جوزي خلا المريضه في البنج وقف علي سريرها وفضل يرقص بقلم هويدا زغلول

جوزي خلا المريضه في البينج وقف علي سريرها وفضل يرقص
وقبل ما نبدا الحكايه اعرفكم بنفسي
انا اميره عندي 25 سنه متجوزه وجوزي دكتور امراض نسا وفي يوم لقيت اسماء صاحبتي جايه وبتقولي
اسماء
ازيك يا اميره عامله ايه بجد انا ما كنتش اعرف ان جوزك دمه مخفف قوي كده هو انت بتشوفي الفيديوهات بتاعته اللي على التيك توك
اميره
ايه ده ايه الكلام الغريب اللي انتي بتقوليه ده انا جوزي عامل تيك توك ده عامله من امتى انا ما اعرفش غير الموضوع ده حاجه
اسماء
ازاي يعني الكلام ده ده كل شويه بيطلع فيديوهات هو والستات اللي بتيجي عنده العياده هو بيصور معاهم بس بجد بيعجبني خفه دمه
اميره
طب معلش ممكن اشوف الفيديوهات دي
وبعدها وريتني الفيديوهات
ايه المسخره اللي هو بيعملها دي انا مش قادره اصدق بقى جوزي يعمل الكلام الفارغ ده
اسماء
هو في ايه يا اميره مالك مكبره الحوار قوي كده ليه انا مش شايفه يعني ان فيها مشكله لما يعمل كده وفي الوقت ده اميره مسكت
تلفونها وفضلت تدور عليه وقالت
اميره
هو ازاي افضل ادور عليه عندي مش لاقيه اشمعنى مش ظاهر عندي انا
اسماء
بصراحه انا خايفه اقولك ايه سبب ان هو ما يظهرش عندك تزعلي شكله كده اعملك بلوك بس هيكون عاملك بلوك ليه
اميره
اي بلوك طيب ليه علي العموم لما يجي هبقي
اشوف الحوار ده
وبعدها مشيت وانا قولت
اميره
لا انا اكيد مش هقعد اصبر لما البيه
يفضل يعمل الهبل اللي هو بيعمله ده على الاقل انا هروح العياده واشوف هو بيعمل ايه بالضبط
بعدها فعلا روحت العياده وهو كان بيصور
فديو مع واحده وبيقول ليها
سامح
قولي لي بجد يا مدام عزه ايه رايك في الولاده عندنا
عزه
بصراحه اي واحده مش متابعه مع دكتور سامح يبقى فايتها كتير جدا دكتور كويس

جدا ومحترم وما حستش بالولاده خالص وناويه اتابع عنده على طول باذن الله
وبعدها كنت دخلت عليه
عزه
هو في ايه بالظبط زي حضرتك تدخلي بالطريقه اللي انتي دخلتي بيها دي
سامح
انا اسف والله يا مدام عزه دي مراتي
معلش حضرتك تقدري تمشي دلوقتي و باذن الله هتابعي معانا وهستناكي
وشكرا ليكي اوي علي الفديو اللي عملنا
سوا
وبعدها خرجت وانا قولت في الوقت ده
اميره
اي اللي بيحصل ده معقول دكتور سامح
المحترم يكون بيعمل كده انا مش قادره
اصدق وبعدين هو ازاي انا مش بشوف
الفيديوهات اللي ليك علي النت
سامح
علشان اللي بتعملي دلوقتي ده انا عارف
انك مش هتسكتي لو شوفتي اي فديو
قولت علي ايه بقي انا مش ناقص مشاكل
خالص وكل واحد يعمل اللي هو عايزة
اميره
انا بجد عايزه افهم منك بتكسب اي من اللي
بيحصل ده مش قادره اصدق يعني
سامح
بقولك اي النت ده هو اللي شهرني والناس
كلها بقت عرفتني وانا لا يمكن
اسيب موضوع الفيديوهات دي
وبعدها خرجت من عندو. مش بقيت عارفه هروح
فين وبعدها روحت عند ماما
وفي شقه ايات اخت سامح وكانت حامل
وخارجه من بيتها وشافت جوزها قدامها
اشرف
اي ده رايحه فين كده
ايات
رايحه ل اخويا سامح علشان
خاطر اجدد مع ميعاد الولاده انت
عارف ان خلاص بدأت في الشهر
التاسع ولازم اشوف هعمل اي
اشرف
علي جثتي أن اخوكي ده يولدك انتي شكلك
اتجننتي مش كده لا طبعا
ايات
هو انت اكيد بتهزر انت مش عارف
الولاده عامله كام دلوقتي وانا مش هقدر
علي مصاريفها هجيب منين يعني
اشرف
هو انتي مش شايفه اخوكي بيعمل اي مع الناس اللي عندة هكون فرحانه يعني لما
يعمل معاكي نفس الكلام ويطلعك علي النت
ولا اي
ايات
خلاص يا حبيبي اطبخي يا جاريا كلف ي سيدي
هات بقي فلوس علشان احجز عند دكتور
برا ونشوف المصاريف اللي بجد
اشرف
مانتي عارفه الظروف اللي انا فيها
