اتجوزت ابليس بسبب المرايا امي جوزتني ملك الجن بقلم هويدا زغلول

في البداية اعرفكم بنفسي
أنا رقيه عندي 23 سنة بنت عادية جدا بس كنت دايما بحب أبص في المراية مش علشان الغرور لا علشان كنت بحس إن المراية دي بتطمني
بس ياريتني ما بصيت فيها يوم.
في يوم كنت واقفة قدام المراية وماما دخلت فجأة وقالتلي
الأم
الله يخرب بيت المرايا اللي هتجننك بجد ارحميني منها شوية!
بصي بقى جارنا اللي قدامنا جه وطلب إيدك وأنا شايفة إنه ابن حلال.
رقيه
إيه الكلام الغريب ده ده لسه ساكن في العمارة بقاله شهرين! لا طبعا أنا مش موافقة.
الأم
الواد ابن حلال وغلبان وأنا موافقة على الأقل تقعدي معاه وتشوفيه.
رقيه
بقولك إيه يا ماما أنا ورايا مشوار مهم جدا خليني أخلصه وبعدين نتكلم.
نزلت ساعتها وأنا مخنوقة
ولما رجعت لقيت خالي مصطفى قاعد في الصالة.
وشه كان متغير عينيه حمرا وصوته تقيل.
مصطفى
كويس إنك رجعتي قبل ما أمشي. إيه الكلام اللي بسمعه من أمك
هو كل ما ييجي لك عريس ترفضي
رقيه
هو أنا مش حرة مش عايزة أتجوز دلوقتي خلاص.
مصطفى
لا مش بمزاجك! اعملي حسابك إن العريس ده هيتجوزك ورجلك فوق رقبتك!
وقتها أنا وقفت قدامه وقلتله
رقيه
بقولك إيه يا خالي كفاية بقى أنا خلاص زهقت من الكلام ده.
مش هعمل حاجة غصب عني وبعد إذنك أنا داخلة أنام.
دخلت الأوضة وقفلت الباب ورايا ووقفت قدام المراية
ببص على

نفسي وبقول
رقيه
القمر دي تتجوز جواز صالونات مستحيل يعني!
وفجأة
انعكاسي في المراية اختفى.
وشي بقى مش موجود
ولقيت ماجد جارنا ظهر جوا المراية!
بس وشه مش هو
كان سوده ومليان عروق حمراء وصوته خشن وقال
ماجد
قلتلك هتتجوزيني غصب عنك يا رقيه.
صرخت وفضلت أصرخ لحد ما ماما دخلت الأوضة وقالت بخضة
الأم
مالك يا بنتي بتصرخي ليه!
رقيه
مامااااا ماجد كان جوا المراية بيقولي هتتجوزيني غصب عنك!
الأم
إيه الهبل ده انتي أكيد بتكدبي علشان ما تععديش معاه كل يوم تمثيلية جديدة!
رقيه
لأ يا ماما والله! مش بكدب انتي حتى قلتيلي إن خالي جاي النهارده هو خالي فين!
