مراتي ماتت وعايز اكشف عليها
مراتي ماتت وعايز أكشف عليها
العيادة النهاردة جالنا راجل عجوز العيادة وكان مصر إصرار غريب إنه يتكلم معايا ويتعالج عندي
السكرتيرة حاولت تفهمه إن العيادة للستات بس لكنه رفض يمشي وفضل يبكي زي طفل صغير
خرجت من الأوضة على صوت الدوشة
ولقيته قاعد بيعيط وبيترعش بطريقة وجعت قلبي
قربت منه وحاولت أفهم هو بيعمل كده ليه
قاللي إنهم رافضين يعالجوه وإنه تعبان ومش قادر
طلبت من أمينة المساعدة تدخل بعد الحالة اللي معايا
وفعلا دخل بعد عشر دقايق
بس كنت حاسة بحاجة غريبة
فضول غريب بيشدني نحوه
رغم إني دكتورة نفسية وسمعت قصص كتير غريبة
إلا إن إحساسي كان بيقولي إن الراجل ده هيحكي حكاية مختلفة
حكاية مش زي أي حالة عدت علي
أول ما دخل بدأ يبص للفراغ
عيونه كانت فاضية
نفس العيون اللي بشوفها في وشوش الموتى
قاللي إنه بيشوف مراته كل يوم
في أوضتها
قاعدة على ماكينة الخياطة بتاعتها
بتخيط
وكل يوم تصحيه الساعة تلاتة
تنهج وتقوله إنها مش قادرة تتنفس
ساعتها فكرت شوية
وحسيت بإحباط بسيط
افتكرت إنها يمكن مريضة
أو يمكن هو بيتخيل بعد صدمة أو فقد
قولتله
طب ما تكشفلها عند دكتور صدرية يا حاج
بصلي بصة جمدت الدم في عروقي
وقاللي
أكشف عليها إزاي وهي ميتة بقالها تلات سنين
جسمي اتنفض
وحسيت بحرارة غريبة بتجري في إيدي
طلبت منه دليل على كلامه
راح مطلع شهادة وفاة
باسم نعيمة السيد محسن أبو النصر
وفعلا التاريخ من تلات سنين
فضلت أتكلم معاه شوية
لحد ما وعدته إني هحاول ألاقي له حل قريب
وبعد ما مشي لغيت كل الجلسات اللي بعدها
مكنتش قادرة أكمل
فكرة الموت بقت بتنهش فيا
بتوجعني أكتر بعد ما بنتي الصغيرة ماتت قدام عيني
في حادثة قلبت حياتي
خلتني أبعد عن ربنا وأسخط على القدر
وأعيش لنفسي وبس
يمكن عشان كده حسيت بيه
حسيت بالوجع اللي بيكسر الروح
لما تفقد أعز الناس ليك
وتفتكر إن خلاص
هو نايم لوحده في قبر مظلم
على رملة
وإنت لسه بتتنفس
ورجعت بيتي وأنا دماغي مشغولة بموضوع الراجل ده جدا
عمالة أفكر فيه واحتمال كبير يكون مصاب بصدمة نفسية بعد فقد مراته
مش قادر يتقبل غيابها عنه
وده نوع من الاضطراب النفسي اللي بيحتاج وقت وعلاج طويل
عشان كده خدت رأي زميلة ليا في الشغل
وأيدتني في كل اللي قولته
وقالتلي إنها عايزة تحضر الجلسة التانية بنفسها
لأن الموضوع بالنسبة لها مثير جدا
نمت ليلتها أو بالأصح حاولت أنام
وصحيت مفزوعة في نص الليل
على كابوس مرعب
شوفت واحدة واقفة قدام سريري
وأول ما فتحت عيني صرخت صرخة خرجت من جوا قلبي
وقعت من على السرير
كابوس خلاني أصحى طول الليل
مش قادرة أغمض عيني ولا ثانية
وتاني يوم زارنا الراجل العجوز تاني
وكانت زميلتي معايا
بدأ يحكي عن مراته
قال إنها كانت أشطر خياطة في المنطقة
وإنه كان بيحبها بجنون
وفي يوم صحيت مش قادرة تتنفس
فضلت تنهج لحد ما ماتت بين إيديه
قبل ما الإسعاف
ومن وقتها وهو بيقول إنها رفضت تسيبه
وإنها لسه معاه
بس وجودها بقى يخوف
بيسمع صوتها وبيشوفها وأوقات بيستخبى في الحمام ويعيط
نظراته كانت صادقة
صادقة لدرجة تخوف
بس أوقات المرضى النفسيين بيصدقوا هواجسهم لدرجة مرعبة
بعد ما خلصنا الجلسة زميلتي سكتت
ماكنتش عايزة تتكلم خالص
ولما مشيت حسيت إنها مش مرتاحة
تاني يوم الصبح
اتصلت بيا وصوتها متغير
كانت بتنهج
وبتسألني
إنتي بتؤمني بالجن يا دكتورة
ضحكت
واستغربت كلامها
قالتلي وهي مرعوبة
الموضوع مش نفسي أنا متأكدة إن في حاجة تانية
ضحكت أكتر
وقولتلها بنبرة عصبية
عيب يا بنتي إحنا دكاترة مش دجالين
قفلت في وشي
ودي كانت أول مرة نزعل بالشكل ده
على آخر اليوم رحتلها
اعتذرتلها
لقيتها قاعدة في شقتها مرعوبة
شكلها متغير
وقالتلي بإصرار إن الموضوع مش طبيعي
وعشان أقنعها إنه مجرد اضطراب نفسي
عرضت عليها نروح مع بعض زيارة ميدانية لبيت الراجل
ونقرر بنفسنا
وفعلا
البيت كان قديم
شقة متهالكة ريحتها غريبة
تحسي الخوف ماسك المكان
أول ما شافنا رحب بينا بطريقة غريبة
زيادة
