رواية الصياد( كاملة حتى الفصل الاخير ) نوران وسليم بقلم شيماء رضوان
المحتويات
من هنا
منى..استنى يا سليم متخلهمش يمشوا
سليم..بغضب لا يا ماما لازم يمشوا
منى..هيمشوا بس اما شبشبي يسلم عليها زى ما كان بيسلم على امها زمان وجذبتها من شعرها واوقعتها على الارض وجلست فوقها وامسكت شبشبها وظلت تضربها به
حاولت قدريه تخليص ابنتها الا ان هند كانت كالوحش وهى تمسك قدريه حتى لا تتدخل قائله
سبيها تربيها يا ام سحر اصلك معرفتيش تربى
منى..بقى انتى تعملى فى مرات ابنى كده يا بنت قدريه والله لاربيكى وضربتها كثيرا بالشبشب
اخذوا اشياءهم بعد تلك الاهانه الكبيره وغادروا المنزل
منى ..غورى ولو جيتى هنا تانى يا بنت قدريه انتى وامك هولع فيكم واغلقت الباب ودخلت هى وسليم وهند عند نوران وقصوا لها ما حدث
نوران..الحمد لله ربنا ستر وانكشفت على حقيقتها
مرت الشهور ووضعت نوران مولودها الاول احمد الشقى وهند مولودها فارس
بعد مرور خمس سنوات
كان احمد يلعب بالصاله ولم يترك شيء بمكانه
منى..يابنى ارحمنى تعبتنى ده انت عندك خمس سنين امال لما يبقى عندك عشرين هتعمل ايه
احمد..انتى قديمه اوى يا تيته احنا فى عصر السرعه دلوقتى اللى عنده خمسه زى اللى عنده عشرين
منى..انا قديمه يابن سليم احترم نفسك لاضربك بالشبشب
احمد..يادى الشبشب ابو ورده اللى انتى واجعه دماغى بيه هتخلينى اجيب مقص واخليهولك حتت
منى..انت طالع قليل الادب لمين
احمد..لبابا
منى..انت اتجننت بتقول على ابوك قليل الادب
احمد..ايه يا منى انتى كل شويه تنسي انتى اللى علطول بتقوليله يا قليل الادب
منى..بتقولى يا منه حاف يا حيوان
احمد..امال احطلك عليها جبنه يا منى
ركضت منى وراءه
منى..انا هربيك علشان امك وابوك معرفوش يربوك
ركضت منى كثيرا ولكنها لم تلحق به
منى وهى تنهج من كثره الركض..اااه يانى ابنى مخلف قرد لا القرد ارحم
احمد وهو يضحك ..خلاص راحت عليكى يا تيته عجزتى
منى بصوت عالى..سليييييييييييييييييم
خرج سليم من غرفته على صوت امه
سليم..فى ايه على الصبح
منى..حوش ابنك ده هيموتنى انا خلاص تعبت منه
سليم..فى ايه يا احمد مزعل منى ليه
منى..والله ابنك معاه حق لما بقوله انت طالع قليل الادب لمين قالى لبابا
اندهش سليم مما قالته
امسك سليم ابنه من ملابسه ورفعه الى الاعلى
سليم..انا قليل الادب يابن نوران
احمد بغضب..مترسوا على بر بقى انا ابن سليم ولا ابن نوران لغبطونى
سليم..ايه اللى انت بتقوله ده وبعدين بتقول عليا قليل الادب
احمد..تيته اللى بتقولك كده علطول ولما قالتلى انت طالع قليل الادب لمين قلتلها لبابا كده انا غلطان ولا اكدب مش هيا دى الحقيقه يا سليم
