المغسلة لقت كلمه مكتوبه علي كفن العروسه اللي اتوفت المغسلة بقلم هويدا زغلول

إنما ايه مفيش بعد كده غني ومعاه فلوس بالهبل وقالي أنها لو وافقت هينقلنا ناقله تانيه خالص بقولك هنبقا ملوك في البلد هنا يا وليه
هنيه
وده يطلع مين ده يا راجل اللي هيخلينا من من الاغنيه كده أن شاء الله
محمود
الحاج فوزي جالي الورشه وطلب ايد دعاء
هنيه باستغراب
طلب ايد دعاء اه يا خويا بس ده ابنه لسه صغير ما انت عارف أن بناته هما اللي كبار والولد إبنه اللي لسه في ثانوي معقولة يكون عايز يجوزه من دلوقتي
محمود
ابنه ايه بس يا وليه يا خرفانه انتي هو انا قولت أن هو متقدم عشان ابنه لا الحاج فوزي عايز دعاء لنفسه هو انتي مش مركزة معايا ليه
هنيه بصدمه
يا مصيبتي يا محمود ده اللي هو ازاي ده ياخويا انت عايز تجوز البت الصغيره اللي زي الوردة دي للراجل الكبير ده ده اكبر منك يا محمود ده متجوز اتنين نسوان ازاي الكلام ده
محمود
وفيها ايه يا وليه ماهو الراجل من حقه يتجوز اربعه وبعدين ايه اللي كبير دي ما انتي عارفه أن الراجل ميعبوش الا جيبه وده جيبه عمران المهم أن احنا نقب علي وش الدنيا يا وليه
هنيه
وهو احنا عشان نقل علي وش الدنيا تقوم ترمي بنتك الرميه دي يا محمود لا لا انا مش موافقه علي الجواز المهببه دي لا انا بنتي في حضني ايه يا خويا ايه اللي يخليني اوديها لراجل كبير زي ده
محمود
وهو انتي مالك اصلا يا هنيه انا جاي بقولك عشان انتي امها وبس إنما عليا الطلاق يا هنيه لو مخلتيش البنت توافق لأكون موديكي بين أهلك
هنيه
كمان بتحلف عليا يا محمود ده الراجل لحس دماغك بقا بالقرشين اللي هيدهوملك مش كده وانت مبتصدق تشوف الفلوس قدام عينيك
محمود
ايوه انا ما بصدق ده الراجل هيدفع مهر بنتك خمس فدداين ارض ده غير ربع مليون جنيه عشان نشورها بيهم ونجهزها عايزاني بقا اسيب جوازه زي دي عشان قال ايه الراجل كبير قال
هنيه
انت عمال تتكلم وخلاص طيب متاخد راي البت الاول افرض هي مش عايزه هتغصب عليها أنها تتجوزه بالعافية ولا إيه
محمود
ايوه هغصب عليها وبعدين هي لما تروح بيت الراجل وتعيش في العز وتشوف الهنا والسعد اللي هتبقي فيهم هتدعي لي وتقولي الحمد لله يا بت انك جوزتني جوازه زي دي
هنيه
بقولك ايه انا مليش دعوه بس بنتي محدش يغتصبها علي حاجه يعني لو قالت لك لا يبقا هي لا بلاش تغصب علي البت يا محمود حرام عليك
محمود
انتي اسكتي خالص يا وليه انتي ومش عايزك تنطقي بكلمه انتي سامعه ولا لأ
ونده علي دعاء وقالها
محمود
بت يا دعاء دعااااء
دعاء
نعم يابا في ايه انت بتنادي عليا كده ليه
محمود
تعالي يا قلب أبوكي عايزك في حاجة مهمه أوي يا حبيبتي تعالي بصي بقا مش انتي بتحبي أبوكي وبتثقي فيا
دعاء
طبعا يا با هو انا عندي اغلي منك انت وامي وأخواتي بس هو ايه الموضوع بقا
محمود
انتي جاي لك عريس ابن حلال وراجل مبسوط
دعاء فرحت عشان كانت فاكرة أن زياد اللي هي بتحبه هو وقالت بفرحه
دعاء
عريس ليا يابا طيب وده مين العريس ده بقا انا أعرفه
محمود
طبعا تعرفيه عز المعرفه يا حبيبتي العريس يبقا الحاج فوزي
دعاء بصدمه
مييين الحاج فوزي مين ده اوعي تكون قاصدك الحاج فوزي اللي هو صاحب المزرعة اللي في أول البلد
محمود
ايوه هو طبعا هو في حاج فوزي غيره ايوه هو يا بنتي
دعاء
ازاي يعني يابا ده انا بقوله يا عم الحاج ازاي اتجوزه انا مش فاهمه يعني
