رواية قلب ليس من حقه الحب ( كاملة جميع الفصول) بقلم لؤلؤة حيرانة الفصل 46 إلى 51

معاه متفرطيش فى حقك انا موجود فى اى وقت لو احتجتينى ..انتى عارفة كده كويس 
سمية بابتسامة.. عارفة سلملى على ملك ربنا يقومها بالسلامة 
آسر بنفاذ صبر.. يلا اتاخرنا على فكرة ..امال فين عمو خليل معاه التذاكر 
أحمد.. دخل يكلم التليفون اهه جه
خليل الحمد لله انكم ممشيتوش
آسر مبتسما هنمشى ازاى وحضرتك معاك التذاكر يعنى 
خليل.. هههههه تصدق معلش اتاخرت عليكم بس كان فى حاجة مهمة ..
سمية.. سلملى على طنط أميرة ونغم وقول لنغم الف سلامة ربا يشفيها ان شاء الله ..
خليل بنظرة ذات معنى لسمية.. الله يسلمك يا حبيبتى المهم .زعندى مفاجأة بس معرفش هتفرحكم ولا لا 
سمية بترقب.. خييييير
خليل.. خير ان شاء الله انا جبت نتيجتك من الكترول وللاسف يا سمية 
أحمد بضيق.. ده وقته يا خليل هتقلق البنت وتنكد عليها يعنى خليل.. لا والله ابدا كل الموضوع ان ..ان ..سمية طلعت الاولى على دفعتها ..ومن حقها تختار القسم اللى عايزة تتعين فيه والسنة دى كمان ..انا كنت بكلم شؤون الطلاب والعميد ..وبس كده
آسر متفاحئآ الاولى 
خليل.. ايوة الحمد لله سمية كانت بتطلع الاولى على دفعتها كل سنة بس حبت تعملها ليكم مفاجأة وتكون فى اخر سنة ..سمية سجدت لله لم يهمها احد ولم تر احد وهمست.. الحمد لله ربنا عوضنى الحمد لله
الجميع.. الف مبروك ياسمسمة 
خليل.. الف مبروك فكرى فى موضوع التعيين لما تسافرى ..وبلغينى ماشى
سمية.. حاضر 
آسر.. يلا يا سمية هنتاخر 
خليل.. انت مستعجل باين عليك ههههه المهم تذكرتك اه ..وانتى تذكرتك اهه وروحو مع السلامة ..يلا مستنيين ايه 
اخذ آسر عروسه بسيارته ثم انطلق كانت حالة من الصمت تسود المكان كانت تنظر الى الطريق من خلال النافذة المغلقة بجوارها حتى بادرها 
آسر.. الف مبروك مكنتش فاكر انك شاطرة اوى كده 
سمية ولم تنظر اليه.. الله يبارك فيك الحمد لله ..ده توفيق من ربنا 
آسر.. طيب هتعملى ايه فرصة التعيين فى القصر العينى مبتتكررش 
سمية.. عارفة ..ربنا يقدم اللى فيه الخير ..
آسر.. يعنى هتنزلى مصر على اول السنة وتتعينى
سمية.. متقلقش انا وعدتك وصية عمو محمود هتتنفذ زى ما هى ..وموضوع التعيين ربنا يسهل فيه اللى ربنا رايده هيكون
آسر.. انا متشكر 
سمية.. متشكرنيش انا معملتش حاجة تستحق الشكر ..المهم ..قول دعاء السفر احنا لسة مقولناهوش ..
آسر بتعجب.. وانتى هتقولى ورايا يعنى ..انتى متعرفيهوش 
سمية.. بابا كان بيقول وانا ارد عليه 
آسر ااااه بابا باين عليكى مبتعتمديش على نفسك لازم تكونى معتمدة على نفسك اكتر من كده هناك ..لانى مش هكون معاكى طول الوقت ..
سمية.. ان شاء الله 
آسر.. سبحان الذى سخر لنا هذا وما كنا له مقرنين وانا الى ربنا لمنقلبون ..اللهم بك نصول وبك نجول وبك نسير ..اللهم انت الصاحب فى السفر والخليفة فى الاهل ..اللهم هون علينا سفرنا هذاواطوى عنا بعده اللهم انا نسالك فى سفرنا هذا البر والتقوى ومن العمل ما ترضى اللهم انا نعوذ بك من وعثاء السفر وكآبة المنظر وسوء المنقلب فى المال والاهل والولد آمين
سمية.. آمين ممكن توطى التكييف الجو برد ..
