رواية قلب ليس من حقه الحب ( كاملة جميع الفصول) بقلم لؤلؤة حيرانة الفصل 46 إلى 51

باشمهندس
يوسف.. بقول حقك تتاخرى وتتاخرى وتتاخرى بس ايه ده ..كان مستخبى فين 
مى.. يوسف احناا قولنا ايه
يوسف.. انا اسف يا سمية ..بصراحة يعنى عيلتكم جننتنى يا ست مى
سمية تشعر بالخجل الشديد والتوتر.. هو ..احنا ..يعنى هنروح فين 
مى.. هههه هنروح النادى
يوسف.. عيزانا نروح فين واحنا هنروح ..اللى انتى تؤمرى بيه 
مى بجدية.. يوسف بعدين بأى
يوسف.. هههههه خلاص خلاص والله مش هنطق ..تانى خلاص 
كانت سمية تود ان تضرب نفسها على ملابسها تلك ومظهرها الجديد فكلام يوسف قد احرجها كثيرا فمابال غيره ترى سيعجبه ام لا حتى وان لم يعجبه يكفيها انها تشعر بالسعادة من داخلها ..كم كانت تتوق لهذه السعادة الممزوجة بالثقة منذ زمن بعيييييييييد .وصل الجميع الى النادى ذهب يوسف لملعب التنس ..واستاذنت سمية لتذهب لتشترى مياه كان لتوه انتهى من ماتش كرة القدم الذى يعشقها منذ الصغر ..توجه للكافتيريا ليشرب القليل من العصير ..هاتفه صديقه 
آسر.. ازيك يا جو ..ايه اخبارك ..
يوسف.. بلاش والنبى جو بتاعتك دى ..المهم انت فين 
آسر.. انا فى الكافتيريا انتو وصلتوا 
يوسف.. ايوة يا عم احنا فى ملعب التنس ومعايا حتة مفاجأة انما ايه ..
آسر.. مفاجأة ايه ..
يوسف.. تعالى وانت تعرف 
آسر بعند.. مش جاى غير لما تقول انا مبحبش كده
يوسف.. قفلتنى منك يا شيخ ايه ده لا هتيجى ومش هقولك
آسر.. طيب والله ما 
يوسف مقاطعا.. يخربيت دماغك خلاص خلاص متحلفش المفاجأة هى خطيبتك
آسر.. مييييين .سمية 
يوسف.. اى نعم ..بس ايه ..نيولوك هيعجبك جدا ..هنيالك يا عم العيال لو شافوها هيدوك عين تمام يا معلم
آسر بعصبية خفيفة.. ايه اللى جابها ..وعيال ايه وهباب ايه يا شيخ انت عارف يا يوسف لو حد شافها ولو عرفتها على حد على انها خطبتى ..مش هيحصلك طيب ..انا مش ناقص احراج
يوسف بضيق.. ليه يعنى ..هى مش خطيبتك 
آسر.. مؤقتا ..مؤقتا افهم يا بنى آدم
يوسف.. انجز وقول انك مكسوف حد يعرف انك خطبتها 
آسر.. ايوة يا سيدى مكسوف ارتحت كل واحد بيجى مع خطيبته شوف بتكون عاملة ازاى انا هجيبلهم سمية دى اعمل بيها ايه يوسف انجز واعمل اللى بقولك عليه ماشى ..
يوسف.. بس محدش له دعوة يا آسر وتاكد ان سمية احلى بنت ممكن تقابلها وكمان عمرها مهتكون مصدر خجل ليك ..بالعكس انت هتفخر بيها صدقنى
آسر بسخرية.. لا يا شيخ طيب هيلين كيلر حضرتها سلام يا يوسف انا جايلك سلام 
كانت تقف تنتظر البائع ان يحضر لها المياه شاهدت شخصا بجانبها تعرفه كان بملابسه الرياضية ..ياالله كم يبدوا وسيما وجذابا صحيح انه آآآآسر لكنه لم يلاحظها ..اعطت له ظهرها استمعت لكلماته تلك كلمة ..كلمة حرفا حرفا كانت كالصواعق التى تنزل على مسامعها ..كالسكين الذى ينغرس بقلبها كم مرة سيجرحها هكذا الى متى اخذت حاجياتها ..ثم توجهت اليهم مسرعة ..جلست بحوار مى ونغم 
مى.. انتى بتجيبى المياه من الببير ولا ايه اتاخرتى كده ليه
سمية.. ولا حاجة بس كان فيه زحمة المهم ..باشمهندس يوسف فين
مى.. بيجهز عشان يلعب الماتش 
نغم انا بحب التنس جدا ..مع انى جاهلة فيه يعنى معرفش بيتلعب ازاى او اى حاجة عنه ..لكن بحسه كده لعبة الملوك واولاد الناس
مى.. ههههههههههه ولاد ناس صح ايه ده ده آسر تحت فى الملعب مع يوسف اهه سمية ..
