد بابا هيعزمك في الفرح
رعد رجع بص على الطريق بابتسامة
لا مقصدش امتا الفرح سؤالي واضح و صريح اختك متجوزه نوح الجبالي من امتا
بصتله و اتكلمت بهدوء منافي خوفها و ارتباكها
دا تحقيق رسمي يا حضرت الظابط اذن حضرتك جيت و حققت مع بابا و سألته نفس السؤال و قالك ان مافيش حاجه من الكلام دا و انا برضو هاكدلك المعلومه و اقولك انها مش متجوزه
رعد بصلها بحدا
على العموم الحقيقه كلها هتظهر
بعد مرور اسبوع
في افخم اوتيلات قنا كان معمول فرح اسطوري يليق على عائلة الجبالي و عيلة الحديدي
دخلت نور و هي مسكه في ايد والدها و الفرحه مش سيعها رفعت وشها بصتله بدموع و هي مستنيه ياخدها بالحضن
نور بصوت مهزوز
بابا مش هتقولي حاجه انا اسفه
سليمان بص للمعزيم و اتكلم بجمود
متقوليش يا بابا أنا مت.. بري منك أنتي مبقتيش بنتي لو ينفع اروح اشيل اسمك من البطاقه و اتبره منك كنت عملت
بصت في الارض و هي بتمنع دموعها تنزل و وصله لحد نوح وقف قدامه سليمان و اتكلم
تاخدها و متورنيش وشوكوا أنتوا الاتنين تاني فاهم
سحب ايديه من بين ايديها و مشي من قدامهم نوح بصلها بحزن و هوا حاسس بمشاعرها رفع ايديها و قبلها بحب و اتكلم بابتسامة و فرحه متتوصفش
اخيرا بقيتي ملكي قدام العالم كلوا
كان نفسي اشوفك بالاربيض و أخيرا شوفتك بيه طالعه زي الحوريات
نور بابتسامة باهته
أنا اتمنيتك من ربنا كتير و جه الوقت اللي حققلي في أمنيتي مش بحبك بس يا نوح
نوح حضن وشها بين كفوفه بحنيه و اتكلم بحنان
هيصلحك هوا زعلان منك دلوقتي سيبيه فتره و هجيبك قنا تصلحيه مافيش أب بيزعل من بنته
اضحكي كدا و افرحي المعازيم واخده بالها يقوله مغص.. وبه على الجواز
في وسط الاغاني و الفرح كانت نور بترقص معاه بسعاده و قلبها بيرقص من الفرحة و مش مصدقها أنها خلاص بقيت مراته في العلن قدام الناس
كان في قناص فوق سطح الفندق مصوب الس.. لاح اتجاهم و هما بيرقصه و في وسط فرحتهم ضرب طلقه استقرت في جسد نور
حطيت ايديها على
بطنها مكان الطلقه بألم و بصيت على سليمان اللي بيجري اتجاهه و بيصرخ بأسمها وسط ضجيج الاغاني.. رجعت خطوه للخلف و وقعت في حضن نوح و هي بتطلع انفسها الاخيره
يتبع.....
الكاتبة_حبيبه_الشاهد
الفرار_من_الحب
إن شاءلله الفصل الخامس عشر هينزل بعد العيد لاني هاخد اسبوع العيد كله مش هعرف انزل فيه
أحيوا سنة التكبير وعمروا بيوتكم بذكر الله..
إنه عيدنا وإنا لمسرورون
كل عام وأنتم بخير ي صحبة عيدكم مبارك
التالي من هنا
https://pub153.lamha.news/20233
كاملة
https://pub153.lamha.news/19412
