جوزي خلا المريضه في البنج وقف علي سريرها وفضل يرقص بقلم هويدا زغلول
المحتويات
ارتاح وهبقي اروح بكرة
وسامح لما بيطلع البيت بيلاقي البيت فاضي فيعرف أن هي غضبت وراحت عند امها
سامح
بقي كده يا اميرة ماشي طب والله ما انا سال فيكي احسن اهو الواحد يدخل يفتح لايف براحته
وفعلا بيفتح سامح لايف علي التيك توك
أحد المتابعين
كنت بسال حضرتك يا دكتور عنوانك فين
سامح
انا عنوان العياده وعنوان المستشفي بتاعتي
أحد المتابعين
انا والده عند حضرتك مرتين والولاده عند حضرتك جميله جدا ومفيش اي الم بعد العمليه
سامح
شكرا يا مدام علي كلامك الحلو
أحد المتابعين
انت متجوز يا دكتور
سامح
اه متجوز وبحب مراتي جدا الحمد لله ربنا يخليهالي ولكن هي مش بتحب تظهر علي السوشيال ميديا خالص يمكن اكلمها واقولها تطلع معايا الفترة اللي جايه وبيفضل يتكلم علي مراته
زينب لما بتفتح التيك توك بتلاقي سامح فاتح لايف وأميرة قاعده في الأوضه مستنيه سامح يعبرها زينب بتدخل علي أميرة
زينب
شوفي جوزك بيعمل ايه فاتح لايف وعمال يتكلم عليكي
أميرة
بتشوف الفيديو وبتتصدم وبتفضل تعيط
انا مش عارفه اعمل معاه اي تاني
الحما
يا حبيبتي انا شايفه النت بقي مقلوب
الفتره دي وحاسه كده ان انتي هتشوفس جوزك
منوره في القسم الفتره الجايه
اميره
حرام عليكي اهدي يا ماما وبطلي كلامك اللي عامله تقولي ده واخرجي معلش بقي لان عايزه انام
وتاني يوم الصبح وفي العياده عند سامح وبيكون عنده مريضه وبيحدد لها معاد الولاده
نورا
بس يا دكتور كده مصاريف الولاده كتير اوي وجوزي مش هيقدر عليها
سامح
والله يا مدام نورة ده اللي عندي ودي مصاريف المستشفي بس انا ممكن اخفضهالك بس بشرط
نورة
ايه هو الشرط
سامح
انا بعمل فيديوهات مع المرضي بتوعي بعد الولاده وبسالهم شويه اسئله وبرفع الفيديو
علي التيك توك ووقتها
نورة
بس انا جوزي ممكن مش يوافق علي زي كده
سامح
والله يا مدام نورة ده اللي عندي تمام نحدد معاد العمليه واعلمك التخفيض مش تمام خلاص
نورة
لا لا خلاص ده انا سمعت انك اشكر دكتور تمام انا موافقه وإن شاء الله لما اتكلم مع جوزي يوافق
سامح
خلاص يبقي اتفقنا
وبتطلع نورة من عند سامح وبتدخل مريضه تانيه وبتكون بتصوره من غير مايعرف
تيسير
ازيك يا دكتور فاكرني انا اللي كنت مع اختي لما كانت بتتابع معاك اللي طلعت حامل في توأم يوم الولاده
سامح
اه اه افتكرت اه ده كانت حاله نادرة من نوعها
تيسير
حاله نادرة من نوعها ايه يا دكتور ده انت شخصتها غلط طول فترة الحمل فضلت تقولها حامل في ولد حامل في ولد واتاريها كانت حامل في توأم بنت وولد اصلا وساعه الولاده
نزلت عسل والثاني مات
سامح بتوتر
اه اه ما ده تقريبا كان عيب في السونار يعني وارد يحصل خطأ وبعدين الموضوع ده قديم اوي وجايه تفتحيه دلوقتي ليه
تيسير وبتطلع التليفون اللي بتصور بيه
عشان اعرف الناس أن انت دكتور فاشل وان فيه واحده قبل كده كانت هتموت تحت ايدك وانت غطيت علي الموضوع والله لافضحك وانزل الفيديو ده للناس
سامح بتوتر اكتر
طب اقفلي بس الفيديو وهنتفق مع بعض
وبيبص علي بطنها وبيعرف أن هي حامل
سامح
انت شكلك حامل ايه رايك هولدك ببلاش بس بعد الولاده نعمل فيديو صغير مع بعض وانزله علي التيك توك ويا ستي هخلي المتابعه ببلاش كمان بس امسحي اللي عملتي ده وانا هعملك كل اللي انتي عايزه
تيسير بتفكير
تمام انا موافقه
وبتخرج تيسير من عنده وهو بيكون عنده شغل كتير بيخلص وبيروح وبيلاقي أميرة في البيت
سامح
ايه رجعتي ليه كنتي خليكي عند امك احسن
