رواية نبضة صامت بقلم ندى رأفت (كاملة)

متلقش على قمر زيك .. وبعدين طول ما أنا موجود محدش هيقدر يضايقك..وبعدها بص لأمه بتوهان كان باين ف عنيه..من كتر التفكير وقال خديها يا أمي تغسل وشها كدا وتهدى ..وخليها تخرج معاكي انتي وسهى وتغير جو 
نور بشهقات خفيفه بس انا ..مش عايزه يا محمود ..أنا تعبانه ..عايزه اريح ..
محمود هتخرجي وتغيري جو نفسيتك هتتحسن ..يلا يا أمي سلام أنا ورايا شغل عايزه حاجه ..
نهى بحب أعوز سلامتك يا حبيبي ربنا يوفقك 
وكان هيمشي ..لكن نور وقفته وقالت محمود انت كويس متزعلش أنا خلاص بقيت كويسه أهو وقعدت تمسح في دموعها ..
بصلها محمود وابتسم بهدوء وقال خلاص يبقى انا كدا كويس ..وسابها ومشي ..
وفي الجنينه ....
سهى كانت قاعده على المرجيحة الي برا وبتاكل في لوح الشوكلاته الي ادهولها سليمان 
وقالت بزهق هنتأخر كدا إيه كل دا أنا عايزه أشتري الفستان وبعدين كل مره أسأل نفسي هو ليه عم سليمان بيكره نور كدا بس بعد تفكير هي بنت تتكره الصراحه.. إيه دا محمود خرج اخيرا فقامت بسرعه و ونادت عليه فبصلها ووقف قبل ما يركب العربيه وقال بهدوء في حاجه يا سهى ..
سهى انت هتخرج كدا فين الجاكت بتاعك البسه الجو برد 
محمود متقلقيش أنا مش بردان ولا حاجه
ورحي لماما كانت عيزاكي ..
سهى ماشي ترجع بالسلامه ابقى طمني لما توصل 
ابتسم محمود وقال ماشي يا ستي هطمنك 
وفتح باب العربيه وكان هيركب 
راحت سهى وقفته بسرعه وقالت محمود 
بصلها محمود بإستغراب 
فقطعت حته شوكلاته وقالت خد دي 
بص محمود للشوكلاته الي في إيدها وقال لا شكرا كلي انتي بالهنا والشفا ..مليش نفس 
سهى علشان خاطري يا محمود 
خد محمود الحته وكلها وقال ماشي يا ستي مش هزعلك 
يلا بقى سلام وركب العربيه ف سهى بصتله من شباك العربيه و كانت لسه هتكلم تاني فراح قطعها وقال هطمنك ..
وبعدها اتحرك بهدوء ومشي 
ابتسمت سهى بحب ودخلت الفله 
لقت نور قاعده على الكنبه وفوق كتفها جاكيت محمود ..ال بتشد عليه ..
سهى بغضب أقلعي جاكيت خطيبي يا ماما ..
نور بصتلها بهدوء ..راحت سابت جاكيت محمود ..على الكنبه فخدته سهى بسرعه وف الاثناء دي ..
نزلت نهى وقالت إهدي يا سهى الموضوع مش مستاهل ال بتعمليه دا هاتي الجاكيت أعلقه 
سهى بضيق يا ماما نهى إحنا هنروح إمتى 
نهى بهدوء نور جاهزه أهو وانا كمان جهزت ..يا كوثر خدي علقي جاكت محمود ف أوضته ..خدت كوثر الخدامه الجاكيت 
وبعدها ..
وركبوا العربيه ..وعدو على مامت سهى وخدوها و
وقفوا قدام محل ونزلوا ونهى وسهى ومامتها وكانو واقفين في جنب بيشوفوا الفساتين السواريه 
ونور وافقه في حته تانيه خالص وباصه على فستان لونه نبيتي حريري مبين جزء من الأكتاف ونازل على ضيق عجبها قوي وقالت بينها وبين نفسها دا حلو أوي أنا هجيبه بس يا ترى هيعجب محمود ياريت يعجبه ..يارب سهى ما تجيب واحد زيه أنا عايزه ميشوفش غيري في كتب كتابه....إيه دا.... ثانيه ..ثانيه واحده ...هو أنا بقول إيه أنا أكيد إتجننت !!.. .. .. 
نبضة_صامته
أنا هجيبه بس يا ترى هيعجب محمود ياريت يعجبه ..يارب سهى ما تجيب واحد زيه أنا عايزه ميشوفش غيري في كتب كتابه....إيه دا.... ثانيه ..ثانيه واحده ...هو أنا بقول إيه!... أنا أكيد إتجننت !!.....