آسر.. حاضر
كانت سمية تريد ان تختبر آسر هل هوو يذكر ربه حتى فى سفره ام لا ..فاطمأنت عندما لتى الدعاء نامت سمية اثناء الطريق ..فقد كانت متعبة ومجهدة جدا ..وصولواالمطار ..ثم توجهوا لصالة الركاب ..توجهوا للحافلة لتقلهم الى الطائرة ركبوا الطائرة 
آسر.. بتعرفى تربطى الحزام
سمية.. ايوة 
بدأت الطائرة فى التحرك ..استعدادا للاقلاع اخرجت سمية من حقيبتهاعلبة دواء ثم اخذت حبة من الدواء خشية ان يحدث لها شئ من تغير الضغط داخل الطائرة لاحظ ذلك آسر .. 
آسر.. ايه ده 
سمية.. ده ..ده عشان بس الطيارة وتغيير الضغط ..
آسر ايوة بس مش صعب للدرجة ..المهم رجعى راسك لورا واكتمى ودنك عشان هتطلع خلاص ..
سمية.. اممم حاضر ..
بدأت الطائرة فى الاقلاع حتى استقرت بين السحب استغرقت الرحلة حوالى 8 ساعات ..حتى وصلوا ارض القارة الامريكية فى ولاية كونتيكيت نزلوا الى المطار استأذن منها ليدخل الحمام بينما جلست تنتظره اتصل بزوجته 
ميرنا بلهفة.. الو ..آسر ..اهلا حبيبى انت فين 
آسر.. ازيك يا ميرنا انا الحمد لله كويس يا حبيبتى طمنينى ايه اخبار البيت الجديد ..
ميرنا.. انه مريح جدا لكنن اين انت
آسر انا فى امريكا ..
ميرنا متفاجئة.. ماذا امريكا لماذا لم تخبرنى لاستقبلك حبيبى ..
آسر.. حبيت اعملهالك مفاجأة المهم انا عندى حاجة مهمة هعملها وهاجى معلش هتاخر شوية 
ميرنا بصوت مغرى.. اوك وانا بانتظارك لقد اشتقت اليك كثيرا 
آسر.. وانا اكتر يا حبيبتى انا مضطر اقفل ..هتوحشينى لحد ما اجى ..
ميرنا.. باى آسر 
كانت سمية فى هذه الاثناء تجلس بالمطار تنتظره..جلس بقربها ام وابنتها كانت الطفلة فى عمر الاربع او الخمس سنوات تجلس بجوار والدتها ويمزحان مع بعضهما نظرت سمية اليها بحب وحنان استأنت والدة الطفلة من سمية ان تبقى ابنتتها بجوارها قليلا رحبت سمية جلست بجوار الطفلة ثم اخرجت ..حلوى من حقيبتها وقدمتها الى الطفلة 
الطفلة.. شكرا لك 
سمية على الرحب والسعة صغيرتى ما اسمك 
الطفلة.. ساندى ..
سمية مبتسمة.. ساندى ياله من اسم جميل عزيزتى وانا ادعى سمية 
الطفلة ببراءة.. لا استطيع نطق اسمك كما نطقتى اسمى ولكنه بالتاكيد اسم جميل ايضا 
سمية تقبل راسها.. هذا شرف لى ان يعجبك اسمى 
الطفلة.. اووه لقد جاءت امى 
الوالدة.. اتمنى الا تكون ازعجتك 
سمية.. لا انها طفلة جميلة وهادئة باركها الله ..
الوالدة.. شكرا لك عزيزتى استأذنك ..
سمية.. تفضلى الى اللقاء ساندى 
ساندى.. الى اللقاء صديقتى 
خرج آسر بعد انتهاء مكالمته فشاهد سمية معها طفلة تحدثها ويبدو عليها الفرح نوعا ما ..انتظر حتى انتهت ثم توجه اليها وجلس بجوارها. 
آسر.. معلش اتاخرت عليكى 
سمية.. لا عادى محستش بالوقت احنا هنفضل قاعدين ولا هنروح ..
آسر كان يعبث بهاتفه.. اكيد مش هنبات هنا بس الورق بيختموه ..