سمية.. .
مى.. سمية 
سمية.. هه ..نعم
مى.. نعم الله عليكى شوفتى آسر تحت اهه ..سبحان الله صدفة خير من الف ميعاد
سمية بابتسامة حزينة.. معتقدش هو بيلعب تنس 
مى بخبث.. ميين 
سمية.. ولا حاجة
نغمم.. حرام عليكى يا مى لما صدقنا تنطق 
مى.. ههههه ايوة بيلعب تنس بس بيحب القدم اكتر 
جلسن الثلاث فتيات يتابعن الماتش كانت مى ونغم تشجعان يوسف بينما سمية اكتفت بالمراقبة انتهت المباراة بالتعادل بينهما اخذ الاثنان حماما منعشا لهما ثم توجها للفتيات الثلاث .. 
يوسف.. انا قولتلك مش هتغلبنى
آسر.. يابنى انا لسة مخلص ماتش دلوقتى ..ده اللى رحمك من الهاتريك النهاردة
يوسف.. وطيب وايه رايك فى الهاتريك اللى قاعد ع الطربيزة هناك
آسر.. فين 
يوسف.. هناك ..
آسر.. ايوة ايوة ..دى مى ونغم ..مين التالتة 
يوسف.. ههههههههههههههه
آسر.. ايه يالا انت اتهبلت ولا ايه هو انا بقولك نكتة ..
يوسف.. ههههههههه ده انت اللى نكتة اسكت بأى احنا قربنا عليهم
يوسف.. السلاام عليكم مليتوا
مى.. لا ابدا ..ازيك يا آسر
آسر يحتضن اخته.. الحمد لله ازيك انت يا حبيبى ..
مى.. تمام الحمد لله
آسر.. ازيك يا نغم 
نغم.. تمام الحمد لله
آسر وقد تعرف على الثالثة انها سمية تفاجأمن مظهرها.. ازيك ..يا سمية..
سمية.. الحمد لله
مى تغمز له.. يوسف تعالى نسيت حاجة فى العربية
يوسف.. ههههه طيب يا حبيبتى ..عندك زهايملا انا عارف
نغم.. وانا هروح اشترىايس كريم ..اجيب لحد حاجة
سميةة.. انا جاية معاكى عشان متروحي لوحدك
مى بسرعة.. لالالا ..انا هوديها متقلقيش
آسر.. طيب هروح انا معاها ..
نغم.. هو انا عيلة ..محدش هييجى معايا ..لانى بصراحة بجيب جامبو ومش ناقصة تريقة من حضراتكم سلام
ذهب الجميع تاركين آسر وسمية كانت تمسك بمحبسها المرصع بالالماس وتلعب به باصابعها ناظرة الى اسفل ..بينما كانت يتابعها بسخرية ..هى حقا فتاة كفتيات الريف تتغير ليعجب بها خطيبها ..ياللسذاجة 
آسر بسخرية.. حلو اللوك بس مش كل حاجة المظهر الخارجى
سمية وقد احست بالحرج الشديد.. اكيد ..
آسر.. يعنى الانسان مفروض ميتغيرش عشان يعجب الناس ..ده بيكون انسان تافه ولا ايه رأيك
سمية يالوقاحته.. اكيد ..المهم انا كنت عايزة افاتح حضرتك ى موضوع
آسر.. اولا ياريت بلاش حضرتك ثانيا..انا مش فاضى انا قدامى نص ساعة وامشى فياريت تختصريه
سمية وقد شعرت بالاهانة الشديدة لها.. ولا انا فاضية المهم ..انا عارفة كل حاجة وعارفة موضوع الميراث وموضوع الوصية والسة زواج ف 
آسر مقاطعا.. وايه عرفك !!!!!!!!!!!!