قطع كلامها مع نفسها نهى وهي بتقولها.. عجبك الفستان دا يا نور 
نور بتوتر قالت بسرعه وبنبره صوت عاليه.. لا مش عاجبني مفيش حاجه هنا عجباني يلا نمشي وانا هلبس أي حاجه من عندي ما أنا عندي كتير يعني مش شرط أجيب 
نهى بإستنكار.. انتي بتقولي إيه يا نور وهي دي إي مناسبه علشان تلبسي فيها أي حاجه دا كتب كتاب محمود الي ف مقام أخوكي الكبير في واحده تلبس في كتب كتاب أخوها الكبير أي حاجه أكيد لا أنا هجبهوليك شكله هيبقى حلو أوي عليكي لو سمحتي عايزين نقيس الفستان دا ..
وفعلا دخلت نور قاسته وكذلك سهى أختارت فستان لبني فاتح نازل على واسع منفوش وبيلمع ودخلت تقيسه هي كمان وبعدها خرجوا لنهى الي أول ما شفتهم زغرطت في نص المحل وقالت.. إيه القمر دا ربنا يحميكم يا بناتي ..إيه رأيك يا صفيه 
صفيه وهي باصه على سهى بفرحه قالت.. زي القمر 
سهى بفرحه وهي بتلف بالفستان.. بجد حلو يا ماما نهى هيعجب محمود يعني 
نهى.. يعجبه بس دا مش هيشيل عينه من عليكي أصلا 
ابتسمت سهى بخجل 
وكل دا كان تحت أنظار نور الي بردو حسيت بضيقه غريبه والدموع كانت هتجمع في عنيها لكنها تمالكت نفسها وحاولت تتكلم بطبيعيه وقالت.. طب وانا يا ماما نهى حلو عليا الفستان 
بصتلها نهى بفرحه وقربت منها وقالتلها.. دا العرسان هيبقوا طوابير لما يشوفوكي بده 
ضحكت نور ولقت نفسها بتطلع الي في قلبها علطول وقالت طب ومحمود .
بصتلها نهى بالاستغراب.. ومحمود ماله يا بنتي ..دا انتي زي أخته الصغيره يعني حلوه في عينه علطول 
نور تداركت الي قالته وقالتلها بسرعه.. لا مش قصدي أنا قصدي حاسه إن الفستان ضيق شويه هيوافق عليه يعني 
ضحكت نهى وقالت.. سيبك منه لو أتكلم أنا هدخل يلا بقى يا بنات خشو غيرو وهاتو الحاجه معاكو وكانت نور هتدخل فجت عنيها في عين سهى فمقدرتش ودخلت تغير علطول 
وبعد فتره .
في الفله ..
دخلت نور ونهى بالشنط ..ومعاهم سهى ومامتها
نهى.. ها يا صفيه أتصلتي بالاستاذ مدحت بيجي علشان نتغدى مع بعض 
صفيه .. اه يا نهى مع انه مكنش ليه لزوم والله ..تعابه نفسك انتي
نهى.. أنا محبش أسمع الكلام دا منك يا صفيه إيه تعبه نفسك دي هو أحنا غرب دا كام يوم وهتبقى سهى مرات أبني يعني زي بنتي 
سهى.. ربنا يخليكي ليا يا ماما نهى ..
نهى.. طب يا حبيبتي خشي إرتاحي انتي صفيه في أوضه الضيوف شويه وانتي يا نور أطلعي ريحي عقبال ما أعمل الغداء 
نور بخنقه.. لا يا ماما نهى مليش نفس 
نهى.. انتي لسه زعلانه ولا إيه خلاص بقى فكي وبعدين إنتي عارفه إن مفيش حاجه عندي إسمها مليش نفس دي 
نور.. والنبي يا ماما نهى ما تضغطي عليا كلوا انتو بالهنا والشفا وطلعت لأوضتها بسرعه ..
نهى بحزن.. يارب فرح البت دي وهاتلها الي يستاهلها ويخرجها من الي هي فيه دا 
وفوق ..
دخلت نور أوضتها وقفلت الباب بسرعه وقعدت تعيط جامد وبينها وبين نفسها سؤال دايما بيتكرر هو انا بعيط جامد كدا ليه ما دايما بيحصل بيني وبين عمو سليمان مشاكل ..أنا مالي دلوقتي أنا فيا إيه أنا لازم أهدي أنا هخش أخد شاور كدا يريحلي أعصابي وفعلا قامت وخدت شاور وغيرت وقعدت على السرير تشغل نفسها ب مذكرتها ..