سليم..احترم نفسك يالا ايه سليم دى
احمد..مانت بتقول لتيته يا منى جت عليا يعنى وبعدين انا بهزر معاها
سليم..دى امى تكلمها بادب مش تهزر معاها
احمد..ما انا سايبك تهزر مع امى زعلان ليه لما بهزر مع امك
كانت نوران تقف بعيدا وهى تكتم ضحكاتها بصعوبه
سليم..دى امى ودى مراتى
احمد..ودى امى ودى تيته يعنى متعادلين
لم يقدر سليم ان يتحمل اكثر من ذلك فنادى سليم باعلى صوته
سليم ..نوراااااااان تعاى خدى ابنك بدل ما ارميه من البلكونه
احمد..ارمينى علشان تدخل السجن وامك وامى يتشردوا
نوران..بطل بقى يا احمد عيب كده
احمد ببراءه مصطنعه..انا عملت حاجه يا ماما انتوا علطول ظالمنى
افلته سليم وعو مندهش من ابنه
منى..ظالمينك لا اله الا الله انا عملتى ايه فى دنيتى بس علشان يطلعلى ابو نص لسان ده
احمد بحزن مصطنع ..كده يا تيتا ربنا يسامحك ودخل الى غرفته
منى..لا كده كتير ارحمنى يا رب
نوران..الواد ده هيجننى
سليم..ده قرد انا مش عارف طالع لمين
منى وقد رفعت حاجبها له..يعنى انت مش عارف طالع لمين ده نسخه منك وانت صغير
فى المساء
سليم..يالا يا نوران ننام عندى شغل الصبح وامسك يدها
منى..وهتسيبلى ابنك اعمل فيه ايه بقى ان شاء الله
سليم العبوا سوا واخذ نوران ودخل غرفته
منى..كده ماشي يا سليم اما وريتك احمد انت مش عايز تنام مع ماما
احمد..يا ريت بس بابا مش بيرضي
منى..قوم روح ولو قالك اطلع نام فى اوضتك قله روح انت ومتطلعش مهما عمل واقعد عيط
احمد..ماشي يا منى بعد اذنك
منى..اشرب بقى يا سليم
فى غرفه سليم
سليم وهو يحتضن نوران وعلى وشك تقبيلها
تعالت الطرقات على الباب
سليم..مين
احمد..افتح يا بابا
سليم..روح يا احمد نام
اصطنع احمد البكاء امام الغرفه
نوران بتاثر لبكاء ابنها..افتحله يا سليم شوفه ماله بيعيط ليه
فتح سليم
احمد..ضحكت عليكم
نوران..فى ايه يا احمد منمتش ليه
احتضن احمد نوران واخرج لسانه لسليم
احمد..عايز انام معاكى النهارده يا ماما خايف انام لوحدى
سليم..ومنمتش مع جدتك ليه
احمد..لا انا عايز انام مع ماما
نامت نوران على السرير وجذبت احمد الى حضنها
نوران ..سيبه بقى يا سليم واطفى النور
تمدد سليم بجانبهم
سليم..انا شامم ريحه امى فى الموضوع شكلها هيا اللى مسلطاه عليا
احمد..بس بقى عايز انام اسكت شويه
سليم..نام يا حبيبى نام النوم حلو برده
فى الصباح استيقظ احمد قبل امه وابيه وقرر ان يمزح معهم
احمد بصوت عالى ..مامااااااا بابااااااااا الحقوا البيت بيولع
الفصل العشرون والاخير
استيقظ احمد قبل ابيه وامه فقرر ان يمزح معهم فابتعد ووقف بجانب السرير وصرخ باعلى صوته قائلا بصراخ .