هجيب ليكي فلوس منين يعني
خلينا علي مستشفي علي قدنا
ايات
يبقي وسع كده وبلاش طريقه كلامك دي
اشرف
والله لو فكرتي تروحي لاخوكي تولدي
عندو ل تكوني طالق انتي سامعه ولا لا
وبعدها نزلت وراحت بيت امها
الام
اهدي بس يا حبيبتي وملكيش دعوه بيه
انتي عارفه كويس اوي ان انا اكيد مش هسكت
علي اللي بيقولوا ده
ايات
عايزني اعمل اي يعني هو حلف بالطلاق
وهو اكيد هيمشي كلامه
وبعدها دخل سامح وقال
سامح
ازايك يا ماما ازيك با ايات عاملين اي
مالكم ايه اي شكلك عامل ليه
كده
ايات
جوزي مش عايزني اولد عندك وحلف عليا
ان مش هيحصل بسبب الفيديوهات اللي انت
بتنزلها
الام
هو دائما كده فقر وعتظا يعني مش معاه فلوس ورافض
سامح
معلش هو مش معاه فلوس وبعدين عايزه
تولدي ازاي انتي عارفه مصاريف الولاده عامله
كام دلوقتي
ايات
اخس عليك يا سامح اي الكلام اللي بتقولوا
ده انت عايز تاخد فلوس من اختك ازاي
يعني الكلام ده
سامح
امال فاكره اي الموضوع ببلاش ولا اي
انا فلوسي قبل ما تدخلي اوضه العمليات
الام
هو فيه اي ما تصور اختك فديوهين تلاته
كده وبعدين خليها تولد ببلاش هو انت مش بتعمل كده مع الناس
وفي الوقت ده ايات قامت وقفت وقالت
ايات
اي الكلام الغريب اللي بتقولي عليه ده يا ماما
بدل ما تقولي شكرا يا اخويا ب ابن امي وابويا
معقول انت بتعمل معايا كده
سامح
هو فيه اي يا ماما بنتك عايزه الحاجه ببلاش
انا دلوقتي بقيت واحد مشهور الف مين
يتمني يكون معايا
الام
ربنا يحرصك يا ابني
وبعدها مشيت
ايات زعلانه وراحت البيت
اشرف
اي اللي جابك مش كنتي مشيتي
آيات وهي متوترة
ايات
انا الصراحه لاقيت عندك حق اخويا طلع استغلالي انا كنت مفكرة هروح أولد عنده ببلاش عشان انا أخته طلع لا عايز الفلوس
او عايز يصورني. وانا بولد
أشرف
انا قولتلك خلينا بقي زي ما قولتلك تروحي تولدي في مستشفي حكومه وخلاص وربنا يقدرنا علي المصاريف
آيات رضيت بالأمر الواقع
آيات
حاضر يا حبيبي ومش عايزك تزعل مني
بجد في اللي عملته انا غلطته
في بيت ام أميرة وأميرة عماله تعيط
وامها قالت
زينب
خلاص يا حبيبتي اهدي انت عماله تعيطي من اول ما جيتي هنا
أميرة بعياط
انا مش مصدقه يا ماما اللي هو بيعمله يعني ايه دكتور محترم يعمل كده مع المرضي بتوعه ويبقي كل همه السوشيال ميديا لا والفيديوهات بتاعته كلها مسخرة مش قادره اصدق
زينب
ياما اقولتلك بلاش ده وحذرتك منه من اول ما اتقدملك هما كلهم بيبقي همهم يلموا الفلوس وبس والا قوليلي صحيح معملكيش ليه حقن مجهري لحد دلوقت انا الشاكه أن هو اللي عنده مشكله مش انت
أميره
مش وقته الكلام ده يا ماما هو قالي أنه مش عايز عيال
زينب
والله هتلاقيه دكتور فاشل ومش عارف يعملك الحقن المجهري ده لو العيب من عندك صحيح
أميرة
المهم يا ماما ايه الحل في المشكله اللي انا فيها دلوقتي
زينب
انتي روحي واتكلمي معاه يوقف المسخرة اللي بيعملها دي وعرفيه يا انت يا الفيديوهات دي
أميرة
وافرضي موافقش ده ممكن يطلقني ويختار الفيديوهات دي
زينب
يبقي احسن وانت تشوفي حالك ده ابن عمك هيموت عليكي من زمان وبيحبك وانت مش شايفاه خالص وانا كنت موافقه عليه وانت لا مش عايزاه
أميرة
يا ماما يا ماما الكلام ده كان زمان خلاص انت هتلاقيه نسيني اصلا وبعدين انا لا يمكن افكر
في حد غير جوزي رغم اللي بيعمله بس بحبه
زينب
نسيكي ده ايه ده دلوقتي مسافر برة وبيرن عليا شبه يوميا بيسال عليا ويفضل يسألني عليكي ومش برضى اقولك واقول خلاص عشان دلوقتي متجوزة والله فيه الخير واد إبن حلال
أميرة
خلاص يا ماما اقفلي علي السيرة دي انا هتكلم
مع سامح وإن شاء الله يوافق أنه يبطل الفيديوهات دي بس هبات عندك النهاردة