وفجأه سمعت صوت دوشه وزغاريط بره فلقت نفسها قامت وخرجت تشوف في إيه فلقت نهى وهي بتزغرط بفرحه وبتقول لمحمود مبروك يا أبني مبروك يا سهى عقبال ما تملولي البيت عيال 
ضحكت سهى بخجل وبصلها محمود بحب 
نور بقلق هو..هو في إيه ..!
نهى بفرحه.. محمود كتب كتابه على سهى يا نور ..
نور بصدمه.. إاز..إزاي .
نهى.. هبقى أقولك ..يلا يا بت روحي قولي لأخوكي الكبير ألف مبروك ..
نور ف نفسها لا متجوزهاش يا محمود أرجوك لأ.. وراحت مسكت إيد محمود وبعدته عن سهى 
محمود بإستغراب.. نور في إيه 
نور بدموع مبتبطلش.. متجوزهاش يا محمود 
محمود.. إنتي بتقولي إيه يا نور سهى بقت مراتي خلاص 
نور بشهقات.. مش هينفع تبقى مراتك علشان انا مش عايزه كدا 
محمود بإستغراب.. ليه أنا مش فاهم 
نور بزعيق.. لأني بحبك يا محمود بحبك .. . 
5نبضة_صامته
وهنا صحيت نور وشهقت جامد ووشها كان عرقان وقعدت تتنفس بسرعه وجابت كوبايه مايه من الكومود الي جنبها وشربتها على نفس واحد فسمعت صوت الباب بيخبط وسمعت نهى بتقول إنتي لحقتي نمتي يا حبيتي يا نور ولا إيه ووكانت نور في الوقت دا بتنهج والدموع بتنزل من عنيها من غير ما تحس وقالت أعوذ بالله من الشيطان الرجيم ..إيه ال أنا حلمته دا انا بقالي فتره مش عارفه مالي ..يارب ريحني بقى أنا مخنوقه أوي ..معقوله أكون بحب محمود أكيد لأ... مينفعش أصلا ..دا حلم طبيعي بس علشان...علشان خايفه يبعد عني صح أكيد صح ..أكيد ..ومسحت دموعها بسرعه وقالت أكيد كل دا حصلي علشان عايزه أكل وقامت تفتح لنهى 
نهى إنتي لحقتي نمتي يا بت ولا إيه وشك وارم أوعي تكوني بتعيطي 
وفجأه قاطعهم محمود وهو واقف بعيد عن الاوضه بشويه وقال بحده هي مين دي الي بتعيط وريني كدا يا نور انتي كنتي بتعيطي فعلا 
نور بتوتر لأ أبدا هو انا كنت بعيط يا ماما نهى 
نهى لا أبدا يا محمود انت من ساعه ما مشيت وهي بقت زي الفل صح يا نور 
نور صح يا ماما 
نهى طب يلا بقى علشان أنا حضرت الاكل يلا إنزلو .
محمود إسبقى انتي وإحنا هنيجي وراكي.. 
نهى ماشي ما تتأخروش..انا هقول لسهى إنك هتحط حاجه ف أوضتك وهتيجي ..يلا بسرعه يا أبني ..علشان حماك تحت 
محمود حاضر يا أمي متقلقيش ..نزلت نهى 
بص محمود على باب أوضه نور الموارب وقال نور أنا كنت عايز أديلك حاجه ..
نور طب ثواني..ودخلت غسلت وشها 
وطلعت ظبتت لبسها وخرجتله وقالت عايز تديني إيه وبتحاول تعرف إيه الي مخبيه وراه 
بص محمود على وشها بتركيز وقال انتي أستحميتي تاني ونسيتي تنشفي شعرك مش كدا ..هو أنا مش قولت لو مبطلتيش الحركه دي هيجيلك دور برد وهتصدعي ..قولت أنا كذا مره ولا ما قولتش 
نور بصت على الأرض وقالت قلت.. أسفه مش هتكرر تاني جبتلي إيه بقى 
محمود بيأس بتقعدي تعيدي في الأسف وخلاص المهم خدي يا ستي نولها العلبه فخدتها بسرعه وفتحتها ولقت جواها كل نوع هي بتحبه من الشوكلاته 
نور بفرحه شكرا بجد ..
أبتسملها محمود وقال أنا مقدرش أشوف عينك جت على حاجه ومجبهلكيش والشكر الحقيقي الي تقدمهولي فعلا إن إبتسامتك الحلوه دي متروحش من على وشك...طول ما أنا