سمية.. ماشى 
آسر.. الو يا باسل ايوة وصلت لالا ملوش لازمة .لا انا معايا العربية هنا ايوة معايا لا تعالى ع البيت عايزك فى حاجة مهمة ماشى ..كلها نص ساعة .ماشى ..مع السلامة 
الورق زمانه خلص يلا لانى بجد تعبان 
سمية.. حاضر .
خرجت سمية بجواره وركبا سيارته .وصللا الى المنزل وجد آسر صديقه وزوجته يمن..ينتظرانهم بالحديقة الخارجية 
باسل وهو يعانق آسر.. اهلا وسهلا ..حمد لله على سلامتكن
آسر.. الله يسلمك .. واحشنى والله
باسل.. وانت اكتر والله اهلين بالعروسة الف مبروك ..
سمية بصوت منخفض تنظرالى اسفل.. الله يبارك فى حضرتك 
يمن بابتسامة.. اهلا وسهلا بالعروس انا يمن زوجة باسل هاديك اللى بيسلم على زوجك
سمية بابتسامة.. اهلا وسهلا ..تشرفت بمعرفتك 
يمن.. شواسمك 
سمية باحراج.. سمية
يمن.. عاشت الاسامى حبيبتى 
آسر.. مش يلا ندخل نكمل التعارف جوه ولا ايه 
باسل.. لا ..دخيلك ..بس يمن جابت اشيا للاكل وهيك مشانكن بترككن وبنروح يلا حبيبتى
آسر.. يا ابنى ادخل عايزك وبعدين دخل معايا الشنط حتى ..
دخل الجميع الى المنزل كان المنزل مريح وهادئ توجه آسر وباسل لغرفة المكتب ..بينما جلست يمن بجوار سمية فى غرفة المعيشة ..لاحظت انها فتاة هادئة خجولة يبدو عليها التدين والخلق الحسن ..اشفقت عليها من زوجها فهو متزوج من اخرى ويحبها فلقد اخبر آسر باسل بزواجه وطبيعته 
يمن.. حمد لله على سلامتك فيكى تروحى تبدلى ثيابك ..
سمية.. لا ملوش لزوم انا فرحانة انى لقيت حد عربى هنا كنت فاكرة مش هلااقى حد عربى هنا بجد سعيدة جدا بمعرفتك ..بس بجد انتى تعبتى نفسك ..
يمن.. وانا اسعد والله وبعدين عيب ها الكلام ..مافى تعب ولا اشى ..انتى شو بتدرسى 
سمية.. انا خلصت طب الحمد لله
يمن.. ماشا الله مو مبين عليكى ..باسل كمان دكتور بيحضر دكتوراة فى جراحة وعمليات زرع القلب
سمية متفاجئة.. بجد 
يمن.. اى ..عن جد .
جلست الفتاتان تتحدثان بينما كان هناك حديثا آخر فى مكتبه 
باسل.. والله حرام عليك هالبنت يعنى هى مو حمل بهدلتك هى
آسر.. يا سيدى انا راضى وهى راضية ..المهم دلوقتى انا هروح عندد ميرنا دلوقتى ..وهفهمها ادينى العنوان ..اوعى يكون بعيد 
باسل متفاجئا.. وراح تتركها 
آسر.. ياسيدى هو سواد الليل وهاجى 
باسل.. كيف راح تتركها لحالها بها الوقت وكمان هون بامريكا البنت يمكن تخاف آسر 
آسر.. امال السيكيورتى اللى بيعمل ايه ممتقلقش ويلا عشان مش عايز اتاخر 
باسل.. طيب انا راح خللى يمن تبات هون وبقلها انه عندى شغلة انا وياك بس هاى اخر مرة بساعدك ..والله اخر مرة همت شو عم قول 
آسر.. ماشى انا بس عايز افهم ميرنا الموضوع ومتقلقش مش هحتاج مساعدتك تانى 
خرج الرجلان ..وقام باسل بمناداة يمن ..واخبرها ..حزنت سمية كيف يتركها هكذا انها ببلد غريب ومع اناس لا تعرفهم ..كيف يأمن عليها شعرت بالحرج الشديد ..كيف يتركها هكذا امامهم شعرت بها يمن رمقت باسل نظرة نارية بينما رد عليها بنظرة تعنى ماذنبى خرج الرجلان بينما صعدت سمية ويمن الى اعلى اخذت تستكشف المنزل ..فوجدت غرفة نوم يبدو انها لعروسين فعلا بها حمامها الخاص هى لا تعرف انها غرفة آسر وميرنا ذهبت لغرفة أخرى وجدتها ابسط واكثر راحة ..فنقلت بها اغراضها ثم ساعدتها يمن ففى ترتيب ملابسها حتى جائت لحقيبة سفر صغيرة ..ولكنها مغلقة فتحتها سمية لتكون الصدمة على وجهها ..فهى ملابس النوم لاى عروس لاحظت يمن .. 
