المغسلة لقت كلمه مكتوبه علي كفن العروسه اللي اتوفت المغسلة بقلم هويدا زغلول

المغسلة لقت كلمه مكتوبه علي كفن العروسه اللي اتوفت ليله زفافها كشفت كارثه.
انا أم احمد المغسله طبعا عارفني كويس انا النهارده جايبه لكم حكايه غريبه جدا بس قبل ما بدأ الحكايه دي في يوم لقيت واحده من المغسلات اللي زي جايه لي ومعناها واحده من بلدهم وقالت
نعيمة
سلام عليكم ازيك يا ام احمد عامله والنبي انتي وحشاني بشكل ده انا مصدقت اني اجيلك هنا
المغسله
ازيك يا نعيمه انتي فينك كده مش بتباني ليه يا بنتي أخبارك إيه
نعيمه
انا الحمد لله وجايه لك في حاجة مهمة اوي الصراحه كده في موضوع مهم اوي
المغسله
خير يا نعيمه قولي ايه الموضوع المهم ده
نعيمة
الاول اعرفك علي الست فايزة اللي معايا أختها لسه متوفيه امبارح اتوفت بعد فرحها علطول يعني بعد ما دخلت بيت جوزها
المغسله
لا حول ولا قوه الا بالله العلي العظيم البقاء لله يا بنتي طيب هي كانت تعبانه ولا إيه اللي حصلها عشان تتوفي كده
فايزة
ولا كان فيها أي حاجه خالص دي كانت كويسه ودكتور الصحه قال إنها اتوفت نتيجه ساكته قلبيه
المغسله
طيب انتي لسه مغسلتهاش يا نعيمه ولا إيه
نعيمه
ماهو انا جيت عشان اغسلها حصلت حاجه غريبه اوي يا ام احمد عشان كده احنا جينا لك عشان تيجي معانا تشوفي المتوفيه دي كانت مالها
المغسله
هو انتو شاكين في حاجة ولا إيه يا جماعه ماتحكولي ومتخبوش حاجه عليا
نعيمة
بصي يا ام احمد احنا شوفنا حاجه غريبه علي كفن العروسه بس انا مقولتش لحد خالص علي اللي شوفته غير الست فايزة أخت المتوفيه وأمها بس انا قولت لهم أن احمد اللي هتعرف اللغز ده
المغسله
وايه هو بقا اللغز ده
نعيمة
بصي يا ام احمد انا غسلت المتوفيه وبعدين

لما جيت اكفنها لقيت الكفن مكتوب عليه كلمه انا مقهورة وانا لما شوفت الكلمه دي انا زعلت ورحت قولت لازم المتوفيه
فايزة
احنا استغربنا من اللي لاقيناه علي الكفن احنا اشترينا الكفن بعد ما هي راحت يعني مش معقول أن المتوفيه هي كتبت الكلام ده ومش عارفين مين اللي عمل كده
المغسله
يعني ايه الكلام ده طيب انتو مسألتوش ايه اي حد في البيت أو أي حد يكون كتب كده
فايزة
ماهو احنا مش عارفين نسأل اصل الحكايه دي هتبقى وحشه أوي في حق اختي احنا خايفين يكون حد كان عملها عمل أو يكون اللهم احفظنا هما اللي كتبوا الكلام ده
المغسله
لا لا مفيش الكلام ده اكيد حد هو اللي كتب الكلام ده انتو روحوا المحل اللي اشتريتوا منه الكفن واسالوا
فايزة
امي عملت كده وراحت علي السكت كده من غير ما حد يحس قالها أن مفيش الكلام ده ومفيش حد عندهم هيعمل كده في الكفن احنا محتارين مش عارفين في إيه
نعيمه
وانا خوفت اتكلم في العيله كلها انتي ده كان ممكن اتهموني انا اللي عملت كده يا ام احمد انتي عارفه الأرياف بقا واللي بيحصل فيها دول ما بيصدقوا يسمعوا حاجه خصوصا انها راحت شابه وكمان ليله فرحها
المغسله
طيب انا ايه المطلوب مني عشان أنا مش فاهمه انتو عايزين أن اروح معاكم اغسل المتوفيه وأشوف مين اللي عمل كده فيها صح
نعيمة
انا قولت للست فايزة أن مفيش حد هيعرف يخلص الحكايه دي وتعرف اللي حصل غيرك انتي يا ام احمد
المغسله
طيب انا عايزة أعرف هي العروسه دلوقتي في بيت جوزها ولا في بيت أهلها
فايزة
لا في بيت ابويا وامي ماهي لما حالنا الخبر أنها اتوفت بعد لما دخلت علطول أبويا قال إنها لازم تيجي البيت عندنا عشان نغسلها وكان ناوي يبلغ الحكومه عشان كان شاكك أن يكون العريس عمل فيها حاجه لسمح الله
