سلفتي دخلت العرسه علي طفلتي الرضيعه بقلم هويدا زغلول

حمد لله علي السلامه اي ده مالك فيه اي
سعيد
انا هوجع قلبك علي ابنك زي ما امي علي طول واجعا قلبي كده وبعدها مشي وراح عند اميره
اميره
انا مش راجعه تاني بيت امك عشان هي مش عايزاني وخلاص
سعيد
وانا مش همشي دلوقتي لازم اخد حقي
أميرة بتفرح من جواها إن جوزها مش هيسكت علي اللي حصل ده
وعند طارق وساميه
ساميه
وانت يا راجل انت عرفت منين بقا أن سلفتها ولدت امتي والكلام اللي انت جيت تقوله ده
طارق
انا هقولك أصل كنت معدي من ناحيهتم كده بشتري سجاير من كشك هناك عشان مكنتش لاقي سجاير
فلاش باك
طارق كان واقف عند سوبر ماركت اللي عند بيت سعيد عشان يشتري سجاير وكان بيقول للراجل
طارق
يلا يا عم هات لي علبه السجاير اللي قولت لك عليها خليني أمشي
الراجل
تمام يا استاذ اتفضل السجاير اهي
وطارق واقف وسمع صوت واحده عماله تصوت وكانت هدي
هدي
اه الحقوني بولد ودوني المستشفي بسرعاااااا الحقني يا احمااااد
أحمد
اهدي بس يا حبيبتي احنا خلاص رايحين اهو
الحما
ما تمسكي نفسك شويه يا بت يا هدي الناس كلها عرفت أن انت كنت حامل واحنا كنا بنقول مش هنعرف حد
هدي
انا مش قادرة يا حماتي اااه
وأحمد بيوقف تاكسي وبيركبوا عشان يروحوا المستشفي
طارق بيكلم نفسه
طارق
اه بقي كده يا ام سعيد بترمي البت عندنا عشان ماتعرفش أن مرات ابنك التاني حامل والله عال
باااك
ساميه
يا لهوي دي علي الوليه دي طلعت عقربه فعلا والله وهي يعني لو كانت عرفت البت كانت هتعمل ايه ولا ايه اللي كان جرا ده كل حاجه بايد ربنا
طارق
ما انت بقي عارفه شغل الحموات ده بقولك ايه انا نازل وراجع بليل وزي ما قولت لك حاولي بقي تشوفي صرفه مع بنتك وجيبي لنا منها فلوس هي اكيد مش هتتاخر عنك يعني
وطارق بينزل و بيروح بيت وبيخبط علي الباب
وبتطلع واحده ست بتفتح الباب
سماح
يا اهلا بقي كده يا راجل تتأخر عليا كل ده ولا تسال عليا حتي ده انا زعلانه منك يا طارق
طارق
اعمل ايه بس مش علي ما عرفت اخلص من البومه اللي هناك المهم انتي وحشتيني اوي يا بت يا موحه
سماح
لا ماهو واضح داخل عليا بايدك فاضيه طب وعملت لنا ايه بقا في موضوع الفلوس اللي انت قولت لي عليها عرفت تطول حاجه من البت بنت مراتك دى
طارق
لا لسه اصل البت مكوشه علي كل حاجه وأمها خايفه لتطردنا انا كنت خلاص بكلم حد عشان يشتري البيت لاقيتها جات لنا وقعدت معانا الشهور اللي فاتت وطبعا وقفت الموضوع بسببها سيبيها بس وهي كام يوم وناخد اللي احنا عايزينه
سماح
لما اشوف وبعدين كمان انا زهقت من الجوازه اللي في السر دي يا طارق انت لازم تشوف صرفه
طارق
حاضر يا حبيبتي تعالي بس دلوقتي ندخل جوه اصلك انتي وحشاني أوي
وكان أحمد وأمه عاملين سبوع عشان المولوده الجديده
وكانت اميرة وسعيد في بيتهم وسمعين الاغاني ومانزلوش تحت خالص وكانت أميرة قاعده عماله تعيط
سعيد
ما خلاص يا حبيبتي اهدي شويه انت عماله تعيطي من الصبح كفايه كده
أميرة وهي عماله بتعيط
أميرة
انا مش عارفه يا سعيد انا عملت لهم ايه عشان يعملوا معايا كده انا والله هدي دي كنت بعاملها زي اختي بالظبط وامك انا عمري ما رفضت لها طلب وفي الأخر بيخبوا عليا حاجه زي كده هو انا لو كنت عرفت كنت هاكلها يعني
سعيد
اهدي يا حبيبتي زي ما قولت لك احنا هنشوف شقه بره ونعيش فيها بعيد عن هنا بس اخد حقي بس منهم الاول
