جوزي مش بيعرف ينام الا لما ياخد بقلم هويدا زغلول
المحتويات
ما أعمل المشروع هطلقها. غير كده هعملك الحقن. قولتي إيه
أسماء.. شكلك مقرر كل حاجة يا طارق. اعمل اللي نفسك فيه.. بس أوعدني أول ما يبقى معاك فلوس تعمللي العملية. إنت عارف كويس نفسي أخلف.
طارق.. متقلقيش.. والله هعملها ليكي. مستحيل أنسى وقفتك جنبي.
وفعلا بعدها راح هو وأسماء للمأذون وطلقها.. وبعدها راح لسحر ومعاه ورقة الطلاق.
طارق.. أهو أنا عملت كل اللي إنتي طلبتيه. هتخلينا نروح للمأذون إمتى علشان أكتب عليكي بصراحة مش قادر أصبر أكتر من كده.
سحر.. طالما نفذت الشرط اللي أنا عاوزاه يبقى عنيا ليك. ولو عايز دلوقتي نروح نكتب.. أنا موافقة.
وراح معاها وكتب عليها.. وبعد أسبوع رجع أسماء وردها تاني. وبعد شهرين كان طارق قاعد مع سحر.
طارق بضيق.. إحنا متجوزين بقالنا شهرين.. ومشوفتش حاجة من اللي قولتيلي عليه. إنتي مش قلتي هتتصرفي في الفلوس علشان أعمل المشروع
سحر.. هو إنت فاكر إني نسيت أنا كلمت هشام أخويا وخلاص الفلوس هتبقى عندك بكرة.
طارق.. معقول أخوكي وافق يديكي المبلغ كله
سحر.. ده أنا لو طلبت أكتر من كده كان اتصرف. إنت متعرفش هو عامل معايا إزاي.. زي الخاتم في صباعي. ولو عايز فلوس تاني قوله.. وأنا أخليه يتصرف.
طارق.. كتر خيره. بس قولي له إن الفلوس هتفضل أمانة لحد ما أسددها
سحر.. سيبك من الكلام ده.. واعتبر الفلوس مساعدة من أخويا ليك.
طارق.. إيه العبط اللي بتقوليه ده مستحيل أقبل كده. الفلوس دي دين في رقبتي.
وفعلا خد طارق الفلوس.. وجزء منها عمل بيه لاسماء الحقن.. ونجحت. وقتها أسماء قالت..
أسماء.. طالما العملية نجحت ومعاك فلوس المشروع.. أنا شايفة تطلق سحر اللي اتجوزتها علشانها وخلاص.
طارق.. الكلام ده كان ممكن أوافق عليه لو معرفتش إن سحر كمان حامل. وأنا بقولك إنتي لازم تقبلي بالأمر الواقع.. علشان مش مستعد أبعد عن ولادي لحظة ولا أشوفهم عن طريق المحكمة.
أسماء بضيق.. يعني سحر خلاص هتفضل في حياتك وأنا هفضل عايشة في الضلمة وخايفة في أي لحظة تعرف الحقيقة
طارق.. بصي يا أسماء.. حطي في دماغك حاجة.. لولا سحر ماكنتيش دلوقتي حامل. وانسي خالص موضوع طلاقها. واعرفي لو الشيطان لعب في دماغك ورحتي قلتي لها إنك متجوزاني.. ساعتها مش هسمي عليكي وهطلقك بجد.
أسماء.. معقول الكلام اللي إنت بتقوله ده على العموم يا طارق.. أنا مش عايزة أخسرك. واللي تقول عليه أنا هعمله.
وفعلا لحد دلوقتي سحر مفكرة إن طارق مش متجوز غيرها.
وتاني يوم صحيت على صوت في الصالة. لبست الروب وخرجت.. واتفاجئت لما لقيت سحر قاعدة.
مروه.. سحر! غريبة! إنتي بتعملي إيه
سحر..
في إيه يا بنت إنتي مالك بلعالي راديوو على الصبح! هو تحقيق ولا إيه إنتي دخلتي الشقة إزاي بالمفتاح يا عيني هو إنتي متعرفيش إن كل نسخ مفاتيح الشقة معايا وإنتو معاكم مفتاح واحد بس!
مروة بضيق..
أنا معنديش مانع إن المفاتيح تبقى معاكي.. بس على الأقل ترني الجرس أو تخبطي قبل ما تدخلي. مش معقول أصحى وأتفاجأ إني ألاقيكي جوا!
سحر..
ده إنتي يومك مش معدي النهارده. هو إنتي يا بنتي هتقولي أعمل إيه وماعملش إيه ومعلش إيه خليها حلقة في ودنك.. هنا الشورى شورتي والقول قولي. بلاش من أولها تزعليني.
في الوقت ده بيخرج هشام من أوضة النوم وهو بيقول..
هشام..
سحر! إنتي هنا وأنا بقول الشقة نورت ليه! ده أنا كنت لسه هاصحي مروة وننزل نصبح عليكي ونفطر سوا. تعبتي نفسك ليه
سحر..
ما أنا بفهم في الذوق برضه. قولت إنكم لسه عرسان جداد ومينفعش تنزلوا وتتعبوا نفسكم من أول يوم. علشان كده طلعتلكم. بكرة تبقوا تنزلوا إنتو.
هشام..
اللي إنتي عاوزاه يا حبيبتي.. واللي يريحك.
سحر..
وإنتي يا عروسة.. هتفضلي قاعدالنا كده كتير مش واخدة بالك إن ده ميعاد الفطور ولا إنتي هتسيبينا
مروة تبص لهشام مستنية إنه يتكلم.. لكنه أول ما عينه تيجي في عينها يبص في الأرض.
سحر بحدة..
إنتي شكلك كده عاوزة تكسبي عدواتي من الأول! وحاسة إنك مش هتعمري مع هشام.
هشام..
اهدي بس يا سحر. مروة لسه عروسة وهتاخد شوية وقت لحد ما تفهمك. وإنتي يا مروة.. ادخلي يلا المطبخ.. اعملي اللي سحر قالت عليه. مش عاوزاها تزعل منك.
مروة بضيقة..
حاضر يا هشام.. اللي إنت عاوزه.
تدخل المطبخ مضايقة.
هشام..
يا سحر.. بالراحة على مروة. مش معقول من أول يوم كده. أنا مش عاوز مشاكل من أولها.
سحر..
آه.. من أولها كده الحرباية قلبتك عليا هو أنا عملت إيه ولا قلت إيه خلاص يا خويا.. طالما طلوعي عندك هيعمل مشكلة.. خلاص مش هاطلع تاني.
بتقوم تسيب المكان.
هشام..
اهدي يا سحر. قصدي بس بقولك اعملي اللي تعمليه. أهم حاجة متبقيش زعلانة.
سحر..
انت كده تبقى أخويا وحبيبي اللي طمرت فيه تربيتي. خد.. أمسك الشريط ده.
أنا عاوزاك تحط لها كل يوم حباية في العصير.
هشام مستغرب..
شريط إيه ده يا سحر وبيعمل إيه أنا مش فاهم منك حاجة.
سحر..
خليك صاحي معايا كده. ده شريط منع حمل. أنا مش عاوزاك تخلف منها دلوقتي.. غير لما نشوفها
هشام..
إيه الكلام الغريب ده يا سحر! ما إنتي عارفة إني كبرت ونفسي أشوف عيالي.
سحر..
يا حبيبي.. افرد إنك ما ارتحتش معاها وحصل انفصال. ساعتها هتتعب قوي
متابعة القراءة