المغسله
طيب انتي عندك اخوات تانيه في البيت أو مين اللي عايش معاكم في البيت
فايزة
هو مفيش حد في بيت أبويا غيره هو وأمي وأختي دعاء اللي راحت دي وانا أختي إلهام واخونا مصطفى احنا التلاته متحوزين يعني دي كانت اخر العنقود
المغسله
طيب وانتو مشكتوش ان ممكن يكون حد عامل لها حاجه فعلا مع اني مش بؤمن بالحاجات ديه بس السحر موجود يا بنتي
فايزة
والله احنا كنا سكينا في مرات عمي أصلها مش بتحبنا من زمان وطول عمرها بحقد علينا بس إحنا بقا مرضناش نسألها ولا نجيب سيرة غير لما انتي تيجي وتعرفي انا ايه اللي حصل
المغسله
خلاص يا بنتي انا هاجي معاكم وربنا يجعل اللي فيه الخير
ودخلت جوه عند حنان وقولت لها
المغسله
بقولك ايه يا حنان انا هاروح اغسل واحده اتوفت في بلد كده جنبنا وحاول اني متأخرش أنتي خلي بالك بقا علي ما رجع
حنان
حاضر يا ماما بس انتي متعمليش اي إرهاق عشان انتي تعبانه
المغسله
انتي بتعملي زي جوزك هو كمان بيقولي كده انا هاروح بس اشوف الحكايه الغريبه اللي بيقولوا عليها دي
حنان
هو ايه الموضوع النهارده علي ايه يعني يا ماما
المغسله
مش عارفه يا بنتي لسه انا هاروح وارجع علطول أن شاء الله
ومشيت رحت بيت المتوفيه والام قابلتني وكانت منهارة من العياط وانا هديتها وقولت لها
المغسله
البقاء لله شدي حيلك ربنا يرحمها ويغفر لها ادعي لها هي محتاجه دعواتك
الأم
بدعي لها دي بنتي حبيبتي ونور عيني راحت كده مرة واحدة ومحدش عارف ده حصل إزاي
المغسله
نصيبها كده أن لله وان اليه راجعون انا هدخلها
الأم
بالله عليكي يا ام احمد محدش يعرف حاجه اللي انتي تعرفيه تقوليه بيني وبينك كده ياريت
المغسله
متقلقيش انا عمرى ما اطلع اسرار اللي مغسلهم بره غير للأهل لو حابين يعرفوا حاجه
وسبتها ودخلت علي المتوفيه ولقيت بنت نايمه وشكلها حزينه اوي وزي ما تكون كانت بتعيط كتير وكانت لسه بالمكياج بتاعها وقولت
المغسله
لا اله إلا الله الله يرحمك يا بنتي يا تري انتي اللي حصل معاكي عشان تروحي كده بسرعه ومتلحقيش تتهني مع عريسك
ولقيتها عماله تعيط وقالت 
دعاء
انا ارتحت من اللي انا كنت هاشوفوا وكنت هعيش فيه انا كنت هاعيش في عذاب عمري كله مكنتش هعرف اعيش
المغسله
انتي عملتي في نفسك حاجه ولا انت حد عمل فيكي حاجه لازم تقولي لي
دعاء
كلهم عملوا فيا كلهم دبحوني لما ابويا وافق علي الجوازه دي والكل صدق علي كلامه الكل وافقوا زي ما يكون لاقو القيه اصل العريس غني وأهله أغنيه بس هما مايعرفوش أن ورا ده كله حاجه مستخبيه
المغسله
وايه هي الحاجه دي يا دعاء يا بنتي قولي لي انا جايه هنا عشان اسمعك وكمان عايزين نعرف مين اللي كتب كده علي الكفن وهل حد عارفك ولا إيه
دعاء
انا خطي لك من اول لما الحاج فوزي اتقدم لي اه ماهو حاج وتقريبا اكبر مني بسنين كتير يعني يعتبر اد أبويا
فلاش بااااك
الأب داخل من بره وفرحان وبيقول
محمود
يا هنيه هنيه انتي فين يا وليه انتي تعالي بسرعة
هنيه
في ايه يا محمود مالك يا خويا راجع من بره متسربع كده ليه هو ايه اللي حصل في إيه
محمود
في الهنا والسعد يا هنيه اللي هيعيشونا ملوك في البلد هنا يا سلام يا ولاد علي العيشه اللي هنبقا فيها
هنيه
يوووه مالك يا راجل انت بتقولي ايه انا مش فاهمه منك حاجه خالص ايه الكلام الغريب بتاعك ده ما تتكلم علطول
محمود
البت دعاء جالها عريس