جوزي مش بيعرف ينام الا لما ياخد بقلم هويدا زغلول
جوزي مش بيعرف ينام الا لما ياخد بقلم الكاتبة هويدا زغلول
مروه.. إيه الكلام اللي انت بتقول عليه ده يا هشام يعني إيه إنك قبضت وسبت المرتب مع أختك
هشام.. هي قالتلي أسيب المرتب عندها ولو إنتي عايزة فلوس تنزلي تاخدي منها.. وأكيد مش هتقولك لا.
قبل ما نبدأ القصة أحب أعرفكم بنفسي. أنا مروه.. عندي 33 سنة. رجعت البيت ولقيت ماما بتقولي..
الأم.. يا بنتي.. سحر كلمتني في الموضوع تاني. معقول إنتي موافقة على هشام ده هشام ما بيمشيش إلا برأي أخته.. وأنا أكيد مش هكون فرحانة بيه.
مروه.. يعني إنتي فرحانة يا ماما وأنا قاعدة جنبك زي البيت الوقف ارحميني بالله عليكي.. أنا عايزة أتجوز.
الأم.. هو إنتي شايفة إن دي جوازة أنا مش مرتاحة يا بنتي. على العموم.. اللي إنتي عايزاه اعمليه.. أنا زهقت.
وفعلا بعدها جات سحر وقالت..
سحر.. إحنا هنجيب لها شبكة بس دبلة وخاتم. إنتي شايفة الشبكة غالية إزاي اليومين دول! وبالنسبة للعفش.. أنا مجاهزة الشقة من كل حاجة. هو كان خاطب واحدة قبل كده وما حصلش نصيب.
الحماة.. هو إنتي يا بنتي اللي هتفضلي تتكلمي ولا إيه مش المفروض العريس يتكلم برضه
هشام.. والله سحر قالت كل اللي أنا عايز أقوله. يا ريت الموضوع يتم بسرعة.
سحر.. وبعدين جوزي شغال موظف HR في شركة كبيرة.. بياخد مرتب كويس.. وهيخلي بنتك سعيدة في حياتها.
وفعلا الفرح تم بسرعة.
بعدها وأنا داخلة شقتي مع هشام لقيت سحر واقفة وحاطة إيدها على الباب.
مروه.. في إيه بالظبط إنتي واقفة كده ليه أنا ممنوعة أدخل ولا إيه ما تتكلم يا هشام!
هشام.. سحر عايزاكي تعدي من تحت إيدها علشان تفضلي طول عمرك تحت طوعها.
مروه.. إيه الكلام ده! أنا لا يمكن أوافق. هي مش أمك علشان تعمل كده.
سحر.. هو في إيه يا حبيبتي الكلمة كلمتي أنا.. ورأيي هو الشرط. ولو ما عملتيش كده.. هشام هيرجعك بيت أهلك دلوقتي.
اضطريت إني أتنازل وعملت كده. بعدها لقيت هشام بيقولي..
هشام.. معلش.. مش عايزك تزعلي يا مروه. بس سحر هي اللي وقفت جنبي بعد وفاة ماما.. ومش هينفع أقولها لا على حاجة.
مروه.. بس مش للدرجة دي.. أنا مش هقدر على تصرفاتها الغريبة.
هشام.. أرجوكي متزعليش. هنا في شقتنا أنا هعمل كل اللي إنتي عايزاه.. بس قدامها الكلمة كلمتها هي. واحدة واحدة أكيد هتغير.
دخلنا أوضة النوم.. وفي نفس الوقت كانت سحر قاعدة تحت مع جوزها طارق.
طارق.. اللي بتعمليه ده مينفعش يا سحر.. حرام عليكي. كده هتتحاسبي على أخوكي.
سحر..
طارق.. إيه الكلام الغريب ده إنتي بتعملي كده علشان فلوسه مش علشان خايفة عليه.
سحر.. أمال يعني وبعدين هو ماله ده بييجي لي لوحدي مش إحنا اللي بناخده أنا وإنت فاكر مشروعك معمول بفلوسك
طارق.. عارف إنه بفلوس أخوكي.. بس أنا واخدهم سلف مش علشان نستغل هشام كده.
سحر.. بقولك إيه يا طارق.. اسكت وخليك في حالك.
طارق غضب.. قام وراح عند أسماء مراته الأولى.
أسماء.. إيه ده معقول جيت يا طارق! إنت مش قلت مش هتقدر تيجي في حاجة حصلت
طارق.. أنا مخنوق من سحر. نفسي أطلقها النهارده قبل بكره.. بس خايف على عيالي. متأكد إنهم هيتدمروا نفسيا بسببها.
أسماء.. وأنا كمان زهقت. أنا الزوجة الأولى.. ومع ذلك بتخاف منها أكتر مني. مش فاهمة ليه ساكت!
طارق.. بالله عليكي يا أسماء.. بلاش كلام في الموضوع ده تاني. أنا اتجوزتها علشان أبقى أب.. مش طمع فيها ولا في الجواز. بس والله بدأت أزهق. لو فضلت كده.. كل واحد فينا هيمشي في طريقه.
أسماء.. خلاص.. أقوم أحضر الأكل علشان ناكل سوا.
وقام هو يفتكر اللي حصل زمان.
سحر كانت في الشغل.. دخل عليها طارق.
سحر.. إيه أخبار الدكتور لسه مفيش نتيجة مراتك مش هتحمل ولا
طارق.. مش عارف أتصرف.. نفسي أبقى أب.
سحر.. إزاي مستحمل تعيش معاها من غير خلفه أي راجل مكانك كان اتجوز تاني وخلف من زمان.
طارق.. بالعافية فاتح بيت واحد.. مش قادر على اتنين. كويس إنها لسه راضية تعيش معايا كده.
سحر.. إنت مش مقدر نفسك. ألف واحدة تتمناك.. وأنا لو واحد زيك اتقدملي أوافق على طول.
طارق.. معقول الكلام ده! يعني لو اتقدمتلك هتوافقي
سحر.. وأيه المشكلة بس في شرط.. لازم تطلق أسماء. أنا مش هبقى ضرة.. وساعتها أديك فلوس تعمل مشروعك.
طارق.. إيه اللي بتقولي ده أسماء ملهاش غيري.. هتروح فين
سحر.. تروح مطرح ما تروح. شوف إنت ناوي على إيه. وبالمناسبة.. لو اتجوزنا هتصرفلك على مشروعك. فكر وشوف.
وسابته وكملت شغلها.. وهو راح عند أسماء وحكالها كل حاجة.
أسماء.. معقول الكلام ده يا طارق يعني إنت هتسمع كلامها وتطلقني علشان الفلوس أنا عملتلك إيه علشان تعمل فيا كده
طارق.. اهدي يا أسماء.. أنا حاسس بيكي وباللي بيدور في دماغك. أنا عاوزك دلوقتي تفكري بعقلك. إنتي عارفة كويس إن أنا بحبك ومبحبش غيرك. وبصراحة حوار الولاد هو اللي عامل المشكلة. ليه ما تفكريش إننا نطلق شوية.. وأول ما أكتب على سحر أرجعك تاني ليا
أسماء بدموع.. وأنا لو قلتلك
طارق.. أنا مش عاوز أخسرك يا أسماء.. وفي نفس الوقت سحر عارضة عليا عرض كويس إني أعمل المشروع اللي بحلم بيه. وأوعدك.. أول
