المغسلة لقت كلمه مكتوبه علي كفن العروسه اللي اتوفت المغسلة بقلم هويدا زغلول
نيله هو حد لاقي عريس زي ده طب والنبي انا لو ما كنت متجوزه انا كنت اتجوزته انا بدل الفقري اللي انا متجوزاه ده بلا هم
الهام
هو انتي معندكيش قلب ولا احساس يا فايزة انتي مش شايفه أختك حالتها عامله إزاي وابوكي اصلا ازاي يغصب عليها تتجوز راجل كبير زي ده مش فاهمه انا هي الفلوس عمته ولا إيه
فايزة
يالهوي عليكي يا إلهام هو انتي مستكترة عليها الجوازة ااه ما انتي كمان متجوزة واحد فقر وعايشه معاه في الفقر لازم تكون عينك من عريس أختك وبتغلي منها طبعا
الهام
اخس عليكي وعلي كلامك انا اصلا مش راضيه بالجوازه دي انا عندي اختي اهم من أنها تتجوز جوازه من علي هواها
دعاء
اه والله يا إلهام انا مش عايزة الراجل العجوز ده والنبي كلمي أبوكي يفشكل الكلام الراجل ده وتخليه يشلني من دماغه
إلهام
انا هتكلم مع ابويا تاني وأشوف انا بقا هو هيعمل ايه ربنا يهديه ابوكي منشف رأسه يا دعاء ومحدش قادر عليه خالص
ودخل مصطفي وقالها
تعالي يا دعاء عشان تقعدي مع عريسك قومي يلا
دعاء
حتي انت يا مصطفى موافق علي الراجل ده يا نااااس ارحموني انا مش عايزة اتجوز الراجل ده
مصطفى
بقولك ايه أبوكي خلاص ادي الراجل كلمه انتي ابوكي يرجع في كلامه عايزة تفضحيه في البلد ولا إيه اسمعي الكلام ابوكي مش هينفع يرجع في كلامه مع الراجل يا دعاء
دعاء
طيب ما كان رفض من الاول وخلصنا يا مصطفى حرام عليكم بقا حرام
مصطفى
هوووش وطي صوتك انتي عايزة تفضحينا ولا إيه يا بت انتي والله انا ممكن اجيبك من شعرك لو نفسك طلع يلا قدامي ظبطيها يا فايزة الأول
إلهام
يا مصطفى خلي ابوك يشوف حل في الحكايه البت أختك مش عايزة الراجل ده يابني حرام
مصطفى
الهام خليكي في حالك هو انتي اللي تعصيها ولا إيه أنتي كمان تخلصي يا بت يا دعاء
وفعلا طلعت دعاء وقعدت مع العريس اللي قالها
فوزي
ايه يا عروسة انتي هتفضلي باصه في الأرض كده ولا ايه ما تبصي لي كده انا عايز اشوف جمالك ده
دعاء
اشمعنا انا يا عم الحاج
فوزي
اشمعنا
دعاء
اشمعنا اختارتني انا من دون البنات اللي في البلد كلهم اشمعنا هو انت مش طول عمرك بتعاملني علي انك عيله صغيرة صح ولا إيه
فوزي
صح يا دعاء بس والله مش عارف انتي فجأة كده حبيتي في عيوني وحسيت اني عايزك في الحلال
دعاء
طيب ما هي البلد ليه انا حرام عليك يا عم الحاج انا لسه صغيره الصراحه كده انا أبويا غصبني علي اني اتجوزك وانا مش عايزة الجوازه دي
فوزي قام وقف وقال
فوزي
بقا كده طيب انا ليا كلام تاني مع أبوكي اللي حط أيدي في أيده ده
وخرج من الاوضة وقال لمحمود
فوزي
جرا ايه يا محمود هو انت مش قايل أن بنتك موافقه عليا اومال ايه الكلام اللي انا سمعته منها ده
محمود
كلام ايه بس يا حاج فوزي
فوزي
بنتك بتقولي انها مش موافقه عليا ياريت بقا تشوف الحكايه دي عشان انت ماضي لي علي الورق بتاع وصلات الامانه ولا انت نسيت
محمود
لا لا منسيتش أهدي انت بس يا حاج وانا هتصرف
ومشي فوزي ومحمود مسك دعاء من شعرها وفضل يضرب فيها وقال لها
محمود
بقا كده انتي عايزة توطين راسي في الأرض يابت انتي ولا إيه ده انا هوريكي وهتتجوزي فوزي يعني هتتجوزيه غصب عنك
إلهام
حرام عليك يابا سيبها البت هتروح في إيدك وبعدين هو من أمتي كان الجواز بالعافيه كده
محمود
اخرسي يابت يا إلهام مش عايز اسمع صوتك خالص وانتي تكلمي الحاج محمود وتقولي له انك موافقه عليه انتي سامعه والا هي بقا اخر يوم في عمرك
فايزة
ما تسببه يربيها ياختي هو انتي ايه اللي بيدخلك اصلا ابوكي وهو اللي عارف مصلحتها فين احنا ملناش دعوه هو ابونا يجوزها للي يحب
إلهام
يا شيخه حرام عليكي دي اختك الصغيرة يعني لازم تقفي جنبها مش تسبيها كده اتجوز غصب عنها حراااام
هنيه
حرام عليك يا محمود بقا كفايه سيب البت
محمود
انتي تعقليها يا هنيه انتي سامعه ولا لأ اكيد أنتي اللي معصياها علي انها متوافقش علي العريس كتك الهم انتي وبنتك