سمية.. مش مهم تعرف ..المهم اللى هوله دلوقتى 
آسر ببسخرية.. اتفضلى حضرتك قولى المهم 
سمية.. نتفق اتفاق 
آسر.. اتفاق ايه 
سمية بخجل شديد.. الزواج هيكون على الورق بس يعنى ..السنة اللى هنقضيها مع بعض اللى انا وانت انجبرنا عليها ..نقعدها زى الاخوات بس محدش يعرف خصوصا بابا ..الموضوع ده هيكون بيننا
آ سر وقد احس بخجلها يعنى كل واحد ينام فى اوضة لوحده ..ومفيش علاقة زوجية بينا..تمام بس ايه المقابل
سمية باستغراب.. مقابل !!!!!!
آسر.. ايوة يعنى انتى هتسيبى بلدك وتيجى تقعدى معايا هناك كاخت ليا وهطلقك بعد سنة وهتدينى حقى فى ميراث ابويا .ايه اللى هتكسبيه من ده كله يعنى
سمية.. انى اديك حقك قولت ايه 
آسر.. قولت بس بشرط ..
سمية.. شرط !!!!!!!!!!!!!!!!!!
آسر.. ايوة محدش له دعوة بالتانى خاااااااااااااااااااااااااااالص متحاسبينيش..انا رايح ين وجاى منين وبعمل ايه احنا زى اى اتنين جيران اغراب عن بعض كمان ماشى 
سمية.. موافقة ..بس محدش يعرف اى حاجة عن الشرط ده خاااااااااااااااااااالص حتى مى ..الكلام ده بينى وبينك بس
آسر.. طيب بعد لما نظلق اكيد هتتجوزى وقتها هتقوليهم ايه
سمية.. اظن ده موضوع خاص بيا متشغلش نفسك بيه المهم اتفقنا
آسر بسعادة.. اتفقنا البارت ال 49
كانت سمية ترتاح لهذا الاتفاق برغم قلبها الذى يتمزق فانها ستكون بجانب من احبه قلبها ولكن ليس لها ان تناديه بما تشعر ليس لها ان ترتمى به فو وقت فرحها او حزنها لن تستطيع ان تتأبط ذراعه بفرح كاى زوجين لن تعيش كاى بنت اخرى احبت وستتزوج .اما هو فكان فى غاية السعادة فلقد تحقق كل شئ لقد حلت جميع مشاكله لكن هناك مشكلة لا بد ان يتخلص منها هناك زوجته ميرنا التى تعيش بالمنزل وسمية ستاتى معه كيف سيخبرهاويجعلها تتقبل وضع سمية ..سوف ينقلها لمنزل اخر ويخبرها بالاتفاقية ولكنه وعد سمية الا يخبر احدا ولكن هى لا تعرف ميرنا ولن تعرف اذن سيكون ما يريد 
آ سر.. انتى هتخلصى امتحاناتك امتى 
سمية.. بعد شهر ان شاء الله 
آسر.. انا كده هتاخر على السفر مينفعش تاجلى 
سمية بضيق لا طبعا .. عايز تسافر براحتك .بس انا امتحاناتى همتحنها ومش هاجل كفاية الامتياز بتاعى هنقل ورقه 
آسر باستغراب.. امتياز انتى هتنقليه فى امريكا !!!!!!
سمية.. ايوة هنقله للجامعة هناك وممكن اعمل معادلة ..مش هضيع مستقبلى وكمان ممكن ابدأ فى الماجستير 
آسر يرجع راسه للوراء ايوة ..ايوة انا كده فهمت .بس كنتى قوليلى على طول من غير لف ولا دوران 
سمية بعدم فهم.. لف ودوران ايه انا مش فاهمة حاجة 
آسر عاملة معايا اتفاق حسيت انك جيتى على نفسك فيه لكن ده كله عشان مستقبلك احييكى على تفكيرك العملى بجد برافو عصفورين بحجر واحد 
سمية بعصبية خفيفة.. على فكرة ده مش تفكيرى خالص لكن انت حر تعتقد اللى انت عايزه عن اذنك 
آسر بثقة.. واللى انا بعتقده هو الصح يا دكتورة اتفضلى فرصة .سعيدة
اخذت سمية حقيبتها وتوجهت مسرعة لبوابة الخروج باكية ..لماذا يفكر بها هكذا هى سوف تضيع على فسها فرصة تعيينها فى كليتها التى نادرا ما تتوفر لاحد ..وستسافر معه..وضحت بقلبها عندما وهبته لها كيف يفكر بها هكذا كيف . .ولكن استوقفتها نغم التى لمحتها 
نغم.. ابلة سمية ..حضرتك ماشية ..
