جحيم الغيره الفصل الثامن 8 بقلم اماني السيد
عشان كده انا قولتلها تشتغل معايا فى المركز
عندما سمع جبران تلك الكلمه انقلب وجهه مما جعل عمران يشعر إنه اخبره شئ خاطئ.
مالك يا بابا انت اتضايقت ليه لما قولت أنى هشغل فردوس عندى
وليه خلتها تشتغل معاك
عشان تتعامل مع ناس وتاخد خبره فى حياتها بحاول اساعدها
هو انت جواك مشاعر لفردوس
لأ طبعاً زى اختى
اتمنى توصلها كده وتكون حريص دايما إنك تقولها انتى اختى
ليه يا بابا.
هتعرف بعدين
صحيح قابلت الزفت ده
أه وهيرجع لفردوس حقوقها
طيب وكان عمل فيها كده ليه من الأول.
مش مهم المهم جبتلى رقم الدكتور النفسى اللى قولتلك عليه
جبتلك رقم دكتوره
ابتسم جبران على غيره ابنها التى مهما حاول أن يداريها ستظل واضحه
طيب هات رقمها عشان اكلمها الاول واتفضل شوف كنت بتعمل ايه
اخذ جبران رقم الطبيبه وتحدث معها وقص عليها تاريخ ابتهال
وظلت الدكتورة تستمع اليه وتدون بعض الاشياء
أستاذ جبران بصراحه الوضع مؤسف جداً بس عايزه اقول لحضرتك حاجه
اتفضلى
كلهم محتاجين علاج يمكن اكتر من ابتهال واول واحده محتاجه تدخل هى ابتسام وبعدها فردوس لأن اكتر واحده محتاجه علاج هى ابتسام
أنا كنت فاكر انها ابتهال
لأ ابتهال بكل اللى عملته الفتره الأخيره ده رد فعل لكبت سنين عدت
وعلى فكره اللى انا شبه متاكده منه إن ابتهال قبل محاولتها للانتقام من اهلها حاولت تنتحر أوقات لما بنوصل لحافه الهاويه ونلاقى اللى وصولونا للمرحلة دى مبسوطين وقتها بننسى أى حاجة وبنبقى عايزين ندوقهم اللى دوقوهلنا
طيب هى ممكن تنتحر
طول ماهى بتنفذ هدف فى دماغها لا لكن ده مايمنعش انها تفكر فى كده عشان كده ماتحاولش توقفها أو تضغط عليها سبها لحد ما اتكلم معاها بس حاول تقرب منها
طيب انى اقنعهم بكده هيبقى صعب أوى
صمت قليلا يفكر كيف يجمعهم بها
دكتوره فى طريقه واحده هتخليهم يقبلوا يقعدوا معاكى كلهم مع بعض بس للأسف هنكدب عليهم بس كدبه بسيطه وهدفها نبيل
ازاى .
انا ابنى كان خاطب وللأسف محدش يعرف خطيبته لانه خطب بره مصر عشان كده هقدمك ليهم انك خطيبته
بس انا مخطوبه فعلا
طيب حلو أوى إحنا هنقولهم الحقيقة بعد كده بس الاول لازم يثقوا فيكى انا معرفش هما بيفكروا ازاى او ايه رد فعلهم
ظلت وفاء ( الطبيبه ) متردده كثيراً وكن مع ضغط جبران الكبير لها رضخت لطلبه
بص يا استاذ جبران انا فى للعادى بحب اكون صريحه مع المرضى بتوعى ودى اول مره هلجأ للحيله دى لانى شايفه انهم فعلا محتاجين علاج فى اقرب وقت وللأسف مسئوليتى الطبيه تحتم عليه انى لما اشوف حد محتاج مساعده اساعده
مبالك
خلاص اخر الاسبوع كمان يومين انا هعزمهم عندى بحجه انى هعرفهم على خطيبه ابنى واعرفهم بيكى وانتى اتكلمى معاهم براحتك
خلاص اتفقنا
وبالفعل اتصل جبران على ابتسام وقام بدعوتها للغداء وفرصه ليعرفهم على خطيبه عمران
عندما تلقت ابتسام الخبر شعرت بحجر نزل على قلبها
لم تظهر دهشه ولا حتى اعتراض.. لكنها شعرت وكأن شيئا ينتزع منها ليس يخصها بل يخص ابنتها
كانت تشعر بالغيره على ضياع حلم رجل أرادت مرارا وتكرارا ان تزوجه لابنتها
حلم كانت تراه واقع
كادت أن ترفض تلك العزومه ولكن اخذها الفضول لترى ما هيئه تلك الفتاه وتقارنها بأبنتها
تريد أن تعرف هوويه تلك الفتاه.. شكلها.. من هى .
انهت المكالمه مع جبران ودخلت لغرفه فردوس لتبلغها بذلك الخبر
ياترى رد فعل فردوس وابتهال ايه .
البارت التاسع من هنا
https://pub153.
رواية جحيم الغيرة من الفصل الاول