يمن بخبث.. شو بك ..فيها عفريت
سمية.. هه لا بس دى مش هنرتبها انا جبتها غلط من البيت ..المهم ..انتى هتنامى هنا معايا ولا تحبى تنامى فى اوضة تانية 
يمن.. هههه ماشى ..لا راح نام بغرفة تانية ..اذا مو بتاخافى تنامى لحالك ..
سمية لا عادى ..براحتك اتفضل بيجامة نوم اهه ..
يمن.. لا هاى للعروس انا راح نام هيك ..
سمية بابتسامة.. اعتبريها هدية وبعدين هى كبيرة عليا شوية .. بس يارب تطلع على مقاسك ..
يمن.. هههههه معك حق كبيرة فعلا ..المهم انا راح بدل تيابى وبنزل اجيب اكل راح تنزلى ولا بتنامى ..
سمية بوجه متغير.. لا هنام 
يمن بقلق سمية شو بك انتى منيحة 
سمية.. ايوة الحمد لله بس..الارهاق من السفر 
يمن.. طيب حبيتى ارتاحى لو بدك شى انا بالغرفة التاني تصبحى على خير
سمية.. وانتى من اهله 
حرجت يمن لتترك سمية تبدل ثيابها كانت تشعر بالارهاق الشديد هى لم تعد منتظمة على دوائها شعرت بنفسها يختنق ..اخذت دوائها ثم جلست على السرير شعرت كم هى وحيدة تذكرت اهلها وبلدها نامت سمية اثناء تفكيرها فى هذه الاثناءدخل منزله الجديد ليراه ظلامها ..يوجد موسيقى هادئة وضوء شموع ..ورائحة طيبة تعم المكان 
آسر.. ميرنا حبيبى انا جيت ..
قدمت اليه ..ليجدها ترتدى ملابس جميلة 
آسر.. ماذا تنوين ان تفعلى بى ايتها الساحرة 
ميرنا بضحكة انثوية.. لا شئ ..لقد اشتقت اليك فحسب 
آسر.. ميرنا ..انتى بتحبينى صح
ميرنا.. بالتاكيد 
آسر.. ساحكى لك موضوعا ما حدث بمصر ..
ميرنا بوجه متغير.. بخصوص ابنة عمك ..
آسر يقبلها.. للاسف ..اسمعىنى الان 
ميرنا.. اسمعك ..
حكى آسر لميرنا ماحدث كله وطبيعة زواجه ..وكل شئ بكت ميرنا وثارت عليه .. 
ميرنا.. لماذا اتيت بها الى هنا ..اذا كان زواجكما صوريا ..لماذا
آسر.. لانه شرط بوصية ابى اررجوكى حبيبتى ..اعدكك انه لن يحدث اى شئ بينى وبينها حبيبتى كيف انظر لنجم وانا بين يدى القمر 
ميرنا.. هى اذن جميلة 
آسر.. هههه لا ..ليست كذلك انت تفوقينها انتى بداخلى انا ارجوكى ساعدينى
ميرنا.. حسنا لنر ماذا سيتم 
آسر اشكرك حبيبتى الان لابد ان اذهب لقد تاخرت 
ميرنا بعصبية.. تاخرت عليها اذا 
آسر لا بل تاخرت على باسل لان زوجته قضت ليلتها بجوار سمية حتى لا تشعر بشئ ارجوكى تفهمى الموقف .
ميرنا.. ساحاول ..
استيقظت من نومها على طرقات خفيفة من يمن تستاذن بالدخول اذنت لها سمية .. 
يمن.. شكلك تقلتى بالعشا مع انك مو دقتى اشى 
سمية ههههه تقريبا كده ..انتى مصحيتينيش للفجر ليه 
يمن والله حاولت بس حسيتك تعبانة ..صعبتى عليا كتير فتركتك المهم قومى صللى هلا ..والفطور تحت ..انا جهزته لا تواخذينى..