سمية تكفكف دموعها.. ها ..ايوة ..
نغم.. ابلة سمية حضرتك بتعيطى 
سمية.. لا يا نغم يلا نروح انا عندى مذاكرة ودماغى مصدعة عشان خاطرى
نغم.. طيب طيب هروح استاذن من ابى آسر واسلم واجى ..
سمية برجاء.. انا استاذنت منه بالله عليكى يلا عشان خاطرى انا مش قادرة اقعد اكتر من كده
نغم.. طيب حاضر ومى..
سمية.. انا بعتلها رسالة يلا هناخد تاكسى 
نغم ماشى ..يلا 
ذهبت الفتاتان كانت طوال الطريق صامته ..دموعها سجينة عينيها كانت تختنق لاحظت ذلك نغم ولكنها اثرت الصمت ..فسمية ا تخبرها ولن ترد كالعادة ستكتفى بنظرة قوية لها آمرة اها بالصمت . كانت تجلس فى السيارة بجواره 
يوسف.. مالك فى ايه مين اللى باعتلك الرسالة 
مى بضيق.. دى سمية ..وبتقولى انها روحت هى ونغم
يوسف.. طيب يمكن آسر حب يقعد معاها فترة اطول فحب يوصلهم
مى مستنكرة.. هههه آسر لا يا حبيبى ..آسر عربيته قدامك اهه ..
يوسف يباى قلب الطربيزة ..
مى.. بالضبط .. اتصل بيه وقوله اننا ماشيين انا عندى شغل فى المكتب ..
يوسف.. ماشى 
اتصل يوسف بآسر 
آسر.. السلام عليكم ايوه يا يوسف
يوسف.. وعليكم السلام انا ومى ماشيين انت ايه نظامك 
آسر.. انا كمان مروح ..بقولك ايه تعالوا اتغدوا النهاردة معانا فى البيت ..مامت نفسها تشوفكم 
يوسف.. ربنا يسهل المهم عايز حاجة انا بسوق 
آسر.. هستناكم النهاردة سلام
يوسف.. سلام color
فى مكان آخر ..كان يجلس متوترا ينتظر مستقبله ..اهله يحاولون تهدئته ولكن لا جدوى 
مها.. ان شاء الله خيرر يا مالك ..والله يا حبيبى ربنا مهيضيع تعبك اهددى امال
مالك بتوتر وقلق.. يا جماعة نتيجتى النهاردة مستقبلى هيتحدد النهاردة ايه دى مش حاجة تقلق 
أحمد.. خللى عندك ثقة فى ربنا وبعدين تعالى اقرالى الجورنال 
مالك.. يا بابا جورنال ايه بس ده وقته
أحمد بعصبية مصطنعة.. ولد ..تعالى قولتلك
مالك بغيظ مكتوم.. حاضر يا بابا ايه ده مين ده فى ايه 
أحمد بنصف عين.. مالك ..اتهبلت ولا ايه 
مالك.. هو مين دول فى ايه .
مها بقلق.. مالك يا واد يا مالك فى ايه 
أحمد سعيدا.. فى ان ابنك طلع التانى على الجمهورية هههههه
مها بعدم تصديق.. انت بتهزر يا احمد هات يا واد الجورنال 
مالك بصوت عالى.. هه بابا ماما انا طلعت التانى على الجمهورية الحمد لله 
سجد مالك شكرا لله فورا ..وقام قبل راس والديه ويديهما 
أحمد مازحا.. عشان تسمع كلامى لما اقولك تعالى اقرا الجورنال 
مها.. يا حبيبى الف مبروك ..الف الف مبروك ايوة كده يا عيالى ربنا يخليكم ..رافعين راسى دايما 
مالك باكيا.. ياااه الحمد لله ..الحمد لله ..تعبى مضاعش ..
أحمد.. قوم يلا اتصل بسمية وملك وفرح اخواتك 
مالك.. تؤمر يا باشا 
مها.. هههه شوف الواد
أحمد.. ماهو خلاص رتب على الجمهورية ليه حق ..
