حماتي بتعمل اعمال لجوزي لحد ما مات بقلم هويدا زغلول

وبعدها ردني لعصمتة تاني واحمد قال
احمد
ايوه كده انت وهي ملكوش الا بعض يابني ههههه
وفضلت جنب حازم في المستشفى لحد لما الفلوس خلصت وبدأت اني انا اروح اطلب من أصحابه الفنانين واحمد قالي
احمد
انا مش عارف والله ازاى الناس تقول كده
رقيه
يعني هي الناس وراها الا الكلام يا استاذ احمد خليهم يقولوا خليهم يعرفوا اني انا باخد فلوس عشان جوزي يفضل عايش وبشحت على جوزي عادي
احمد
متزعليش يا رقيه المهم اللي محزن في الموضوع ده اني كل لما اتصل باخوه وامه يقولوا انهم مش فاضين يجوا له طيب ليه كده مش عارف
رقيه
ماهو خلاص بقا حازم خلاص هيروح وهما مبقاش ليهم حاجة ياخدوها منه كانوا نازلين عليه اخدان فلوس وهو دلوقتي مبقاش حيلتة حاجة خلاص
احمد
الله يكون في عون حازم اللي نفسيتة في الأرض بسبب كده منهم لله بجد
وبعدها فضلت ايام كتيرة مع جوزي في المستشفى والعالم كله عرف اني جنبة وفي بيت حماتي قالت لابنها
سنية
ياريتني ما كنت سمعت كلامك ياواد انت يامنيل على عينك بقا تخليني اسيب البيت لعمك على اساس كده وكده يقوم هو يطمع منك لله
هشام
ياما بقا اسكتي شوية بيت ايه ده اللي انتي باصة عليه ده هو انتي مش عارفه ان مرات ابنك عماله تلم ملايين على قلبها
سنية
انت بتتكلم بجد ياواد يا هشام طيب ماتروح يا حبيبي وخليها تديك من الحب جانب ولا احنا ملناش نفس ولا ايه
هشام
يبقا لازم نمخمخ بقا هناخد منها فلوس ازاى عشان اعرف ادلع نفسي وادلعك معايا ياما برضو انتي كمان
وفضل حازم تعبان في المستشفى وانا جنبة ومكنتش بروح البيت خالص وبعدها حازم راح وحسيت اني بقيت لوحدي وقولت لماما
رقيه
خلاص يا ماما راح السن اللي كان ليا بعد ربنا يا ماما انا مش عارفه هعمل ايه من غيرة مش عارفه
الام
معلش يا بنتي ده ربما مبينساش

حد ابدا اوعي تيأسي من رحمة ربنا عشان انتي وعيالك ليكم رب اسمة الكريم اطمني ربنا معاكي يا حبيبتي
رقيه
ربنا يصبرني على فراق حازم يا ماما انا بجد مش عارفه هعيش من غيرة ازاى بس والله ما عارفه انا قلبي وجعني عشان
الام
يا بنتي متعمليش في نفسك كده استهدى بالله عشان خاطر ولادك دول اللي ملهومش غيرك في الدنيا
رقيه
انا هحاول أقف على رجلي يا ماما وربنا يصبرني
الام.
اومال امه وأخوه فين يا بنتي ده انا مشفتهومش في المستشفى خالص ولا في الدفنة
رقيه
اصلهم مكانوش فاضين يجو منهم لله انا اديت لاخوه فلس عشان يعمله عزا كبير في البلد
وفي البلد عمه قاله
العم
هو انت مش المفروض تعمل لاخوك عزا كبير يا هشام بدال الكرسين اللي انت حاططهم دول هنا
هشام
منين يا عمي اجيب منين ماهو الله يرحمة كنا بنصرف عليه وخلص الفلوس على مرضة يلا بقا الله يرحمة متجوزش عليه غير الرحمة
وبعد الناس ما مشيت هشام قال لأمه
هشام
دلوقتي بقا احنا لازم مطالب بحقنا في اخويا انتي امه وانا اخوه ولينا حق في الفلوس اللي مراتة كانت بتلمها عليه انا سمعت انها لمت ملايين يامااا
سنية
يلهوي ملايين انت بتقول ايه يا هشام انت لازم تروح لبنت الابالسة دي وتاخد منها فلوس ااه ماهي مش هتاخد ده كله لوحدها وهما جايين على حس ابني
وبعدها بشهر لقيت هشام جاي يقولي
هشام
ازيك يا مرات اخويا بقولك ايه انا جاي لك دلوقتي وعايز نتكلم دوغري عشان انا اتكل على الله علطول من غير وش ولا شوشره
رقيه.
