رواية الصياد( كاملة حتى الفصل الاخير ) نوران وسليم بقلم شيماء رضوان

اثار الزيت جيدا حتى لاتنكشف لعبتها
دخلت سحر الشقه وجدت امها تنظى لها باستغراب وقالت 
شكلك السبب فى اللى حصلها صح ولا غلط 
سحر بابتسامه...صح طبعا مكانش فى قدامى غير الحل ده يا ماما
قدريه بتساؤل....ومش خايفه لحد يكشفك 
سحر....اطمنى مسحت اى اثر للموضوع 
وصل سليم الى المشفى وحمل نوران من السياره ودخل بها المشفى مسرعا اخذتها منه الممرضات لتجهيزها وادخالها غرفه العمليات فورا 
جلس سليم مع منى على احد مقاعد الاستراحه فى المشفى فى انتظار اى خبر عن نوران 
نظر سليم الى يده الملطخه بدماء حبيبته فنزلت دموعه بصمت راته امه فبكت هى الاخرى واحتضنته واخذت تربت على ظهره لعله يهدا 
منى ببكاء..اهدى يا حبيبي وادعيلها تقوم بالسلامه 
سليم..خايف لتروح منى ده هى كل حاجه فى حياتى 
منى ..تعالى نصلى ركعتين وندعيلها تقوم بالسلامه 
ذهب سليم وامه للصلاه والدعاء لنوران 
بعد نصف ساعه 
خرجت الطبيبه التى كانت تفحص نوران وتدعى بسمه 
بسمه بتنهيده..فين اهل المريضه نوران 
اندفع سليم وامه اليها بسرعه
سليم بلهفه ظاهره بوضوح فى صوته ..خير يا دكتوره مراتى كويسه
بسمه بابتسامه ..متقلقش يا استاذ المدام بخير والبيبي كمان كويس انك مستنتش الاسعاف وجبتها بالوقت المناسب هى كويسه بس لازم الراحه التامه علشان صحتها وصحه الجنين لان الجنين معرض للنزول فى حاله الاجهاد الشديد وهى اتنقلت اوضه عاديه وهتفوق بعد شويه تقدروا تطمنوا عليها بعد اذنكم 
ذهب سليم مع منى من اجل رؤيه نوران 
دخل سليم ومنى عليها الغرفه 
وضع سليم يده على يدها وقبلها من جبينها 
بدات نوران فى الاستيقاظ ورات سليم قريب منها 
سليم..حمد الله على السلامه يا حبيبتى 
نوران بتعب ..الله يسلمك 
منى..انتى كويسه يا بنتى حاسه بحاجه 
نوران ..كويسه يا ماما ووضعت يدها على بطنها ونظرت الى سليم ودموعها تهدد بالنزول 
نوران بخوف..ابنى يا سليم
سليم بابتسامه ...متخافيش يا حبيبتى ابننا كويس متقلقيش بس انتى لازم ترتاحى ومتبذليش اى مجهود 
نوران بفرح..الحمد لله كنت خايفه ليحصله حاجه 
سليم بتساؤل ....انتى وقعتى ازاى يا نوران 
نوران..كنت نازله من على السلم وحسيت بحاجه تحت رجلى بتزحلق ممكن زيت او صابون ومحستش بنفسي غير وانا بقع من على السلم 
سليم بغموض ..انتى متاكده يا نوران 
نوران بتاكيد..ايوه متاكده يا سليم
سليم باستغراب ..بس ايه اللى هيجيب زيت او صابون على السلم
منى بحيرة..والله يبنى مش عارفه بس ممكن يكون حد من الجيران اشترى الحاجه دى ووقع منها على السلم 
نوران بتفكير ....ممكن برده
سليم بشك ..امال فين سحر وعمتى 
نوران بغيره ..والله ده وقته مراتك تعبانه فى المستشفى وانت بتفكر فى الست سحر
سليم بضحك ..والله انتى بتغيري يا بيضه وقرصها من وجنتها بخفه 
نوران وهى تزيح يده ..اوعى كده روح للست سحر
منى بضحك ..يا بت سحر ايه دى تيجى جنبك حاجه 
سليم..بلاش افورة يا ماما ده سحر صاروخ 
نوران بصراخ...برررررره يا بتاع سحر
خرج سليم وهو يضحك وقابل الطبيبه الدلوعه التى تدعى بسمه
بسمه برقه شديده ..استاذ سليم 
استدار سليم اليها وجدها تنظر اليه نظرات حالمه فتنحنح بخفوت 
سليم فى نفسه ..يادى النيله هى مالها دى كمان 
سليم بنبره تدل على الجديه الشديده ..خير يا دكتوره 
بسمه برقه ..هى المدام عامله ايه دلوقتى 
سليم ببرود..اظن ان المفروض انا اللى اسال حضرتك السؤال ده مراتى حالتها ايه 