مها.. ياااه يا احمد .الحمد لله ربنا يباركلنا فيهم يارب ويحفظهم ..انت لازم تطلع حاجة لله 
أحمد.. اكيد من غير ما تقولى 
وصلت سمية الى المنزل وهى ما زالت صامتة لم يعد خليل بعد الى المنزل قابلت اميرة بابتسامة صافية والقت تحيتها ثم صعدت لغرفتها ابدلت ثيابها ثم صلت الظهر جلست تقرا رواية لديها من روايات عبير جائها اتصال من اخيها .. 
سمية.. السلام عليكم ازيك يا حبيبى
مالك حزن مصطنع.. الله يسلمك ..ازيك 
سمية بقلق.. الحمد لله مالك فى ايه صوتك مش طبيعى ..بابا تعبان 
مالك.. لا بس انا ..جبت النتيجة للاسف 
سمية بقلق.. وبعدين 
مالك.. طلعت التانى على الجمهورية يا سمسمة 
سمية بتنهيدة.. بجد خحرام عليك موتنى من القلق يا بارد ..الله يسامحك انت بتقول ايه 
مالك.. ههههههه اخوكى الباشمهندس مالك طلع التانى على الجمهورية 
سمية بسعادة شديدة بجد يا مالك الف مبروك يا حبيبى الف الف مبروك ربنا يباركلك يارب ويحفظك ويتمم فرحتك على خير يارب
مالك.. اللهم امين عشان تعرفى بس اننا بردو نعرف نجيبها..مش حضرتك لووحدك
سمية.. هههههه لا يا بيبى ..انا كنت الاولى فمتفردش نفسك اوى كده هههههه ..يا حبيبى الف مبروك ..ياااه يا مالك والله كنت محتاجة للخبر ده
مالك.. ماشى يا ستى اى خدمة طمنينى ايه اخبار امتتحاناتك 
سمية.. الحمد لله دعواتك سلملى على بابا وماما ورهف كتير ..
مالك.. الله يسلمك وانتى سلميلى على اللى عندك ..
سمية.. الله يسلمك يا حبيبى مع السلامة ..
اغلقت سمية الهاتف مع اخيها وشكرت ربها ثم استسلمت لمذاكرتها كتبها التى لا تنتهى .. جاء خليل ثم صعد لغرفته ليبدل ثيابه ثم مر على غرفة سمية 
خليل.. ها ممكن ادخل 
سمية.. اكيد اتفضل يا عمو 
خليل.. السلام عليكم يا دكتورة ها ..ايه الاخبار 
سمية.. الحمد لله يا عمو 
خليل.. ايه اخبار النادى ..كان كويس 
سمية وقد تغير وجهها.. ايوة الحمد لله
خليل.. مالك 
سمية.. مليش ..الحمد لله ..
خليل قابلتيه هناك 
سمية.. والله مكنتش اعرف انه هناك
خليل مبتسما.. ضايقك 
سمية تتنهد بعمق.. هو بيعمل حاجة غير كده 
خليل بعصبية.. طيب مدام كده ..تكملى الموضضوع ده ليه ..انتى كده ماشية فى طريق نهايته مسدودة 
سمية.. متقلقش يا عمو ..انا عاملة حسابى
خليل ازاى يا بنتى صحتك مش لعبة ..انا زى باباكى ياا سمية وربنا عالم انتى بالنسبة ليا ايه يا حبيبتى صارحينى ايه السيبب اللى هيخليكى تتجوزى البنى ادم ده 
سمية.. اولا انا بعتبر حضرتك اب وصديق وقدوة مش اب بس ثانيا ..الموضوع لازم يكمل بالجواز لازم
خليل.. يعنى ايه لازم 
سمية بابتسامة حزينة.. يعنى لازم 
خليل.. طيب انا عارف مش هاخد منك حق ولا باطل المهم لو انتى هتتجوزيه ..لازم تقوليله على حالتك وعلى موضوع الاطفال
سمية بتوتر.. لا طبعا هو اساسا مش عايز اولاد يعنى ..جت من عنده خلاص يا عمو قفل على الموضوع لو سمحت
خليل مستغربا.. طيب ..تعالى عشان نتغدى ..ز
سمية مبتسمة.. معلش مليش نفس لما اخلص مذاكرة هنزل على فكرة مالك طلع التانى على الجمهورية 
خليل متفاجئا سعيدا.. بجد ..الف مبروك والله واستحوزتوا على الثانوية العامة يا اولاد الفيومى آسر وبعدين انتى وبعدين مالك برافو ربنا يبارك فيكم ياررب ..قولتى لاميرة..
