حماتي بتعمل اعمال لجوزي لحد ما مات بقلم هويدا زغلول
المحتويات
لو ياما لما كنتي رايحة عنده في مره سمعتي حماته بتقول ايه لمراتة عرفيه اوعي تخبي عنه حاجة
سنية
هااا اااا ااه ااه هو باين قولت لك يا هشام يومها فكرني كده يا حبيبي وعرفه انت
هشام
ايوه ما انتي يومها جيتي قولت لي انك سمعتي حماته وهي بتقول لمراتة انا عايزاكي تشطبي عليه اول بأول واوعي الوليه امه دي تاخد حاجة ده مالك ومال عيال اللي جايين في الطريق هو مش ده الكلام اللي حماته قالته
وبيغمزها عشان تقول
سنية
ااه ااه حصل ورحمة ابوك حصل ده انا حتى يومها جيت على هشام وقولت له علطول لا لا البنت دي مش من توبك يا حبيبي طلقها يا حازم يابني
هشام
ايوه طلقها يا حازم دي متنفعكش
كل ده وحازم بيسمع لكلامهم وهو حاسس ان الدنيا بتلف بيه ومش عارف يعمل ايه وهشام قاله
هشام.
انت مالك كده ياخويا سرحان في ايه بقولك ايه يا حازم ماتشوف لي كده قرشين معاك اصل انا عايز اروح اجيب شوية حاجات لأمك معندهاش حاجة في البيت
حازم
طبعا يا هشام خود الفلوس اهيه وهات لأمك كل اللي هي عايزاه واوعي تخلي امي محتاجة حاجة
سنية
الهي ياخد عدوينك يا ضنايا يارب والنبي ده مفيش في طيبة قلبك يا حازم
حازم
تسلمي يا امي انا همشي بقا لاني عندي شغل
ونزل مشي وانا بعت له رساله وقولت
رقيه
انت فين يا حازم انا ولدت وموجوده في المستشفى انا وماما ومش معانا حد خالص لو سمحت تعالي
بعدها جه حازم وقال ببرود
حازم
حمد الله على السلامة انتي عامله ايه
رقيه
انا كويسة يا حازم بقا كده اهون عليك اني ارن كل ده وانت متردش ليه ده كله هو اللي انا عملته عشان تعمل كده
حارم
والله انا حر يا رقيه وبعدين اعملي حسابك لما تخرجي من هنا هيبقا لينا كلام تاني مع بعض
رقيه
كلام ايه هو
الام
صلى على النبي يا حازم يابني واستهدى بالله انت كده ومتخليش الشيطان يلعب في دماغك من ناحية مراتك
حازم
وهو الشيطان يلعب ليه وبعدين ده على اساس انكم انتو اللي مش شياطين وعايزين تنهبوني وتاخدو كل فلوسي
الام
مين يابني اللي عايز ياخد فلوسك ليه هو احنا ناقصين فلوس يعني محتاجين لا لا يا حازم ملكش حق تقول كده
رقيه
انا نفسي اعرف انت بتجيب الكلام ده منين هااا قولي كده بتجيبة منين
حازم
من مطرح ما بجيبه يا هانم المهم بس ابقي اعملي حسابك اننا لما تخرجي من هنا كل واحد فينا هايروح لحاله وكده خلصت خلاص
وبعدها مشي وانا رجعت البيت انا وامي وعند حماتي هشام قال
هشام
على الله بقا التسخين اللي احنا سخناه ليه ده يجي بفايدة
سنية
الا بفايدة طب ده زمانه دلوقتي طلقها وقالها على بيت امك ومترجعيش هنا تاني يخربيت أفكارك يا هشام والنبي ياواد ده انت دماغك دي سم
هشام.
