اتجوزت ابليس بسبب المرايا امي جوزتني ملك الجن بقلم هويدا زغلول
عنك يا رقيه
فضلت أصرخ وورايا المرايا بتنور وتطفي لحد ما لقيت نفسي فجأة في فستان أبيض وناس حواليا مش بشر
عيونهم حمره وبيضحكوا
وماما قاعده في النص بتبكي وبتقول
الام
سامحيني يا بنتي أنا اللي جبت المرايا دي
وبصيت على ايدي لقيت خاتم اسود من نار
وسمعت صوت بيقول
من النهارده انتي عروسة إبليس
ولما فوقت لقيت ماما قدامي
رقيه
هو فيه اي اللي حصل اه المرايا دي فيها مشكله
انا شوفت بابا وماجد
الام
يوووو هو انتي اي يا شيخه خلاص بقي
ارحمني مش عايزه تتجوزي بسرعه
بس احب اقولك حاجه انتي الفتره اللي فاتت
علي طول كنتي مشغوله عني
انا جالي ثقب في القلب واللي واقف
جنبي ماجد وارفض ان اقولك
رقيه
انتي بتقولي اي ازاي الكلام ده انا مش فاهمه حاجه
الام
هي دي الحقيقه وانتي مش بتفكري الا في نفسك وبس انا مواقفه علي الجواز منه لأنه اكتر
واحد هيحافظ عليكي يا بنتي انا خايفه
يحصلي حاجه وتعيشي لوحدك ارجوكي واقفي
وفي الوقت ده مسكت الإشاعات منها شوفتها
وعرفت انها حقيقه وبعدها فعلا وافقت
وماجد جه وجاب الماذون بس الغريبه أن ساعه
كتب الكتاب مكنتش شايفه حد غير ماما
ولا ماجد ولا الماذون ولا الشهود
وبعدها دخلت الاوضه ودخلت ورايا ماما
الام
يا بنتي حرام عليك هو بعد ما تكتبي الكتاب تدخلي على الاوضه على طول كده مش لازم تقعدي
رقيه
خليني اقول لك ان انا مش مرتاحه للجوازه دي خالص وحاسه انها هتحصل مصيبه فيها
الام
من النهارده ما فيش مصايب يا رقيه من النهارده كل حاجه حلوه هتحصل بس انا كنت عايزه اقول لك على حاجه هو مصصم انك تروحي الفيلا معاه انهارده
رقيه
معقول بسرعه كده ماشي يا ماما لمي هدومك
وانا جايه وراكي
الام
اكيد مش هينفع الكلام اللي بتقولي عليه ده
عروسه وعريس عايزني اروح معاهم ازاي
يومين كده وهجيلك
وبعدها خرجت وانا كنت مرعوبه
ومش عارفه ليه قلبي كان مقبوض
وبعدها ماجد قالي
ماجد
يلا بينا يا عروسه وبعدها مشي قدامي وانا بصيت لماما وقولت ليها
رقيه
شوفتي قليل الذوق مش المفروض يكون واخدني معاه
الام
بلاش تكبري الحوار اوي كده يا رقيه يلا يا حبيبتي
خدي بالك من نفسك
وبعدها نزلت وروحت الفيلا معاه
أول ما دخلت حسيت ان في برد مش طبيعي برد جاي من تحت الارض
الارضيات كلها رخام بس متكسر وشكله قديم الحيطان كلها عليها صور كبيره بس الملامح مش واضحه كل وش متاكل نصه
الاضاءه خافته كأنها هتنطفي في أي لحظه
ماجد قال بصوت هادي
ماجد
دي فيلتنا يا رقيه من النهارده بيتك اتمني انها
تكون عجبتك
بصيت حوالي ومشيت بشويش
كان في خدامين واقفين على الجنب لابسين لبس اسود من فوق لتحت وشهم متغطي وماحدش فيهم بيتكلم ولا حتى بيتنفس