سمية.. لا والله ..اصلهم لسة مكلمبينى ..حضرتك بأى قولها وفاجأها 
خليل.. ههههه ماشى ياحبيبتى انا نازل ولما تخلصى تعالى ..
سمية مبتسمة.. حاضر 
بينما فى بلدتهم كانت الولائم قد اعدت للاحتفال بنجاح مالك ووزعت الكثير من الصدقات والهدايا على الفقراء فقد كانت هذه عادة أحمد فهو رجل خير واتصل به خليل وهنئه على ذلك وايضا ملك وعمرو .انقضى ذلك اليوم وانقضت معه ايام كثيرة كانت سمية تطرد آسر من تفكيرها بمذاكرتها وكتبها فهذه هى حقيقة حياتها القادمة ..اهلها والعلم ودعوتها فقط هذه المثلث هو حياتها التى ربما تنتهى آجلا ام عاجلا انقضى الشهر ..وسافرت سمية الى بلدتها استقبلتها والدتها واهلها..وبدأوا بتجهيز العروس فعقد قرانها خلال ايام قليلة ..اجهدت سمية كثيرا فلقد خرجت من ضغط امتحانات لضغط عصبى ونفسى اكبر وهو العرس فلقد كانت تتألم عندما ترى الفرحة بعينى والديها وهى تعلم انها لا اساس لها ..وانها بذلك تخدعهم وهذا الذى ستتزوجه صوريا كيف سيعاملها كيف ستعيش معه انها خائفة نعم خائفة .تم الاتفاق على انه لن يكون هناك حفل ولكن اشهار فى المسجد واحتفال بسيط عائلى ببلدتهم الصغيرة ويتم ذلك ببيت أحمد ثم يسافر العروسان لن ترتدى سمية ثوب الزفاف الابيض التى تحلم به كل أنثى منذ نعومة اظافرها ل يكون هناك العرس الاسلامى الذى تمنته لن يكون هو زوجا لها يحبها كما تمنت وحلمت لن يكون جاء موعد عقد القران ارتدت سمية ثوبا بسيطا ولكنه كان جميلا ..ذا
لم تضع ايا من مساحيق التجميل ..ولكن زينها دينها تم عقد القران ..كان الجميع فى سعادة بالغة وتعددت اسباب سعادتهم واختلفت عدا خليل وعمرو وميرفت ..وايضا كل له سبب ضيقه تمت المراسم بهدوء وجاؤت لحظة سفر سمية 
صعدت سمية لتبدل ثيابها لقد حان وقت السفر دخلت غرفتها تتامل كل زاوية بها تتامل مكتبها سريرها صورها مع عائلتها شهادات التقدير المعلقة اجندتها الخاصة كل له ذكرى مختلفة سعيدة على قلبها ونادرة ستتركهم وترحل ترى هل ستعود اليهم ام لا جلست على فراشها تملس عليه تستشعر لمسته للمرة الاخيرة ربما اطلقت تنهيدة من قلبها ثم ترقرقت عبااراتها ..لتجد امها تطرق الباب وتدخل 
مها.. ايه يا سمية ده كله بتجهزى 
سمية تنظر لامها بابتسامة حانية وعيون حزينة . 
مها جلست بجانبها فى ايه بس ..هو فى عروسة يوم فرحها تكون كده ..
سمية.. هتوحشنى اوضتى اوى هيوحشنى بيتى يا ماما 
مها.. هههههه اولادى مبأتش اوضتك ولا ده بأى بيتك يا حبيبتى بيتك هو بيت جوزك ..وكمان اوضته هى اوضتك ..بلاش دلع ويلا انزلى ..آسر مستعجل
سمية.. ماما 
مها.. خير 
سمية انزلت راسها انا اسفة ل كنت دايقت حضرتك فى يوم او بابا او اخواتى متزعليش منى ارجوكى وسامحينى 
مها احتضنت بنتها.. يا حبيبتى انتى عمرك ما دايقتينى يا سمية ولا اخواتك ولا بابا كمان ربنا عالم انتى بالنسبة لينا ايه وبعدين ايه لازمته الكلام ده بس يلا قومى امال عريسك مستنيكى تحت 
سمية حاضر .