.باباااااا ماماااااا الحقوا البيت بيولع
انتفض كلا من سليم ونوران من نومهما وقاموا ليروا ما يحدث
فى هذا الوقت كانت منى مستيقظه وتعد الافطار وسمعت صراخ احمد وركضت لترى ما يحدث
سليم .بخضه....ايه اللى بيولع وركض الى المطبخ ولم يجد شيء فذهب الى غرفه نوم امه ولم يجد شيء فوقف فى الصاله وصرخ باعلى صوته قائلا
..احمممممممممممد
فانتفض كلا من نوران ومنى على صوته
منى بخوف...اهدى يابنى ده عيل صغير مش عارف حاجه
جاءت نوران لتتحدث هى الاخرى اشار لها سليم بيده بمعنى اصمتى
جاء احمد وهو يحنى راسه الى الاسفل ويكتم ضحكته وسليم ايضا عندما راه هكذا
سليم بجديه مصطنعه..ايه اللى انت عملته ده
احمد ببراءه ..انا معملتش حاجه يا بابا
سليم وقد رفع له حاجبه ..والله ايه البراءه دى يا ابن نوران قلبت فرخه دلوقتى
رفع احمد راسه بتحدى له واجابه بغضب
لو سمحت يا بابا متقولش عليا فرخه انا راجل وانا بعترف انى كنت عامل فيكم مقلب انما تقلل من قيمتى فده انا مسمحش بيه ابدا
سليم بذهول..قيمه مين يا شبر ونص انت ليك قيمه اصلا
احمد بحنق....ماما تيته قولوا لبابا يسكت علشان انا لو فقدت اعصابى الدنيا هتبوظ وانا مش مسؤول عن اللى هيحصل انتوا حرين
نوران بابتسامه...بس يا سليم الولد مضايق سيبه بقى
منى بذهول .....لا يا سليم بالله عليك سيبه
احمد بغضب ....ايه يا منى اللى بتقوليه ده متخلنيش ابوظ الشبشب بتاعك
رفعه سليم من ملابسه للاعلى
سليم بحده مصطنعه ...ورينى بقى يا شبر واقطع لما اعصابك تفلت هتعمل ايه عايز اعرف
احمد بحنق طفولى ..يا ناس ارحمونى بقى سيبنى يا بابا برستيجى باظ
سليم بضحك ....نعم برستيجك
قاطع حديثهم جرس الباب فذهبت نوران لتفتح الباب وجدتها دانا ابنه الجيران فى نفس عمر احمد
نوران بابتسامه ....اذيك يا دانا
دانا..الحمد لله يا طنط احمد موجود اصله كلمنى وقالى تعالى الصبح
نوران..اه يا حبيبتى اتفضلى
دخلت دانا وجدت سليم يرفع احمد من ملابسه الى الاعلى
دانا وهى تضع اصبع على شفتيها.. ..احمد انت عامل كده ليه
احمد بابتسامه..اذيك يا دودو
دانا واخفضت راسها الى الاسفل ..الله يسلمك يا احمد قلتلك كام مرة متقوليش يا دودو ادام حد بتكسف والناس تقول علينا ايه
احمد..مش انتى خطيبتى يا دانا
دانا اه بس محدش يعرف بليييز متقولش كده ادام حد تانى
انزل سليم ابنه وهو مندهش من ابنه وهذه الصغيره
سليم بذهول..انت خطبت يا واد من ورايا
احمد بابتسامه....ايوه يا بابا جبتلها خاتم ولبستهولها وبعدين انا مش صغير
نوران وهى تكتم ضحكتها ..الف مبروك يا حبيبي
احمد ببراءه..الله يبارك فيكى يا ماما عقبالك
سليم..عقبال مين يالا انت عايز امك تتجوز وانا ايه الله يرحمنى بقى ولا ايه
منى وهى تمصمص شفتيها ....عشنا وشوفنا المحروس الصغير راح خطب من ورانا
احمد بحنق ...كده يا تيته مفيش الف مبروك ولا حاجه ده انا حبيبك
منى..انا مرارتى اتفقعت هروح اكمل تجهيز الفطار
احمد وهو يمسك يد دانا ....يالا دانا ندخل نلعب
سليم بابتسامه....لا عايزين تلعبوا يبقى فى الصاله مينفعش تقعدوا لوحدكم
دانا..ليه يا اونكل سليم
سليم..علشان يا حبيبتى انتوا لسه مخطوبين لما تكتبوا الكتاب ابقوا اقعدوا لوحدكم صح يا ام احمد
نوران بضحك ..صح يا ابو احمد
احمد بتساؤل ..واحنا نقدر نكتب الكتاب امته يا ماما
نوران ..لما تتموا 18سنه
احمد بحنق وهو يعد على اصابعه ....يااااه لسه
قاطع حديثهم جرس الباب وكان فهد وهند ابنهم فارس ذو الخمس سنوات
سليم بضحك ..ايه اللى جابكم على الصبح
متابعة القراءة