سمية بامتنان.. تعبتى نفسك بجد ..متشكرة جدا 
يمن.. لا تقولى هيك والله انا حبيتك كتير مناول ماشفتك خلينا اخوات..حبيبتى
سمية.. اكيد طبعا اخوات ..
يمن بخبث.. يلا قومى هلا بلا كسل ..وتجهزى منيح زوجك راح ييجى 
سمية بوجه احمر.. ان شاء الله انا هقوم اغير 
قامت سمية وابدلت ملابسها وصلت صلاتها ثم جلست تتلو وردها ثم هبطت لاسفل 
يمن متفاجئة انتى شو لابسة هاد مولبس عروس..
سمية.. عشان بس لو دكتور باسل جه .
يمن.. لا حبيبتى اطلعى بدلى تيابك هو راح يفوت عليا بياخدنى ..وجوزك راح ييجى لحاله ..يلا فوقى بدلى تيابك ..
سمية.. حاضر ..
صعدت سمية لتريح يمن ولكنها لن تبدل ثيابها كانت ترتدى بنطلون من الكتان الواسع ابيض اللون تعلوه بلوزه طويلة من نفس الخامة تصل لاسفل ركبتها يمتزج بها اللونان الابيض والاسود ويعلوها الحجاب الهادئ الطويل سمعت صوت يمن..تخبرها بانها ذاهبة نزلت سمية لاسفل لتجد انه لا احد هناك جائها اتصال من آسر انه ستاخر بالجامعة ..صعدت مرة اخرى وابدلت ثيابها ..ارتدت ..بنطلون جينز من اللون الرصاصى ..وبلوزة قصيرة يمتزج بها اللونان الرصاصى والاحمر مشطت شعرها لتتركه منسدلا على كتفيها ولكن وضعت به من الجانبين ما يرفعه ..نزلت لاسفل تناولت افطارها اخذت تستكشف المنزل حتى اتاها اتصال من والدتها ووالده للاطمئنان عليها طمئنتهم انها بحال ممتاز انتهت من مكالمتها ثم فتخت التلفاز لم تجدعليه قنوات عربية ..حاولت اعادة برمجته لكنها لم تفلح كانت تتمنى ان تجد ما ينبهها بالاذان تذكرت هاتفها انه عليه مواقيت الصلاة ..غيرت توقيته ..واوطمئنت هكذا انقضى اليوم ..حتى حل المساء صعدت لتبدل ثيابها فآسر ربما يعود فى هذا الوقت ابدلت ثيابها لملابس فضفاضة ..وارتدت حجابها وما هى الا دقائق حتى سمعت صوت آسر نزلت لتجده يخلع معطفه ..ويجلس على الاريكة 
سمية.. حمد لله على السلامة
آسر.. الله يسلمك ..امبارح كنت مضطر اسيبك ..انا فهمتك انى مش هكون فاضى
سمية.. انت مش محتاج تبرر المهم ..انت كلت
آسر.. لا والله فيه اكل هنا
سمية.. ايوة ثوانى هحطلك 
آسر.. لا متتعبيش نفسك احنا اتفقنا كل واحد فى حاله
سمية بضيق.. براحتك ..انا طالعة انام عن اذنك 
آسر.. طيب ماشى ..صحيح انتى لابسة كده ليه 
سمية.. ازاى يعنى
آسر.. يعنى الطرحة وكده ..الجو مش برد للدرجة اقعدى براحتك ..كانك فى بيتك ثم تابع بسخربة.. كانه ليه مهو بيتك فعلا
سمية.. ..عن اذنك ..
صعدت سمية الى غرفتها ابدلت ثيابها ثم نامت كانت مثل الملاك النائم ..تناول آسر طعامه ثم صعد الى الغرفة تبادر الى ذهنه انها نائمة فى الغرفة الرئيسية دخل الغرفة الاخرى واشعل الضوء..ليجد هناك شخص ما نائم ..انها هى ..شعرها مفرود على وسادتها كانت نائمة كالاطفال متكورة على نفسها تحتضن غطائها اطلق ضحكة 
آسر.. انا بقول انها طفلة بردو 
شعرت بصوته حاولت ان تستيقظ فزعت عندما راته واقفا على بابها ..انتبهت انها بدون حجاب وبملابس النوم غطت نفسها جيدا ..ثم قالت من تحت الغطاء بصوت متهدج ومتوتر 
سمية.. انت بتعمل ايه هنا ..