وسابها وخرج وهي منهارة من العياط وفضلت دعاء حزينه وكل يوم تعيط والهام
إلهام
هو. ايه أصله ده يا نااااس البت مش عايزة الجوازه هو بالعافيه
فايزة
اه بالعافيه لما يبقا المهر بتاعها اد كده وفدداين ارض اد كده ونبقا أسياد البلد يبقا بالعافيه
هنيه
اسكتي يا فايزة انتي اسكتي خالص متتكلميش هو انتي مش عايزة تبطلي ليه انتي مش شايفه حالت أختك عامله إزاي
فايزة
لما تشوف العز هتبقي كويسه وزي الفل اطمنوا انتو بس ومتشجعوهاش علي انها ترفض
وبعدها عدت الأيام وجه يوم الفرح والكوافيرة كانت بتمكيج دعاء وكانت بتعيط وقالت لها
الكوافيرة
وبعدين معاكي يا عروسة انا مش عارفة اعملك الميكب دي تالت مره اعيده من الأول انتي بتعيطي ليه كده
دعاء ساكته وفايزة قالت لها
فايزة
هي بتعيط اكمنها يعني دلوعة امها وأبوها ومش عايزة تسيبهم عشان كده بتعيط انتي بس شوفي شغلك ياختي
الكوافيرة
والله انا شغاله معاها اهو بس هي صعبانه عليا أوي من كتر عياطها ده انا مش فاهمه في ايه بس علي العموم انا بعمل اللي عليا اهو
فايزة
يا بت فيها بقا هو انتي يعني اول ولا اخر واحده تتجوز وتمشي من بيت اهلها ما كلنا اتجوزنا ياختي اهو
دعاء
اسكتي يا فايزة عشان انتو هتحوزنوا هتحزنوا جامد وهتشوفي
فايزة
لا حول الله ياربي ايه يابت الكلام اللي انتي عماله تخرفي بيه ده هو انتي جرا لمخك حاجه ولا إيه
دعاء
لا يا فايزة بس انتو هتحزنوا وهتلبسوا أسود هتشوف
الكوافيرة
لا إله إلا الله ليه الكلام ده يا عروسة روقي كده اهدي واستهدي بالله يا حبيبتي اهدي
وبعدها الفرح اتعمل ودعاء طول الفرح حزينه والهام كمان ولما الفرح خلص وراحت دعاء عند العريس الكل كان بيسلم عليها والهام قالت لها بصوت واطي
إلهام
انا عارفه انك زعلانه وحاسه بالقهرة اللي جواكي بس انا مش في ايدي حاجه اعملها لك يا دعاء يا حبيبتي والله
دعاء
انا عارفه يا إلهام انتي هتوحشيني اوي انا عايزاكي تبقي تقولي لابوكي اني زعلانه منه عشان مسمعش كلامي ماشي وابقي تعالي لي هناك علطول زوريني انا هبقا مستنياكي
إلهام
ازورك
دعاء
لا ده مش هيبقى بيتي انا بيتي هيبقا هناك انتي بس هتزوريني مش كده انا بحبك اوي يا إلهام
وحضنت أختها وإلهام عيطت وقلبها انقبض وقالت لها
إلهام
هو في ايه يا دعاء مالك ياختي هو انتي هتروحي فين انا مش فاهمه
دعاء
هتعرفي لما اروح بس لما اروح ابقي عرفي الكل اني مقهورة اوي من جوايا ومش قادرة استحمل
فوزي
ما يلا بقا يا عروسه الله وانتي يا إلهام انتي هتباتي هنا ولا إيه
إلهام
طيب يا عم الحاج انا بس بسلم علي اختي وماشيه اهو يلا يا حبيبتي مع السلامه
دعاء حضنتها تاني جامد ومشيت إلهام ودعاء دخلت اوضتها تغير هدومها وفي البيت عند أبوها
إلهام
انا حاسه أن دعاء فيها حاجه مش طبيعيه انا حاسه انها مش طبيعيه
محمود
بقولك ايه يا
إلهام يلا روحي علي بيت جوزك يلا انا مش ناقص وجع دماغ يلا غورى من هنا
إلهام
بقا كده يابا ماشي انا همشي أهو
ولسه هتمشي محمود جاله خبر واتصدم وقال
محمود
انت بتقول اييييه بنتي مالها
إلهام
في ايه يابا دعاء راحت صح راحت يابا
هنيه
بنتي بنتي ازااااي اسكتي يا بت يا إلهام ايه اللي حصل يا محمود قول في ايه ايه اللي حصل
وفعلا كلهم راحوا ومحمود فضل يعيط ويقول
محمود
انا السبب انا اللي عملت فيها كده لاه يا بنتي اااه
وإلهام كتبت علي الكفن انا مقهورة
باااااااااك
المغسله
لا حول ولا قوه الا بالله العلي العظيم بقا كل ده بسبب الزعل وبسبب أن أبوكي جوزك غصب عنك ارتاحي يا دعاء ربنا يرحمك يابنتي ويجعل الجنه المستراح ليكي
وبعدها خرجت وحكيت لهم كل حاجه وقولت لابو البنت
المغسله
مكانش ينفع تغصب علي بنتك بجوازه زي دي حرام عليك بس هنقول ايه ده عمرها لحد كده
محمود
انا السبب اه يا بنتي هاتولي بنتي
إلهام
انا اللي كتبت الكلام اللي علي الكفن عشان الناس كلها تعرف انتو اد ايه جيتوا عليها حرام عليكم حراااام
وبعدها البنت اتدفنت وادفنت معاها أحلامها بنت صغيره راحت بسبب القهرة والزعل ياريت قبل
وبكده تكون خلصت قصتنا