محمود
الله جرا ايه يا بت وهو ماله يعني لما تقولي له يا عم الحاج وتتجوزيه فيها أيه يابت ده هيعيشك في نعيم وهنا ما انتي اللي عنده راجل غني ومبسوط إزاي
دعاء
انا مليش دعوة بكل ده انا مش موافقه طبعا عليه ولا يمكن اتجوز الراجل العجوز ده
محمود
يابت افهمي انتي لما تتجوزي الحاج فوزي مش هتحسي باي فرق في السن لانك هتعيشي في هنا ونعيم
دعاء
لا يابا انا مش عايزة الجوازه دي انا عايزة افضل قاعده جنبك انت وامي مش عايزة جواز من أساسه
محمود
اسمعي يا بت انتي انا عمال اهنن وادلع فيكي من الصبح عشان توافقي علي العريس وانتي اللي في دماغك في دماغك اسمعي بقا انا معنديش حد يقولي لا علي حاجه وانتي هتوافقي غصب عنك
قال كلامه ومشي وهي فضلت تعيط وقالت لأمها
دعاء
انا مش عايزة الجوازه دي ياما خلي ابويا يصرف نظر عن الجوازة دي انا لو اتجوزت الراجل ده انا هاروح فيها انا مش عايزة اتجوز الراجل العجوز ده
هنيه
أهدي يا بنتي انا لازم اتكلم معاه واشوفوا هو ناوي عليه بس يا ضنايا متزعليش انا هتصرف
وبعدها دخلت دعاء أوضاعا واتصلت بزيادة وقالت له وقالها
زياد
هو مين ده اللي عايز يتجوزك وابوكي ازاي يوافق عليه الراجل ده كبير عليكي اوي يا دعاء
دعاء
ماهو انا مش موافقه عليه يا زياد انت لازم تجيب ابوك وتيجي تتكلم مع ابويا وتتقدم لي والنبي يا زياد
زياد
انا كده كده كنت لسه بكلم ابويا في حواري انا وانتي يا دعاء انا هاقوله نروح لكم في اقرب وقت
وفعلا بعدها بيومين زياد وأبوه راحوا عند محمود وقالوا له
كمال
احنا جاين لك يا حج محمود عشان نطلب ايد بنتك دعاء لابني زياد هو عنده شقته في البيت عندي ولسه هتتوضب
محمود
معلش يا حج كمال انا بنتي دعاء في ناس متكلمين عليها وانا موافق وهي موافقه خلاص علي العريس اللي جاي لها ده
زياد
إزاي يعني يا عم محمود وبعدين هو مين العريس اللي جاي لدعاء ده
محمود
هو انا لازم اقولك يعني يطلع مين العريس ده هو واحد من البلد وخلاص واحنا وافقنا عليه
كمال
طيب يا حج محمود أنت متأكد أن بنتك موافقه علي العريس التاني ده انت اخدت رأيها يعني
محمود
الله طبعا أنا واخد رأيها وهي موافقه اومال يعني انا هجوزها كده من غير لما تكون هي موافقه
زياد
طيب هاتها قدمنا وقولها كده وشوف رأيها ايه
محمود
بقولك ايه يا واد انت انا خلاص موافق علي العريس اللي جاي لبنتي شرفتوا ونورتوا
كمال
بقا هي دي اخرتها يا حج محمود تشكر كتر خيرك يلا بينا يا زياد يلا
ومشي زياد وأبوه قاله
كمال
بقا انت كنت عايزني احط ايدي في ايد الراجل ده ده بركه أنها جات منه اصلا محمود ده راجل واطي والبلد كلها عارفاه ده طماع
زياد
ماهو عايز يجوز دعاء لراجل عجوز عشان طمعه ده بس انا مش هسكت والله ما هسكت
كمال
ليه هتعمل ايه يا زياد بقولك ايه انت تشيل البت دي من دماغك خالص انا بقولك اهو متلاقيش الا ده وعايزاني اناسبه
قال كلامه وساب زياد لوحده وفي بيت محمود كان قاعد معاه فوزي وجاب لهم حاجات وهدايا كتيرة وأختها فايزة قالت لها
فايزة
يا بختك يا هناكي يا بت يا دعاء شوفي الحاجات اللي الراجل جايبها لك اد ايه شوفتي الراجل ده هيدلعك دلع انتي مشوفتيهوش قبل كده
دعاء بتعيط
طيب ما تتجوزيه انتي ياختي طالما عجبك كده انا مش عايزة اتجوزه يا نااااس حرام عليكم أنا مش عايزاه
فايزة
ياختي كتك