سعيد وهو بيحاول يمسك نفسه
سعيد
أنا طول عمري بحاول أراضيها وكنت فاكر إنها بتحبني زي ما بتحبه بس واضح إن الدم عندها درجات
أميرة
طب وإحنا هنعمل إيه دلوقتي يا سعيد انا الصراحه مش طايقه اعيش هنا بعد اللي حصل ده
سعيد
أنا مش هسيب حقي البيت اللي فوق ده ليا فيه نصيب وأنا هاخده بالقانون انا الحق نصيبي قبل ما ياكلوه كمان
أميرة بقلق
بس بلاش مشاكل يا سعيد أنا خايفه الموضوع يكبر وتخسر أمك خالص يا حبيبي
سعيد
هي اللي خسرتني من زمان يا أميرة من أول يوم شافتني راجل مش ماشي على هواها ومش بسمع كلامها زي احمد اخويا ده
وكانت خالت احمد وسعيد قاعده مع اختها
فتحيه
ايه ياختي اللي انت عملتيه ده ليه كده بتشيلي النفوس من بعضها كده ليه هو كان هيحصل ايه يعني لو كنتي عرفتي مرات سعيد ان هدي حامل ده انتي حتي مقولتليش انا كمان
الحما
بقولك ايه بس يا اختي انت ماتعرفيش حاجه ومحدش يعرف أميرة دي اكتر مني والله عشان كده خبيت علي الكل
فتحيه
بس بردو مكانش ينفع ده حتي اميرة وهدي علاقتهم حلوة ببعض ده الواحد بيتمني أن السلايف يبقوا حبايب ومفيش في الزمن اللي احنا عايشين فيه ده الكلام ده خالص
الحما
بس يا فتحيه اسكتي انا عارفه كويس اوي انا بعمل ايه
فتحيه
طيب يا عفاف انتي حرة ياختي اهم ولادك برضو وانتي حره فيهم
في اليوم التاني بعد السبوع الدنيا كانت هادية في بيت الحما لكن جواها كان في بركان
الحما قاعدة في الصالة وأحمد بيلعب مع بنت اللي لسه مولودة وهدي بتكلم حماتها وقالت
هدي
ماما أنا حاسه إن البيت كله قلب عليا حتي أميرة مش بتكلمني انا هعمل ايه بقا بعد اللي حصل ده وانا اصلا مليش ذنب فيه
الحما
وانتي مالك ياختي عايزاها تكلمك ليه ما هو اللي حصل حصل خلاص خليك في بنتك وربنا يهدي النفوس أن شاء الله
هدي
بس أنا ضميري واجعني حرام اللي عملناه فيها ده ربنا هو اللي بيرزق ودي حاجه مش بايديها ولا هي عشان مش بتحلف نقوم نعمل فيها كده
الحما
ضمير إيه اللي وجعك يا بت خلي ضميرك ده ينفعك لما الدنيا تولع دي لو كانت مكانك كانت هتقطعك حتت
هدي بهدوء
هدي
يمكن بس أنا مش زيها يا حماتي أنا قلبي مش اسود كده
أحمد
ماما خلاص بقي كفاية كلام في الموضوع ده أنا مش عايز مشاكل سعيد أصلا من ساعة ما جه من السفر وهو مش طايق حد في البيت بسبب الموضوع ده
الحما
ماله يعني هو فاكر نفسه مين! أنا اللي عملت كل حاجه في حياتي علشانه وهو جاي دلوقتي بيكلمني كده انا مش مسمحاه طول عمري
هدي
هو زعلان يا حماتي عادي يمكن لما الدنيا تهدى تاني كل حاجه ترجع زي الأول ربنا يهديه هو ومراته
احمد
بس ده كان شايط علي الاخر لدرجة انه كان بيهددني ان هيحرق قلبي علي بنتي هو قال كده
هدي
كان مكانش يقصد يا أحمد انت لازم تصالحه انتو ملكوش غير بعض ويارب يهدي الحال بينكم يارب
الحما
يارب يا اختي يهدي الحال وهو فيه حد بيحب الغم ولا بيحب الوش
وعند أميرة في البيت سعيد قاعد ساكت بيفكر وأميرة بتراقبه من بعيد
أميرة
هتفضل ساكت كده كتير أنا مش عارفه انت بتفكر في إيه بالظبط
سعيد
بفكر إزاي أرجع حقي حقي اللي أمي ضيعته علشان خاطر أخويا ده
أميرة
وانا معاك يا سعيد والله ما هسيبهم إلا لما يدوقوا اللي دوقته انسي إنهم يتهنوا بحاجة وهم راموني كده
سعيد بصوت حاد
سعيد
بس خلي بالك يا أميرة أنا مش عايز مشاكل