أميرة
ما
سامح
اه عاجبني انا مش بعمل حاجه غلط
أميرة
انت بجد مابتفكرش في شكلك ولا في شكلي قدام الناس بتستفيد ايه
سامح بضحكه سخريه
بستفيد ايه !!! بستفيد أني اتشهرت يا هانم وبقيت معروف وبقي بيدخلي فلوس كتير وبعدين كل واحد حر ويعمل اللي هو عايزة وعجبك الواضع وهتعيشي معايا اهلا وسهلا مش عاجبك يبقي كل واحد يروح لحاله
أميرة
تقصد ايه أن انت عايز تطلقني طب وانا مش عاجبني الوضع ده يا سامح
سامح
يبقي انت طالق يا أميرة
وبتتصدم أميرة وبتدخل تلم هدومها وحاجتها وبتدخل تنام في اوضه تانيه وتاني يوم الصبح بتنزل عند مامتها وفي الوقت ده الام بتفتح
الباب وبتشوف اميره وبتقولها
زينب
أميرة مالك يا حبيبتي
أميرة بعياط
طلقني يا ماما طلقني عشان فيديوهاته اللي عايز يعملها
زينب
ماتزعليش نفسك يا بنتي ده واحد مايستهلكيش بكرة يجي اللي يعوضك إن شاء الله
سامح لما بيخلص شغل بيروح عند والدته
الام
مالك يا حبيبي وشك عامل كده ليه فيه حاجه مضايقاك في الشغل ولا ايه
سامح
لا يا امي مفيش حاجه في الشغل انا طلقت أميرة
الام بخضه
وطلقت أميرة ايه عملت ايه البت دي
سامح
مفيش قال مش عاجبها موضوع الفيديوهات اللي انا بعملها وفضلنا نتخانق انا وهي شكلها كده مش حبه ليا الخير ومش عايزاني ناجح في حياتي
الام
أيوة اللي ماتقفش جنب جوزها في نجاحه دي ماتبقاش بتحبه فعلا وبعدين هو انت بتعمل حاجه غلط ده انت اسم الله عليك بقت سيرتك علي كل لسان بكرة تتجوز اللي تقدرك وتقف جنبك
وبيروح سامح البيت وبيفتح لايف
سامح
انا ماكنتش حابب اطلع اقول الكلام ده وانا مش بعرض حياتي الشخصيه علي السوشيال ميديا خالص ولكن انا دلوقتي بقيت حابب اقولكم الحاجات الحلوة والحاجات الوحشه
في بيت زينب وأميرة وبيتفرجوا علي اللايف اللي هو بيعمله
زينب
ده اتهبل واتجنن رسمي بقي فيه راجل يعرض حياته كده قدام الناس ده واحد ناقص بصحيح
استني ارن عليه اهزأه
أميرة
بلاش يا ماما خلاص احنا اتطلقنا مفيش داعي الكلام ده
و زين ابن عم أميرة بيكون بيتابع الفيس والتيك توك اللي مقلوب عن طلاق أميرة وسامح
وزين بيرن علي زينب
زين
ازيك يا مرات عمي عمله اي وقبل ما يكمل
كلامه راحت معيطه وقالت
زينب
الحقي زين بيرن عليا اكيد عرف اللي حصل من النت والقرف
زين
صحيح الخبر اللي انتشر ده أميرة وسامح انطلقوا فعلا
زينب
اه يابني للاسف اتطلقوا والبيه طلع فاضحنا علي النت والقرف
زين
طب واميره عامله ايه دلوقتي
زينب
أميرة منهارة يا حبة عيني مش مصدقه اللي هو بيعمله
زين
ربنا يصلح حالها ويوفقها إن شاء الله يكتب لها الخير مع حد كويس ابقي سلميلي عليها كتير
وباذن الله انا نازل في اسرع وقت واكيد مش هسبها وهقف جنبها
وبتخلص المكالمه مابينهم وبعدها بتدخل جوا
وعند اشرف وآيات كان قاعد وماسك الفون وبعدها قال
أشرف
انتي شايفه اخوكي بيعمل ايه ده بجد الفلوس عمته طلق مراته لا وفاضح نفسه قدام الناس عشان الريتش والفلوس
آيات
والله انا زعلانه من اللي هو بيعمله في نفسه ده وامي بتشجعه علي القرف ده
فجآه آيات بتحس بوجع
آيات
اه الحقني يا اشرف انا شكلي بولد الحقني بسرعه
وأشرف بياخد آيات بسرعه علي المستشفي ويرن علي مامتها وبترن علي سامح عشان يجي يشوف أخته
الام
الحق يا سامح اختك بتولد وأشرف وداها المستشفي تعالي اقف جنب اختك
سامح بتكبر
مش هي موافقتش أن هي تولد عندي خليها بقي تولد
الام
بقولك تعالي اقف جنب اختك تقولي الكلام ده
سامح
انا مليش دعوه انا عندي شغل كتير ومش فاضي وبعدين
متابعة القراءة
