رواية فى ساعته وأوانه بقلم نشوى عادل كاملة رامي وسما
المحتويات
تبكى على تسرعك واختيارك الغلط والولاد اللى بتتكلمى عنها دى هتفضل تلومك كل يوم على اختيارك ليهم اب غلط
هدأت سما قليلا ونامت بين اذرع سلمى اللى خرجت بهدوء لما تأكدت انها راحت بالنوم
يوسف.. هى كويسة
سلمى.. اه الحمدلله ونامت دلوقتى
محمد.. انا مصدوم فيها بجد معقول هى دى سما بنتى
سلمى.. يا بابا سما نفسها تكون زوجة وام وده حلم اى بنوتة
محمد.. وانا كنت منعتها ما هو ع يدك اتقدم ليها امة لا اله الا الله منهم اللى تعرفهم ومنهم اللى متعرفش فيهم حد وكانت بترفض قطعا هو انا اللى كنت واقف قصاد جوازها ومانعه
سلمى.. الفكرة انه رامى ده اختيارها يا بابا
محمد.. اختيار اسود ومنيل وانا لو وافقتها عليه ابقى بقدمها بايدى للهلاك وللاسف مش هقدر اتبرى منها واقول تخفى باختيارها انا اللى هعيش محروق بنارها لانى واثق ومتأكد ان الواد ده غدار زى ابوه ملهوش امان
يوسف.. هو حضرتك تعرف ابوه يا عمى
محمد.. عز المعرفة راجل بخيل مع انه معاه ومبسوط الست اللى كانت هنا دى وقفت جنبه لحد ما عمل اسمه ويوم ما اتقلب اتقلب عليها هى وراح اتجوز عليها واحدة بنت حسب ونسب وبعدها طلقها ورماها بابنها
سلمى.. اهدى يا بابا عشان خاطرى صدقنى انا واثقة ان دى لحظة تسرع منها وهتفوق منها لما تفكر بعقلها صح
محمد.. اتمنى ده من ربنا لان والله لو فضلت راكبة دماغها ما هحضر ليها اى حاجة
سلمى.. طيب يا حبيبى اهدى انت بس واللى عاوزه هيحصل ان شاء الله
قام محمد دخل غرفته عشان يرتاح بعد ما استأذن من يوسف ...سلمى.. معليش يا حبيبى حقك عليا بس انا عاوزة افضل هنا النهاردة
يوسف.. ولا يهمك يا قلبى انا كنت هقولك كده برضه لحد الامور ما تهدى
سلمى بحب.. ربنا يديمك
يوسف.. يارب يا عمرى انا هنزل انا اروح ولو احتاجتم اى حاجة فى اى وقت رنى عليا بس
سلمى.. ماشى يا بابا خلى بالك من نفسك
مع شروق شمس يوم جديد فتحت سما عيونها على اتصال من رامى بصت بالفون وضربات قلبها بتزيد ومش عارفة ترد او لا اخدت قرارها وردت
سما.. الو يا رامى
رامى.. ايه ده انتى كنتى نايمة
سما.. اكيد يعنى
رامى.. وازاى عرفتى تنامى بعد اللى حصل امبارح ده عجبك اللى ابوكى عمله واهانته ليا قصاد امى ينفع اللى حصل ده
سما.. بابا مغلطش دى كانت غلطتى انا من الاول المفروض كنت اخد رأيه من الاول
رامى.. وهو ماله اصلا هى فلوسك انتى ولا فلوسه يتدخل ليه
سما.. عشان ابويا مثلا وهو المسؤل عنى
رامى.. بس دى حياتنا احنا واحنا اللى لازم نقررها هو ملوش الحق يدخل فيها
سما.. انت مقتنع باللى بتقوله ده انت فاكر نفسك لسه عايش فى المانيا يا باش مهندس السنتين اللى عيشتهم هناك نسوك الاصول وعادات مجتمعنا
رامى.. مجتمع متخلف وراجعى عشان كده عمرنا ما هنتقدم خطوة واحدة
سما.. انت عاوز منى ايه دلوقتى يا رامى
رامى.. تتكلمى مع ابوكى ده وتعرفيه انك صاحبة القرار الاول والاخير وتقنعيه
سما.. ان شاء الله عن اذنك هقفل دلوقتى
رامى.. تمام يا سما باى
اغلقت سما الهاتف واغمضت عيونها بتعب قامت اتوضت وصلت ركعتين واتمنت من ربنا اى اشارة ترشدها للطريق الصح خرجت حضرت الفطار ودخلت بصت على والدها لقيته لسه نايم خليته يصحى من نومه
سما.. صباح الخير
محمد دون النظر لها.. صباح النور
سما.. الفطار جاهز يلا عشان علاجك
محمد.. مش عاوز اكل