آسر بارتباك.. كنت ..كنت ..فاكرك فى الاوضة التانية فجيت هنا ..انا اسف 
سمية.. اتفضل لو سمحت
آسر.. انا اسف مرة تانية 
توجه الى غرفته ..متعجبا انها كالطفلة النائمة ..بملامحها الهادئة البسيطة ثم ابتسم عندما تذكر كيف جزعت عدما رأته استسلم للنوم انقضت الليلة ثم اتى صباح جديد عليها ببلد جديد استيقظت سمية لتصلى الفجر ثم طرقت على باب غرفته لتوقظه حتى استيقظ ث صلى ونام ثانية ..بينما هى صلت جلست تتلو وردها كعادتها..ثم تلت اذكار الصباح والمساء ..ثم نامت استيقظ آسر ثم توجه لغرفتها طرقها عدة طرقات ..حتى استيقظت ..اخبرها انه سيذهب لجامعته ..فسالته ان يستفسر عن موضوع ورقها واممكانية استكمال دراستها انقضى اليوم حتى حل المساء توجه آسر لمنزله ..دخل ..كانت سمية بالمطبخ ..تحضر العشاء ..فهذا موعد قدومه ..كالامس القى عليها السلام ..ثم توجه لغرفته وابدل ثيابه ثم هبط الى اسفل ليجد السفرة مرتبة .. 
سمية.. .اتفضل الاكل جاهز
آسر.. انا قولتلك ايه امبارح ..ملوش لازمة تتعبى نفسك
سمية.. اولا انا متعبتش ثانيا انا كنت بحضر لنفسى اكل معملتوش مخصوص
آسر جلس على كرسى امام طاولة الطعام.. يااه ..باين عليكى بتهتمى باكلك اوى 
سمية.. بالهنا والشفا ..
آسر.. صحيح ..انا اسف امبارح فعلا مكنتش اعرف انك نمتى فيها ..منمتيش فى الاوضة التانية ليه
سمية.. مرتحتش لما دخلتها 
آسر.. على فكرة مفيش داعى للطرحة واللبس ده ..انا قدام ربنا جوزك دلوقتى .
سمية بوجه خجل.. احنا بينا اتفاق وبعد كده كل واحد هيروح لحاه
آسر.. وانا مقولتش هخلفه ..انا بقول متكتفيش نفسك ..هتقعدى ليل نهار كده ..مينفعش ..خدى راحتك يا بنت الناس اعتبرينى اخوكى ولا اقولك اعتبرينى عمرو جوز ملك 
سمية.. ان شاء الله ..
آسر.. طيب الحمد لله ..سفرة دايمة ..
انقضت الايام حتى بدأت سمي فى الانتظام بجامعتها هناك كان باسل يساعدها كثيرا فلقد قررت التخصص فى طب الاطفال كان مشرفها سعيدا جدا بها وكان خليل ايضا سعيدا بذلك فقد عوضت شيئا مما خسرته بتخليها عن فرصة تعيينها ..كان شرط آسر الا يعرف احد فى الجامعة بزواجهما فى هذه الايام اقتربت سمية من آسر اكثر وتعلق به قلبها اكثر وهو اقترب منها ايضا ليجدها بريئة جدا وقريبة من ربها استعجب لحالتها .وايقن ان هناك سر فى ذلك بينما كان يحاول ان يقضى وقتا اطول بجوار ميرنا ..فكان دائم الخروج مها نادرا ما يبيت عندها كان عندها فى يوم ..قدم لزيارتهم احدهم ..فتح آسر الباب ليجد كريستين وسيف 
آسر.. اهلا وسهلا تفضلا 
سيف.. حمد لله على سلامتك وحشتنا يا راجل
آسر بعدم ارتياح.. وانت كمان كيف حاتلك كريس 
كريستين.. جيدة ..لقد افتقدتك صديقتى كثيرا
آسر.. وانا ايضا تفضلوا 