رقيه
مساء
ولا حتى بصلي كأنهم تماثيل
ماجد قال
ماجد
دول الخدامين بتوعي متخافيش منهم هما مش بيكلموا حد
رقيه
انا محتاجه اغير هدومي لو سمحت فين الاوضه
ماجد
اطلعي فوق اول اوضه علي الشمال
طلعت السلم والاضاءه كل لما أخطي تنور وتنطفي ورايالحد ما وصلت اوضه كبيره الباب بتاعها كان غريب شكله منحوت عليه رموز مش فاهمها
فتح الباب ودخلت
الاوضه كانت كلها لونها احمر ستاير حمرا وسرير ضخم بس لما قربت منه وشويه ولقيت
ماجد طلع واقعد جنبي علي السرير وانا قولت ليه
رقيه
انا عايزه انام يا ماجد انا تعبانه ومعلش عايزه اطلب
منك طلب جوازنا جه بسرعه انا محتاجه
افهمك اكتر يعني ياريت
ماجد
فهمت فهمت ماشي مافيش مشكله وبعدها
ضحك ضحكه شكلها مخيف وقال
نامي يا عروسه بكرة يوم جديد
قفل الباب وخرج
انا نمت بالعافيه بس جسمي كان بيترعش
وف نص الليل صحيت علي صوت همس
حد بيقول
اهربي يا رقيه اهربي قبل ما يصحى
قمت مفزوعه لقيت المرايه اللي قدامي بتنور لوحدها
وشي كان باين فيها بس مش اناوشي كان باصصلي بيبتسم
فضلت أبص مرعوبه ولقيت ورايا في المرايه حد واقف
لفيت ما لقيتش حد
رجعت أبص تاني لقيت الوش بيقرب مني قومت مفزوعه ولما حطيت ايدي علي المرايه لقيتها سخنه نار
صرخت
وفجأه النور قطع
والاوضه كلها بقت ظلمه وسمعت أصوات
صحيت الصبح علي صوت عصافير
بس لما فتحت عيني مافيش حد مافيش خدامين
ماجد مش موجود وكل حاجه مغطيه تراب
الستاير مقطعه
والصور اللي كانت في الصاله كلها وقعت
والفيله كلها ريحتها موته
نزلت أجري برا
لقيت الباب مقفول من بره
فضلت أخبط وأصرخ
مافيش حد
بصيت من الشباك
لقيت الجنينه كلها ناشفه مافيهاش شجر ولا ورد
كله رماد
طلعت أجري تاني وفتحت باب أوضه تانيه
لقيت نفس الخدامين اللي شفتهم امبارح
واقفين بنفس الوضع بس المره دي وشهم باين
وشهم كان فاضي مافيهوش عيون ولا بق
مجرد جلد مفرود
فضلت أرجع لورا وأنا بعيط
لحد ما سمعت صوت ماجد ورايا بيقول
ماجد
صباح الجنه يا عروسه مالك فيه اي
وبعدها اغم عليها من كتر التعب وصحيت بليل
رقيه
اي ده هو في ايه اللي حصل اه صحيح الفيلا دي كان شكلها غريب قوي انت مين وعايز مني ايه
ماجد
اهدي بس يا رقيه الدكتور لسه ماشي وقال ان انت حالتك النفسيه تعبانه جدا وكتب لك على علاج لازم تمشي عليه
رقيه قام
ت. وقفت وقالت
رقيه
عني مش عايزاك تلمسني خالص الفيلا دي فيها حاجه غلط وانت كمان فيك حاجه غلط انا مش مرتاحه لك
ماجد
ايه كلامك الغريب ده يا رقيه هو انا كنت عملت ايه يعني علشان خاطر تقولي كده اهدي بس علشان
خاطر مامتك اتصلت وقالت انها جايه
قومي
وبعدها فعلا قومت والفيلا في الوقت ده كان شكلها هادي اوي
وكان اللي كنت فيه كابوس مش حقيقي