سما .. بابا انا عارفة انك مضايق منى بس ارجوك الاكل ملوش علاقة
محمد بنظرة عتاب.. ع اساس ان صحتى فارقة معاكى اوى يعنى
تألمت سما من تلك النظرة وقالت بدموع.. بلاش النظرة دى يا بابا من فضلك انا مش قادرة استحملها والله حقك عليا انا عارفة انى غلطة ومعترفة بكده بس انا كان نيتى ننجز
محمد وهو يمسح دموعها بحنان.. يا بنتى والله انا مش ضد اختيارك ولو عندى ثقة فيه بنسبة واحد ف الميه كنت وافقت لكن ده شخص لا يؤتمن صدقينى انا خايف عليكى
سما قبلت يده.. وانا اوعدك انى هعمل الصح ان شاء الله بس خلينا نفطر الاول
خرجت مع والدها للسفرة وكانت سلمى الاخرى استيقظت وبعد الانتهاء جهزت نفسها ونزلت عشان تروح شغلها لتجد من تقف امامها.. انتى بقى سما وووو....يتبع
فى_ساعته_وأوانه الثانى
بقلم_نشوه_عادل
انا اسفة لو بكلمك فى وقت متأخر بس انا عاوزاكى ف حوار مهم جدا
فرح.. بتتأسفى ليه يعنى تقدرى تكلمينى فى اى وقت معنديش كتكوت اسهر معاه عشان تلاقينى مشغولة
ضحكت سما وقالت.. يا حرام تصدقى صعبتى عليا بقى القمر ده كله سنجل هى الرجالة اتعمت ولا ايه
فرح.. لا يا اختشى انا اللى مستنية الفارس ذو الحصان الابيض
سما.. ده تأثير الروايات صح
فرح.. ايه ده ما شاء الله طلعتى ذكية كمان بجد ابهرتينى
سما.. طب نصيحة منى حاولى متتأثريش اوى عشان لما تصطدمى بالواقع متقعيش على وشك وتتعورى
فرح.. ايه الفصلان ده يا سيتى سبينى عايشة فى احلامى الوردية عيب كده
سما.. انا اسفة البسى
فرح.. ما انا لابسة اهو انتى شيفانى ملط
ضحكت سما يخربيت لمضاتك يا شيخة نستينى انا كنت بكلمك ليه
فرح.. انى اسف المايك معاكى اتفضلى يا فندم
سما.. معتقدش ان الموضوع هينفع ع الفون خلينا
فرح.. اضايق ليه يا بنتى انتى مكبرة الموضوع اوى بس سورى يعنى لارا هتبقى موجودة
سما.. لا بس بتسألى ليه
فرح.. حساها مش طايقانى وممكن تلبسنى بالقهوة فى وشى
ضحكت سما.. والله ابدا لارا عصبية اه ودبش فى كلامها فى بعض الاحيان لكن طيبة ومفيش ابيض من قلبها لو عرفتيها هتحبيها
فرح.. ده لو بقى ... المهم تحبى نتقابل ع الساعة كام كده
سما.. فى نفس ميعاد امبارح
فرح.. اوك ان شاء الله هكون هناك فى انتظارك
سما.. تمام يا قمر تصبحى على خير
اغلقت سما ومسكت فرح فونها وبعتت ليه ماسدج ع الواتس.. صاحى..
ايوة خير
فرح.. صاحبتك كلمتنى وعاوزة تشوفنى
صاحبتى مين..
فرح.. هيكون مين غيرها يعنى اقصد سما
سما.. طب وعاوزة تقابلك ليه..
فرح.. معرفش هى لسه قافلة معايا حالا وطلبت تشوفنى بكرة فى نفس الكافيه بس تعرف دمها خفيف اوى شكلنا هنبقى أصحاب
انا عاوز افهم بس هى عاوزاكى فى ايه
فرح.. معرفش يا عمنا هى قالتلى مش هعرف افهمك فون
ماشى وابقى رسينى الحوار ع ايه
فرح.. ماشى يا روميو تصبح على خير
فى نفسه.. يا ترى ناوية ع ايه يا سما
فى اليوم التالى لقت سما فونها بيرن وكان رامى .... سما الو يا رامى
رامى.. بقالك يومين مش بتسألى ولا حتى بماسدج قولت اطمن انا
سما.. ليه وحشتك
رامى بخبث.. اوى يا روحى ومستنى اللحظة اللى يتقفل فيها علينا باب واحد بقى
سما بتمثيل.. يا روحى قريب اوى
رامى.. بجد يعنى اقنعتى ابوكى خلاص
سما.. لا لسه شويه هو رافض الموضوع قطعا بس اطمن يا حبيبى حتى لو موافقش هعطيك الفلوس وانا واثقة انه هيطمن لما يشوفنى اد ايه سعيدة معاك
رامى بضحكة خبيثة.
سما.. ايه
متابعة القراءة
