رواية العزف على نياط القلوب (كاملة الى الفصل الاخير) بقلم أماني السيد الفصل 31
لكنه قرر أن يقف خلف الباب ليسمع حديثها مع والدها أولا
عادى يا بابا لما انا رجعت من السفر هو كان محتاج واحده معاه وانت عارف السعوديين شداد شويه وهو كان محتاج واحده تنضفله وتروقله الشقه عشان كده اتجوزها
طيب ومطلقهاش ليه وليه مخدلهاش شقه بره
أصل جوازه منها مؤقت وبعدين هنا انا اشيفه هو بيصرف كام وبيديها ايه انما لو اخدلها شقه بره الله اعلم بقى
يا بنتى انتى اللى همك الفلوس وجوزك ده لأ
الموضوع مش مستاهل هو بيحبنى زهى فتره فى حياته وهيطلقها فلزمتها ايه بقى شقق وفرش ومصاريف
ظلت رغداء و حسين ينظروا لبعضهم بصدمه من تفكير ايناس الهذا السبب وافقت على ذلك الوضع
شعرت رغداء فى تلك اللحظه انها رخصت من نفسها وكادت أن تنصرف إلا أن حديث صلاح عن غاليه جذبها
انتى حره يا ايناس وتفكيرك غريب بس طالما انتى مرتاحه يبقى خلاص إلا صحيح قوليلى هو الراجل اللى بتكلمه غاليه اسمه ايه
راجل مين
مش انتى قولتيلى انها تعرف حد وبتكلمه بعد طلاقها من عيسى
اه افتكرت بس انا مش فاكره اسمه ايه انت شايف اللى انا فيه والظروف عامله إزاى
بدأ
لم تستطع رغداء السكوت على حديث ايناس المسموم ودخلت مسرعه الغرفه وخلفها حسين
وجلست معهم وظلت تتحدث عن الماضى واكد له حسين ذلك الحديث صدم صلاح مما سمعه
وقفت ايناس وظلت تهاجمهم وتدافع عن نفسها وحاولت تكذيبهم إلا أن حديث رغداء كان اكثر ثقه وبالادله
ظلت ايناس تهاجمها وتحاول أن تخرجها من الغرفه حتى تصلح ما افسدته لكنها لم تستطع
وبعد أن انتهت رغداء من حديثها تركت الغرفه التى يجلسون بها زدلفت لغرفتها وقامت بجمع ملابسها لكى تترك لهم المنزل
دخل خلفها حسين وجد رغداء تجمع اشيائها لتترك المنزل
اقترب منها مسرعا مستفهما سبب فعلتها
رغد فى ايه بتلمى حاجتك ليه
بص يا حسين انا مش مرتاحه فى القاعدة هنا انا عايزه امشى
هتروحى فين
هرجع بيت بابا عايزنى هاتلى شقه ليا لواحدى انما انا مش هقعد تانى مع الانسانه دى
ايه اللى حد يعنى مانتى عارفه اسلوبها
بس مكنتش اعرف انى رخصت نفسى كده انا قاعده هنا وانا حاسه أنى ضيفه وهى طول الوقت راميه مسئولية عيالها عليه
انا والله مافكرتش أبدا فى كده وانتى حقك فعلا فى شقه لواحدك
صمت حسين يفكر ماذا يفعل فهو سمع حديث ايناس ورغداء لديها كل الحق لتغضب
طيب بصى خليكى هنا كام يوم بس اكون حبت شقه وفرشتها واقسم الاسبوع بينكم بعد كده
مش قادره استحملها يا حسين تانى دى انسانه مرضيه انا اللى فضلت كول عمرى اعمل عمليات ودايت ورجيم عشان اخس معرفتش جت ايناس خسستنى ١٠ كيلوا فى اسبوعين مش قادره خلاص انا مش قادره استمحل
معلش اعتبرى ده نظام تخسيس خسيلك كمان ٥ كيلوا وقتها هتبقى ايه صاروخ
ابتسمت رغداء على مزاح حسين وقررت أن تنتظر الى ان يجلب لها حسين شقه ولكن ستغير طريقه تعاملها مع رغداء
فى منزل خالد اتت ولاء لتجلس مع اختها وتحاول مواساتها وقامت بوسى بإستقبالها ببرود
خير يا ولاء مش اللى بيزور حد لازم يبلغ قبلها ولا يطب كدا زى القضى المستعجل
ايه ده والله وطلعلك صوت يا نجلاء من امته ده
من زمان يا حبيبتي المهم جايه ليه
جايه بيت امى
امك
لا ليه اخويا واختى
اخوكى مبقاش فاضلكم وراه مصاريف ولادة واختك اهه لو وحشتك خديها على الاقل توفرلنا شويه بدل ما هى واكله شاربه نايمه على قفانا
واهو ينوبك من الحب جانب من سيرتها اللى بقت على كل لسان
مس انتى السبب في اللى حصل ده
ليه وانا مالى هو انا اللى وقولتلها تروحله شقته
اختك من الاول مش كويسه انا لو وذتها زى هى ما بتقول ماعندهاش عقل تفكر بيه وتعرف الصح من الغلط ولا هى رايحه وبمزاجها عشان مزاجها ولما اتقفشت قالت تلبسها فيه
تصدقى انك مش متربيه وعايزه ربايه وانا اللى هربيكى
اقتربت منها ولاء وبدات فى جذبها من شعرها حاولت نجلاء الخلاص منها لكنها لم تستطع بسبب حملها
حاولت بوسى التدخل لفض الشجار لكنها لم تستطع
ظلت ولاء تركل نجلاء إلى أن سقطت نجلاء والدم والماء محاوطها من جميع الاتجاهات
عندما رأت ولاء ذلك الوضع خشت من ان تتحمل أى مسئوليه وتركت المنزل وهربت وظلت بوسى واقفه لا تعلم كيف أن تتصرف وقررت الإتصال بخالد الذى اتى مسرعا
يتبع..التالي
https://pub153.lamha.news/20232
كاملة
https://pub153.lamha.news/14518