هو ايه الكلام ده هو فيه ايه يا هشام انت عايز ايه
هشام
حقي في فلوس اخويا الملايين اللي انتي لمتيها من ورا تعبه في المستشفى اوعي تكوني فاكراني نايم على وداني لا يا حلوه انا عارف كل حاجه واطلعي بقا بالفلوس
رقيه
فلوس ايه دي اللي انت جاي تدور عليها ده بدال ما تيجي تقولي ولا اخويا محتاجين ايه وانا اجيب لهم جاي انت اللي تاخد اما انك نطع بصحيح
هشام
طيب ما تغلطيش بدال ما عرفك مقامك يا رقيه
رقيه
وريني كده هتعمل ايه وانا اخلي اللي مايشتري يتفرج عليك
هشام
كده طيب قابلي بقا على اللي هيجرا لك مني انا وامي
وسابني ومشي وتاني يوم لقيت في لقاء مع حماتي وهشام على الفيس بوك وهي بتقول
سنية
انا ابني ده مكنش فيه منه يا بنتي والله دي مراتة دي خدتة لكم و مته عمضم ده هي اللي جابت له العيا والمرض ااه هي السبب كانت بتخليه ياولدي يشتغل ليل نهار عشان يجيب لها فلوس وتروح تصرفها على امها وأهلها
المذيعة
يعني مرات الفنان حازم كانت بتعمل كده ده بيقولوا انها كانت مخلصة ليه جدا
سنية
لا محصلش دي ياحبيبتي كانت بتاخد منه الفلوس اول بأول كانت بتقصقص ريشة زي ما بيقولوا وجاي بعد ما ابني راح شوفي بقا حضرتك الطمع وصلها لحد فين بعد ابني ما راح بتقول انها مش معاها ولا مليم ولا لاقيه تأكل عياله اومال ياختي الملايين اللي كنتي بتاخدها وديتها فين كل ده راح فين
المذيعة
بس انتي متأكدة يا حجة انها لمت ملايين مش يمكن يكون فعلا مفيش حاجة من ده كله وانتو تبقوا غلطانين
سنية
انا مغلطش ابدا انا كنت بشوفها بتدخل الفلوس في الدولاب جوه واحنا قاعدين في العزا ده كان بيجيلوا فلوس بالهبل كل ده راح فين خليني ساكتة انا مش عايزة اتكلم منها لله
هشام.
لا اتكلمي. واحكي لهم عن كل حاجة قولي انها كانت بتغصي ابنك عليكي وتخليه مايدفعلكيش فلوس عشان تأخدها تديها لأهلها هي وبس
المذيعة
طي انتي عايزة ايه دلوقتي ياحجة قولي انتي عايزة ايه
سنية
انا عايزاها تعمل الوصية بتاعت ابني هو كان عايز يعمل بيت بدورين انا عايزة البيت ابو دروين اللي ابني كان هيعمله ليه انا وأخوه قاعدين في ايجار يا ابله وهي مكوشة على كل حاجة هي وامها منها لله
المذيعة
المفروض ان حازم هو قالك كده بس هو راح خلاص
سنية
راح بس كان هيعمل كده وهي خدت الفلوس كلها انا عايزة فلوس ابني خليها ترجع الملايين بتاعت ابني
هشام
بصي حضرتك احنا مش هتسكت غير لما هي ترجع كل مليم من فلوس اخويا عشان والله انا مش هسيبها
وانا شوفت كل الكلام ده وقولت
رقيه
شوفتي يا ماما بيقولوا ايه اللي منهم لله اللي كنت بتحايل عليهم عشان يجوا يشوفوه مكانوش فاضيين شوفتي
الام
لا حول ولا قوة الا بالله ده ايه اللي جرا في الدنيا ده ربنا ينتقم منهم ولا تحطي في دماغك يا بنتي ده ربنا شاهد وعالم باللي بيحصل ده
رقية
حسبي الله ونعم الوكيل طيب وليه الفضايح دي وملايين ايه اللي بيتكلموا عنها دي ده انا مش معايا حتى اكل ولادي ربنا ينتقم منهم
ولقيت جارتي جايه تخبط عليا وقالت
الجارة
ازيك يا
رقيه يا حبيبتي عامله ايه دلوقتي بصي انا جايه لك في موضوع مهم جدا بعد ما شوفت الفيديو بتاعك حماتك وسلفك هما مش دول برضو يبقو حماتك وسلفك
رقيه
للأسف هما فعلا بس خير يا ام علي في ايه وايه الموضوع اللي بخصوصهم ده
الجارة
بصي انا من فترة كده الكاميرا اللي قدام بيتي صورت الجدع اللي هو اسمة هشام اللي كان في الفيديو هو الست اللي معاه دي كان. بيرشو حاجات قدام بيتك وفضل الموضوع ده مره هو لوحده ومره كانت معاه الست دي واما كلمته قالي اياكي تنطقي بكلمة لحسن انا هخلص عليكي
رقيه بصدمة
يانهار اسود تعالي معايا على القسم نعمل بلاغ بسرعه يبقا هما اللي مرضوه منهم لله بقا دي ام دي وده اخ هي الدنيا جرا فيها ايه بس
وفعلا رحت القسم وعملت بلاغ فيهم وراحوا عشان يقبضوا عليهم هشام اعترف من اول قلم وحماتي جات لها جلطه وراحت فيها وده كان جزاء اللي بيأذي أقرب الناس ليه وانا قررت اني اعيش واربي ولادي واشتغل واصرف عليهم
وبكده تكون خلصت حكايتي