صدفه وأمير كاملة بقلم فاتن أسامة
فضفضته اللي كانت طول الطريق
اطمنلي
وثق فيا مثلا
معرفش
وصلنا البيت
ومع دخولنا وترحيب من كل اللي في البيت
انسحبت علي أوضتي
وبعد ثباتي المزيف كل دا
نمت بكل هزيمه ودموعي بدأت رحلتها
فضلت علي الحال دا للصبح
لغايت ما صحيت علي صوت الباب
مين
أنا أمير يا صدفه كل دا نوم
قومت بسرعه
كنت متوترة
ايه اللي جايبه بدري كدا علي أوضتي
يارب يوسف يكون بخير
فتحت الباب وقولت ب إندفاع
في إيه يوسف بخير
كان شايله جوا حضنه وهو مش مبطل عياط
صريخه جايب كل البيت
مكانش قصدي أصحيه والله الفكره بس إنه واحشني يدوب قربت عليه صحي وفضحني
كان بيتكلم ب طفوله مصطنعه خلتني أضحك من كل قلبي
إهدا يا حبيبي إهدا تعال
أخدته منه وبعد دقايق سكت
إيه السحر دا
رفعت عيوني كان قاعد علي كرسي قصادي بالظبط
ابتسمت وقولتله
أنا اللي مربياه وكدا طبيعي ميسكتش مع حد غيري
كنت أسمع إن مفيش زيك بس انهاردة اتأكدت ب عيني
علي قد ما انبسط ب كلامه علي قد منا سحبت لمعت
رايح فين
رايح أجهز فطار
إيه دا بتعرف تعمل أكل
أنا شاطر أوي كمان تحبي تشاركيني
أخدت يوسف بين إيديا وقومت معاه
وقفنا في المطبخ نجهز فطار مع ضحك يوسف اللي كان مبسوط ب أمير ودلعه له وهزاره معاه
كان الوضع مريح بالنسبالي
ومدام شاهي كانت بتراقبنا ب إبتسامه من بعيد
بس الغريب في كل دا إني مشوفتش إيمي من آخر مره شوفتها امبارح وهي بتسلم علي أمير
عيونك بتدور علي مين
هي إيمي فين المفروض وراها محاضرات انهارده
جاوبني بدون ما يفكر
راحت علي بيت عمي باباها يعني
هو مش دا بيتها برضو
الڤله دي بتاعت والدي الله يرحمه وأكيد عمي بمثابة والدي هو و ولاده يشرفونا في أي وقت
بس لما حد من ولاده يتطاول علي حد من بيتي ويسبب في دموعه يبقا غير مرحب بيه تماما
حاولت أخفي ابتسامتي والفرحه واللهفه
ورا ملامح الجديه وقولت
انت بتقول إيه
بقول إني مبحبش حد يجي علي حاجه تخصني مش أكتر ويلا عشان الفطار جهز
سابني ومشي قبل ما أرد عليه ب حرف حتي
مكنتش مستوعبه كلامه
ورغم فرحتي وقلبي
إلا إني خوفت
خوفت الحكاية تكون مجرد وهم أنا عايشاه في خيالي من حبي له مش أكتر
عدت الأيام والشهور
وأمير لسه قاعد مسافرش
عرفت بعدها إنه نقل شغله هنا ل سبب مجهول
وطبعا المجهول مسيره يكون معلوم
ف عرفت
عرفت إنه ناوي يستقر ويتجوز
مش قادره أوصف شعوري بعد معرفتي بالأمر
اتجنبت كلامنا قعدتنا سوا
منعت اي شئ كان يربطني بيه
لدرجة حاولت أسيب المكان
بس مدام شاهي غاليه عندي ومقدرتش أكسر كلمتها
ممكن أدخل
كنت قاعده في المكتبة بتاعت البيت بعد ما يوسف نام
اتفضل
سحب كرسي وقعد جنبي
بتهربي مني ليه
مبهربش مشغوله مع يوسف شويه
مسك إيدي وفي لمح البصر سحبتها
عايز إيه يا أمير
بصلي ب عيون كلها حب
عيون عاشق زي ما بيقولو
من لحظة دخولك البيت وأنا عارف عنك كل حاجه
كل كبيره وصغيره
لكي أن تتخيلي إني حبيتك من حب ماما ليكي
أكيد مكانش حب حقيقي وقتها
قولت لنفسي عادي إعجاب وهيروح ل حاله مع الوقت
بس لما جيت اكتشفت عكس دا
وإني بحب
وإني بحبك فعلا
انا ماليش
وبعد يومين من إعترافه ليا
كانت خطوبتنا
عيلته كلها وفي الطرف التاني أنا لوحدي
مطمنتش غير لما قالي وهو طالع ياخدني بعد ما لبست الفستان
أمير
عيون أمير
أنا خايفه أنزل شكلي ازاي قدام كل دول لو سألوك أهلها مين تعليمها إيه و
قرب خطوتين منين حط إيده علي بوقي في محاوله منه يسكتني
ششششش خطيبتي حببتي مراتي المستقبليه مختارها ب كامل قوايا العقليه
شايفاني مجنون قدامك
امممممم
بتقولي إيه
بعدت إيده عن وشي
أنا خايفههه
أرجع أسكتك تاني
بصيتله ب قلة حيله
أنا بحبك دا مش كفيل يطمنك
يلا ننزل !
لابسه فستان بيج فاردة شعري ميكب خفيف ولابسه سلسله كان أمير جايبهالي
كنت في خفة الفراشه وأنا نازلة جنبه
خطيبته وحب عمره
مكنتش أتوقع في يوم أكون مع الشخص الوحيد اللي حبيته في حياتي
لبسنا الدبل
كانت إيمي واقفه قصادنا والشر هيطلع من عينيها
بصلي واتكلم بهدوء وقالي ب نبره حنونه
دي اللي كانت بتقولك بنت الملجأ
حركت راسي ب آه
إيه جاب السيره
تخيلي بنت الملجأ هي الوحيدة اللي شوفتها ملجأي !
فاتن أسامه
يستحق التوثيق
حواديت أمير وصدفه