الأم
خالك
انتي بتقولي إيه
أخويا
أخويا ما جاش هنا من شهرين يا بنتي
رقيه
انت اكيد بتهزري خالي مصطفى كان لسه قاعد معايا بره من شويه ايه يا ماما الكلام الغريب اللي انت بتقوليه ده
الام
بقولك اي الحوار خلص يا رقيه انا أديت كلمه راجل
وجاي بكره
وبعدها تاني يوم كنا قاعدين وقولت ليها
رقيه
هو في واحد محترم لما يجي يتقدم لواحده يجي لها الساعه 1200 بالليل انا مش فاهمه والله انت وافقتي على الكلام ده ازاي
الام
والله يا حبيبتي انت عارفه ظروف شغلك بيشتغل طول النهار وبيرجع متاخر
رقيه
ماشي يا ماما انا قايمه انا لا واحده تعبانه
ومش قادره علي السهر بصراحه
وبعدها كنت داخله ولقيت الباب بيخبط وفتحت
وكان ماجد
ماجد بعيون بتلمع وشعر مرتب بيقول
ماجد
ازيك يا انسه انا عارف ان اتاخرت عليكي
بس برضه لحقت اجيلك في الوقت المناسب
وبعدها افتكرت أنه بيقول افيه
رقيه
اتفضل ماما جوا
وبعد ما دخل قال لماما
ماجد
انا عندي فيلا كبيره اكيد بعد ما نتجوز هننقل فيها وشوفي انت عايزه مؤخر كام وانا هكتبه لك ان شاء الله مليون جنيه
رقيه
هو مش غريبه يا استاذ ماجد ان يكون عندك الفلوس دي كلها وتكون قاعد في الشقه اللي قصاد مننا دي
ماجد
انا كان عندي مشاكل مع عمي بصراحه واحتلت
الفتره اللي فاتت وعلشان كده جيت واتقدمت
في الوقت ده قبل ما امشي
الام
خلاص يا ابني احنا موافقين
رقيه
ماما
الام
فيه اي مالك اهدي كده وانت يا حبيبي
شوف اهلك عايزين يجوا أمتي وتعالو
ماجد
بصراحه انا مقطوع من شجره ومافيش اي حد معايا
وعايز موضوع الجواز يتم بسرعه لان لازم
انقل في اسرع وقت
وبعدها قام وقف وقال
ماجد
انا مستني ردكم لان عايز الجواز يكون الاسبوع الجاي
وفي الوقت ده انا انصدمت وقولت
رقيه
هو انت مستعجل كده ليه ما انت لسه متقدم النهارده يعني مش لازم كل الحاجه تحصل بسرعه كده
ماجد
بصلي بنظره غريبة وقال بصوت هادي بس مرعب
ما انتي خلاص بقيتي ليا يا رقيه
وقتها حسيت ان قلبي اتقبض حرفيا حسيت ان الهوا نفسه تقيل في الأوضة وريحة وحشه طالعة من وراه والمرايا اللي وراه بدأت تهتز كأنها بتتنفس
رقيه
انا داخله انام بقي ماما كلمي الاستاذ ماجد وخليه يمشي
ماجد لف ووشه اتبدل في ثانية وشه بقى باهت وعيونه كلها سواد ولما رمشت رجع طبيعي
الام
ايه يا بت شكلك اتخضيتي ولا ايه دا راجل طيب اهو
دخلت الاوضة وانا جسمي كله بيرتعش وبصيت للمرايا
لقيت وش ماجد تاني بيظهر وبيقولي بصوت متقطع
جهزي نفسك الفرح بكرة
صرخت وطلعت أجري لماما لقيتها دخلت نامت بس الغريب ان نفسها تقيل جدا كأنها حد مخدرها
فضلت اهز فيها واقول
رقيه
قومي يا ماما قومي الراجل دا مش طبيعي
ما فتحتش عينيها وانا ببص عليها لقيت ايدها فيها أثر اسود زي الحرق
روحت تاني للمرايا لقيت دخان طالع منها وريحه كبريت مالية الأوضة وصوت بيقول لو ما اتجوزتنيش هتاخدي مكاني
الأوضة كلها بدأت تسخن والمروحة وقفت من غير سبب والأنوار نورت وطفت كذا مرة
طلعت أجري على المطبخ أشرب مية لقيت الحنفية بتنزل دم مش مية
فضلت أصرخ وامسح وشي وارجع لورا لحد ما خبطت في حد وافتكرت ماما
بس لما بصيت لقيته ابويا
بس ابويا مات من 3 سنين
قاللي بصوت مبحوح
خالي
انسي المرايا يا رقيه المرايا دي مش مرايا دي بوابة الجحيم
وقبل ما أمد إيدي عليه اختفى وبقيت لوحدي
رجعت الاوضة لقيت المرايا بتتفتح زي باب وخرج منها دخان أسود ويدين كتير طالعة منها
وبعدين ظهر ماجد بوشه الحقيقي وشه كله متاكل وعينيه مولعه نار
ماجد
قلتلك هتتجوزيني غصب