مها.. سمية انا عارفة انك كان نفسك فى فرح زى باقى البنات وفستان فرح وطرحة وزفة وعارفة ان ده ماثر عليكى ..بس يا حبيبتى اعذرى بابا وآسر وان شاء الله ربنا هيعوضك احسن ..ولسوف يعطيك ربك فترضى اوعى يا سمية فى يوم تخللى آسر يبات فى يوم زعلان منك او متدايق ..دايما حطى رضاه بعد رضا ربنا بحانه وتعالى ..استحمليه يا حبيبتى وعيشى معاه على الحلوة والمرة اتحنى مع الريح عشان متتكسريش ماشى يا حبيبتى .
سمية حاضر يا ماما 
مها.. يحضرلك الخير يا بنتى ويسعد ايامك يارب ويرضيكى يراضيكى يارب يا بنتى
سمية.. اللهم آمين .
مها.. يلا تعالى ننزل ..
تنزل سمية بجوار والدتها الى اسفل كانت ترتدى هذه الثياب وحجابها الطويل 
مرتبكة متوترة خائفة ..شعرت بها امها نظرت لها نظرة حانية ثم شدت على يديها نزلت لترى آسر فى استقبالها مد له يدها وعلى وجهه ابتسامة مصطنعة ..او ربما تكون حقيقية ..لا تدرى ..امسك بيدها وسار بها حتى وصل الى البقية ش اهتزت يدها قليل ثم صارت كقطعة ثلج واحمر وجههاكثيرا مما جعل آسر 
آسر مبتسما.. ايه يا بنتى هو انتى كنتى حاطة ايدك فى تلاجة متخفيش انا مش هاكلك 
وصلوا عند الجميع حتى يودعوهم..عدا ميرفت التى صعدت غرفتها وصلت لابيها هبطت لمستواه ..قبلت راسه ويديه 
أحمد.. الف مبروك يا حبيبتى ربنا يتمملك على خير خللى بالك من نفسك ..انا مش هوصيها عليك يا اسر لانى عارفها بس خللى بالك منها ..دى الغالية ربنا يهدى سركم يا اولاد يارب
رهف بدموع.. سمسة 
سمية نعم يا حبيبتى ..
رهف.. عايزة اجى معاكى عشان خاطرى ..والله هذاكر وهاكل كويس ومش هتفرج على التلفزيون وهعمل كل حاجة ..ومش هدايقك ابدا عشان خاطرى 
سمية بنرة حانية وبتأثر.. مينفعش المرة دى اقولك اتفاق ..تمام 
رهف بحزن تمام 
سمية.. بصى يا ستى انا هكلمك ع الميل ..واطمن عليكى وكلها كام شهر وارجعلك على طول وبعدها ان شاء الله صدقينى يارهف عمرى مهبعد عنك تانى عمرى وده وعد اتفقنا ..
رهف.. اكيد وعد 
سمية.. امممم
رهف.. اتفقنا س دى اخر مرة
سمية تقبل راس اختها وتهمس بصوت منخفض.. اكيد ..اكيد 
مالك تروحوا وترجعوا بالسلامة 
سمية.. الله يسلمك خللى بالك من بابا وماما ورهف يا مالك وخللى بالك من دراستك ..
مالك وهو يقبل راس اخته.. متقلقيش هتوحشينى اوى
سمية.. وانت كمان ادعيلى بالله عليك اوعى تنسانى من دعائك..
آسر مازحا.. ده احنا الل مفروض ندعيله احنا على سفر ودعائنامستجاب ان شاء الله 
عمرو يسلم على آسر فعلا ..الف مبروك مرة تانية تروحوا وترجعوا بالسلامة آسر اوعى تزعلها فى يوم ..اوعى
آسر بضيق.. ربنا مايجيب زعل ان شاء الله وعلى العموم الله يبارك فيك
عمرو يقترب من سمية ويسلم عليها ثم يهمس لها وانتى تعالى هنا هتوحشيى والله ..اوعى فى يوم تيجى على نفسك او تضعفى خليكى قوية