بسمه..بحرج اسفه معلش
سليم..ولا يهمك هى تقدر تخرج امته 
بسمه بنظرات حالمه وهى تنظر فى عيناه ..هاه مش عارفه 
سليم كان سيضحك على منظرها ولكنه تماسك نفسه 
سليم..هاه ايه بس يا دكتورة متركزى معايا شويه 
بسمه بحرج.. اسفه شويه وهاجى اطمن عليها واقول لحضرتك 
سليم ببرود ....شكرا وتركها وذهب 
بسمه..ياااه مز اوى بس متجوز مش مهم الشرع حلل اربعه وانصرفت الى عملها 
قبل قليل فى غرفه نوران 
نوران..تفتكرى سليم زعل يا ماما
منى..لا ده كان خارج بيضحك 
نوران..طيب ممكن تشوفيه راح فين 
منى..من عنيا ية حبيبتى
نوران..تسلميلى 
خرجت منى وجدته يقف مع الطبيبه يتحدث معها فدخلت الى نوران مرة اخرى 
منى..واقف مع الدكتورة اللى متابعه حالتك اكيد بيسالها عليكى بس ايه ده دكتورة زى العسل والله يا نوران لو عندى ولد تانى ما كنت اسيبها ابدا ولازم اخليه يتجوزها 
نوران..اندهيه انا هلاحق على سحر ولا الدكتوره انتوا هتجبولى الضغط 
ضحكت منى عليها بشده ودلف سليم 
نوران ..كنت فين 
سليم..مفيش كنت بتكلم مع الدكتوره عن حالتك 
نوران بحده ....تقعد هنا متطلعش بره الاوضه 
سليم بضحك..ليه يا حب الحب بتغيري ولا ايه خايفه لواحده تخطفنى منك 
نوران..اغير ليه فاكر نفسك براد بيت ولا حاجه ده انتاج مصرى اصيل 
سليم بغرور ..لا والله ده الدكتورة كانت بتسبلى من شويه
نوران بغضب..نعم وانت سكتلها خرجنى من هنا عايز اروح 
سليم..حاضر بس اهدى ليطقلك عرق 
نوران..اطلع بره
سليم..طيب اروح اشوف الدكتورة 
نوران..لا استنى خليك وتعالى روحنى مش عايزه اقعد هنا 
دلفت بسمه الى الغرفه 
بسمه بابتسامه..اذيك يا استاذ سليم
رفع سليم حاجب واحد لها ..اذيك بس انا كنت واقف معاكى بره حالا 
نوران بحده..يا دكتورة انتى جايه ليا ولا لجوزى 
بسمه بحرج ..لا لحضرتك طبعا وذهبت بسمه لترى التقارير الخاصه بها 
بسمه..استاذ سليم ممكن اكلم حضرتك فى حاجه بره
امسكت نوران يده
نوران..والله ما انت طالع وخرجنى من هنا واردفت بخفوت انا هلاحق على سحر ولا على الدلوعه دى صبرنى يارب 
سليم..هى تقدر تخرج النهارده 
بسمه برقه..تقدر بس الافضل تستنى معانا اسبوع كده
نوران..ليه هو انا عامله عمليه المصران الاعور هتقعدينى معاكى اسبوع خرجنى يا سليم بدل ما اصوت والم المستشفى كلها عليك 
كتم سليم ضحكته بصعوبه عليها يعلم انها تغار عليه بشده 
بالفعل اخرجها سليم من المشفى بعد وداع حار له من الطبيبه بسمه والذى جعل نوران فى اقصي درجات الغضب 
وصلت نوران الى المنزل وكان سليم يحملها ووجدوا سحر قدريه يجلسون بالصاله يشاهدون التلفاز ولايكترثون باحد 
سليم بتساؤل..ايه يا عمتى يعنى مسالتيش على نوران وسحر كمان كانت واقفه معانا 
سحر ..اتصلت عليك لقيت تليلونك مقفول وطنط منى سابت تليفونها هنا ومعرفش انت طلعت على انهى مستشفى وماما كانت لسه صاحيه من النوم 
سليم...طيب عم اذنكم هدخلها ترتاح 
تركهم سليم يتحدثون مع منى وادخل نوران غرفتها لترتاح 
نوران..انت رايح فين 
سليم..هشوف حاجه واجيلك يا قلبى وقبلها من جبينها وخرج 
ذهب سليم ليرى السلم اذا كان به اثار لزيت او لا ولم يجد شيء فتوجه ليرى الحذاء التى كانت ترتديه نوران ووجد عليه اثار الزيت 
سليم..يعنى نوران كان معاها حق بس مفيش زيت على السلم يعنى فى حد قاصد يخليها تقع على السلم وبعد كده مسح اثر الزيت
رن هاتفه وكان فهد 
سليم..ايوه يا فهد
فهد.......