مر بعض الوقت كان آسر يشعر بعدم الارتياح استاذن منهم معللا ببعض العمل لديه خارجا ..لاحظوا ضيق ميرنا استشف سيف وجود سمية غادر آسر المنزل ..اجهشت مميرنا فى البكاء فلم تحتمل وروت لهم ما حدث احس سيف بالسعادة فهدفه فى الانتقام بات محققا كان الوقت متاخرا جدا كانت تنتظر بالحديقة الخارجية فالمفاتيح نسيتهاا بالداخل وليس لديها هاتف نقال كان الجو بارد جدا وتتساقط الثلوج عرض عليها عامل الامن ان تدخل تحتمى بغرفته .ولكنها رفضت بادب جم حاول الاتصال باسر ..ولكن الشبكات سيئة احتمت بمظلة موجودة معها وجلست فى الحديقة ..حتى جاء 
آسر متفاجئا.. سمية انتى ايه اللى مقعدك برة دلوقتى 
سمية ترتعش.. المفتاح نسيته ومفيش مع السكيورتى مفتاح 
آسر يتجه نحوها.. انتى من وقت لما جيتى وانتىى هنا !!!!!!البارت ال 51
ذهب الى امريكا ليحضر مؤتمرا علميا فاخذ زوجته بناءا على طلبها لتلد هناك فهى تريد ان يحمل ابنها الجنسية تمت ولادتها بنجاح ثم جاء موعد خروجهما تفاجأ كثيرا عندما رآها لقد تغيرت ..اين نظارتها الطبية لاحظت زوجته 
نرمين.. خير يا حبيبى فى ايه 
محمد.. بشبه على الدكتورة اللى واقفة هناك 
نرمين.. مين 
محمد.. تقريبا دى سمية 
نرمين بضيق.. امممم خطيبتك الاولانية .
محمد.. هههههه قصدك التانية يا حبيبتى المهم تعالى نشوفها 
ننرمين بعصبية بسيطة.. لا مش هتروح يا محمد قال نروح قال
محمد.. يا حبيبة قلبى متنسيش انها سبب اننا رجعنا لبعض وبعدين احنا فى غربة من واجبنا كده عشان خاطرى 
نرمين.. اوووف طيب طيب يلا
تمسكت بذراعه بشدة كاانها ملكته للابد هى فقط لن يستطيع احد اخذه منها اقتربوا منها 
محمد.. دكتورة سمية .
سمية متفاجئة.. م ..دكتور محمد 
نرمين.. ازيك يا دكتورة انا نرمين مرات محمد 
سمية بارتباك.. الحمد.. لله تشرفنا اهلا وسهلا ..
محمد.. خير انتى بتشتغلى هنا 
سمية بابتسامة.. لا انا بكمل دراستى مين البيبى الصغنن ده ابنكم 
محمد بابتسامه يقبل راس طفله.. ايوة ..ده أسامة ..
نرمين بتاكيد.. ابننا وانتى يا دكتورة هنا لوحدك 
سمية وقد فهمت ما ترمى اليه فهى تريد ان تطمئن متزوجة او بعيدة عن زوجها ..فاجابتها بصراحة ..وبثقة مصحوبة بابتسامة.. اطمنى يا مدام نرمين .حمد لله على سلامتك ..باين على البيبى انه لسة مولود ربنا يخليه ليكم 
نرمين.. مش يلا يا محمد انا تعبانة فرصة سعيدة يا دكتورة
محمد.. اتفضلى رقمى ياا سمية لو احتجتى اى حاجة انا موجود هنا لمدة اسبوعين كمان ..لحد لما نرمين ترتاح ونقدر نسافر هتحتاجى اى حاجة منى دلوقتى
سمية.. جزاكم الله خيرا توصلوا بالسلامة ان شاء الله فرصة سعيدة يا مدام نرمين 
نرمين.. وانا اسعد يلا بأى يا محمد 
محمد.. حاضر يا نرمين مع السلامة يا سمية 
سمية.. فى رعاية الله 
انتهى من مناقشة مشرف رسالته سريعا وتم تحديد موعد المناقشة قرر ان يمر عليها ليصطحبها فميرنا مشغولة اليوم وستمكث مع والدها الليلة وصل الى المشفى ليراها تقف بجوار اثنين زوج وزوجة معهم طفلهم ..انتظر حتى انتهت من حديثها معهم فتحرك آسر باتجاها فقابل الاثنان واقترب منهم وسمع حديثهما بصدمة 
نرمين.. لو احتجتى حاجة يا سمية اتصلى انا موجود ما كنت تقولها تعالى اقعدى معانا يا سمية
محمد.. انا كنت بكلمها عادى جدا غيرتك هى