وهو انا يعني جايبه منين ياما مس منك انتي يا ست الحبايب بس بقولك ايه ياما انا نفسي نغير البيت ده وعندي فكرة كده مش عارف توافقي عليها ولا لا
سنية
خير يا ضنايا قول عايز ايه
هشام
انا بفكر انك تتفقي مع عمي كده اننا نمضي على تنازل عن البيت ده كده كده يعني ونقول لحازم ان ابويا كان بايع لعمي واحنا منعرفش حاجة قوم ايه بقا عمي جه وخده يقوم هو بقا ساعتها يعملنا بيت جديد
سنية
طيب وبيتنا ده هنعمل فيه ايه يا هشام وهنروح فين بس يابني
هشام
نقعد في ايجار مؤقت بس قولتي ايه
وعندي في البيت حازم جه وقالي
حازم
اظن انتي دلوقتي قاعده في البيت اهو بعيالك التؤام انا بقا مش هينفع اكمل معاكي يا رقيه روحي وانتي طالق
وقالها ومشي علطول وانا من
الام
لا حول ولا قوة الا بالله طيب ليه كده هو عمل كده ليه ليه كده بس يا حازم يابني رقيه يا بنتي انتي كويسة يا قلب امك
في اللحظه انا انهارت وقولت
رقيه بتعيط
ليه يا ماما ليه هو انا عملت ايه في ده كله عملت ايه بس جد يفهمني
الام
معلش يابنتي معلش الله يعينك على اللي انتي فيه يا حبيبتي متقلقيش ربك مش هيسيبك انتي وعيالك بلاش تعملي في نفسك كده انتي لسه والده
وراح حازم لامه اللي فضلت تزرغط لما عرفت وقالت
سنية
ايوه كده يا ضنايا ريحت قلب امك هي مكانتش تستاهل واحد في طيبتك لا دي كانت عايزة واحد يديها على دماغها الطماعه هي وامها انت متزعلش نفسك
هشام
بقولك ايه يا حازم في موضوع كده كنت عايز اقولك عليه عشان انا وامك هنروح نقعد في شقة ايجار
حازم
طيب وليه يا هشام والبيت ده ماله يعني
سنية
منه لله عمك اصل ابوك كان عمله تنازل عن البيت الله يرحمة بقا ظلمنا وظلم نفسة
حارم
يعني انتو هتسيبو البيت لعمي وانتو هتروحو فين
سنية
ماهو البركة فيك بقا يا حبيبي تجيب لنا شقة ايجار ليا انا واخوك لحد لما ايه تعملي بيت بدورين اتنين ماشي يا حازم
حازم.
حاضر يا أمي أنا هعملك كل اللي انتي عايزاه واي فلوس تحت رجلك يا حبيبتي طبعا اومال ايه
وبعدها خبر الطلاق انتشر على الفيس بما ان جوزى مشهور وهشام قاله
هشام
انت بقيت تريند يا حازم انا مش فاهم هي الناس فاضية كده للدرجة دي عشان ينزلوا اخبار الناس
حازم
هو الفيس كده مفيش حاجة بتستخبي فيه يا هشام طيب انا همشي بقا لحسن انا حاسس اني مصدع شوية
سنية
بالسلامة يا ضنايا
ومشي حارم ولما وصل الشغل داخ ووقع في الأرض وكان معاه صاحبة احمد وقال للدكتور
احمد
خير
الدكتور
يؤسفني اني اقولك ان هو عنده سرطان وفي مرحلة اخيرة كمان يعني ايامة معدودة في الدنيا
احمد بصدمة
انت بتقول ايه يا دكتور ازاى الكلام ده انا عمري ماعرفت انه تعبان
الدكتور
هو مكانش عايز يعرف حد بمرضة وكان مخبي حتى عن مراتة وامه واخوك ومكنش بياخد علاج
احمد
يا خبر ابيض طيب وليه يعمل كده بس طيب يا دكتور انا متشكر جدا
ودخله الاوضة وقاله
انت عملت ليه كده في نفسك يا حازم ليه بس كده
حازم
عشان مشيلش حد همي يا احمد كنت عايز اروح في هدؤ بس الظاهر ان السر اللي خبيته خلاص انكشف
احمد
امممم اكيد الماس كلها هتعرف دلوقتي انك انت تعبان انت عارف الفيس اللي مش بيسكت ده يا عم طيب ومراتك لازم تعرف
حارم
رقيه بقت طلقيتي يا احمد ومعتقدش امها توافق تيجي لي انا عارف انها مصدقت دي قليلة الأصل اتصل ياخويا وامي
وفعلا احمد اتصل بيهم وأخوه قاله
هشام
بقولك ايه يا حضرت انت انا مش فاضي له عشان اجي وامه مش قادرة تروح مستشفيات ولا حمل بهدله يلا سلام
وقفل في وش احمد اللي انصدم وقال
احمد
ياخبر اسود معقوله في كده ده ايه ده
حازم
ايه عملت ايه كلمت اخويا وامي
احمد
بص انا مش عايز ازعلك بجد بس ااا اصل اخوك قالي
وحكي له احمد عن اللي حصل وحازم دمع وقال
حازم
يعني اخويا وامي اتخلوا عني يعني خلاص كده مبقاش ليا حد خالص
احمد
مين قالك كده طيب دي قليلة الأصل اللي انت لسه قايل عليها كده اول لما عرفت جاية في الطريق
مستحملتش تسمع عنك حاجة وحشة
حازم
انت بتتكلم بجد يا احمد يعني رقيه هي اللي هتيجي يانهار ابيض على الدنيا الغريبة دي
ودخلت انا وفضلت اعيط اقولة
رقيه
مقولتش ليه امك تعبان ليييه يا حازم ليه يا حبيبتي
حازم
يعني برغم اللي انا عملت معاكي انتي بتعملي كده يا رقية انا مش مصدق والله يا حبيبتي ربنا يخليكي ليا يارب
متابعة القراءة