سليم..مفيش نوران تعبت ورحنا المستشفى وقص له ما حدث 
فهد.......
سليم...طيب تمام مستنيك متتاخرش
بعد قليل حضر فهد وهند 
فهد..حمد الله على سلامه المدام 
سليم..الله يسلمك 
هند ...الحمد لله انها جت سليمه انا هدخل اشوفها 
دخلت هند لترى نوران اما فهد اقترب من سليم قائلا بس انت قلتلى انك شاكك ان حد عمل كده وقاصد يخليها تقع على السلم
سليم..اه يا فهد 
فهد..يعنى مين اللى هيكون وقعها يعنى 
سليم..مش عارف لما سالتها قالتلى انها حست بحاجه بتزحلق تحت رجليها زى الزيت كده وبعدين محستش بنفسها غير وهيا بتقع ولما رجعت ملقتش اى اثر لحاجه بتزحلق على السلم ولما شفت الجزمه اللى كانت لبساها لقيت عليها اثار زيت فعلا 
فهد..اهدى بس وان شاء الله هنعرف كل حاجه 
دخلت منى عليهم 
منى..ان شاء الله هنعرف يا ابنى 
سليم..انا هتجنن عايز اعرف مين اللى عايز ياذيها بالطريقه دى 
فهد ..انا ماشي دلوقتى وهكلمك تانى 
هند....حمد الله على السلامه يا حبيبتى 
نوران ...الله يسلمك 
هند بابتسامه....شكلنا هنولد مع بعض انا كمان حامل 
احتضنتها منى قائله 
الف مبروك يا حبيبتى يارب تقوموا انتوا الاتنين بالسلامه 
نوران ....مبروووك يا قلبى 
هند ...الله يبارك فيكم فهد كان هيطير من الفرحه ومش عايزنى اعمل اى حاجه خالص 
نوران بابتسامه ...ربنا يسعدكم
حل المساء 
كانت هند ما زالت فى بيت منى وسليم عقله يكاد يتوقف يريد ان يعرف من يريد ان يؤذى زوجته هكذا 
كان يمشي اما غرفه سحر وقدريه ا وسمعهها يتحدثان 
قدريه بغيظ....يعنى ماجهدتش ولا حاجه زى ما قلتى يا فالحه 
سحر بغل....عملت وكل حاجه ومفيش فايده حطيت زيت علشان تقع ووقعت بس الجنين فضل عايش اغمل ايه تانى 
قدريه...خلاص خيرها فى غيرها
لم تستطع سحر الرد على امها لان سليم عندما سمع هذا الكلام اقتحم عليها الغرفه وامسكها من شعرها وسحبها الى الصاله 
وخرجت قدريه وراءه تحاول تخليصها من بين يديه 
سليم والشرر يتطاير من عينيه..بقى تعملى فى مراتى كده والله لاوريكى يا سحر الكلب وصفعها على وجهها 
قدريه بغضب...اوعى سيب بنتى 
سليم بغضب...كده يا عمتى اسيبك تقعدى فى بيتى تعملوا فى مراتى كده لا وبتقوليلها خيرها فى غيرها اطلعوا بره خمس دقايق تلموا حاجاتكم وتمشوا